ഗവ. എച്ച് എസ് ബീനാച്ചി/പ്രവർത്തനങ്ങൾ/2025-26

2025-26

പ്രവേശനോത്സവം 2025-2026

2025 26 അധ്യായന വർഷത്തെ പ്രവേശനോത്സവം വളരെ ഗംഭീരമായി തന്നെ ജൂൺ രണ്ടാം തീയതി 12 മണിക്ക് സ്കൂളിൽ നടന്നു .സുൽത്താൻബത്തേരി നഗരസഭ ചെയർപേഴ്സൺ ശ്രീ ടി കെ രമേശ് ഉദ്ഘാടനം ചെയ്ത ചടങ്ങിൽ നഗരസഭ വിദ്യാഭ്യാസ സ്റ്റാന്റിംഗ് കമ്മിറ്റി ചെയർപേഴ്സൺ ശ്രീ ടോം ജോസ് അധ്യക്ഷത വഹിച്ചു. പ്രധാന അധ്യാപകൻ ശ്രീ ടിം ജി സജി സ്വാഗതഭാഷണം നടത്തി. വിജയോത്സവം ,നഗരസഭ അനുവദിച്ച 10 ലക്ഷം രൂപ ഉപയോഗിച്ച് നിർമ്മിച്ച സ്കൂൾ അടുക്കളയുടെ ഉദ്ഘാടനം, എസ് എസ് കെ അനുവദിച്ച 25 ലക്ഷം രൂപ വിനിയോഗിച്ച് തയ്യാറാക്കിയ ക്ലാസ് മുറികളുടെ ഉദ്ഘാടനം എന്നീ ചടങ്ങുകൾ വിജയോത്സവത്തിന് മാറ്റുകൂട്ടി. ബഹുമാനപ്പെട്ട ഡെപ്യൂട്ടി ചെയർപേഴ്സൺ ശ്രീമതി എൽസി പൗലോസ് , ക്ഷേമകാര്യ സ്റ്റാൻഡിങ് കമ്മിറ്റി ചെയർപേഴ്സൺ ശ്രീ സി കെ സഹദേവൻ,കൗൺസിലർമാരായ ശ്രീമതി രാധ ബാബു, ശ്രീമതി ബിന്ദു പ്രമോദ് ,ശ്രീ കെ സി യോഹന്നാൻ , ശ്രീ ഷൗക്കത്ത് കള്ളിക്കൂടൻ, ശ്രീമതി മേഴ്സി ടീച്ചർ എന്നിവർ എസ്എസ്എൽസി ഫുൾ എ പ്ലസ്, 9എ പ്ലസ് ,എൻ എം എം എസ് , യു എസ് എസ് , എൽ എസ് എസ് പ്രതിഭകൾക്ക് മെമൻ്റോ വിതരണം ചെയ്തു. ചടങ്ങിൽ സമഗ്ര ഗുണമേന്മ വിദ്യാഭ്യാസ പദ്ധതി , ബ്രിഡ്ജ് കോഴ്സ് - മൊഡ്യൂൾ വിതരണം സുൽത്താൻബത്തേരി ഡയറ്റ് പ്രിൻസിപ്പാൾ ശ്രീ സെബാസ്റ്റ്യൻ കെ എം നിർവഹിച്ചു . സ്കൂളിലെ അക്കാദമിക മാസ്റ്റർ പ്ലാൻ എസ് എസ് കെ ജില്ലാ പ്രോഗ്രാം കോഡിനേറ്റർ ശ്രീ അനിൽകുമാർ വി പ്രകാശനം ചെയ്തു. സുൽത്താൻബത്തേരി ബിപിസി ശ്രീ രാജൻ ടി , എസ് എം സി ചെയർമാൻ ശ്രീ എസ് കൃഷ്ണകുമാർ , എം പി ടി എ പ്രസിഡൻറ് ബിന്ദു എം സീനിയർ അസിസ്റ്റൻറ് ശ്രീമതി സ്മിത വി, സ്റ്റാഫ് സെക്രട്ടറി ശ്രീ സാലിഹ് കെ, സ്കൂൾ ലീഡർ കുമാരി സഫ ഫാത്തിമ എന്നിവർ ആശംസകൾ അറിയിച്ചു സംസാരിച്ചു. പി ടി എ പ്രസിഡൻറ് ശ്രീ പൈതൽ എ നന്ദി പ്രകാശിപ്പിച്ചു.

കുട്ടികൾ അവതരിപ്പിച്ച സമഭാവനയുടെ ശാന്തി ഗീതവും , പ്രവേശനോത്സവ ഗാനത്തിന് നൃത്തച്ചുവടുകളും പ്രവേശനോത്സവത്തിന് കൂടുതൽ നിറമേകി. മുഴുവൻ വിഷയങ്ങൾക്കും എ പ്ലസ് നേടിയ കുട്ടികൾ ഈ വർഷത്തെ എസ്എസ്എൽസി ബാച്ചിന് അവരുടെ വിജയ് തെളിച്ചം കൈമാറുന്ന ചടങ്ങ് , 'വിജയം ദീപം തെളിക്കാം ' ഏറെ ശ്രദ്ധേയമായി. പുതുതായി എത്തിയ ഒന്ന്, എൽ കെ ജി ക്ലിസ്സുകളിലെ കുട്ടികൾക്ക് സമ്മാനക്കിറ്റ് വിതരണം ചെയ്തു.

2-10 ക്ലാസ്സുകളിലേക്ക് എത്തിയ പുതിയ കുട്ടികൾക്ക് പേനയും നോട്ടു പുസ്തകവും സമ്മാനമായി നൽകി.

സ്കൂളിൽ എത്തിയ മുഴുവൻ കുട്ടികൾക്കും രക്ഷിതാക്കൾക്കും പായസവും ഉച്ചഭക്ഷണവും വിതരണം ചെയ്തു....

പരിസ്ഥിതി ദിനം

ജി എച്ച് എസ് ബീനാച്ചിയിലെ ഈ വർഷത്തെ പരിസ്ഥിതി ദിനാഘോഷവുമായി ബന്ധപ്പെട്ടു പ്രത്യേക അസംബ്ലി സംഘടിപ്പിച്ചു. ഈ വർഷത്തെ പ്രവർത്തനങ്ങൾ ഉദ്ഘാടനം ചെയ്തത് ബഹുമാനപ്പെട്ട എച്ച് എം സജി സാറായിരുന്നു. ജീവശാസ്ത്രം അധ്യാപിക സജിന, 8ബി ക്ലാസിലെ സിയാ എന്നിവർ വിദ്യാർത്ഥികൾക്ക് പരിസ്ഥിതി ദിന സന്ദേശം നൽകി. സ്കൂൾ ലീഡർ ഫാത്തിമ സഫ പ്രതിജ്ഞ ചൊല്ലി കൊടുത്തു. വിദ്യാർത്ഥികൾ വിവിധതരം പരിപാടികൾ അസംബ്ലിയിൽ അവതരിപ്പിച്ചു.എന്റെ വിദ്യാലയം എന്റെ അഭിമാനം പദ്ധതിയുടെ ഭാഗമായി വിദ്യാലയ സൗന്ദര്യവൽക്കരണത്തിന്റെ ഭാഗമായി "ക്ലാസിൽ ഒരു തുളസി പദ്ധതി"ഉദ്ഘാടനം ഹെഡ്മാസ്റ്റർ നിർവഹിച്ചു. വിദ്യാലയ പരിസരത്ത് വൃക്ഷത്തൈ നടീൽ HM സജി സർ,എസ് എം സി ചെയർമാൻ കൃഷ്ണകുമാർ എന്നിവർ നിർവഹിച്ചു. പോസ്റ്റർ പ്രദർശനം, ചുമർപത്രിക നിർമ്മാണം, പരിസ്ഥിതി ദിന ക്വിസ്, ഉപന്യാസരചന,എന്നീ മത്സരങ്ങളും സംഘടിപ്പിച്ചു. ഭൂമിക്കൊരു കയ്യൊപ്പ് പദ്ധതിയുമായി ഈ വർഷത്തെ സീഡ് പ്രവർത്തനങ്ങൾക്ക് തുടക്കമായി.

ലിറ്റിൽ കൈറ്റ്സ് ഏകദിന ക്യാമ്പ്

ലിറ്റിൽ കൈറ്റ്സ് 2024- 27 ബാച്ചിന്റെ ഏകദിന ക്യാമ്പ് 11/6/2025 ന് നടത്തപ്പെട്ടു. എസ് എം സി ചെയർമാൻ ശ്രീ എസ് കൃഷ്ണകുമാറിന്റെ അധ്യക്ഷതയിൽ ചേർന്ന യോഗത്തിൽ ഹെഡ്മാസ്റ്റർ ശ്രീ ടി ജി സജി ക്യാമ്പ് ഉദ്ഘാടനം ചെയ്തു. റിസോഴ്സ് അധ്യാപിക ജി എച്ച് എസ് പരിയാരം കൈറ്റ് മിസ്ട്രസ് ദിവ്യ എച്ച് ക്ലാസ്സ് നയിച്ചു. വിവരവിനിമയ സാങ്കേതികവിദ്യയും സോഷ്യൽ മീഡിയ പ്ലാറ്റ്ഫോമുകളും ജീവിതത്തിന്റെ സകല മേഖലകളെയും സ്വാധീനിക്കുന്ന ഈ കാലഘട്ടത്തിൽ സാമൂഹിക മണ്ഡലത്തിൽ സമർത്ഥമായി ഇടപെടാനും ക്രിയാത്മകമായി പ്രവർത്തിക്കാനും ഓരോ ലിറ്റിൽ കൈറ്റ് അംഗത്തെയും പ്രാപ്തരാക്കുക എന്ന ലക്ഷ്യത്തോടെ നടത്തിയ ഏകദിന ക്യാമ്പ് കുട്ടിൾക്ക് ഏറെ ഫലപ്രദമായിരുന്നു. റീൽ നിർമ്മാണം, പ്രമോഷൻ വീഡിയോ തയ്യാറാക്കൽ, ഷൂട്ടിംഗ് ടെക്നിക്കുകൾ പരിചയപ്പെടൽ കെഡെൻ ലൈവ് സോഫ്റ്റ്‌വെയറിൽ എഡിറ്റിംഗ് പരിശീലനം എന്നിവ ക്യാമ്പിന്റെ ഭാഗമായി നടന്നു. കൈറ്റ് മിസ്റ്റർ എം ഡി ദിലീപ് നന്ദി അറിയിച്ചു.

ജൂൺ23 ലിറ്റിൽ കൈറ്റ്സ് അഭിരുചി മോഡൽ പരീക്ഷ

2025-2028 ബാച്ചിലേക്കുളള ലിറ്റിൽ കൈറ്റ്സ് അഭിരുചി മോഡൽ പരീക്ഷ ജൂൺ23 ന് നടന്നു.ഒൻപതാം ക്ലാസ് ലിറ്റിൽ കൈറ്റ്സ് അംഗങ്ങൾ മോഡൽ പരീക്ഷ സോഫ്റ്റ് വെയർ ഇൻസ്റ്റാൾ ചെയ്യുകയും പരീക്ഷക്ക് നേതൃത്വം നൽകുകയും ചെയ്തു

ജൂൺ 25 ലിറ്റിൽ കൈറ്റ്സ് അഭിരുചി പരീക്ഷ ജൂൺ

എട്ടാം ക്ലാസ്സ് കുട്ടികളുടെ ലിറ്റിൽ കൈറ്റ്സ് അംഗത്വത്തിനായുളള അഭിരുചി പരീക്ഷ ജൂൺ 25 ന് നടന്നു.90 കുട്ടികൾ രജിസ്റ്റർ ചെയ്ത പരീക്ഷയിൽ 88 കുട്ടികൾ പങ്കെടുത്തു.

വായന ദിനം

ജൂൺ 19 പി എൻ അനുസ്മരണവും വായനാദിനവും സമുചിതമായി ,ഒരു വർഷം നീണ്ടുനിൽക്കുന്ന വിവിധ പരിപാടികളോടെ ആചരിക്കുന്നതിനായി തീരുമാനച്ചു. ജൂൺ 19 ന് സ്കൂൾ ലീഡർ വായനദിന സന്ദേശം നൽകി . സ്കൂളിലെ മുഴുവൻ കുട്ടികളും വായനദിന പ്രതിജ്ഞ എടുത്തു. ഈ വർഷത്തെ വായന ക്ലബ്ബിന്റെയും വിദ്യാരംഗം കലാസാഹിത്യവേദിയുടെയും ഔപചാരികമായ ഉദ്ഘാടനം വയനാടിൻറെ സാഹിത്യ സാംസ്കാരിക മേഖലയിൽ വ്യക്തിമുദ്ര പതിപ്പിച്ച ശ്രീ വിനയൻ അഴിപ്പുറത്ത് നിർവഹിച്ചു.

നുറുങ്ങു കഥകളിലൂടെയും കവിതകളിലൂടെയും നാടൻ ശീലുകളിലൂടെയും കുട്ടികളോട് സമ്മതിച്ച ശ്രീ വിനയൻ അഴിപ്പുറത്ത് അന്തർദേശീയ പ്രകൃതി സംരക്ഷണ സംഘടനയായ വൈസ്കയുടെ സംസ്ഥാന ജനറൽ സെക്രട്ടറി കൂടിയാണ് അദ്ദേഹത്തിൻറെ അദ്ദേഹത്തോടൊപ്പം ചിലവഴിച്ച സമയം ഏറ്റവും മികച്ചതായി കുട്ടികൾ അഭിപ്രായപ്പെട്ടു . വിവിധ വിദ്യാർഥികളുടെ കവിത ആലാപനവും വായനദിന പ്രഭാഷണങ്ങളും നടന്നു. ചടങ്ങിന് സ്കൂൾ പ്രധാന അധ്യാപകൻ സജി സാർ സ്വാഗതം അറിയിച്ചു.എസ് എം സി ചെയർമാൻ ശ്രീ കൃഷ്ണകുമാർ ആശംസകൾ അറിയിച്ചു. വിതരംഗം കൺവീനർ ശ്രീമതി നിഷാ എം ജി നന്ദി അറിയിച്ചതോടെ ചടങ്ങ് അവസാനിച്ചു. തുടർന്ന് പ്രശ്നോത്തരി സ്കൂൾ വായിക്കുന്നു കുടുംബ വായന മെഗാ ചിത്രരചന തുടങ്ങിയ വ്യത്യസ്ത പരിപാടികൾ ആസൂത്രണം ചെയ്തു നടപ്പിലാക്കുന്നതിനും വായന ക്ലബ്ബ് തീരുമാനിച്ചു.

അന്താരാഷ്ട്ര യോഗ ദിനം

June 21 അന്താരാഷ്ട്ര യോഗ ദിനത്തിൽ GHS ബീനച്ചിയിലെ ജൂനിയർ റെഡ് ക്രോസ്സ് യൂണിറ്റിന്റെ നേതൃത്വത്തിൽ യോഗ ദിനം ആചരിക്കുകയും, Dr. അസ്മൽ ഷാ K B (M D. ആയുർവേദ, panchakarma )B. A. M. S കുട്ടികൾക്കായി യോഗ പരിശീലനം നൽകുകയും ചെയ്തു.മനസും ശരീരവും ഏകാഗ്രവും സ്വച്ഛവും ആക്കി വെക്കുന്നതിന് യോഗ പരിശീലനങ്ങൾ ഗുണം ചെയ്യുമെന്നതിനാൽ കുട്ടികൾക്ക് നിത്യജീവിതത്തിൽ യോഗ ശീലമാക്കുന്നതിന് വേണ്ട നിർദേശങ്ങളും അദ്ദേഹം നൽകി.

ലോകസംഗീത ദിനം

ജൂൺ 21 ലോക സംഗീത ദിനത്തിൽ ഭാരതീയ 'സംഗീതത്തിന്റെ ഉദ്ഭവം' വിഷയത്തെ കുറിച്ച് സംഗീതാ അധ്യാപിക ക്ലാസ്സ്‌ നൽകി. എട്ടാം ക്ലാസിലെ കുട്ടികളെ പങ്കെടുപ്പിച്ചുകൊണ്ടാണ് ക്ലാസ് നടത്തിയത്.

ലോകലഹരി വിരുദ്ധദിനം

സമൂഹത്തിലെ മരക ലഹരി വ്യാപനത്തിനെതിരെ ലോകലഹരി വിരുദ്ധദിനത്തിൽ ബീനാച്ചി ഗവൺമെന്റ് ഹൈസ്കൂളും, ബത്തേരി പോലീസ് അസോസിയേഷനും സംയുക്തമായി ലഹരി വിരുദ്ധ പ്രവർത്തനങ്ങളുടെ ഭാഗമായി നടപ്പിലാക്കിയ പ്രവർത്തനമാണ് മനുഷ്യച്ചങ്ങല. സ്കൂളിലെ മുഴുവൻ വിദ്യാർത്ഥികളും എൻഎച്ച് സൈഡിൽ കൈകോർത്തു നിൽക്കുകയും പ്രതിജ്ഞ ചൊല്ലുകയും ചെയ്തു. ഇതോടനുബന്ധിച്ച് സ്കൂളിലെ വിദ്യാർഥികൾ ബീനാച്ചി ടൗണിൽ നടത്തിയ ഫ്ലാഷ് മോബ് ജനശ്രദ്ധ പിടിച്ചുപറ്റി. സ്കൂളിൽ നടന്ന ഉദ്ഘാടന ചടങ്ങിൽ എച്ച് എം സജി സാർ സ്വാഗതം ആശംസിച്ചു. സുൽത്താൻബത്തേരി DYSP ശരീഫ് സാർ ഉദ്ഘാടനം ചെയ്തു PTA പ്രസി‍ഡന്റ് പൈതൽ , എസ്. എം സി ചെയർമാൻ എസ് കൃഷ്ണകുമാർ ബത്തേരി എസ് ഐ. തുടങ്ങിയവർ സംസാരിച്ചു

സൂംബ പരിശീലനം

വിജ്ഞാനവും വിനോദവും കൈമുതലാക്കി ജീവിത വഴിത്താരയിൽ വിജയം കൊയ്യുന്നതിന് ആവശ്യമായ ഊർജസ്വലത നേടിയെടുക്കുന്നതിന് ആവശ്യം വേണ്ട ഒരു കലയാണ് ZUMBA.സ്കൂളിലെ JRC യൂണിറ്റ് ന്റെ ആഭിമുഖ്യത്തിൽ ZUMBA പരിശീലനം നൽകി. ZUMBA INSTRUCTOR ആയ അതുല്യ കൃഷ്ണ പരിശീലനം നൽകി.

ELEP : ENGLISH LANGUAGE ENRICHMENT PROGRAMME

The inaugural ceremony of the English Language Enrichment Programme (ELEP) was conducted on 10 july 2025 with great enthusiasm and particioation at GHS Beenachi. The event commenced with a warm welcome speech by Saji T G, the Headmaster of the school, who extended greatings to the dignitaries, teachers, students and parents. It was followed by a small talk by Sreelakshmi Sunilkumar, a student of ELEP, who shared her experiences and expectations from the programme. The keynote Address was delivered by Sheeja T R, Senior Lecturer Diet Wayanad. She emphasized the importance of language proficiancy in shaping student's future and highlighted how ELEP can play a pivotal role in achieving this goal. Tom Jose, chairperson of the Education Standing Committee, delived the Presidential Address, where he appreciated the efforts of the school in implimenting such progressive programmes and motivated the students to make the most of this opportunity. The programme was formally inaugurated by T K Ramesh, chairperson of Sulthan Bathery Municipality. In his address, he stressed the need for English communication skills in today's competitive world and assured continued support from the local administration for such initiatives. Felicitations were offered by representatives of PTA, CMC, MPTA, who conveyed their full support and appreciation for the school's efforts in empowering students through language enrichment. Following the official function, ELEP students presented a lively activity session showcasing their language skills, creativity and confidence, which was well received by the audience. The function concluded with a heartfelt vote of thanks by Dimple Davis, ELEP ResourceTeacher, who expressed gratitude to all the guests, teachers and participants for making the event a grand success. The inaugural function marked a vibrant beginning for the ELEP at GHS Beenachi, promising a journey of learning, growth and communication excellence for the students.

ബഷീർദിനം

ജൂലൈ 5 ബഷീർ അനുസ്മരണത്തോടനുബന്ധിച്ച് വിശ്വം സാഹിത്യ സാമ്രാട്ട് ബേപ്പൂർ സുൽത്താൻ അനുസ്മരണം നടത്തി. സാർത്ഥകം ഭാഷ ക്ലബ്ബിൻ്റെ നേതൃത്വത്തിൽ ബഷീർ കഥാപാത്രങ്ങൾ, സന്ദർഭങ്ങൾ ചിത്രരചന സംഘടിപ്പിച്ചു . വിജയികളെ കണ്ടെത്തി അനുമോദിച്ചു . ബഷീർ പ്രശ്നോത്തരി നടത്തി . വിജയികളെ കണ്ടെത്തി അഭിനന്ദനങ്ങൾ അറിയിച്ചു . ബഷീർ കഥാസന്ദർഭം റീൽസ് മത്സരം നടത്തി. വിദ്യാലയം വായിക്കുന്നു എന്ന പദ്ധതിയിൽ സാർഥകം ക്ലബ്ബ് അംഗങ്ങൾ വായിക്കാൻ തുടങ്ങി.

പോസിറ്റീവ് പാരന്റിംഗ് (ബോധവത്കരണ ക്ലാസ്)

ORC -(Our Responsibility To Children.) Programme.

കുട്ടികളെ സമൂഹത്തിലെ ഉത്തമ പൗരന്മാരായി വളർത്തിക്കൊണ്ടു വരിക എന്നുള്ളത് മാതാപിതാക്കളെ സംബന്ധിച്ചിടത്തോളം ഒരു വെല്ലുവിളിയായി മാറിക്കൊണ്ടിരിക്കുന്ന ഇന്നത്തെ കാലഘട്ടത്തിൽ "Positive Parenting" എങ്ങനെ നടപ്പിലാക്കാം എന്നുള്ളതിനെ കുറിച്ച് രക്ഷിതാക്കളെയും അധ്യാപകരെയും ബോധവാന്മാരാക്കുന്ന ഒരു ക്ലാസ് ആണ് 19/07/2025 ശനിയാഴ്ച രാവിലെ 10 മണി മുതൽ 12 മണി വരെ ജിഎച്ച്എസ് ബീനാച്ചിയിൽ വച്ച് നടത്തപ്പെട്ടത്. NLP Master Trainer, International Trainer എന്നീ മേഖലകളിൽ പ്രശസ്തനായ ശ്രീ. ജോസഫ് വയനാട് വളരെ മനോഹരവും, ലളിതവും ഹൃദയസ്പർശവുമായി "Positive Parenting" വീടുകളിൽ എങ്ങനെ നടപ്പിലാക്കാം എന്ന് രക്ഷിതാക്കളെ ബോധ്യപ്പെടുത്തി. സ്കൂൾ ഹെഡ്മാസ്റ്റർ ശ്രീ. സജി TG ഇന്നത്തെ കാല കാലഘട്ടത്തിൽ വിദ്യാലയങ്ങളിൽ ORC യുടെയും Positive Parenting ന്റെയും പ്രാധാന്യത്തെക്കുറിച്ച് രക്ഷിതാക്കളെ ബോധ്യപ്പെടുത്തി.SMC ചെയർമാൻ , PTA വൈസ് പ്രസിഡണ്ട് എന്നിവർ പ്രോഗ്രാമിന് ആശംസകൾ നേർന്നു. ORC നോഡൽ ടീച്ചർ ശ്രീമതി. നിമ്മി ആന്റണി സ്വാഗതം ആശംസിച്ച പ്രോഗ്രാമിൽ ORC കോർ ടീം അംഗങ്ങൾ എല്ലാവരും സന്നിഹിതരായിരുന്നു. ക്ലാസ്സ് സമാപിച്ചതിനുശേഷം രക്ഷിതാക്കളുടെയും അധ്യാപകരുടെയും ഫീഡ്ബാക്ക് ക്ലാസ്സ് എത്രത്തോളം വിജയകരമായിരുന്നു എന്ന് എടുത്തു പറയുന്നതായിരുന്നു.

പി ടി എ ജനറൽ ബോ‍ഡി മീറ്റിംഗ്

2025 അധ്യയനവർഷത്തെ പി ടി എ ജനറൽ ബോ‍‍‌‍‍ഡിയോഗം ജൂലൈ 10 ന് നഗരസഭചെയർമാൻ ശ്രീ ടി കെ രമേശ് ഉദ്ഘാടനം ചെയ്തു. പ്രീ പ്രൈമറി മുതൽ 10 വരെ ക്ലാസുകളിലെ രക്ഷിതാക്കൾ പങ്കെടുത്തു. ചടങ്ങിൽ പ്രധാനാധ്യാപകൻ ടി ജി സജി, എസ് എം സി ചെയർമാൻ കൃഷ്ണകുമാർ, എന്നിവർ സംസാരിച്ചു. 2024 വർഷത്തെ പി ടി എ പ്രവർത്തന റിപ്പോർട്ട് പി ടി എ പ്രസി‍ഡന്റ് അവതരിപ്പിച്ചു. വരവു ചെലവ് കണക്കുകൾ സ്റ്റാഫ് സെക്രട്ടറി സാലിഹ് അവതരപ്പിച്ചു. പഴയ പുതിയ പി ടി എ കമ്മറ്റി പിരിച്ചുവിട്ട് പുതിയ പി ടി എ കമ്മറ്റിക്ക് യോഗത്തിൽ നേതൃത്വം നൽകി. പുതിയ മദർകമ്മറ്റിയും രൂപീകരിച്ചു.

പി ടി എ പ്രസി‍ഡന്റായി എ പൈതലിനെയും, വൈസ് പ്രസി‍ഡന്റായി ജംഷീറിനെയും തിരഞ്ഞെടുത്തു. മദർ പി ടി എ പ്രസി‍ഡന്റായി എം ബിന്ദുവിനെയും

തിരഞ്ഞെടുത്തു.

കുുടനിർമ്മാണ പരിശീലനം

ബീനാച്ചി ഗവൺമെന്റ് ഹൈസ്കൂളിൽ സൂചിമുഖി സ്കൂൾ പ്രൊഡക്ഷൻ യൂണിറ്റിന്റെ നേതൃത്വത്തിൽ രക്ഷിതാക്കൾക്കും വിദ്യാർത്ഥികൾക്കുമായി കുട നിർമ്മാണം ശില്പശാല നടത്തി ശില്പശാല സ്കൂൾ എച്ച് എം സജി സാർ ഉദ്ഘാടനം ചെയ്തു. പഠനത്തോടൊപ്പം തന്നെ ഒരു തൊഴിൽ പരിശീലനം എന്ന ലക്ഷ്യത്തോടെയാണ് വിദ്യാർത്ഥികൾക്ക് ഈ പരിശീലനം സംഘടിപ്പിച്ചത് മാത്രമല്ല വർധിച്ചുവരുന്ന ലഹരി ഉപയോഗത്തിന് അടിമപ്പെടാതിരിക്കാൻ കുട്ടികളെ തൊഴിലിലേക്ക് തിരിച്ചുവിടാൻ ഇത്തരം പരിശീലനങ്ങൾ സഹായകമാകുന്നു. രക്ഷിതാക്കൾക്കും വീട്ടിലിരുന്ന് ചെയ്യാവുന്ന ഒരു സ്വയംതൊഴിലാണ് കുട നിർമ്മാണം സ്കൂളിൽ വച്ച് നടന്ന സൗജന്യ പരിശീലനത്തിൽ നിരവധി രക്ഷിതാക്കൾ പങ്കാളികളായി. പ്രൊഡക്ഷൻ യൂണിറ്റിന്റെ കോഡിനേറ്റർ ശ്രീമതി ഫൗസിയ ആണ് പരിശീലനം നൽകുന്നത് പൊതുവിദ്യാഭ്യാസ വകുപ്പിൽ നിന്നും അനുവദിച്ച പ്രവർത്തിപരിച വിഭാഗത്തിന്റെ പ്രൊഡക്ഷൻ യൂണിറ്റിൽ ഇത്തരം നിരവധി പ്രവർത്തനങ്ങൾ നടന്നു വരുന്നു കുട നിർമ്മാണം വിപണനം എൽഇഡി ബൾബ് നിർമ്മാണം സോപ്പ് നിർമ്മാണം മറ്റ് കരകൗശല വസ്തുക്കളുടെ നിർമ്മാണ പരിശീലനങ്ങൾ തുടങ്ങിയ കുട്ടികൾക്ക് നിരവധി തൊഴിൽ പരിശീലനങ്ങൾ നടന്നു വരുന്നു. ഗോത്ര വിദ്യാർത്ഥികൾക്കായി പ്രത്യേക തയ്യൽ പരിശീലനവും നടക്കുന്നു.

ചാന്ദ്രദിനം

ജൂലൈ 21 ചാന്ദ്രദിനം സയൻസ് ക്ലബ്ബിന്റെ ആഭിമുഖ്യത്തിൽ വിവിധ പരിപാടികളോടെ നടന്നു. റോക്കറ്റ് നിർമ്മാണ മത്സരം, ചാന്ദ്രദിനക്വിസ്, ‍‍ഡോക്യുമെന്ററി പ്രദർശനം, ആകാശവീക്ഷണം തുടങ്ങിയവ നടത്തി. പ്രത്യേക അസംബ്ലിയിൽ വിവിധതരം ചാന്ദ്രദൗത്യങ്ങളെക്കുറിച്ചും ചന്ദ്രസവിശേഷതകളെക്കുറിച്ചും സൂചിപ്പിച്ചു.

സ്ഥലമാറ്റം ലഭിച്ച അധ്യാപകർക്കുള്ള യാത്രയയപ്പ് (ആദരം 2025)

ബീനാച്ചി സ്കൂളിന്റെ വളർച്ചക്ക് വർഷങ്ങളായി പ്രയത്നിച്ച പ്രിയപ്പെട്ട അധ്യാപക- അധ്യാപകേതര ജീവനക്കാരുടെ യാത്രയയപ്പ് ആദരം 2025 വിദ്യാലയത്തിൽ വെച്ച് നടന്നു. ഹൈസ്കൂൾ വിഭാഗത്തിൽ നിന്നും ഷീജ ഒ ഐ (എച്ച് എം ജി എൽ പി എസ് എടക്കൽ) പ്രിയ ടി (നായർകുുഴി എച്ച് എസ് എസ് കുന്ദമംഗലം) ബിനോ എം ജെ (ജി എച്ച് എച്ച് എസ് പടിഞ്ഞാറത്തറ) യു പി വിഭാഗത്തിൽ നിന്നും - സുജ ഏലിയാസ് ( എച്ച് എം - ജി എൽ പി എസ് ചീങ്ങവല്ലം) സനിത എം (ജി എച്ച് എസ് മാതമംഗലം) എൽ പി വിഭാഗത്തിൽ നിന്ന് റിങ്കു,(ജി എൽ പി എസ് പനമരം) ഓഫീസ് സ്റ്റാഫ് നിമിഷ എൻ കെ (ജി എച്ച് എസ് മാതമംഗലം) ഷീജ എൻ കെ സ്പെഷ്യൽ ടീച്ചർ ഫിസിക്കൽ എജ്യുക്കേഷൻ (ജി വി എച്ച് എസ് അമ്പലവയൽ) മെന്റർ ‍ടീച്ചർ ഭൈമി (എ യു പി എസ് അരിമുള) എന്നിവർക്ക് യാത്രയയപ്പ് നൽകി. പ്രധാനാധ്യാപകൻ സ്റ്റാഫ് സെക്രട്ടറി അധ്യാപക അധ്യാപക്തര ജീവനക്കാർ തുടങ്ങിയവർ പങ്കെടുത്തു.

ശാസ്ത്രമേള

സ്കൂൾതല ശാസ്ത്രമേള 27 7 2025 തിങ്കളാഴ്ച രാവിലെ 10 മണി മുതൽ വിദ്യാലയത്തിൽ വച്ച് നടന്നു. ശാസ്ത്രമേള, സാമൂഹ്യശാസ്ത്രമേള, ഗണിതമേള പ്രവർത്തിപരിചയമേള ഐറ്റി മേള എന്നിങ്ങനെ വിവിധ മേഖലകളിൽ വിദ്യാലയത്തിലെ മുഴുവൻ വിദ്യാർത്ഥികളും പങ്കെടുത്തു. വ്യത്യസ്ത ശാസ്ത്ര വിഷയങ്ങളിൽ കൗതുകകരമായ നിരവധി പ്രവർത്തനങ്ങൾ ശ്രദ്ധേയമായ രീതിയിൽ കുട്ടികൾ അവതരിപ്പിച്ചു. സ്റ്റിൽ മോഡൽ വർക്കിംഗ് മോഡൽ തുടങ്ങിയവ ശ്രദ്ധേയമായിരുന്നുപ്രവർത്തി പരിചയമേളയിൽ അറ്റ്ലസ് നിർമ്മാണം, ചോക്ക് നിർമ്മാണം, സോപ്പ് നിർമ്മാണം, നെറ്റ്‌ ബോൾ നിർമ്മാണം തുടങ്ങിയവയും വെജിറ്റബിൾ

പ്രിന്റിംഗ്, ക്ലേ-മോഡൽ തുടങ്ങിയവയും ശ്രദ്ധേയമായ രീതിയിൽ കുട്ടികൾ അവതരിപ്പിച്ചു.

കരിയർജ്വാല

നാഷണൽ സർവ്വീസ് എംപ്ലോയിമെന്റ് കേരളയുടെ ആഭിമുഖ്യത്തിൽ 8-ാം ക്ലാസ് വിദ്യാർഥികൾക്കായി മോട്ടിവേഷൻ ക്ലാസുകൾ നടന്നു.

TATA BUILDING INDIA MEGA ESSAY WRITING

TATA BUILDING INDIA MEGA ESSAY WRITING മത്സരം സ്കൂളിൽ വെച്ച് നടന്നു.54 കുട്ടികൾ മത്സരത്തിൽ പങ്കെടുത്തു.

പത്താം ക്ലാസ് രക്ഷിതാക്കൾക്കുള്ള മീറ്റിംഗ്

2025 അധ്യയനവർഷത്തിൽ പത്താം ക്ലാസിൽ പഠിക്കുന്ന കുട്ടികൾക്കുള്ള മീറ്റിംങ്ങും മിഡ്ടേം പരീക്ഷയിൽ മികച്ചവിജയം കൈവരിച്ച കുട്ടികളെ ആദരിക്കുന്ന ചടങ്ങും ആഗസ്റ്റ് മാസെ 5-ാം തീയതി വിദ്യാലയത്തിൽ നടന്നു. പത്താം ക്ലാസ് ടീച്ചേഴ്സ് കുട്ടികളുടെ പ്രോഗ്രസ് കാർഡുകൾ ചടങ്ങിൽ വിതരണം ചെയ്തു. മികച്ച വിജയം കൈവരിച്ച വിദ്യാർഥികൾക്ക് മെഡലികൾ വിതരണം ചെയ്തു.

ഹിരോഷിമ ദിനം

യുദ്ധം നമുക്ക് വേണ്ടേ വേണ്ട എന്ന മുദ്രാവാക്ക്യവുമായി ഹിരോഷിമ-നാഗാസാക്കി ദിനം ആചരിച്ചു. കുുട്ടികളുടെ പ്രത്യേക അസംബ്ലിയും സ‍ഡോക്കോ കൊക്ക് നിർമ്മാണ മത്സരവും നടത്തി. ഹൈസ്ക്കൂൾ വിഭാഗം വിദ്യാർഥികൾക്കായി ഷോട്ട് ഫിലിം ഫെസ്റ്റും സംഘടിപ്പിച്ചു. ഹിരോഷിമ ദിനത്തോടനുബന്ധിച്ച് പ്രത്യേക അസംബ്ലി വിളിക്കുകയും യുദ്ധവിരുദ്ധ സന്ദേശം നൽകുകയും ചെയ്തു.

ATOMIC DEVASTATION : HIROSHIMA TO NAGASAKKI WITNESS TO WAR എന്ന ഡോക്യുമെന്ററി പ്രദർശനവും നടന്നു. വിദ്യാലയത്തിലെ പ്രവൃത്തിപരിചയ യൂണിറ്റായ സൂചിമുഖിയുടെ നേതൃത്വത്തിൽ സ‍ഡാക്കോ നിർമ്മാണ മത്സരം സംഘടിപ്പിച്ചു.

സ്കൂൾ കലാമേള. മേഘമൽഹാർ

2025 വർഷത്തെ സ്കൂൾ സ്കൂൾ കലാമേള. മേഘമൽഹാർ ആഗസ്റ്റ് 7,8 തീയ്യതികളിലായി നടന്നു. 10 മണിക്ക ആരംഭിച്ച ഉദ്ഘാടന ചടങ്ങ് സുൽത്താൻബത്തേരി നഗലസഭ വിദ്യാഭ്യാസ സ്റ്റാന്റിംഗ് കമ്മറ്റി ചെയർപേഴ്സൺ ശ്രീ ടോം ജോസ് ഉദ്ഘാടനം ചെയ്തു. ചടങ്ങിൽ ഫ്ലവേഴ്സ് ടി വി മ്യൂസിക്കൽ വൈഫ് ഫെയിം നിഖില മോഹൻ വിശിഷ്ടാതിഥി ആയിരുന്നു. പ്രധാനാധ്യാപകൻ ശ്രീ സജി ‍ടി ജി സ്വാഗതം പരഞ്ഞ ചടങ്ങിൽ പിടിഎ പ്രസി‍ഡന്റ് ശ്രീ എ പൈതൽ, എസ് എം സി ചെയർമാൻ ശ്രീ കൃഷ്ണകുമാർ, മദർ പി ടി എ പ്രസിഡന്റ് ശ്രീമതി ബിന്ദു തുടങ്ങിയവർ സംസാരിച്ചു. രണ്ടു ദിവസത്തോളം നീണ്ടു നിന്ന കലോത്സവത്തിൽ വിദ്യാലയത്തിലെ 500-ഓളം കുട്ടികൾ വിവിധ മതിസരങ്ങളിൽ മാറ്റുരച്ചു. 3 വേദികളിലായിട്ടായിരുന്നു മത്സരങ്ങൾ ക്രമീകരിച്ചത്. ഹൈസ്കൂൾ വിഭാഗം പെൺകുുട്ടികളുടെ ഭരതനാട്യത്തോടെ മേഘമൽഹാറിന് അരങ്ങുണർന്നു. വിദ്യാർത്ഥികളെ നാല് ഹൗസുകളായി തിരിച്ച് അധ്യാപകർക്കും കുട്ടികൾക്കും ചാർജ് നൽകിയായിരുന്നു കലോത്സവം ചിട്ടപ്പെടുത്തിയത്. ഓറഞ്ച്, വൈറ്റ്, യല്ലോ, ഗ്രീൻ എന്നിങ്ങനെ നാലു ഗ്രൂപ്പുകളിലായി തിരിഞ്ഞാണ് കുട്ടികൾ മത്സരിച്ചത്. കൃത്യമായ പരിശീലനം ലഭിച്ചതിനാൽ തന്നെ മത്സരങ്ങൾ നിലവാരം പുലർത്തിയവയായിരുന്നു. പിടിഎയുടെ പൂർണസഹകരൺത്തോടെ നടത്തിയ ഭക്ഷണവിതരണവും ശ്രദ്ധേയമായി.സ്കൂൾ കലാമേള കൺവീനറായ രജിത, ജോ കൺവീനർമാരായ ശ്രൂതി സുരേഷ്, നീതു രാമക‍ൃഷ്ണൻ തുടങ്ങിയവർ പ്രവർത്തനങ്ങൾക്ക് നേതൃത്വം നൽകി.

വാങ്മയം പരീക്ഷ

പൊതുവിദ്യാഭ്യാസ വകുപ്പ് വിദ്യാരംഗം കലാസാഹിത്യവേദിയുടെ ആഭിമുഖ്യത്തിൽ നടത്തുന്ന വാങ്മയം ഭാഷാപ്രതിഭാ നിർണയ പരീക്ഷ വിദ്യാലയത്തിൽ വെച്ച് നടന്നു. യു പി വിഭാഗം മത്സരത്തിൽ നിയഷെറിൻ, ശിവദ എന്നിവർ ഒന്നും, രണ്ടും സ്ഥാനങ്ങൾ നേടി. ഹൈസ്കൂൾ വിഭാഗം വിദ്യാർഥികൾക്കായി നടന്ന മത്സരത്തിൽ യദുകൃഷ്ണ, ദീക്ഷിത് കൃഷ്ണ എന്നിവർ യഥാക്രമം ഒന്നും രണ്ടും സ്ഥാനങ്ങൾ നേടി.

കതിരിണി പാടം പാടി ആർട്ട് വിത്തു വിതയ്ക്കൽ

ജിഎച്ച്എസ ബീനാച്ചി അന്യം നിന്നുകൊണ്ടിരിക്കുന്ന വയനാടിന്റെ പൈതൃകങ്ങളായ നെൽവിത്തുകൾ സംരക്ഷിക്കുക Paddy Art ലൂടെ പ്രകൃതി സംരക്ഷണ സന്ദേശം നൽകുക എന്ന ലക്ഷ്യത്തോടെ വിദ്യാലയത്തിൽ സുസ്ഥിതി സീഡ് കൃഷി ക്ലബ്ബ്, ജൈവവൈവിധ്യ ക്ലബ്ബ് എന്നിവരുടെ നേതൃത്വത്തിൽ നടന്നുവരുന്ന കതിരണിപ്പാടം സീസൺ 2 വിത്ത് വിതയ്ക്കൽ പ്രദേശത്തെ പ്രായം കർഷകനായ സുദേവൻ ഉദ്ഘാടനം ചെയ്തു. പിടിഎ പ്രസിഡണ്ട് ശ്രീ.പൈതൽ A അധ്യക്ഷത വഹിച്ച യോഗത്തിൽ സ്കൂൾ ഹെഡ്മാസ്റ്റർ ശ്രീ സജി ടി ജി സ്വാഗതം ആശംസിച്ചു ക്ലബ് വിദ്യാർഥികളും നാട്ടുകാരും സംബന്ധിച്ച് യോഗത്തിൽ എസ്.എം.സി ചെയർമാൻ ശ്രീ എസ് കൃഷ്ണകുമാർ അധ്യാപകരായ റോയ് ജോസഫ് ,കെ കെ അരുൺ, സജിനാ ബഷീർ തുടങ്ങിയവർ ആശംസകൾ അർപ്പിച്ചു. കൃഷി ക്ലബ് കോഡിനേറ്റർ ശ്രീ സതീശൻ PT നന്ദി പ്രകാശിപ്പിച്ചു.

സ്കൂൾ പാർലമെന്റ് ഇലക്ഷൻ

2025 വർഷത്തെ സ്കൂൾ പാർലമെന്റ് ഇലക്ഷൻ ആഗസ്റ്റ് 14 ഉച്ചക്ക് 2 മണിമുതൽ സ്കൂളിൽ സംഘടിപ്പിച്ചു. ലിറ്റിൽ കൈറ്റ്സ് വിദ്യാർഥികളുടെ നേതൃത്വത്തിൽ പൂർണമായും ഡിജിറ്റലായിട്ടായിരുന്നു ഇലക്ഷൻ സംഘടിപ്പിച്ചത്. സോഫ്റ്റ് വെയർ പ്രവർത്തനങ്ങളെക്കുറിച്ചും, ഇലക്ഷൻ നടത്തിപ്പിനെക്കുറിച്ചും അധ്യാപകർക്ക് ക്ലാസുകൾ നല്കി. മുഴുവൻ ക്ലാസുകളിലെയും സ്കൂൾ ലീ‍‍ഡർമാരെയും സ്കൂൾ ലീ‍ഡറെയും തിരഞ്ഞെടുത്തു. പുതിയ സ്കൂൾ ലീ‍ഡരായി ദീക്ഷിത് കൃഷ്ണയെ തിരഞ്ഞെടുത്തു.

സ്വാതന്ത്ര്യദിനാഘോഷം

രാജ്യത്തിന്റെ 79-ാം സ്വാതന്ത്ര്യദിനം വിവിധ ആഘോഷങ്ങളോടെ വിപുലമയി നടന്നു. പ്രധാനാധ്യാപകൻ സജി ടി ജി പതാക ഉയർത്തി. പി ടി എ പ്രസിഡന്റ് എ പൈതൽ, എസ് എം സി ചെയർമാൻ ക‍ൃഷ്ണകുമാർ മുൻ അധ്യാപകൻ അരവിന്ദനൻ മാങ്ങാട്ട് തുടങ്ങിയവർ ചടങ്ങിൽ പങ്കെടുത്തു. ചടങ്ങിൽ വിദ്യാർഥികളും, അധ്യാപകരും പങ്കെടുത്തു. ജെ ആർ സി കുട്ടികളുടെ പരേഡ് ശ്രദ്ധേയമായി. കുുട്ടികൾക്ക മധുരവിതരണം നടത്തി.

മേഘമൽഹാർ - സ്ക്കൂൾ കലോത്സവം.

മേഘമൽഹാർ - സ്ക്കൂൾ കലോത്സവം 6/8/2025 ന് സ്ക്കൂളിൽ വെച്ച് വിപുലമായി നടന്നു. കലോത്സവത്തിന്റെ ഉദ്ഘാടനം ബത്തേരി നഗരസഭ വിദ്യാഭ്യാസ സ്റ്റാന്റിംഗ് കമ്മറ്റി ചെയർമാൻ ടോം ജോസ് നിർവ്വഹിച്ചു. ഫ്ലവേഴ്സ് ടി വി മ്യൂസിക് ഫെയിം നിഖിലമോഹൻ വിശിഷ്ടാതിഥി ആയിരുന്നു. രണ്ട് ദിവസം നീണ്ടുനിന്ന കലാമേള കുട്ടികളുടെ കലാമികവുകൾ പ്രകടിപ്പിക്കാനുള്ള വേദിയായി.

ഓണാഘോഷം

കലവറനിറക്കൽ

ഓണാഘോഷത്തിന് സദ്യക്കാവശ്യമായ പച്ചക്കറികൾ ശേഖരിക്കുന്നതിന്റെ ഭാഗമായി കലവറനിറക്കൽ നടന്നു.

വിദ്യാലയത്തിലെ ഓണാഘോഷം 27ന് വിപുലമായ രീതിയിൽ നടത്തി. കുട്ടികൾക്കായി വടംവലി, മിഠായിപെറുക്കൽ, കുപ്പിയിൽ വെള്ളം നിറക്കൽ തുടങ്ങി വിവിധ മത്സരങ്ങൾ സംഘടിപ്പിച്ചു. വിദ്യാലയത്തിലെ മുഴുവൻ വിദ്യാർഥികൾക്കും, പി ടി എയുടെ ആഭിമുഖ്യത്തിൽ ‌ഓണസദ്യ നൽകി.

വൈദ്യുതി സുരക്ഷയും ഊർജസംരക്ഷണവും ബോധവത്കരണ ക്ലാസ്

വൈദ്യുതി സുരക്ഷയും ഊർജസംരക്ഷണവുമായി ബന്ധപ്പെട്ട് അധ്യാപകർക്ക് ബോധവത്കരണ ക്ലാസുകൾ നടത്തി. അധ്യാപകരായ ശ്രീമതി ദിവ്യ എബ്രഹാം, ശ്രീമതി അനുമരിയ പോൾ എന്നിവർ ക്ലാസുകൾ എടുത്തു.

കേരള സംസ്ഥാന ബാലാവകാശ സംരക്ഷണ കമ്മീഷൻ നിർദ്ദേശപ്രകാരം സ്കൂളുകളിൽ സംസ്ഥാന വിദ്യാഭ്യാസ വകുപ്പിന്റെ നേതൃത്വത്തിൽ അധ്യാപകർക്കായി ബാലാവകാശ സംരക്ഷണ സൈബർ സുരക്ഷാ ക്ലാസ് സംഘടിപ്പിച്ചു ബാലാവകാശങ്ങളെ കുറിച്ചും അവസംരക്ഷിക്കേണ്ടതിന്റെ ആവശ്യകതയെ കുറിച്ചും ക്ലാസിൽ നിർദ്ദേശങ്ങൾ നൽകി അധ്യാപികയായ ശ്രീമതി രജനി ക്ലാസിന് നേതൃത്വം നൽകി

സുൽത്താൻബത്തേരി ലയൺസ് ക്ലബ്ബിൻറെ നേതൃത്വത്തിൽ കുട്ടികൾക്ക് വായിക്കുന്നതിനുവേണ്ടി ഒരു വർഷത്തെ മലയാള മനോരമ പത്രം സൗജന്യമായി നൽകി

ജ്യോതിർഗമയ

ലഹരിവിരുദ്ധ ബോധവത്കരണവും, പുതുതായി നിർമ്മിച്ച ഐറ്റി ലാബിന്റെ ഉദ്ഘാടനവും നടന്നു. 24 ചാനൽ വിദ്യാലയത്തിന് അനുവദിച്ച 8 ഡെസ്ക്ക്ടോപ്പ്,യു പി എസ് ,പ്രിന്റർ എന്നിവ ഉപയോഗിച്ച് പുതുതായി യു പി വിഭാഗത്തിനായി നിർമ്മിച്ച ഐറ്റി ലാബിന്റെ ഉദ്ഘാടനം സുൽത്താൻബത്തേരി നഗരസഭ ഡെപ്യൂട്ടി ചെയർപേഴ്സൺ ശ്രീമതി എൽസി പൗലോസ് നിർവഹിച്ചു. നഗരസഭ വിദ്യാഭ്യാസ സ്റ്റാൻഡിങ് കമ്മറ്റി ചെയർമാൻ ശ്രീ ടോം ജോസ്, വാർഡ് കൗൺസിലർ രാധാ ബാബു, 24 ചാനൽ അസോസിയേറ്റ് ദീപക് ധർമ്മടം, 24വയനാട് റിപ്പോർട്ടർ സുർജിത്, എക്സൈസ് ഓഫീസർ നിക്കോളാസ്, പി ടി എ പ്രസിഡൻറ്, എം. പൈതൽ എസ് കൃഷ്ണകുമാർ, എം പി ടി എ എസ് എം സി ഭാരവാഹികൾ തുടങ്ങിയവർ പങ്കെടുത്തു പരിപാടിയുടെ ഭാഗമായി വിദ്യാർത്ഥികളുടെ ലഹരി വിരുദ്ധ ഫ്ലാഷ് മോബ് നടത്തി എക്സൈസ് ഓഫീസർ നിക്കോളാസ് ലഹരി വിരുദ്ധ സന്ദേശം നൽകി ലഹരി വിരുദ്ധ പ്രതിജ്ഞ ശ്രീ സുർജിത്തിന്റെ നേതൃത്വത്തിൽ നടന്നു

ചിത്രശാല

<gallery> പ്രമാണം:പ്രവേനോത്സവം@15086.jpg