ഗവൺമെൻറ്, മോഡൽ എച്ച്.എസ്.എസ് വെങ്ങാനൂർ/മറ്റ്ക്ലബ്ബുകൾ/ഇംഗ്ലീഷ് ക്ലബ്ബ്/2023-24

2022-23 വരെ

2023-24

2024-25

GOTEC

തിരുവനന്തപുരം ജില്ലാ പഞ്ചായത്ത് ഡിസ്ട്രിക്ട് സെന്റർ ഫോർ ഇംഗ്ലീഷുമായി ചേർന്ന് നടപ്പിലാക്കുന്ന പദ്ധതി

ഗവ. മോഡൽ എച്ച് എസ് എസ് വെങ്ങാനൂർ - GOTEC ഉദ്ഘാടനം

തിരുവനന്തപുരം ജില്ലാ പഞ്ചായത്ത് ഡിസ്ട്രിക്ട് സെന്റർ ഫോർ ഇംഗ്ലീഷുമായി ചേർന്ന് നടപ്പിലാക്കുന്ന പദ്ധതിയായ GOTEC (Global Opportunities through English Communication) ഗവ.മോഡൽ എച്ച് എസ് എസ് വെങ്ങാനൂരിൽ തുടക്കം കുറിച്ചു. 2023 ജൂലൈ 24 തിങ്കളാഴ്ച 2.30 ന് ബഹു. പിടി എ പ്രസിഡന്റ് ശ്രീ. പ്രവീൺ പി അധ്യക്ഷത വഹിച്ച ചടങ്ങിൽ ബഹു ജില്ലാ പഞ്ചായത്ത് മെമ്പർ ശ്രീ. ഭഗത് റൂഫസ് സ്കൂൾ തല GOTEC പദ്ധതി ഉദ്ഘാടനം ചെയ്തു.
വർഷങ്ങളായി ഭാഷ പഠിച്ചിട്ടും ഇംഗ്ലീഷ് ആശയവിനിമയ വൈദഗ്ധ്യം കുറവായതിനാൽ വിദ്യാർത്ഥികളുടെ ഇംഗ്ലീഷ് ഭാഷാ പ്രാവീണ്യം മെച്ചപ്പെടുത്തുന്നതിനും അവർക്ക് നിഷേധിക്കപ്പെടുന്ന അവസരങ്ങളിലേക്കുള്ള വാതിലുകൾ തുറക്കുന്നതിനുമായി ഈ അധ്യയന വർഷം ജില്ലാ പഞ്ചായത്തിന്റെ കീഴിലുള്ള 78 സ്കൂളുകളിൽ പദ്ധതിക്ക് തുടക്കമിട്ടു.

• 

  ബഹു ജില്ലാ പഞ്ചായത്ത് മെമ്പർ ശ്രീ. ഭഗത് റൂഫസ് ഉദ്ഘാടനം നിർവഹിക്കുന്നു.

• 

  ബഹു. പിടിഎ പ്രസിഡന്റ് ശ്രീ. പ്രവീൺ പി സംസാരിക്കുന്നു.

പരിശീലനം

വിദ്യാഭ്യാസ ഉപഡയറക്ടർമാർ നിയോഗിച്ച റിസോഴ്‌സ് അധ്യാപകർ തയ്യാറാക്കിയ മൊഡ്യൂളുകൾ പ്രകാരമാണ് 78 സ്‌കൂളുകളിൽ നിന്നും രണ്ട് അധ്യാപകരെ ആദ്യം പരിശീലിപ്പിച്ചത്. പരിശീലനം ലഭിച്ച അധ്യാപകർ ഇംഗ്ലീഷ് ക്ലബ്ബുകളിൽ നിന്നും തിരഞ്ഞെടുക്കപ്പെട്ട ഏഴാം ക്ലാസിലെയും എട്ടാം ക്ലാസ്സിലെയും 25 കുട്ടികൾക്ക് വീതം പരിശീലനം നൽകിവരുന്നു.

റിസോഴ്‌സ് അധ്യാപകരും സ്‌കൂളുകൾ സന്ദർശിച്ച് ക്ലാസുകൾ എടുക്കുകയും വിദ്യാർത്ഥികളുടെ ഇംഗ്ലീഷ് ഭാഷാ പരിജ്ഞാനം മെച്ചപ്പെടുത്തുന്നതിന് പിന്തുണ നൽകുകയും ചെയ്യും. പരിശീലനം ലഭിച്ച വിദ്യാർത്ഥികൾക്ക് 'GOTEC Ambassador' എന്ന ബാഡ്ജുകൾ നൽകും. ഈ വിദ്യാർത്ഥികൾ ക്ലാസ് മുറികളിലും പുറത്തും ഭാഷയിൽ ആശയവിനിമയം നടത്തി ഇംഗ്ലീഷ് പ്രോത്സാഹിപ്പിക്കും, അങ്ങനെ വിദ്യാർത്ഥികളുടെ ആശയവിനിമയ കഴിവുകൾ മെച്ചപ്പെടുത്തും എന്ന കാര്യത്തിൽ തർക്കമില്ല.
പരിശീലനത്തിനുശേഷം സ്‌കൂൾതലത്തിൽ പരിശീലനം ലഭിച്ച വിദ്യാർഥികളെ ഉൾപ്പെടുത്തി ഭാഷാശേഷി അളക്കുന്നതിനുള്ള മത്സരങ്ങൾ സംഘടിപ്പിക്കും.

ഗ്രാൻ്റ് ഫിനാലേ

ഇംഗ്ലീഷ് സ്കിറ്റിൽ ഒന്നാം സ്ഥാനവുമായി വെങ്ങാനൂർഗവ. മോഡൽ എച്ച് എസ് എസ്

തിരുവനന്തപുരം ജില്ലാ പഞ്ചായത്ത് ഡിസ്ട്രിക്ട് സെന്റർ ഫോർ ഇംഗ്ലീഷുമായി ചേർന്ന് നടപ്പിലാക്കുന്ന പദ്ധതിയായ GOTEC (Global Opportunities through English Communicaton) ഗ്രാൻ്റ് ഫിനാലേ യിൽ ഇംഗ്ലീഷ് നാടക മത്സരത്തിൽ അഭിമാനത്തിളക്കവുമായി ഗവ.മോഡൽ എച്ച് എസ് എസ് വെങ്ങാനൂർ. മൂന്ന് സോണൽ വിഭാഗങ്ങളിൽ നിന്നായി 9 സ്കൂളുകൾ മത്സരിച്ച ഇംഗ്ലീഷ് നാടക മത്സരത്തിൽ ഒന്നാം സ്ഥാനം നേടിയത് പ്രശംസനീയമാണ്.