പുല്ലൂക്കര നോർത്ത് എൽ പി എസ്/അക്ഷരവൃക്ഷം/എന്റെ കൊച്ചു സന്തോഷങ്ങൾ

എന്റെ കൊച്ചു സന്തോഷങ്ങൾ സന്തോഷത്തോടെ പഠിച്ചും കൂട്ടുകാരുമൊത്ത് കളിച്ചും നടക്കുമ്പോഴാണ് പെട്ടെ ന്നൊരു ദിവസം സ്കൂൾ അടച്ചത് കൂട്ടുകാരെ കാണാനും കളിക്കാനും ഇനി കഴിയില്ലല്ലോ എന്നോർത്ത് എനിക്ക് ഒത്തിരി സങ്കടമായി ഒരു വലിയ ദുരന്തം നമ്മുടെ നാട്ടിൽ എത്തിയിട്ടുണ്ട് എന്നും അതിനെ അതിജീവിക്കാൻ വേണ്ടിയാണ് സ്കൂളും കടകളും എല്ലാം അടച്ച് നമ്മൾ വീട്ടിൽ ഇരിക്കുന്നത് എന്നും ഉമ്മ പറഞ്ഞു. കൈകൾ ഇടയ്ക്കിടെ സോപ്പിട്ട് കഴുകാനും നമ്മുടെ ശരീരവും വീടും വൃത്തിയായി സൂക്ഷിക്കാനും ഉപദേശിച്ചു എന്നാൽ അയൽ വീട്ടിലെ കൂട്ടുകാരനെപ്പോലും ഒന്ന് കാണാൻ കഴിയില്ലല്ലോ എന്നോർത്തപ്പോൾ എനിക്ക് ശരിക്കും കരച്ചിൽ വന്നു. കളിപ്പാട്ടം കൊണ്ട് കളിച്ചിട്ടൊക്കെ എനിക്ക് മടുത്തിരുന്നു .ഉമ്മ പറമ്പിൽ ഒരു ചെടി നടുന്നുണ്ടായിരുന്നു ചോദിച്ചപ്പോൾ വെണ്ടയ്ക്ക ആണെന്ന് പറഞ്ഞു .എനിക്ക് ആവേശമായി ഞാനും ഒരു ചെറിയ തൂമ്പ എടുത്തു മെല്ലെ മണ്ണിളക്കി .എൻറെ കുഞ്ഞുകൈകളിൽ കുറച്ച് പയർ വിത്തുകൾ എടുത്ത് ഉമ്മ ഉണ്ടാക്കിയ ചെറിയ കുഴികളിൽ ഞാൻ നട്ടു വെള്ളവും നനച്ചു. രണ്ട് ദിവസം കൊണ്ട് വിത്തിൽ ചെറിയ മുളവന്നു . എനിക്ക് അത്ഭുതമായി ഒപ്പം ആവേശവും ദിവസവും ഞാൻ വെള്ളം നനയ്ക്കുമായിരുന്നു എന്റെ പ്രിയപ്പെട്ട പയറുചെടി പെട്ടെന്ന് വളർന്നു നിറയെ ഇലകളും ശാഖകളും വയലറ്റു നിറത്തിലുള്ള കുഞ്ഞ് പൂക്കളും വന്നു പൂക്കളിൽ നിന്ന് ധാരാളം പയറുകളും ഇപ്പോൾ കൂടുതൽ സമയവും ഞാനെന്റെ ചെടിയുടെ അടുത്താണ്, ഞാൻ നട്ടുവളർത്തിയതാ എന്ന ചെറിയ അഹങ്കാരവുമുണ്ട് ട്ടോ.... മുഹമ്മദ് സിയാൻ 2 A പുല്ലൂക്കര നോർത്ത് എൽ.പി സ്കൂൾ, ചൊക്ലി ഉപജില്ല കണ്ണൂർ അക്ഷരവൃക്ഷം പദ്ധതി, 2020 ലേഖനം