എസ്.ഐ.എച്ച്.എസ്സ്. എസ്സ്. ഉമ്മത്തൂർ/നാഷണൽ സർവ്വീസ് സ്കീം/2024-25

NSS സമൃദ്ധി 2024 നാദാപുരം ക്ലസ്റ്റർ തല ഉദ്ഘാടനം

സമൃദ്ധി 2024

പരിസ്ഥിതി സംരക്ഷണം സുസ്ഥിരമായ ഭക്ഷ്യ വ്യവസ്ഥ' എന്ന സന്ദേശവുമായി നാഷണൽ സർവീസ് സ്കീം നടപ്പിലാക്കുന്ന സമൃദ്ധി 2024 പരിപാടിയുടെ നാദാപുരം ക്ലസ്റ്റർ തല ഉദ്ഘാടനം ഉമ്മത്തൂർ എസ് ഐ ഹയർസെക്കൻഡറി സ്കൂളിൽ ചെക്യാട് ഗ്രാമപഞ്ചായത്ത് പ്രസിഡണ്ട് നസീമ കൊട്ടാരം നിർവഹിച്ചു.

      പരിസ്ഥിതി സംരക്ഷണം, ഊർജ്ജ സംരക്ഷണം , ജലസംരക്ഷണം ആരോഗ്യകരമായ ജീവിതശൈലി തുടങ്ങിയവ പ്രോത്സാഹിപ്പിക്കുന്ന തരത്തിൽ അവബോധ ക്ലാസുകളും സെമിനാറുകളും റാലികളും സമൃദ്ധിയുടെ ഭാഗമായി എൻ എസ് എസ് സംഘടിപ്പിച്ചു.. 

ഉദ്ഘാടനത്തിന് ഭാഗമായി ചെക്യാട് കൃഷി ഓഫീസർ ടി.എസ്. ഭാഗ്യലക്ഷ്മി പരിസ്ഥിതി ദിന സന്ദേശം നൽകി. കെ കുഞ്ഞബ്ദുള്ള അധ്യക്ഷനായിരുന്നു. ബിജീഷ് കെ കെ, അബൂബക്കർ സിദ്ദീഖ്, എൻഎസ്എസ് പ്രോഗ്രാം ഓഫീസർ ഇ അബ്ദുറസാഖ് , ശ്രീഭാഗ്യ എന്നിവർ പ്രസംഗിച്ചു. പ്രിൻസിപ്പൽ പി ടി അബ്ദുറഹ്മാൻ സ്വാഗതവും പി നിഹാൽ ഷാൻ നന്ദിയും പറഞ്ഞു.

ലഹരി വിരുദ്ധദിനം 2024

ലഹരി വിരുദ്ധ മതിൽ

എൻ എസ് എസ് നേതൃത്വത്തിൽ ലഹരിക്കെതിരെ വിദ്യാർത്ഥികൾ വലയം തീർത്ത് സ്‍കൂൾ ഗ്രൗണ്ടിൽ സൗഹൃദ മതിൽ സൃഷ്‍ടിച്ചു.

ജൈവ പച്ചക്കറിക്കൃഷി

ഉമ്മത്തൂർ എസ് ഐ ഹയർസെക്കൻഡറി സ്കൂൾ നാഷണൽ സർവ്വീസ് സ്കീമിന്റെ ജൈവപച്ചക്കറികൃഷിക്ക് തുടക്കമായി. കർഷകദിനത്തിൽ നടന്ന ചടങ്ങിൽ പച്ചക്കറിത്തൈകൾ എൻഎസ്എസ് വളണ്ടിയർമാർക്ക് നൽകി ചെക്യാട് ഗ്രാമപഞ്ചായത്ത് പ്രസിഡണ്ട് നസീമ കൊട്ടാരം ഉദ്ഘാടനം ചെയ്തു. ചെക്യാട് കൃഷി ഓഫീസർ ടി.എസ്. ഭാഗ്യലക്ഷ്മി, എൻഎസ്എസ് പ്രോഗ്രാം ഓഫീസർ ഇ അബ്ദുറസാഖ്, എൻഎസ്എസ് വളണ്ടിയർമാരായ റഫ തമന്ന, സാബ്, ഫാത്തിമ റിദ, അമാൻ എന്നിവർ പ്രസംഗിച്ചു.