ജി യു പി എസ് തെക്കിൽ പറമ്പ/പ്രവർത്തനങ്ങൾ 2022-23

കുരുന്നുകളുടെ വർണ്ണോൽസവമായി തെക്കിൽ പറമ്പയിലെ പ്രവേശനോത്സവം(1.6.2022)

ചെമ്മനാട് ഗ്രാമ പഞ്ചായത്ത് തല പ്രവേശനോത്സവം വളരെ നല്ല രീതിയിൽ ജി യു പി എസ് തെക്കിൽ പറമ്പ സ്കൂളിൽ നടന്നു.ഉദ്ഘാടനചടങ്ങ് 10 മണിക്ക് ആരംഭിച്ചു.ചെമ്മനാട് ഗ്രാമ പഞ്ചായത്ത് പ്രസിഡന്റ് ശ്രീമതി സുഫൈജ ഉദ്‌ഘാടനം ചെയ്തു.അധ്യക്ഷ സ്ഥാനം അലങ്കരിച്ചത് പി ടി എ പ്രസിഡണ്ട് അവർകളായിരുന്നു. കുട്ടികളുടെ വിവിധ കലാപരിപാടികൾ അരങ്ങേറി .

SCHOOL ASSEMBLY

ജൂൺ 5-പരിസ്ഥിതിദിനം(5.6.2022)

പരിസ്ഥിതി ദിനവുമായി ബന്ധപെട്ടു ഇക്കോ ക്ലബ്ബി ന്റെ നേതൃത്വത്തിൽ കുട്ടികൾക്കായി വിവിധ പരിപാടികൾ സംഘടിപ്പിച്ചു .പരിസ്ഥിതി ദിനാചരണത്തിന് ഭാഗമായി ഇക്കോ ക്ലബ്ബിന്റെ നേതൃത്വത്തിൽ പപ്പായ തോട്ട നിർമാണത്തിന് തുടക്കം കുറിച്ചു.ഹരിതം സഹകരണം പദ്ധതിയുടെ ഭാഗമായി Poinachi Farmers Welfare Co. Oparative Society സ്കൂളിൽ മാവിൻതൈ നട്ടു കൊണ്ട് ഉൽഘാടനം ചെയ്തു

ജൂൺ 19 -വായനദിനം(19.6.2022)

വായനാദിനവുമായി ബന്ധപ്പെട്ട് വിദ്യാരംഗം കലാ സാഹിത്യവേദിയുടെ ആഭിമുഖ്യത്തിൽ പ്രവർത്തനങ്ങൾ നടത്തി .പുസ്തകപ്രദർശനം,സാഹിത്യ ക്വിസ്,വായനമത്സരം,കവിപരിചയം,സർഗ്ഗാത്മക രചന, എന്നീ പ്രവർത്തനങ്ങൾ നടത്തി.

ജൂലായ് 5 ബഷീർ ദിനം(5.7.2022)

മലയാള സാഹിത്യത്തിലെ സുൽത്താൻ, ബേപ്പൂർ സുൽത്താൻ എന്ന പേരിൽ അറിയപ്പെടുന്ന പ്രശസ്ത സാഹിത്യകാരൻ വൈക്കം മുഹമ്മദ് ബഷീറിന്റെ ചരമ ദിനമായ ജൂലായ് 5 ബഷീർ ദിനമായി ആചരിക്കുന്നു.ബഷീർ ദിനവുമായി ബന്ധപ്പെട്ട് കുട്ടികൾക്ക് വിവിധ പരിപാടികൾ സംഘടിപ്പിച്ചു. വൈക്കം മുഹമ്മദ് ബഷീറിനെ കുറിച്ച് അറിയുന്നതിനും അദ്ദേഹത്തിന്റെ ജീവിതാനുഭവങ്ങൾ മനസ്സിലാക്കുന്നതിനും ഏറെ സഹായകമായി

ജൂലൈ 21 ചാന്ദ്ര ദിനം(21.7.2022)

ജൂലൈ 21 ചാന്ദ്ര ദിനവുമായി ബന്ധപ്പെട്ട് എൽ .പി ,യു.പി തലത്തിൽ ചാന്ദ്രദിനപ്പതിപ്പ്, ചാന്ദ്രദിന പോസ്റ്റർ, ചിത്രരചന, സെമിനാർ , ചാന്ദ്രദിന ക്വിസ് എന്നിവ നടത്തി.

seminar

collage....poster making

സ്കൂൾ പാർലമെന്റ് തിരഞ്ഞെടുപ്പ്(5.8.2022)

ഈ വർഷത്തെ സ്കൂൾ പാർലമെന്റ് തെരെഞ്ഞെടുപ്പ് സാമൂഹ്യ ശാസ്ത്ര ക്ലബ്ബിന്റെ നേതൃത്വത്തിലാണ് നടന്നത്. യു.പി, LP എന്നീ വിഭാഗങ്ങളിലായി പ്രത്യേകം സജ്ജീകരിച്ച ബൂത്തിലാണ് തെരെഞ്ഞെടുപ്പ് നടത്തിയത്. പ്രിസൈഡിംഗ് ഓഫീസർ, പോളിംഗ് ഓഫീസർമാർ, തെരെഞ്ഞെടുപ്പ് ഏജന്റുമാർ എന്നിവരെയൊക്കെ ഏർപ്പെടുത്തിക്കൊണ്ടാണ് തെരെഞ്ഞെടുപ്പ് നടത്തിയത്. ഒന്ന് മുതൽ ഏഴ്  വരെ ക്ലാസ്സുകളിൽ സ്കൂൾ പാർലമെന്റ് തിരഞ്ഞെടുപ്പ് നടന്നു. പാർലമെന്റ് തിരഞ്ഞെടുപ്പുകളുടെ അതേ രീതിയിൽ ഇലക്ട്രോണിക് വോട്ടിംഗ് മെഷീൻ ഉപയോഗിച്ച് , വളരെ മികച്ച ആസൂത്രണത്തോടെ നടത്തി. അതോടൊപ്പം ഇതിന്റെ ഭാഗമായി സന്നദ്ധ സേവനം വിദ്യാർത്ഥികൾ നടത്തി. പാർലമെന്ററി ജനാധിപത്യത്തിന്റെ നടപടിക്രമങ്ങൾ അതിന്റെ പ്രയോഗത്തിലൂടെ അവതരിപ്പിച്ചപ്പോൾ കുട്ടികൾക്ക് ഏറെ വിജ്ഞാനപ്രദമായി. നൂറ് ക്ലാസ്സുകളേക്കാൾ ഫലവത്തായി മാറി.

ഹിരോഷിമ-നാഗസാക്കി ദിനാചരണം(10-8-2022)

ഈ വർഷത്തെ ഹിരോഷിമ നാഗസാക്കി ദിനാചരണം ഓഗസ്റ്റ് 9ന് അവധി ആയതിനാൽ തിങ്കളാഴ്ച നടത്തി . യുദ്ധഭീകരക്കെതിരായ സന്ദേശങ്ങൾ ഉയർത്തി സ്കൂളിൽ ഹിരോഷിമാ ദിനം വിവിധ പരിപാടികളോടെ ആചരിച്ചു.സ്കൂൾ അസംബ്ലിയിൽ യുദ്ധവിരുദ്ധ പ്ലക്കാർഡുകളേന്തി കുട്ടികൾ അണിനിരന്നു. ദിനാചരണത്തിന്റെ ഭാഗമായി കുട്ടികൾ നിർമ്മിക്കുന്ന  സൊഡാക്കോ കൊക്ക്  പ്രദർശനം നടത്തി.എൽ. പി. വിഭാഗം കുട്ടികൾക്ക് -യുദ്ധവിരുദ്ധ പ്രതിജ്ഞ ,യുദ്ധവിരുദ്ധ പോസ്റ്റർ തയ്യാറാക്കൽ എന്നിവയും നടത്തി .

അധ്യാപക രക്ഷാകർത്തൃ സമിതിവാർഷിക ജനറൽബോഡി യോഗം /രക്ഷാകർത്തൃ ശാക്തീകരണo--കൂട്ടായിരിക്കാം  കുട്ടിക്കും സ്കൂളിനും (11.8.2022)

ഈ വർഷത്തെ അധ്യാപക രക്ഷാകർത്തൃ സമിതിവാർഷിക ജനറൽബോഡി യോഗം 11.8.2002 ഉച്ചയ്ക്ക് 2 മണിക്ക് പി.ടി.എ പ്രസിഡണ്ട് രാഘവൻ വലിയ വീട്ടിൽ അദ്ധ്യക്ഷതയിൽ നടന്നു.പൊതു വിദ്യാലയങ്ങൾക്ക് വർത്തമാകാലത്തുള്ള പ്രസക്തി ഏറുകയാണെന്നും അതിനാൽ നമുക്കോരോരുത്തർക്കും പൊതുവിദ്യാലയങ്ങളോട് കടമയുംകടപ്പാടുമുണ്ടെന്നും അദ്ദേഹം പറഞ്ഞു.യോഗത്തിൽ ചെമ്മനാട് ഗ്രാമപ‍ഞ്ചായത്ത് വികസന കാര്യ സ്റ്റാൻഡിംഗ് കമ്മിറ്റി ചെയർപേഴ്‌സൺ ശ്രീമതി രമാദേവി എസ് . എം.സി ചെയർമാൻ ശ്രീകുഞ്ഞിരാമൻ വടക്കേകണ്ടം മദർ പി.ടി.എ പ്രസിഡണ്ട് , എസ്.ആർ.ജി കൺവീനർആശ ഷൈനി എന്നിവർ ആശംസകൾ നേർന്നു. മുൻവർഷത്തെ വരവു ചെലവു കണക്കും റിപ്പോർട്ടും സീനിയർ അസിസ്റ്റൻറ് ശ്രീമതി ജൈനമ്മ എബ്രഹാം,രാധ .ജെ.എൻ എന്നിവർ അവതരിപ്പിച്ചു.ജി.യു.പി എസ് തെക്കിൽപ്പറമ്പ രക്ഷാകർത്തൃ ശാക്തീകരണവുമായി ബന്ധപ്പെട്ട ക്ലാസ്സ് നടന്നു. ശ്രീ.രാജേഷ് കൂട്ടക്കനി ഉദ്‌ഘാടനം ചെയ്തു .പുതിയ പിടിഎ കമ്മിറ്റി നിലവിൽ വന്നു .പുതിയ പിടിഎ  പ്രസിഡണ്ടായി ശ്രീ പി സി നസീറിനെയും മദർ പി ടി എ പ്രസിഡന്റായി  ശ്രീമതി ബീന വിജയനെയും  പിടിഎ വൈസ് പ്രസിഡണ്ടായി ശ്രീ പ്രദീപിനെയും തിരഞ്ഞെടുത്തു.

സ്വാതന്ത്ര്യ  ദിനാഘോഷം 2022-23((15.8.2022)

*

സ്വാതന്ത്ര്യ  ദിനാഘോഷത്തിന്റെ  ഭാഗമായി  ചെമ്മനാട്പഞ്ചായത്ത് തല ദേശഭക്തി ഗാനമത്സരത്തിൽഒന്നാം സ്ഥാനം നേടി

ആഗസ്ത് 15 സ്വാതന്ത്ര്യദിനത്തിൽ സ്കൂളിൽ പ്രധാനാധ്യാപകൻ ശ്രീ വത്സൻ കെ ഐ ദേശീയപകാക ഉയർത്തി സ്വാതന്ത്ര്യദിനസന്ദേശം നൽകി.പി.ടി.എ, എം പി ടി എ , എസ് എം സി  ഭാരവാഹികളും സന്നിഹിതരായിരുന്നു.കുട്ടികളുടെ   വിവിധ കലാപരിപാടികൾ അരങ്ങേറി.തുടർന്ന് ദേശഭക്തിസൂചകമായ ഡിസ്പ്ല അവതരിപ്പിച്ചു.വാർഡ് മെമ്പർ,പി.ടി.എ പ്രസിഡൻറ് എന്നിവർ വിശിഷ്ടാതിഥികളായി.,ദേശഭക്തിഗാനമത്സരം,പ്രഭാഷണമത്സരം എന്നിവ നടത്തി.വർണ ശബളമായ ഘോഷയാത്ര വ്യത്യസ്തമായ അനുഭവം കുട്ടികൾക്ക് നൽകി ഒരാഴ്ച നീണ്ടുനിൽക്കുന്ന നിൽക്കുന്ന വിവിധ പരിപാടികൾ സംഘടിപ്പിച്ചു.ക്വിസ്,ഗാന്ധി സൂക്ത മത്സരം പോസ്റ്റർ,കൊളാഷ് പ്രദർശനം എന്നിവ നടത്തി.പായസ  വിതരണവുംഉണ്ടായിരുന്നു.വിവിധ പരിപാടികളിൽ പങ്കെടുത്ത് വിജയിച്ച കുട്ടികൾക്ക്  സമ്മാന ദാനവും നടത്തി .

"സത്യമേവ ജയതേ" (02/08/2022)

ഡിജിറ്റൽ മീഡിയ ആന്റ്‌ ഇൻഫർമേഷൻ ലിറ്ററസി ക്യാമ്പയിനിന്റെ ഭാഗമായി സ്കൂൾ കുട്ടികളിൽ ഡിജിറ്റൽ മീഡിയയിലും ഇൻഫർമേഷൻ ടെക്നോളജിയിലും അവബോധവും പരിശീലനവും നൽകുന്ന "സത്യമേവ ജയതേ" ക്ലാസ്സ് സ്കൂളിൽ ആരംഭിച്ചു.സാമൂഹിക മാധ്യമങ്ങൾ വഴിയുള്ള തെറ്റായ വിവരങ്ങളെക്കുറിച്ച് കുട്ടികളെ ഭഗവാൻമാരാക്കുന്നതിനും നല്ല നിർദ്ദേശങ്ങൾ നൽകുന്നതിനും ആയി കേരള ഗവൺമെന്റ് നടപ്പിലാക്കിയ 'സത്യമേവ ജയതേ' എന്ന പരിപാടി ഓഗസ്റ്റ് രണ്ടാം തീയതി സ്കൂളിൽ നടന്നു. സ്കൂൾ ഹെഡ്മാസ്റ്ററുടെ നേതൃത്വത്തിൽ സ്കൂൾ ഐടി കോഡിനേറ്റർ  സൽമാൻ ജാഷിം, ബിനി എന്നീ അധ്യാപകർ മറ്റ് അധ്യാപകർ ക്ലാസ് നൽകി. ക്ലാസ് അടിസ്ഥാനത്തിൽ എല്ലാ ക്ലാസ് അധ്യാപകരും മുഴുവൻ കുട്ടികൾക്കും ബോധവൽക്കരണ ക്ലാസ് നടത്തി

ഹരിതസേന രൂപീകരണം (17.8.2022)

സംസ്ഥാന തലത്തിൽ കർഷക ദിനമായി ആഘോഷിക്കുന്നതിന്റെ ഭാഗമായി നമ്മുടെ വിദ്യാലയത്തിലെകാർഷിക ക്ലബിന്റെയും അടുക്കള പച്ചക്കറിത്തോട്ടത്തിന്റെയും ഹരിത സേനയുടെയും പ്രവർത്തനം പിടിഎ പ്രസിഡണ്ട് ഉദ്ഘാടനം ചെയ്തു ..ഹരിതസേന പ്രധാന പ്രവർത്തനം പരിസ്ഥിതി സംരക്ഷണം, ശുചിത്വം. ആഹാരം പാഴാക്കാതിരിക്കൽ തുടങ്ങിയവിഷയങ്ങളിൽ പോസ്റ്ററുകൾ ബോർഡുകൾ സ്ഥാപിക്കുന്നു. നമ്മളുണ്ടാക്കുന്ന മാലിന്യം നമുക്ക് തന്നെ ദോഷം.അവനീക്കം ചെയ്യേണ്ടതും നമ്മുടെ കടമ.... എന്നിങ്ങനെ ബോധവത്കരണ പ്രവർത്തനങ്ങൾ. Announcement ,ലഘു വീഡിയോകൾ, വളണ്ടിയർ പ്രവർത്തനങ്ങൾ തുടങ്ങിയവയാണ് .

ഓണാഘോഷം(2.9.2022)

പിടിഎ യുടെ ആഭിമുഖ്യത്തിൽ സ്കൂളിൽ വിപുലമായ ഓണാഘോഷ പരിപാടി സംഘടിപ്പിച്ചു.ഓണാഘോഷം 02.08.2022 വെള്ളിയാഴ്ച നടത്തി .ഓണപൂക്കള മത്സരം , വാല് പറിക്കൽ (LKG), ബലൂൺ പൊട്ടിക്കൽ (UKG), മഞ്ചാടി പെറുക്കൽ (ഒന്നാംക്ലാസ്),Cap Passing(രണ്ടാം ക്ളാസ് ), Potato Race(മൂന്നാം ക്ളാസ് )വാല് പറിക്കൽ(നാലാം ക്ളാസ് ),  Lemon & Spoon (അഞ്ചാം ക്ളാസ് ),സുന്ദരിക്ക്   പൊട്ടുതൊടൽ(ആറാം ക്ളാസ് )കുപ്പിയിൽ വെള്ളം നിറയ്ക്കൽ(ഏഴാം ക്ളാസ് ),വടംവലി- ഏഴാംക്ളാസ്,കസേരകളി,ബമ്പർ നറുക്കെടുപ്പ്(അന്ന് ഹാജരായ മുഴുവൻ കുട്ടികളേയും ഉൾപ്പടുത്തി നറുക്കെടുപ്പിലൂടെ ബമ്പർ വിജയിയെ പ്രഖ്യാപിച്ച് സമ്മാനം. ),ഓണസദ്യ എന്നിവയും നടന്നു.രക്ഷിതാക്കൾക്കും കുട്ടികൾക്കുമായി തയ്യാറാക്കിയ വിപുലമായ ഓണസദ്യ പരിപാടിക്ക് ഒന്നുകൂടി ഉണർവേകി. പരിപാടിയുടെ അവസാനഘട്ടത്തിൽ നടത്തിയ വടംവലി ആവേശകരമായ മത്സരം ആയിരുന്നു.ഓണാഘോഷ പരിപാടിയിലെ  പിടിഎ പ്രതിനിധികളുടെയും സാന്നിധ്യം ഏറെ മികച്ചത് ആയിരുന്നു.

  

അധ്യാപക ദിനാഘോഷം(5.9.2022)

പിടിഎ യുടെ ആഭിമുഖ്യത്തിൽ സ്കൂളിൽ അധ്യാപക ദിനാഘോഷം സമുചിതമായി ആചരിച്ചു.. സ്കൂളിൽ നിന്നും വിരമിച്ച പൂർവ്വകാല അധ്യാപകരെ ആദരിച്ചു. ഓണാഘോഷ ത്തോടനുബന്ധിച്ചു നടത്തിയ വിവിധ പരിപാടിയിലെ   വിജയികൾക്കുള്ള സമ്മാനദാനവും നടത്തി.

ഓസോൺ ദിനാചരണം(16.9.2022)

മാതൃഭൂമി സീഡ്... ന്റെ ഭാഗമായി ഓസോൺ ദിനവുമായി ബന്ധപ്പെട്ട് കുട്ടികൾക്ക്  പോസ്റ്റർ രചന മത്സരം നടത്തി. പ്രാധാന്യം വിശദീകരിച്ചു

ഹിന്ദി ദിവസ് (14.9.2022)

ഇന്ത്യയുടെ ഔദ്യോഗിക ഭാഷയായ ഹിന്ദിയുടെ പ്രശസ്തി ആഘോഷിക്കുന്നതിനായി എല്ലാവർഷവും സെപ്റ്റംബർ 14 ഹിന്ദി ദിനമായി ആചരിക്കുന്നു. ഹിന്ദി ദിനവുമായി ബന്ധപ്പെട്ട ജിയുപിഎസ് തെക്കിൽ പറമ്പയിൽ വിവിധങ്ങളായ പരിപാടികൾ നടത്തി കുട്ടികളുടെ സജീവ പങ്കാളിത്തത്തോടെ പോസ്റ്റർ രചന ,കയ്യെഴുത്ത് തുടങ്ങിയ പരിപാടികൾ സംഘടിപ്പിച്ചു .ഹിന്ദി ദിനാചരണത്തോടനുബന്ധിച്ചു ഹിന്ദി അസംബ്ലി നടന്നു..ഹിന്ദി അധ്യാപകർ ഇതിന് നേതൃത്വം നൽകി

സർഗോത്സവം(17.9.2022)

വിദ്യാരംഗം കലാസാഹിത്യ വേദിയുടെ ആഭിമുഖ്യത്തിൽ സ്കൂൾ തല സർഗോത്സവം സംഘടിപ്പിച്ചു.കാസർഗോഡ് ഉപജില്ലാ വിദ്യാഭ്യാസ ഓഫീസർ ഉത്ഘാടനം ചെയ്തു.കഥ ,കവിത,ചിത്രരചന,നാടൻപാട്ട്,അഭിനയം,കാവ്യാലാപനം പുസ്തകാസ്വാദനം തുടങ്ങിയ മേഖലകളിലാണ് ശില്പശാല നടന്നത്.പ്രഗത്ഭരായ അധ്യാപകർ ശില്പശാല നയിച്ചു

സ്കൂൾതല ശാസ്ത്രമേള (27.9.22 )

ഈ വർഷത്തെ സ്കൂൾ തല ശാസ്ത്രമേള 27.9.22 തീയ്യതി നടന്നു.ശാസ്‌ത്ര /ഗണിതശാസ്‌ത്ര / സാമൂഹ്യശാസ്‌ത്ര / പ്രവൃത്തി പരിചയ / ഐ ടി മേളകളിലായി നിരവധി കുട്ടികൾ പങ്കെടുത്തു.രണ്ടു വർഷമായി നടത്താൻ സാധിക്കാതിരുന്ന ഈ മേളകൾ വൈവിധ്യ് മായ പ്രവർത്തങ്ങൾ കൊണ്ട് ശ്രദ്ധയാകര്ഷിച്ചു.കൂടുതൽ വായിക്കുക.ശാസ്ത്രമേളയിൽ പിടിഎയുടെ മുഴുവൻ സമയ പങ്കാളിത്തം വിലമതിക്കാനാകാത്തത് ആയിരുന്നു..

സ്കൂൾകലോത്സവം(29.9.22 TO 30.9.22)

ഈ വർഷത്തെ സ്കൂൾ തല കലോത്സവം സെപ്റ്റംബർ 29,30 തീയതികളിൽ ആയി നടന്നു ജെ സി ഡാനിയൽ അവാർഡ് ജേതാവ്  കലാദേവി ഹരിദാസ് ഉദ്ഘാടനം ചെയ്തു പിടിഎ പ്രസിഡണ്ട് ശ്രീ നസീർ അധ്യക്ഷത വഹിച്ചു ശ്രീമതി വിജിമോൾ സ്വാഗതം പറഞ്ഞു PTA,MPTA, SMC പ്രതിനിധികൾ സന്നിഹിതരായിരുന്നു വിവിധ വേദികളിലായി കുട്ടികളുടെ കലാപരിപാടികൾ അരങ്ങേറി ഇതോടൊപ്പം അറബി കലോത്സവവും നടന്നു.രണ്ടുദിവസമായി നടന്ന സ്കൂൾ കലോത്സവം വിജയമാക്കുന്നതിൽ സ്കൂൾ പിടിഎ നിർണായക പങ്കുവഹിച്ചു.കൂടുതൽ വായിക്കുക

ഗാന്ധിജയന്തി ആഘോഷം(2.10.2022)

ഗാന്ധിജയന്തി ദിനാഘോഷവുമായി ബന്ധപ്പെട്ട് രാവിലെ 9.30 നു സ്കൂൾ അസംബ്ലി ചേർന്നു അധ്യാപകരും വിദ്യാർത്ഥികളും അതിൽ പങ്കെടുത്തു.ഗാന്ധിജിയുടെ പ്രതിമയിൽ പുഷ്പാർച്ചന നടത്തി.മഹാത്മജി അനുസ്മരണംനടത്തി തുടർന്ന് ശുചീകരണ പ്രവർത്തനങ്ങൾ നടന്നു.പി.ടി.എ പ്രതിനിധികളും സന്നിഹിതരായിരുന്നു

ലഹരിക്കെതിരെ നവകേരള മുന്നേറ്റം ക്യാമ്പയിന് തുടക്കം (6.10.2022 TO 12.10.22)

പൊതു വിദ്യാഭ്യാസ വകുപ്പ് നടത്തുന്ന ലഹരി വിരുദ്ധ  ബോധവൽക്കരണ യജ്ഞം ക്യാമ്പയിനിൽ  തെക്കിൽ പറമ്പ് ഗവൺമെന്റ് യുപി സ്‌കൂളും പങ്കാളിയായി. മയക്കുമരുന്നിനെതിരെ ജനകീയ പ്രതിരോധമുയർത്താനുള്ള സർക്കാരിൻറെ വിപുലമായ പ്രചാരണ പരിപാടിയുടെ ഭാഗമായി.ലഹരി വിരുദ്ധ ബോധവൽക്കരണ യജ്ഞം ക്യാമ്പയിനിംഗിന്റെ  ഭാഗമായി ഒന്നാം ക്ലാസ് മുതൽ ഏഴ് ക്ലാസ് വരെയുള്ള മുഴുവൻ വിദ്യാർത്ഥികളെയും രക്ഷിതാക്കളെയും പങ്കെടുപ്പിച്ചു കൊണ്ട് ലഹരി വിരുദ്ധ ബോധവൽക്കരണ ക്ലാസ് നൽകി. വിദ്യാഭ്യാസ വകുപ്പിന്റെ പ്രത്യേക പരിശീലനം ലഭിച്ച അധ്യാപകർ ക്ലാസ്സുകൾക്ക് നേതൃത്വം നൽകി

മയക്കുമരുന്നിനെതിരെ ജനകീയ പ്രതിരോധമുയർത്താനുള്ള സർക്കാരിൻറെ വിപുലമായ പ്രചാരണ പരിപാടിയുടെ ഭാഗമായി ബഹു. മുഖ്യമന്ത്രിയുടെ പ്രസംഗം അസംബ്ലി സംഘടിപ്പിച്ച് കേൾപ്പിച്ചു . പിടിഎ/എംപിടിഎ/വികസനസമിതി നേതൃത്വത്തിൽ രക്ഷിതാക്കൾക്കുള്ള ബോധവത്കരണ പരിപാടിയും നടന്നു..

ഓരോ ക്ലാസ്റൂമിലും മയക്കുമരുന്നിനെ സംബന്ധിച്ച് ചർച്ചയും സംവാദവും നടന്നു.വിദ്യാർത്ഥികൾക്ക് അവബോധം നൽകുന്നതായി SCERT തയ്യാറാക്കിയ മൊഡ്യൂൾ അനുസരിച്ച് രക്ഷിതാക്കൾക്കും കുട്ടികൾക്കും ക്ലാസ് നടത്തി.ഇതിനായി  പ്രത്യേകംക്ലാസ് PTA യോഗം ചേർന്നു .പിടിഎ യുടെ ആഭിമുഖ്യത്തിൽ ബോധവത്കരണ ക്ലാസ് നടന്നു.. കാസർഗോഡ് സിവിൽ എക്സൈസ് ഓഫീസർ ശ്രീമതി.ധന്യ.ടി.വി. ബോധവത്കരണ ക്ലാസ്  ഉദ്‌ഘാടനം ചെയ്തു ക്ലാസ് നയിച്ചു PTA പ്രസിഡന്റ് ശ്രീ പി സി നസീർ അധ്യക്ഷത വഹിച്ചു.പാൻമസാല, മയക്കുമരുന്നുകൾ, മദ്യം തുടങ്ങിയ ലഹരിപദാർഥങ്ങളുടെ വിവിധ രൂപങ്ങളെക്കുറിച്ചും അവ മനുഷ്യനിലുണ്ടാക്കുന്ന വിപത്തുകളെക്കുറിച്ചും വിശദമായ ക്ലാസ് ആണ് നടന്നത.ഹെഡ് മാസ്റ്റർ സ്വാഗതം പറഞ്ഞു. മദർ പിടിഎ പ്രസിഡന്റ് ബീന വിജയൻ ,sSMC ചെയര്മാന് ശ്രീ കുഞ്ഞിരാമൻ എന്നിവർ ആശംസകൾ നേർന്നു സംസാരിച്ചു. ഇരുന്നൂറിൽപ്പരം രക്ഷിതാക്കളും പരിപാടിയിൽ പങ്കെടുത്തു.സ്‌കൂളിലെ മുഴുവൻ വിദ്യാർത്ഥികളുടെയും അധ്യാപകരുടെയും പി.ടി.എ പ്രതിനിധികളുടെയും പങ്കാളിത്തത്തോടെകേരളപ്പിറവി ദിനമായ നവംബര് ഒന്നാം തിയതി ലഹരി വിരുദ്ധ മനുഷ്യ ശൃംഖല സ്‌കൂൾ പരിസരത്ത് തീർത്തു. എല്ലാവരും ലഹരി വിരുദ്ധ പ്രതിജ്ഞ  ചൊല്ലുകയും  ചെയ്തു .

ലഹരിക്കെതിരെ ബോധവൽക്കരണം നടത്തുന്നതിന് വിദ്യാർത്ഥികൾ തയ്യാറാക്കിയ സ്കിറ്റ് അസ്സംബ്ലിയിൽ അവതരിപ്പിച്ചു

ജൂനിയർ റെഡ് ക്രോസ്സ് (12.10.2022)

സ്കൂളിൽ ജൂനിയർ റെഡ് ക്രോസ്സ് എന്ന സന്നദ്ധ സംഘടന രൂപീകരിച്ചു.ഉപജില്ല കോ ഓർഡിനേറ്റർ ശ്രീ സമീർ മാസ്റ്റർ ഉദ്‌ഘാടനം ചെയ്തു.ജൂനിയർ റെഡ് ക്രോസ്സിൽ അംഗങ്ങളായ വളണ്ടിയർമാരുടെ ബാഡ്ജ് ധരിക്കൽ ചടങ്ങ് നടന്നു. ഹെഡ് മാസ്റ്റർ കാഡറ്റുകൾക്ക് ബാഡ്ജുകൾ ധരിപ്പിച്ചു.പിടിഎ പ്രസിഡന്റ് ശ്രീ പി സി നസീർ അധ്യക്ഷ സ്ഥാനം അലങ്കരിച്ചു.

സ്കൂൾ കായികമേള(13.10.22 TO 14.10.22)

ഈ വർഷത്തെ സ്കൂൾ കായിക മേള 2022-ഒക്ടോബർ 13,14 തീയ്യതികളിലായി നടന്നു. സ്കൂൾ കായികമേളയുടെ ഔപചാരികമായ ഫ്ലാഗ് ഓഫ് PTA പ്രസിഡന്റ് ശ്രീ പി സി നസീർ നിർവ്വഹിച്ചു. പി.ടി.എ വൈസ് പ്രസിഡണ്ട് അദ്ധ്യക്ഷത വഹിച്ചു. സ്കൂൾ കായികമേളയുടെ പതാക പ്രധാനാധ്യാപികൻ ശ്രീ .ശ്രീവത്സൻ ഉയർത്തി. പി.ടിഎ, മദർ പി.ടിഎ, എസ്.എം.സി , സ്റ്റാഫ് അംഗങ്ങൾചേർന്ന് വിജയികൾക്ക് സർട്ടിഫിക്കറ്റും മെഡലും നൽകി. നാലു ഹൗസുകളിലായിട്ടായിരുന്നു മത്സരം.സ്കൂൾ ലീഡർ കുമാരി ദിയ മനോജ് പ്രതിജ്ഞ ചൊല്ലി കൊടുത്തു.

കാസറഗോഡ് ഉപജില്ല ശാസ്ത്രോത്സവം -ഒക്ടോബർ 20,21

കാസറഗോഡ് ഉപ ജില്ലാ തല ശാസ്ത്രോത്സവം ഒൿടോബർ 20,21 തീയ്യതികളിൽ തെക്കിൽ പറമ്പ ഗവ യു പി സ്കൂളിൽ വെച്ച് നടത്തുന്നതിന് വിപുലമായ സംഘാടക സമിതി 24.9.2022 ന് രൂപീകരിച്ചു .17-10-2022 ന് ഉദുമ MLA സി എച്ച് കുഞ്ഞമ്പു ലോഗോ പ്രകാശനം ഉദ്ഘാടനം ചെയ്തു. ബഹു എം പി , ശ്രീ .രാജ്മോഹൻ ഉണ്ണിത്താൻ ഉദ്ഘാടനം ചെയ്തു. കൂടുതൽ അറിയുന്നതിന് ഇവിടെ ക്ലിക്ക് ചെയ്യുക

ഉപജില്ലാ ശാസ്ത്രമേള തെക്കിൽ പറമ്പ ഗവ യു പി സ്കൂളിന് മികച്ച നേട്ടം(20-10-22 to 21-10-22)

കാസർഗോഡ്  ഉപജില്ലാ ശാസ്ത്ര, ഗണിതശാസ്ത്ര, സാമൂഹ്യ ശാസ്ത്ര ,ഐ.ടി മേളയിൽ മികച്ച നേട്ടം തെക്കിൽ പറമ്പ ഗവ.യൂ പി സ്കൂളിന്.കാസർഗോഡ് ഉപജില്ലാ  ഗണിതശാസ്ത്ര മേളയിലും ഐ.ടി മേളയിലും കൂടുതൽ പോയിന്റ് നേടി തെക്കിൽ പറമ്പ ഗവ.യൂ പിസ്കൂൾ മികച്ച നേട്ടം കരസ്ഥമാക്കി. . ഗണിതശാസ്ത്ര മേളയിൽ 23 പോയിന്റുുംഐ.ടി  മേളയിൽ 28  പോയിന്റു നേടി ഓവറോൾ ചാമ്പ്യൻമാരായി.ശാസ്ത്ര മേളയിൽ എൽ .പി.വിഭാഗം രണ്ടാം   സ്ഥാനം നേടി. കൂടാതെ  ഗണിത മാഗസിൻനി ർമ്മാണം  ബി ഗ്രേഡ് നേടി. കൂടുതൽ അറിയുന്നതിന് ഇവിടെ ക്ലിക്ക് ചെയ്യുക

എൽ.എസ്.എസ് - യു.എസ്.എസ് സ്കോളർഷിപ്പ് നേടിയവർ (22-1022)

2021-22-ൽ നടന്ന എൽ.എസ്സ്.എസ്സ്./യു.എസ്സ്.എസ്സ്. പരീക്ഷയിൽ വിദ്യാഭ്യാസ ജില്ലയിലെ ഉയർന്ന മാർക്കോടെ 4 കുട്ടികൾക്ക് സ്കോ ളർഷിപ്പ്.യു.എസ്സ്.എസ്സ്. പരീക്ഷയിൽ 5 കുട്ടികൾക്ക് സ്കോളർഷിപ്പ്,സ്കോളർഷിപ്പ് നേടിയ കുട്ടികളെ പിടിഎ കമ്മിറ്റി അഭിനന്ദിച്ചു

അക്ഷരമുറ്റം ക്വിസ് (31.10.2022)

ദേശാഭിമാനി അക്ഷരമുറ്റം ക്വിസ് സ്കൂൾ താൾ മത്സരത്തിൽ താഴെ പറയുന്ന കുട്ടികൾ യഥാക്രമം ഒന്ന് രണ്ടും സ്ഥാനങ്ങൾ നേടി.

UP യെദുകൃഷ്ണ,. ദേവാഞ്ജന

LP അതുൽദേവ്, ഇഷാങ്ക്

നവംബർ 1 കേരളപ്പിറവി (1.11.2-22)

നവംബർ 1 കേരളപ്പിറവി ദിനത്തോടനുബന്ധിച്ച് നടന്ന സ്കൂൾ അസംബ്ലിയിൽ സ്കൂൾ ലീഡർ കുട്ടികൾക്ക് മ ലയാള ഭാഷാ പ്രതിജ്ഞ ചൊല്ലിക്കൊ ടുത്തു.  മലയാളഭാഷയുടെ മഹത്വത്തെക്കുറിച്ച് ഹെഡ്മാസ്റ്റർ വിശദീകരിച്ചു.കേരളപ്പിറവി ദിനത്തോടനുബന്ധിച്ച്താഴെപ്പറയുന്ന പരിപാടികൾ സംഘടിപ്പിച്ചു .സ്‌കൂളിലെ മുഴുവൻ വിദ്യാർത്ഥികളുടെയും അധ്യാപകരുടെയും പി.ടി.എ പ്രതിനിധികളുടെയും പങ്കാളിത്തത്തോടെകേരളപ്പിറവി ദിനമായ നവംബര് ഒന്നാം തിയതി ലഹരി വിരുദ്ധ മനുഷ്യ ശൃംഖല സ്‌കൂൾ പരിസരത്ത് തീർത്തു. എല്ലാവരും ലഹരി വിരുദ്ധ പ്രതിജ്ഞ  ചൊല്ലുകയും  ചെയ്തു .1.)പതിപ്പ്-കേരളം 2.)ഓരോ ജില്ലയെയും കുറിച്ചുള്ള കുറിപ്പുകൾ 3.)കേരള ഗാനം 4.)ലഹരി വിരുദ്ധ ജാഥ --പരിപാടികൾ കുട്ടികൾക്കായി സംഘടിപ്പിച്ചു.

കേരളപാഠ്യപദ്ധതി പരിഷ്കരണം ---ജനകീയ ചർച്ച സംഘടിപ്പിച്ചു(4.11.2022)

കേരളം പാഠ്യപദ്ധതി പരിഷ്കരണവുമായി  ബന്ധപ്പെട്ട സ്കൂൾതല ചർച്ച സംഘടിപ്പിച്ചു എസ് എം സി ചെയർമാൻ അധ്യക്ഷതവഹിച്ച ചടങ്ങ് പി ടി എ പ്രസിഡണ്ട് ശ്രീ പി സി നസീർ ഉദ്ഘാടനം ചെയ്തു സ്കൂൾ ഹെഡ്മാസ്റ്റർ ശ്രീവൽസൻ കെ ഐ സ്വാഗതം പറഞ്ഞു മദർ  പിടിഎ പ്രസിഡണ്ട് ആശംസ അറിയിച്ചു ശ്രീമതി ബിനി എം. വി സ്കൂൾതല ചർച്ചകൾക്ക് നേതൃത്വം നൽകി 26 ഫോക്കസ് മേഖലകളായി തിരിച്ച് ഗ്രൂപ്പ്‌ ചർച്ചയായിരുന്നു നടന്നത് ഓരോ മേഖലയെയും കുറിച്ച്  വിശദമായ ചർച്ച നടത്തി ചർച്ചയ്ക്ക് ശേഷം ഗ്രൂപ്പ് അവതരണവും ഉണ്ടായിരുന്നു. സ്റ്റാഫ് സെക്രട്ടറി നന്ദി പറഞ്ഞു .

ശിശുദിനാഘോഷം _14_11_2022

കുട്ടികളെ ഏറെ സ്നേഹിക്കുകയും അവരിൽ നാളത്തെ ഇന്ത്യയെ കണ്ടെത്തുകയും ചെയ്ത ചാച്ചാജിയെന്ന ജവഹർലാൽ നെഹ്റുവിന്റെ സ്വപ്നങ്ങളെ പിന്തുടരണമെന്ന് പരിപാടി ഉദ്ഘാടനം ചെയ്തുകൊണ്ട് ഹെഡ്മാസ്റ്റർ അറിയിച്ചു ദിനാചരണത്തോടനുബന്ധിച്ച് എൽ, പി, യു.പി വിഭാഗങ്ങൾക്കായി നിരവധി മത്സരങ്ങൾ നടത്തി. നെഹറു വരകളിലൂടെ എന്ന രീതിയിൽ ചിത്രരചനാ മത്സരം, ശിശു ദിന ഗാനം,തൊപ്പി നിർമ്മാണം,നെഹ്‌റു വേഷപ്പകർച്ച ,നൃത്തം ശിശുദിന ക്വിസ്സ് എന്നിവ സംഘടിപ്പിച്ചു.കുട്ടികൾ അണിനിരന്ന ശിശുദിന റാലി നയന  മനോഹരമായിരുന്നു.

മാതൃഭൂമി (സീഡ്) നടത്തിയ വാർത്താ കുറിപ്പ് മത്സരം :14-11-2022

ശിശുദിനത്തോടനുബന്ധിച്ചു മാതൃഭൂമി (സീഡ്) നടത്തിയ വാർത്താ കുറിപ്പ് മത്സരത്തിൽ (2047 ലെ ദിനപത്രം) മികച്ച 7ലേഖനങ്ങളിൽ ഒന്ന് ജി.യൂ പി എസ് തെക്കിൽ പറമ്പയിലെ അബ്ദുൾ ഹാദി (6th)എന്ന കുട്ടി യുടേതാണ്. തന്നിട്ടുള്ളവിഷയവുമായി ബന്ധപ്പെട്ട് കുട്ടികൾ തയ്യാറാക്കിയ മികച്ച 7 ലേഖനങ്ങൾ പത്രത്തിലെ ഒന്നാം പേജിൽപ്രസിദ്ധീകരിച്ചു .പത്രം തയ്യാറാക്കുന്ന വിധം നേരിട്ട് കാണാനുള്ള അവസരവും ഈ വിദ്യാർത്ഥികൾക്ക് ലഭിച്ചു .

കാസർകോട് ഉപജില്ലാ കലോത്സവം(14-11-22 to 16-11-22)

കാസർകോട് ഉപജില്ലാ കലോത്സവത്തിൽ ഉപജില്ലയിൽ നാലാം സ്ഥാനം നേടി സ്കൂൾ മികച്ച നേട്ടം കൈവരിച്ചു

പദ്യം ചൊല്ലൽ :l മലയാളം നിഖിത പ്രദീപ് സെക്കന്റ്‌ എ ഗ്രേഡ്  ,ഉറുദു പദ്യം  :യദു കൃഷ്ണ എം സെക്കന്റ് എ ഗ്രേഡ് ,സംഘനൃത്തം :ഫസ്റ്റ് എ ഗ്രേഡ്,അക്ഷരശ്ലോകം :നിഖിത ഫസ്റ്റ് എ ഗ്രേഡ്,, മാപ്പിളപ്പാട്ട് :മിസ്‌ബ റഹ്മാൻ ,ഹിന്ദി പദ്യം:നിവേദ്യാ കൃഷ്ണൻ ,നാടോടി നൃത്തം:അർച്ചന, മോണോ ആക്ട്: തനുശ്രീ ശാസ്ത്രീയ സംഗീതം :നിഖിത പ്രദീപ് ,തിരുവാതിര,ലളിതഗാനം വിഭാഗങ്ങളിലിൽ മികവാർന്ന നേട്ടം കൈവരിക്കാൻ  കുട്ടികൾക്ക് കഴിഞ്ഞിട്ടുണ്ട്.ഈ വർഷത്തെ ഉപജില്ലാ കലോത്സവത്തിൽ പങ്കെടുക്കുകയും വിജയിക്കുകയും ചെയ്ത മുഴുവൻ പ്രതിഭകളെയും സ്കൂൾ അസംബ്ലിയിൽ വച്ച്  ആദരിച്ചു. വിദ്യാർത്ഥികൾക്ക് സർട്ടിഫിക്കറ്റും വിതരണം ചെയ്തു

2022 ഖത്തർ ലോകകപ്പിനോടനുബന്ധിച്ച് തെക്കിൽപറമ്പ യുപി സ്കൂളിലും ഫുട്ബോൾ ആരവം(19-11-22)

2022 ഖത്തർ ലോകകപ്പിനോടനുബന്ധിച്ച് തെക്കിൽപറമ്പ യുപി സ്കൂളിലും ഫുട്ബോൾ ആരവം തുടങ്ങി യുപി വിഭാഗം കുട്ടികൾക്കായി പെനാൽറ്റി ഷൂട്ടൗട്ട് നടത്തി പിടിഎ പ്രസിഡണ്ട് ശ്രീ പി സി നസീർ ഉദ്ഘാടനം ചെയ്തു. തുടർന്ന് വിദ്യാർത്ഥികൾക്കായി നിരവധി പരിപാടികൾ സംഘടിപ്പിച്ചു.

ലോക കപ്പ് ഫുട്ബോൾ പ്രവചന മത്സരം ,തെക്കിൽപ്പറമ്പ് ആർക്കൊപ്പം ,ചിത്രപ്രദർശനം,ലോകകപ്പ് പതിപ്പ് നിർമ്മാണം ,ലോക കപ്പ്  ഫുട്ബോൾ ക്വിസ്, പിക്ചർ ആൽബം നിർമ്മാണം,സൗഹൃദ ഫുട്ബോൾ മത്സരം എന്നിവ സംഘടിപ്പിച്ചു.

കൗമാര ക്ലാസ്(22-11-2022)

സ്കൂൾ ഹെൽത്ത് ക്ലബ്ബിന്റെ ആഭിമുഖ്യത്തിൽചട്ടഞ്ചാൽ പ്രൈമറി ഹെൽത്ത് സെന്റർ മുഖേനഏഴാം ക്ലാസിൽ പഠിക്കുന്ന ആൺകുട്ടികൾക്കും പെൺകുട്ടികൾക്കും പ്രത്യേകമായി21-11-2022 തിങ്കളാഴ്ച കൗമാര ക്ലാസ് നടത്തി പ്രസ്തുത ക്ലാസ് ജൂനിയർ  ഹെൽത്ത് ഇൻസ്പെക്ടർ,ജൂനിയർ പബ്ലിക് ഹെൽത്ത് നേഴ്സ്   എന്നിവർ കൈകാര്യം ചെയ്തു. കൗമാര പ്രായത്തിൽ കുട്ടികളിൽ ഉണ്ടാകുന്ന മാറ്റങ്ങളെ സംബന്ധിച്ചും അവർ അഭിമുഖീകരിക്കുന്ന മാനസിക ശാരീരിക പ്രയാസങ്ങളെക്കുറിച്ചും വിശദമായ ക്ലാസ് നടത്തി  കുട്ടികളുടെ സംശയനിവാരണങ്ങൾക്ക് ബന്ധപ്പെട്ടവർ മറുപടി പറഞ്ഞു

കാസർഗോഡ് റവന്യൂ ജില്ലാ കലോത്സവം(28.11.22 to 2-12-22)

കാസർഗോഡ് റവന്യൂ ജില്ലാ കലോത്സവത്തിൽ മത്സരിച്ച എല്ലാ വിഭാഗത്തിലും എ ഗ്രേഡ് നേടി കുട്ടികൾ തിളക്കമാർന്ന വിജയം കൈവരിച്ചു. അറബിക് മോണോ ആക്ട് അറബിക് പ്രസംഗം എന്നീ രണ്ട് വിഭാഗത്തിലും ഫസ്റ്റ് എ ഗ്രേഡ്  നേടി മിസ്ബാഹ് എ എസ് അക്ഷരശ്ലോകം വിഭാഗത്തിൽ നിഖിത പ്രദീപ് സെക്കൻഡ് എ ഗ്രേഡ് നേടി. ഖുർആൻ പാരായണം വർദ്ധ എം എൻ തേർഡ് എ ഗ്രേഡ് ,സംഘനൃത്തം മത്സരത്തിൽ എ ഗ്രേഡ് നേടുവാൻ നമ്മുടെ കുട്ടികൾക്ക് കഴിഞ്ഞു

ഭിന്നശേഷി ദിനാചരണം(3.12.2022)

ഡിസംബർ 3 ഭിന്നശേഷി ദിനാചരണത്തിന്റെ ഭാഗമായി ഡിസംബർ രണ്ടാം തീയതി വെള്ളിയാഴ്ച സ്കൂൾ അസംബ്ലി സംഘടിപ്പിച്ചു കുട്ടികൾക്കായി കളറിംഗ് ,പോസ്റ്റർ നിർമ്മാണം എന്നിവ സംഘടിപ്പിക്കുകയും അവ പ്രദർശിപ്പിക്കുകയും ചെയ്തു.. ലോക ഭിന്നശേഷി ദിനത്തോടനുബന്ധിച്ച് ബി ആർ സി കാസർകോട്നടത്തിയ പോസ്റ്റർ രചനയിൽ യുപി വിഭാഗത്തിൽ രണ്ടാം സ്ഥാനം  യദുകൃഷ്ണന് ലഭിച്ചു.

മില്ലറ്റ് ഫെസ്റ്റ്(5.12.2022)

2023 ആഗോളമില്ലറ്റ് വർഷത്തോടനുബന്ധിച്ച് ഗവൺമെന്റ് യുപി സ്കൂൾ തെക്കിൽ പറമ്പിലും മില്ലറ്റ് ഫെസ്റ്റ് സംഘടിപ്പിച്ചു സ്കൂളിലെ മുഴുവൻ കുട്ടികളും ഭക്ഷ്യമേളയിൽ പങ്കാളികളായി ചെറുധന്യങ്ങളായ ചോളം, റാഗി,ചാമ ,തിന,..തുടങ്ങിയവ ഉപയോഗിച്ചുള്ള പലതരം ഭക്ഷ്യവിഭവങ്ങൾ കുട്ടികൾ വീടുകളിൽ നിന്നും ഉണ്ടാക്കി കൊണ്ടുവന്നു അവ ഉപയോഗിച്ച് സ്കൂൾ അങ്കണത്തിൽ പ്രദർശനമേള സംഘടിപ്പിച്ചു. സ്കൂൾ പിടിഎ പ്രസിഡണ്ട് ശ്രീ പി സി നസീർ ഉദ്ഘാടനം ചെയ്തു. ചെറു ധന്യങ്ങളെ ധാന്യങ്ങളെ കുറിച്ച് കുട്ടികളിൽ അവബോധം വളർത്തുന്നതിനും അവയുടെ ഗുണങ്ങൾ കുട്ടികൾക്ക് മനസ്സിലാക്കുന്നതിനും ഈ ഭക്ഷ്യവിഭവമേള ഏറെ സഹായിച്ചു ഇവ നമ്മുടെ ഭക്ഷണത്തിൽ ഉൾപ്പെടുത്തേണ്ട ആവശ്യകതയെ കുറിച്ച് ഹെഡ്മാസ്റ്റർ വിശദീകരിച്ചു.

അറബിക് ദിനാഘോഷം(18.12.2022)

ഡിസംബർ 18 അറബിക് ദിനാഘോഷത്തോടനുബന്ധിച്ച് പ്രത്യേക അസംബ്ലി സംഘടിപ്പിച്ചു (12.12.22)അറബി ഭാഷയുടെ പ്രാധാന്യത്തെ കുറച്ച് കുട്ടികൾക്ക്. ബോധ്യമാകുന്ന വിധത്തിൽ വിവിധ പരിപാടികൾ നടത്തി

ദേശീയ ഗണിതശാസ്ത്ര ദിനം(22.12.2022)

ദേശീയ ഗണിതശാസ്ത്ര ദിനത്തോടനുബന്ധിച്ച് കുട്ടികൾക്കായി ഗണിതം മോട്ടിവേഷൻ ക്ലാസ് നടത്തി. സ്കൂളിൽ നിന്നും വിരമിച്ച മുൻഗണിത അധ്യാപകൻ മണികണ്ഠൻ മാസ്റ്ററുടെ നേതൃത്വത്തിൽ ഗണിത ക്ലബ്ബിലെ കുട്ടികൾക്കായി ക്ലാസ് നടത്തി. ശ്രീനിവാസ രാമാനുജനെയും അദ്ദേഹം ഗണിതശാസ്ത്രത്തിന് നൽകിയ വിലപ്പെട്ട സംഭാവനകളെയും കുറിച്ചും വിശദമായി ചർച്ച നടത്തി ഇതോടൊപ്പം കാസർകോട് ഉപജില്ലാ ശാസ്ത്രമേളയിൽ ഗണിതശാസ്ത്രമേളയിൽ വിജയികളായ കുട്ടികളെ പ്രത്യേകം അനുമോദിച്ചു.

ക്രിസ്തുമസ്- പുതുവത്സരാഘോഷം സംഘടിപ്പിച്ചു(23.12.2022)

പിടിഎ യുടെ ആഭിമുഖ്യത്തിൽ ഈ വർഷത്തെ ക്രിസ്തുമസ് പുതുവത്സരാഘോഷം വിവിധ പരിപാടികളോടെ സ്കൂളിൽ സംഘടിപ്പിച്ചു കുട്ടികളുടെ നേതൃത്വത്തിൽ പുൽക്കൂട് നിർമ്മാണം, സാന്താഅപ്പൂപ്പൻ, മധുരപലഹാര വിതരണം എന്നിവ നടത്തി കൂടാതെ കുട്ടികളുടെ വിവിധ കലാപരിപാടികളും ഉണ്ടായിരുന്നു.

തെക്കിൽ പറമ്പ ഗവ യു പി സ്കൂളിൽ ചന്ദ്രികദിനപത്രംസംഭാവന ചെയ്തു (4.1.2022)

സ്കൂളിലേക്കുള്ള ചന്ദ്രിക ദിനപത്രം വിതരണം ഹെഡ്മാസ്റ്റർക്ക് പത്രം കൈമാറി ഉദ്ഘാടനം ചെയ്തു.നിലവിൽ മാതൃഭൂമി ,ദേശാഭിമാനി എന്നീ പത്രങ്ങൾ കുട്ടികൾക്കായി വിതരണം ചെയ്യുന്നുണ്ട് കുട്ടികളുടെ വായനാശീലം വളർത്തുന്നതിന് ഇത്തരം പ്രവർത്തനങ്ങൾ കൂടുതൽ ഉപകാരപ്രദമാകും എന്ന് ഹെഡ്മാസ്റ്റർ അഭിപ്രായപ്പെട്ടു.പിടിഎ പ്രസിഡണ്ട് സന്നിഹിതനായിരുന്നു

കുട്ടികൾക്കായി സ്കൂളിൽ തയ്യിൽ പരിശീലനം ആരംഭിച്ചു(5.1.2023)

സ്കൂളിൽ കുട്ടികൾക്കായി തയ്യിൽ പരിശീലനം ആരംഭിച്ചു .5,6,7 ക്ലാസുകളിലെ കുട്ടികൾക്കാണ് പരിശീലനം നൽകുന്നത്. കുട്ടികളിൽ വ്യത്യസ്ത തൊഴിലുകളിൽ അഭിരുചി വളർത്തുന്നതിന് ഇത്തരം സ്വയംതൊഴിലുകൾ സഹായിക്കുമെന്ന് ഹെഡ്മാസ്റ്റർ അറിയിച്ചു.മദർ പിടിഎ പ്രസിഡണ്ട് ശ്രീമതി ബീന വിജയൻ , അധ്യാപിക ശ്രീമതി സുഹറ ടീച്ചറുടെയും നേതൃത്വത്തിലാണ് തയ്യൽ പരിശീലനം നടക്കുന്നത്.

വിശ്വ ഹിന്ദി ദിനത്തോടനുബന്ധിച്ച് ഹിന്ദി അസംബ്ലി സംഘടിപ്പിച്ചു.. (10.1.2022)

ജനുവരി 10 വിശ്വ ഹിന്ദി ദിനത്തോട് അനുബന്ധിച്ച് കുട്ടികൾക്കായി പ്രത്യേക ഹിന്ദി അസംബ്ലി സംഘടിപ്പിച്ചു .രാഷ്ട്രഭാഷയായ ഹിന്ദിയോട് കൂടുതൽ അടുക്കുന്നതിനും  ഭാഷയെ കൂടുതൽ അറിയുന്നതിനും ഇത്തരം ദിനാചരണങ്ങൾ കൂടുതൽ സഹായിക്കുമെന്ന് ഹെഡ്മാസ്റ്റർ അഭിപ്രായപ്പെട്ടു കുട്ടികളുടെ വിവിധ പരിപാടികളും നടന്നു. മാഗസിൻ തയ്യാറാക്കുന്നതിൽ 7 ക്ലാസ് സമ്മാനത്തിന് അർഹരായി. സ്കൂളിലെ ഹിന്ദി അധ്യാപകരുടെ നേതൃത്വത്തിലാണ് പരിപാടികൾ സംഘടിപ്പിച്ചത്.

ഇൻസ്പെയർ അവാർഡുകൾ(13.1.2022)

ശാസ്ത്ര സാങ്കേതിക രംഗത്തെ നൂതന ആശയങ്ങൾ കൈമാറുന്ന വിദ്യാർത്ഥികൾക്ക് നൽകുന്ന ഈ വർഷത്തെ ഇൻസ്പെയർ അവാർഡ് രണ്ടാം ഘട്ടത്തിലേക്ക് തെക്കി ൽപ്പറമ്പ് യുപി സ്കൂളിലെ രണ്ടു കുട്ടികൾ തിരഞ്ഞെടുക്കപ്പെട്ടു.

'വാങ്മയം 'ഭാഷാപ്രതിഭ തിരഞ്ഞെടുപ്പ് സ്കൂൾതല പരീക്ഷ നടത്തി(17.1.2023)

സംസ്ഥാനത്തെ പൊതുവിദ്യാലയങ്ങളിലെ കുട്ടികളിൽ മലയാളഭാഷാ അഭിരുചി വളർത്തുന്നതിന്റെ ഭാഗമായി വിദ്യാരംഗം കലാസാഹിത്യ വേദിയുടെ ആഭിമുഖ്യത്തിൽ തെക്കിൽപ്പറമ്പ് യുപി സ്കൂളിലും വാങ്മയം ഭാഷാപ്രതിഭ തിരഞ്ഞെടുപ്പ് സ്കൂൾതല പരീക്ഷ നടത്തി.തേജസ് വി ,നിവേദ്യകൃഷ്ണൻ എന്നിവരെ സ്കൂൾതല ഭാഷാ പ്രതിഭകളായി തിരഞ്ഞെടുത്തു.

അൽ മാഹിർ അറബിക് സ്കോളർഷിപ്പ് പരീക്ഷ സംഘടിപ്പിച്ചു(17.1.2023)

പൊതുവിദ്യാലയങ്ങളിലെ അറബി പഠിക്കുന്ന എൽപി യുപി വിഭാഗങ്ങളിലെ കുട്ടികൾക്ക് അൽ മാഹിർ അറബിക് സ്കോളർഷിപ്പ് പരീക്ഷ സംഘടിപ്പിച്ചു.യുപി വിഭാഗത്തിൽ നദസൈനബ, നിദാ മൈമൂന, ഫാത്തിമത്ത് സന, ഖദീജ അൽ നബീല, മിസ്ബാഹ്  എന്നീ കുട്ടികളെയും എൽ പി വിഭാഗത്തിൽ ആയിഷത്ത് ജാസിറ,ഫാത്തിമത്ത് നുഹ്‌മ സുൽത്താന എന്നീ കുട്ടികളെയും വിജയികളായി തിരഞ്ഞെടുത്തു.

കെ. എസ്. ടി. എ സംസ്ഥാന സമ്മേളനം മെഗാ ക്വിസ്(19.1.2023)

കെ .എസ് .ടി .എ സംസ്ഥാന സമ്മേളനത്തോടനുബന്ധിച്ച് എൽപി ,യുപി വിഭാഗത്തിനായി പ്രത്യേകം മത്സരങ്ങൾ നടത്തി .യുപിതലത്തിൽ ശ്രീ കൃപ, ഒന്നാം സ്ഥാനവും അബ്ജിൻ രണ്ടാം സ്ഥാനവും കരസ്ഥമാക്കി. എൽപിതലത്തിൽ സുദേവ് ഒന്നാം സ്ഥാനവും അലോക് രണ്ടാം സ്ഥാനവും നേടി ഉപജില്ലാതലത്തിലേക്ക് തിരഞ്ഞെടുക്കപ്പെട്ടു

റിപ്പബ്ലിക് ദിനാഘോഷം(26-1-2023)

റിപ്പബ്ലിക് ദിനാഘോഷത്തോടനുബന്ധിച്ച് സ്കൂൾ തല ക്വിസ് മത്സരം സംഘടിപ്പിച്ചു. യു പി വിഭാഗത്തിൽ  ശ്രീഷ്ണ.എം ഒന്നാം സ്ഥാനവും ശ്രീ കൃപ രണ്ടാം സ്ഥാനവും വർധ. എ മൂന്നാം സ്ഥാനവും കരസ്ഥമാക്കി. എൽ പി വിഭാഗത്തിൽ ഇഷിത ഒന്നാം സ്ഥാനവും ഹരിത രണ്ടാം സ്ഥാനവും സുദേവ് മൂന്നാം സ്ഥാനവും കരസ്ഥമാക്കി. റിപ്പബ്ലിക് ദിനത്തിൽ ഹെഡ്മാസ്റ്റർ പതാക ഉയർത്തി റിപ്പബ്ലിക് ദിന സന്ദേശം നൽകി തുടർന്ന് പിടിഎ പ്രസിഡണ്ട് ശ്രീ പി.സി.നസീർ,സീനിയർ അസിസ്റ്റന്റ് ജൈനമ ടീച്ചർ എന്നിവർ ആശംസയ ർപ്പിച്ച് സംസാരിച്ചു. ദേശഭക്തിഗാനം, ഉപ്പ് സത്യാഗ്രഹത്തിന്റെ ദൃശ്യാവിഷ്കാരം മധുരപലഹാര വിതരണം തുടങ്ങിയവയും ഉണ്ടായിരുന്നു. ഇല പ്രോജക്റ്റിന്റെ ഭാഗമായി ഉപ്പുസത്യാഗ്രഹം ഒരു ദൃശ്യാവിഷ്കാരം ഒരു നുള്ളുപ്പ് എന്ന പേരിൽ കുട്ടികൾ വളരെ മനോഹരമായി അവതരിപ്പിച്ചു. സ്വാതന്ത്രസമര ചരിത്രത്തെ കുറിച്ച് കുട്ടികളിൽ അവബോധം വളർത്തുന്നതിന് ഇത് സഹായകമായിരുന്നു

• 
• 
• 
• 
• 
• 

തെക്കിൽ പറമ്പ ഗവ: യു.പി.സ്‌കൂളിൽ പുതുതായി നിർമ്മിച്ച കെട്ടിടോദ്ഘാടനം ബഹു.ഉദുമ എം. എൽ. എ അഡ്വ.സി.എച്ച്. കുഞ്ഞമ്പു നിർവ്വഹിച്ചു (27.1.2023)

തെക്കിൽ പറമ്പ ഗവ: യു.പി.സ്‌കൂളിൽ പൊതു വിദ്യാഭ്യാസ സംരക്ഷണ യജ്ഞത്തിന്റെ ഭാഗമായി കിഫ്ബി - കില പ്രൊജക്ടുകളിൽ ലഭിച്ച 1 കോടി രൂപയിൽ 6 ക്ലാസ്സ്  മുറികളോട് കൂടി നിർമ്മിച്ച കെട്ടിടത്തിന്റെ ഉദ്ഘാടനം ബഹു.ഉദുമ എം. എൽ. എ അഡ്വ.സി.എച്ച്. കുഞ്ഞമ്പു നിർവ്വഹിച്ചു. ചെമ്മനാട് ഗ്രാമപഞ്ചായത്ത് പ്രസിഡന്റ് സുഫൈജ അബൂബക്കർ അധ്യക്ഷത വഹിച്ചു. ജില്ലാ പഞ്ചായത്ത് വൈസ് പ്രസിഡണ്ട്  ഷാനവാസ് പാദൂർ മുഖ്യാതിഥിയായിരുന്നു. ഗ്രാമ പഞ്ചായത്ത് വൈസ് പ്രസിഡന്റ് ഇബ്രാഹിം മൻസൂർ കുരിക്കൾ, സ്ഥിരം സമിതി അധ്യക്ഷരായ ഷമീമ അൻസാരി, രമ ഗംഗാധരൻ, അംഗങ്ങളായ രാജൻ കെ പൊയിനാച്ചി ടി.പി. നിസാർ, എസ് എസ് കെ ജില്ലാ പ്രോജക്ട് കോർഡിനേറ്റർ നാരായണ ഡി, എ ഇ ഒ.അഗസ്റ്റിൻ ബർണാഡ് മൊണ്ടേറോ, പ്രകാശൻ.ടി കമലാക്ഷൻ, എ.ജെ.പ്രദീപ് ചന്ദ്രൻ, രാധാകൃഷ്ണൻ കാമലം, സുസ്മിത കെ.പി., ജൈനമ്മ അബ്രഹാം എന്നിവർ സംസാരിച്ചു. ഹെഡ് മാസ്റ്റർ  ശ്രീവത്സൻ കെ.ഐ. സ്വാഗതവും പി.ടി.എ പ്രസിഡന്റ് പി.സി. നസീർ നന്ദിയും പറഞ്ഞു

പഠനയാത്ര(28.1.2023 TO 29.1.2023)

പ്രകൃതി പഠനം അനുഭവത്തിലൂടെ എന്ന ലക്ഷ്യം മുൻനിർത്തി തെക്കിൽ പറമ്പ ഗവ: യു.പി.സ്കൂൾ ദ്വിദിന പഠനയാത്ര നടത്തി. 2023 ജനുവരി 28 മുതൽ29 വരെ നടത്തിയ യാത്രയിൽ ഏഴാം ക്ലാസിലെ 46 കുട്ടികളും 7 അധ്യാപകരും പങ്കാളികളായി. മടിക്കേരി ഫോർട്ട് ,രാജാസ് സീറ്റ് പാർക്ക് ,കാവേരി നിസർഗ ദാമ ,കുശാൽനഗർ ,ഗോൾഡൻ ടെമ്പിൾ, വൃന്ദാവൻ ഗാർഡൻ ,സെന്റ് ഫിലോമിന ചർച്ച് ,മൈസൂർ സൂ ,മൈസൂർ പാലസ് ,ശ്രീരംഗപട്ടണം ,ടിപ്പു ഗാബസ്, ചാമുണ്ഡി ഹിൽ തുടങ്ങി നിരവധി പ്രകൃതി - ചരിത്രപഠനപ്രസക്‌തിയുള്ള സ്ഥലങ്ങളാണ് യാത്രയ്ക്കു വേണ്ടി തിരത്തെടുത്തത്.LP വിഭാഗം കുട്ടികളുടെ പഠനയാത്ര 11. 2.2023 ശനിയാഴ്ച നടന്നു. പിലിക്കുളം (മംഗലാപുരം )ഭാഗത്തേക്ക് ആയിരുന്നു യാത്ര.

രക്തസാക്ഷി ദിനംആചരിച്ചു(30-1-2023)

ഇൻഡ്യൻ സ്വാതന്ത്ര്യ സമരത്തിൽ ജീവൻ ബലി അർപ്പിച്ചവരുടെ സ്മരണാർത്ഥം രാവിലെ തെക്കിൽ പറമ്പ ഗവ: യു.പിസ്കൂളിലെ മുഴുവൻ വിദ്യാർഥികളും ജീവനക്കാരും 11 മണിമുതൽ 2മിനുട്ട് മൗനം ആചരിച്ചു..

പലഹാര മേള സംഘടിപ്പിച്ചു.(6.2.2023)

6.2.23 തിങ്കളാഴ്ച രണ്ടാം ക്ലാസിലെ "അറിഞ്ഞു കഴിക്കാം" എന്ന  പാഠഭാഗ വുമായി  ബന്ധപ്പെടുത്തി പലഹാര മേള സംഘടിപ്പിച്ചു.ശ്രീ ശ്രീവൽസൻ മാസ്റ്റർ പരിപാടി ഉദ്ഘാടനം ചെയ്തു എല്ലാ കുട്ടികളും വളരെ ആവേശത്തോടും താല്പര്യത്തോടുകൂടിയും പരിപാടിയിൽ പങ്കുചേർന്നു വ്യത്യസ്തതരം പലഹാരങ്ങൾ കുട്ടികൾ കണ്ടും രുചിച്ചും മനസ്സിലാക്കുക എന്നതായിരുന്നു ഈ പ്രവർത്തനത്തിന്റെ ലക്ഷ്യം. എണ്ണ പലഹാരങ്ങളും, ആവിയിൽ വേവിക്കുന്നവയും, ചുട്ടെടുക്കുന്നതുമായ പലഹാരങ്ങൾ ഏതൊക്കെയാണെന്ന് മനസ്സിലാക്കുന്നതിനും ഈ മേള കുട്ടികളെ സഹായിച്ചു.

"സഹിതം "പദ്ധതി പരിശീലന പരിപാടി സംഘടിപ്പിച്ചു.(7.2.23)

പഠനത്തോടൊപ്പം സ്കൂൾ വിദ്യാർഥികളുടെ വ്യക്തിത്വ വികസനത്തിനും വൈകാരിക പ്രശ്നങ്ങളുടെ പരിഹാരത്തിനും അധ്യാപകരെ മെന്റർമാരാക്കുന്ന സഹിതം പദ്ധതി വിദ്യാഭ്യാസ വകുപ്പ് നടപ്പിലാക്കുന്നതിന്റെ ഭാഗമായി ഗവൺമെന്റ് യുപി സ്കൂൾ തെക്കിൽ പറമ്പയിൽ  പരിശീലന പരിപാടി സംഘടിപ്പിച്ചു. സ്കൂൾ ഹെഡ്മാസ്റ്റർ പരിശീലന പരിപാടിക്ക് നേതൃത്വം നൽകി .സ്കൂൾ ഐടി കോഡിനേറ്റർ ശ്രീ സൽമാൻ ജാഷിം പോർട്ടലിനെ സംബന്ധിച്ച് വിശദമായ ക്ലാസ് എടുത്തു. മുഴുവൻ അധ്യാപകരും പരിശീലന പരിപാടിയിൽ പങ്കെടുത്തു. വിദ്യാർത്ഥികളുടെ വ്യക്തിപരമായ പ്രശ്നങ്ങൾ തിരിച്ചറിഞ്ഞ് അവമറി കടക്കാൻ സഹായിക്കുകയും സവിശേഷ കഴിവുകൾ തിരിച്ചറിഞ്ഞ് പ്രോത്സാഹിപ്പിക്കുകയും ചെയ്യുകയാണ് പ്രധാന ചുമതല എന്ന്  ഹെഡ്മാസ്റ്റർ അറിയിച്ചു. ഓരോ വിദ്യാർത്ഥിയുടെയും ഡിജിറ്റൽ വ്യക്തിവിവര രേഖ തയ്യാറാക്കുകയും പെരുമാറ്റ വൈകല്യങ്ങൾ ,ദുശ്ശീലങ്ങൾ എന്നിവയുണ്ടെങ്കിൽ അതിന്റെ കാരണം കണ്ടെത്തി പരിഹരിക്കാൻ അധ്യാപകർ നേതൃത്വം നൽകുകയും ചെയ്യുക വഴി കുട്ടിയുടെ സമഗ്ര വ്യക്തിത്വ വികസനമാണ് ഇത് ലക്ഷ്യമിടുന്നത്.

സപ്തഭാഷാ അസംബ്ലിസംഘടിപ്പിച്ചു(13.2.2023)

13 2 2023 തിങ്കളാഴ്ച സ്കൂളിൽ സപ്തഭാഷാ അസംബ്ലി സംഘടിപ്പിച്ചു .സപ്തഭാഷാ സംഗമ ഭൂമിയായ കാസർകോട് ജില്ലയിലെ ഭാഷകളെ കുട്ടികൾക്ക് പരിചയപ്പെടുത്തുന്നതിന് അസംബ്ലി സഹായിച്ചു ഏഴാം ക്ലാസിലെ കുട്ടികളാണ് വിവിധ ഭാഷകളിലുള്ള അസംബ്ലി അവതരിപ്പിച്ചത്.

ദേശീയപാത വികസനം-നടപ്പാത അനുവദിക്കുന്നതുമായി ബന്ധപ്പെട്ട് പിടിഎ കമ്മിറ്റി നിവേദനം നൽകി(17.2.2023)

1500 ഓളം കുട്ടികൾ പഠിക്കുന്ന കാസർഗോഡ് ജില്ലയിലെ ചെമ്മനാട് പഞ്ചായത്തിലെ തെക്കിൽ വില്ലേജിൽ സ്ഥിതി ചെയ്യുന്ന തെക്കിൽപറമ്പ ഗവ: അപ്പർ പ്രൈമറി സ്കൂൾ ദേശീയപാത വികസനവുമായി ബന്ധപ്പെട്ട് അനുഭപ്പെടുന്ന പ്രയാസങ്ങൾ വളരെ വലുതാണ്. ദേശീയ പാത ആറുവരി പാതയായി വികസിക്കുമ്പോൾ കുട്ടികൾക്കും അധ്യാപകർക്കും നാട്ടുകാർക്കും റോഡ്‌ മുറിച്ചു കടന്ന് സ്കൂളിലേക്ക് പോകാനുള്ള സൗകര്യം ഇല്ലാതാവും. ഇത് കാരണം ജില്ലയിലെ തന്നെ ഏറ്റവും കൂടുതൽ വിദ്യാർത്ഥികൾ പഠനത്തെ ആശ്രയിക്കുന്ന ഈ സർക്കാർ വിദ്യാലയത്തിന്റെ മുന്നോട്ടുള്ള വളർച്ചയ്ക്ക് തന്നെ വളരെയധികം പ്രയാസം അനുഭവിക്കേണ്ടിവരും. ഇതിനൊരു പരിഹാരമായി അടിപ്പാതയോ മേൽപ്പാതയോ അനുവദിച്ച് നൽകാത്തപക്ഷം ഈ വിദ്യാലയത്തെ ആശ്രയിക്കേണ്ട പിഞ്ചു മക്കളുടെ സഞ്ചാരം വളരെ പ്രയാസകരമായി തീരും. ഇതിന്റെ ഗൗരവം കണക്കിലെടുത്ത് ബന്ധപ്പെട്ടവർ ഒരു നടപ്പാത അനുവദിക്കണം എന്ന് പി ടി എ കമ്മിറ്റി ആവശ്യപെട്ടു

മാതൃഭാഷാ ദിനം(21.2.2023)

ലോക മാതൃഭാഷാ ദിനത്തോടനുബന്ധിച്ച് ഫെബ്രുവരി 21 ചൊവ്വാഴ്ച ഗവൺമെന്റ് യുപി സ്കൂൾ തെക്കിൽപറമ്പയിൽ പ്രത്യേക മാതൃഭാഷ അസംബ്ലി സംഘടിപ്പിച്ചു. മാതൃഭാഷയുടെ പ്രാധാന്യത്തെക്കുറിച്ച് സീനിയർ അസിസ്റ്റന്റ് ശ്രീമതി ജൈനമ ടീച്ചർ കുട്ടികൾക്ക് വിശദീകരിച്ചു കൊടുത്തു  കുട്ടികളുടെ കവിതാലാപനം, മലയാളഭാഷാ പ്രതിജ്ഞ എന്നിവയും  ഉണ്ടായിരുന്നു  കുട്ടികൾ നിർമ്മിച്ച പ്രാദേശിക ഭാഷ നിഘണ്ടു നിർമ്മാണം പ്രകാശനം ചെയ്തു കൂടാതെ മാതൃഭാഷാ പതിപ്പ് നിർമ്മാണം, കഥാരചന -കവിതാ രചന മത്സരം എന്നിവയും സംഘടിപ്പിച്ചു.

ശാസ്ത്രദിനം(28.2.2023)

കുട്ടികളുടെ ചിന്താശേഷിയും താൽപര്യവും വർദ്ധിപ്പിക്കുന്ന രീതിയിലായിരുന്നു ശാസ്ത്രദിനം ആഘോഷിച്ചത്. LP തലത്തിൽ ക്വിസ്, പതിപ്പ് നിർമ്മാണം, എക്സിബിഷൻ എന്നിവയാണ് നടത്തിയത്. UP  തലത്തിൽ ക്വിസ്, ലഘു പരീക്ഷണങ്ങൾ, എക്സിബിഷൻ എന്നിവയാണ് നടത്തിയത്. കുട്ടികളുടെ ശാസ്ത്രാഭിരുചിയു൦ അന്വേഷണ ത്വരയു൦ ഇതിലൂടെ കണ്ടെത്താൻ കഴിഞ്ഞു. കുട്ടികളുടെ നിരീക്ഷണശേഷിയു൦ പരീക്ഷണങ്ങളിലൂടെ കണ്ടെത്താനുള്ള ശേഷിയും ശേഖരണ മനോഭാവവും ഇതിൽ കാണാൻ കഴിഞ്ഞു. കുട്ടികൾ വളരെ ഉത്സാഹത്തോടെ ലളിതമായി ഓരോ കാര്യവും പറഞ്ഞു കൊടുത്തു.

ജി.യു.പി എസ് തെക്കിൽ പറമ്പയിൽ കലാ രൂപങ്ങളുടെ ചിത്രപ്രദർശനവും പ്രഭാഷണവും നടത്തി (1.3.2023)

വിദ്യാർത്ഥികൾക്ക് വിനോദവും വിജ്ഞാനവും അനുഭവത്തിലൂടെ പകർന്ന് നൽകുന്ന SSK യുടെ'ELA' ( Enhancing learning ambience ) പദ്ധതി രക്ഷിതാക്കളുടെയും കുട്ടികളുടെയും ആഭിമുഖ്യത്തിൽ നടത്തി. വിവിധ കലാരൂപങ്ങളുടെ ചിത്ര പ്രദർശനവും നടത്തി.HM ശ്രീവത്സൻ കെ ഐ യുടെ അധ്യക്ഷതയിൽ പി.ടി എ പ്രസിഡന്റ് പി സി നസീർ ഉദ്ഘാടനം ചെയ്തു. സി .പി വിനോദ് കുമാർ ഓട്ടൻതുള്ളൽ കലാരൂപത്തെ പരിചയപ്പെടുത്തി പ്ര ഭാഷണം നടത്തി.യു.പി വിഭാഗത്തിൽ 'ഒരു നുള്ളുപ്പ്' എന്ന പേരിൽ ദ്യശ്യാവിഷ്കാരവും നടത്തി. രാധ ജെ എൻ ,ആഷാ ഷൈനി, പ്രദീപൻ, ബീന വിജയൻ എന്നിവർ സംസാരിച്ചു.തസ്ലീമ എം കെ നന്ദി പറഞ്ഞു

പഠനോത്സവം-2022-23- "വർണ്ണച്ചെപ്പ്"(7.3.2023)

പൊതുവിദ്യാഭ്യാസ സംരക്ഷണയജ്ഞത്തിന്റെ ഭാഗമായി കേരളത്തിലെ പൊതുവിദ്യാലയങ്ങളിൽ നടത്തിവരുന്ന പഠനോൽസവത്തിന് തെക്കിൽ പറമ്പ ഗവഃ യുപി സ്കൂളും വേദിയായി. ഒരു വർഷം വിദ്യാർത്ഥികൾ സ്വായത്തമാക്കിയ പഠനനേട്ടങ്ങൾ രക്ഷിതാക്കൾക്കും സമൂഹത്തിനും മുന്നിൽ പ്രകടിപ്പിക്കുന്ന പഠനോൽസവം - 'വർണ്ണച്ചെപ്പ്' 7.3.2023 ചൊവ്വാഴ്ച സ്കൂൾ ഹാളിൽ 10 മണിയോടെയാണ് ആരംഭിച്ചത്. അറിവിന്റെ നേർക്കാഴ്ചയായി അറിയപ്പെടുന്ന ഈ പരിപാടിയിൽ ഹെഡ്മാസ്റ്റർ ശ്രീവൽസൻ കെ ഐ സ്വാഗതം സ്വാഗതം പറഞ്ഞു .ചെമ്മനാട് ഗ്രാമപഞ്ചായത്ത് വാർഡ് മെമ്പറും വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സണുമായ ശ്രീമതി രമ ഗംഗാധരന്റെ അധ്യക്ഷതയിൽ ബഹുമാനപ്പെട്ട  ഉപജില്ലാ വിദ്യാഭ്യാസ ഓഫീസർ അഗസ്റ്റിൻ ബർണാഡ് സർ പരിപാടി ഉദ്ഘാടനം ചെയ്തു. കാസർഗോഡ് ബ്ലോക്ക് പ്രോഗ്രാം ഓഫീസർ ശ്രീ പ്രകാശൻ. ടി മുഖ്യാതിഥിയായിരുന്നു. എസ്. ആർ ജെ കൺവീനർ ശ്രീമതി ആശാ ഷൈനി റിപ്പോർട്ട് അവതരണം നടത്തി. പിടിഎ പ്രസിഡണ്ട് ശ്രീ പി സി നസീർ ,എം പി ടി എ പ്രസിഡണ്ട് ശ്രീമതി ബീന വിജയൻ ,എസ്എംസി ചെയർമാൻ കുഞ്ഞിരാമൻ വടക്കേ കണ്ടം , സീനിയർ അസിസ്റ്റന്റ് ശ്രീമതി ജൈനമ്മ ടീച്ചർ,സ്റ്റാഫ് സെക്രട്ടറി ശ്രീ സൽമാൻ ജാഷിം, എന്നിവർ ആശംസ അർപ്പിച്ച് സംസാരിച്ചു.എൽ. പി .എസ് ആർ ജി കൺവീനർ ശ്രീമതി തസ്ലീമ എം കെ നന്ദി പ്രകാശനം നടത്തി. കൂടുതൽ അറിയുന്നതിന്

അന്താരാഷ്ട്ര വനിതാദിനം(8.3.2023)

അന്താരാഷ്ട്ര വനിതാ ദിനത്തോടനുബന്ധിച്ച് പ്രത്യേക അസംബ്ലി സംഘടിപ്പിക്കുകയും വനിതാദിനത്തിന്റെ പ്രാധാന്യത്തെക്കുറിച്ച് കുട്ടികൾക്ക് അവബോധം നൽകുകയും ചെയ്തു. കുട്ടികൾ തന്നെ തയ്യാറാക്കിയ വനിതാദിന സന്ദേശം അസംബ്ലിയിൽ അവതരിപ്പിച്ചു. കൂടാതെ "പൊതുസമൂഹത്തിൽ സ്ത്രീ സമത്വം ആവശ്യമാണോ?" എന്ന വിഷയത്തെ അധികരിച്ച് കുട്ടികൾക്കായി സംവാദം സംഘടിപ്പിച്ചു. 6, 7 ക്ലാസിലെ കുട്ടികൾ പങ്കെടുത്തു സ്കൂൾ ലീഡർ ദിയാ മനോജ് മോഡറേറ്റർ ആയി പ്രവർത്തിച്ചു. വളരെ ആവേശത്തോടെ നിരവധി ചോദ്യങ്ങൾ വിദ്യാർത്ഥികൾ ഉയർത്തി. ഹെഡ്മാസ്റ്റർ ശ്രീവത്സൻ, കെ. ഐ, എസ് ആർ ജി കൺവീനർ, സ്റ്റാഫ് സെക്രട്ടറി, സാമൂഹ്യശാസ്ത്ര ക്ലബ് കൺവീനർ എന്നിവരുടെ നേതൃത്വത്തിൽ ആയിരുന്നു  സംവാദം സംഘടിപ്പിച്ചത്.

തെക്കിൽ പറമ്പ് സ്കൂൾ വാർഷികാഘോഷവും പുതിയ കെട്ടിടത്തിന്റെ തറക്കല്ലിടലും(11.3.2023)

12.03.2023

തെക്കിൽ പറമ്പ് ഗവൺമെന്റ് യുപി സ്കൂളിന്റെ 104- വാർഷിക ആഘോഷവും പുതിയ കെട്ടിടത്തിന്റെ തറക്കല്ലിടലും സിഎച്ച് കുഞ്ഞമ്പു എംഎൽഎ ഉദ്ഘാടനം ചെയ്തു. ചെമ്മനാട് ഗ്രാമപഞ്ചായത്ത് വൈസ് പ്രസിഡണ്ട് ഇബ്രാഹിം മൻസൂർകുരിക്കൾ അധ്യക്ഷനായി. ഈ കുഞ്ഞമ്പു മാസ്റ്റർ സ്മാരക എൻഡോവ്മെന്റ്  ബി ദേവദർശൻ, കെ ശ്രീകൃപ എന്നീ കുട്ടികൾക്ക്  എംഎൽഎ സമ്മാനിച്ചു. ജില്ലാ പഞ്ചായത്ത് വൈസ് പ്രസിഡണ്ട് ഷാനവാസ് പാദുർ,പഞ്ചായത്ത് സ്ഥിരം സമിതി അധ്യക്ഷ രമാ ഗംഗാധരൻ, പഞ്ചായത്ത് അംഗങ്ങളായ രാജൻ. കെ. പൊയ്‌നാച്ചി, ഉപജില്ലാ വിദ്യാഭ്യാസ ഓഫീസർ അഗസ്റ്റിൻ ബർണാഡ് മോണ്ടാരോ, എസ് എം  സി ചെയർമാൻ കുഞ്ഞിരാമൻ വടക്കേ കണ്ടം, പിടിഎ പ്രസിഡണ്ട് പി സി നസീർ,മദർ പ്രസിഡണ്ട് ബീനവിജയൻ, പിടിഎ വൈസ് പ്രസിഡണ്ട് പ്രദീപ് മണ്ഡലിപ്പാറ, മുരളീധരൻ പൂക്കുന്നത്ത്, സീനിയർ അസിസ്റ്റന്റ് ജൈനമാ എബ്രഹാം, പ്രഥമ അധ്യാപകൻ കെ ഐ ശ്രീവത്സൻ എന്നിവർ സംസാരിച്ചു. വിദ്യാഭ്യാസ വകുപ്പിന്റെ പ്ലാൻ ഫണ്ട് ഉപയോഗിച്ച് ഒരു കോടി രൂപ ചെലവിൽ 6 ക്ലാസ് മുറികളുള്ള കെട്ടിടമാണ് നിർമ്മിക്കുന്നത്.

ഏഴാംക്ലാസ് വിദ്യാർത്ഥികൾക്കുള്ള യാത്രയയപ്പ്(16.3.2023)

തെക്കിൽ പറമ്പ് ഗവൺമെന്റ് യുപി സ്കൂളിലെ ഏഴാം ക്ലാസ് വിദ്യാർത്ഥികൾക്കുള്ള യാത്രയയപ്പ് സംഘടിപ്പിച്ചു. പ്രസ്തുത ചടങ്ങിൽ ഏഴാന്തരത്തിലെ വിദ്യാർത്ഥിയും സ്കൂൾ ലീഡറും കൂടിയായ ദിയ മനോജ്, സ്വാഗതം പറഞ്ഞു.. ശ്രീ കൃപ അധ്യക്ഷത വഹിച്ച ചടങ്ങിൽ സ്കൂൾ ഹെഡ്മാസ്റ്റർ,ശ്രീവത്സൻ കെ ഐ, പിടിഎ പ്രസിഡണ്ട് പി സി നസീർ, സീനിയർ അസിസ്റ്റന്റ് ജൈനമ ടീച്ചർ, രാധ ടീച്ചർ എന്നിവർ കുട്ടികൾക്ക് ആശംസ അർപ്പിച്ച് സംസാരിച്ചു. കുട്ടികൾ തങ്ങളുടെ വിദ്യാലയ അനുഭവങ്ങൾ പങ്കുവെച്ചു. കുട്ടികളുടെ വിവിധ കലാപരിപാടികളും നടന്നു.തങ്ങളുടെ വിദ്യാലയത്തിലേക്ക് കുട്ടികളുടെ വകയായി കസേരകൾ നൽകി..

ഒന്നാം ക്ലാസിൽ കൂടുതൽ വിദ്യാർത്ഥികൾ എത്തിയത് തെക്കിൽ പറമ്പ ഗവൺമെന്റ് യുപി സ്കൂളിൽ(1.4.2023)

manorama

കാസർകോഡ് ജില്ലയിൽ 2022- 23 അധ്യയന വർഷത്തിൽ ഒന്നാം ക്ലാസിൽ കൂടുതൽ വിദ്യാർത്ഥികൾ എത്തിയ സർക്കാർ വിദ്യാലയം തെക്കിൽ പ്പറമ്പ് ഗവൺമെന്റ് യുപി സ്കൂൾ ആണെന്ന് മന്ത്രി ശിവൻകുട്ടി. പൊതുവിദ്യാലയങ്ങളിൽ ഒന്നാം ക്ലാസിൽ ചേർന്ന കുട്ടികളുടെ എണ്ണം സംബന്ധിച്ച് നിയമസഭയിൽ സി എച്ച് കുഞ്ഞമ്പു ഉന്നയിച്ച ചോദ്യത്തിന് മറുപടി  നൽകുകയായിരുന്നു മന്ത്രി.

ന്യായവിലപ്പീടിക ഉദ്‌ഘാടനം ചെയ്തു (27.4.2023)

27-04-2022 വ്യാഴാഴ്ച വിദ്യാലയത്തിലെ ന്യായവിലപ്പീടിക(ബുക്ക് സ്റ്റാൾ) പ്രവർത്തനം ആരംഭിച്ചു.പഠനോപകരണങ്ങൾ സ്റ്റേഷനറി ഇനങ്ങൾ എന്നിവ മിതമായ നിരക്കിൽ കുട്ടികൾക്ക് ലഭ്യമാക്കുക എന്ന ഉദ്ദേശ്യത്തോടു കൂടിയാണ് ഇത് പ്രവർത്തിക്കുന്നത്