എ യു പി എസ് കുറ്റിക്കോൽ/പ്രവർത്തനങ്ങൾ/2024-25

2025-01-24T08:01:46Z

Shyjaav:

== '''ജൂൺ 3 പ്രവേശനോത്സവം''' ==

2024 ജൂൺ 3ന് സ്കൂൾ തല പ്രവേശനോത്സവം എ യു പി സ്കൂൾ കുറ്റിക്കോൽ വിപുലമായ രീതിയിൽ നടത്തി.അറിവിന്റെ ആദ്യക്ഷരം കുറിക്കുന്ന കുരുന്നുകളെയും രണ്ട് മാസത്തെ കളിചിരികളും ആർപ്പുവിളികളുമായി അവധിക്കാലം ആഘോഷിച്ചും അർമാദിച്ചും തീർത്തശേഷം സ്കൂളിൽ എത്തിച്ചേരുന്ന കുട്ടികളെയും രക്ഷിതാക്കളെയും വരവേൽക്കാൻ കുറ്റിക്കോലിലെ അധ്യാപകരും രക്ഷിതാക്കളും ഒരുപോലെ സന്നദ്ധരായി. കൃത്യം 10 മണിക്ക് തന്നെ പ്രവേശനോത്സവ പരിപാടികൾ ആരംഭിച്ചു. കുറ്റിക്കോൽ ഗ്രാമപഞ്ചായത്ത് 14 ആം വാർഡ്‌ മെമ്പർ ശ്രീമതി അശ്വതി അജികുമാർ ചടങ്ങ് ഉദ്ഘാടനം ചെയ്ത് സംസാരിച്ചു. പി ടി എ പ്രസിഡന്റ്‌ ജി രാജേഷ് ബാബു അധ്യക്ഷത വഹിച്ചു,എം പി ടി എ പ്രസിഡന്റ്‌ ശ്രീമതി ശുഭ എം ആർ, പി ടി എ വൈസ് പ്രസിഡന്റ്‌ കെ പുരുഷോത്തമൻ, സ്കൂൾ മാനേജർ ശ്രീ എം നാരായണൻ നായർ, എസ് എസ് ജി കൺവീനർ എം ഗംഗാധരൻ കളക്കര, വാർഡ്‌ മെമ്പർമാരായ ശാന്ത പയ്യങ്ങാനം, പി മാധവൻ എന്നിവർ സംസാരിച്ചു. തുടർന്ന് പൂർവവിദ്യാർഥി കൂട്ടായ്മയായ 'മഞ്ചാടി മരത്തണലിൽ' ഒന്നാംക്ലാസിൽ പ്രവേശനം നേടിയ കുട്ടികൾക്കായുള്ള സമ്മാനവിതരണം നടത്തി. തുടർന്ന് എല്ലാ കുട്ടികൾക്കും പായസം വിതരണം ചെയ്തു. ശേഷം രക്ഷിതാക്കൾക്കുള്ള ബോധവൽക്കരണവും നടന്നു, ക്ലാസ് നയിച്ചത് അദ്ധ്യാപകൻ രാംദാസ് പി ആയിരുന്നു. സീനിയർ അസിസ്റ്റന്റ് വനജ ടീച്ചർ നന്ദി പറഞ്ഞു.

<gallery>

പ്രമാണം:11472-flux.jpg|ഈ അധ്യയനവർഷം സ്‌കൂളിലേക്ക് പ്രവേശനം നേടിയ കുട്ടികളെ സ്‌കൂളിലേക്ക് ആനയിച്ചുള്ള ഘോഷയാത്ര

പ്രമാണം:11472-praveshanolsavam inauguration.jpg|ഈ വർഷത്തെ പ്രവേശനോത്സവം കുറ്റിക്കോൽ ഗ്രാമപഞ്ചായത്ത് 14ആം വാർഡ്‌ മെമ്പർ ശ്രീമതി അശ്വതി അജികുമാർ ഉദ്ഘാടനം ചെയ്യുന്നു

പ്രമാണം:11472-parental councelling.jpg|രക്ഷിതാക്കൾക്കായുള്ള ബോധവൽക്കരണക്ലാസ് അധ്യാപകൻ രാംദാസ് പി കൈകാര്യം ചെയ്യുന്നു

</gallery>

== '''കുട്ടിപ്പത്രം പ്രകാശനം 11-06-2024''' ==

=== '''കുട്ടിപ്പത്രം പിറക്കുന്നു, കുഞ്ഞിളം മനസ്സിലൂടെ....''' ===

ഭാഷാപഠനത്തിൻ്റെ മറ്റൊരു മനോഹര പഠനതന്ത്രമായ വാർത്ത നിർമാണത്തിൽ കുട്ടികൾക്കൊപ്പം കൈകോർത്ത് രക്ഷിതാക്കളും ക്ലാസ് പത്രം പുറത്തിറക്കി ആദ്യ മാസത്തെ അതി ഗംഭീരമാക്കി.

കുറ്റിക്കോൽ എ.യു.പി സ്കൂളിലെ രണ്ടാം ക്ലാസിലെ ജൂൺമാസം ചേർന്ന പ്രഥമ ക്ലാസ് പി.ടി.എ യിലാണ് മാതൃകാ പത്രത്തിൻ്റെ പ്രകാശന കർമം നടന്നത്.

പ്രഥമാധ്യാപിക ശ്രീലത ടീച്ചർ പുതിയ സി.പി.ടി.എ ചെയർപേർസൺ ശ്രീമതി വിമ്യക്ക് നൽകി ക്ലാസ് പത്രിക പ്രകാശനം ചെയ്തു.

ക്ലാസ് ടീച്ചർ ശ്രീമതി ലളിതാംബികയുടെ ആശയവും ഇടപെടലും
ക്ലാസ് പത്ര പിറവിക്ക് പ്രചോദനമായി.

വിദ്യാലയ അനുഭവങ്ങളെ ഓർത്തെടുത്ത് വാർത്തകളാക്കി മാറ്റുന്നതിലൂടെയും വാർത്തകൾ കോർത്തിണക്കി കൊച്ചു പത്രമാക്കുന്നതിലൂടെയും വിജയകരമായ ഒരു ഭാഷാപഠനതന്ത്രം ലളിതവത്കരിക്കുകയാണ്.

വാക്കുകളെയും വരികളെയും വാർത്തയിലെ കൗതുകത്തെയും കാതോർക്കാൻ ഇത് കുട്ടികളെ കൂടുതൽ സഹായിക്കുന്നു.

<gallery>

പ്രമാണം:11472-newspaper.jpg

പ്രമാണം:11472-classpathram.jpg

പ്രമാണം:11472-classnewspaper.jpg

പ്രമാണം:11472-kuttipathram children.jpg|സ്വന്തമായി എഴുതിത്തയ്യാറാക്കിയ കുട്ടിപ്പത്രവുമായി രണ്ടാം ക്ലാസിലെ കുട്ടികൾ

</gallery>

== '''വായനദിനം ഉദ്ഘാടനം''' ==

=== കഥയും,പാട്ടും,പുസ്തക പരിചയവുമായി വായനദിന പരിപാടിയുടെയും വിദ്യാരംഗം കലാസാഹിത്യ വേദിയുടെയും ഉദ്ഘാടനം നിർവ്വഹിക്കപ്പെട്ടു ===

മിഥുനപെയ്ത്തിൻ്റെ ചെറു ഇടവേളയിൽ ചെറുവെയിൽ സമ്മാനിച്ച ഉച്ചനേരത്ത് സ്കൂൾ ഹാളിലും പരിസരത്തും വായനയുടെ സൗരഭ്യം പരത്തി ഉദ്ഘാടനം ആഘോഷമായി.
ഉച്ചനേരത്ത് കുട്ടികൾ ഉച്ചത്തിൽ വിളിച്ചു പറഞ്ഞു ''വായിച്ചു വളരും ഞങ്ങൾ ചിന്തിച്ചു വിവേകം നേടും ഞങ്ങൾ ''.

2024-25 വർഷത്തെ വായനദിനത്തോടൊപ്പം വിദ്യാരംഗം കലാസാഹിത്യ വേദിയുടെയും ഉദ്ഘാടനം സാഹിത്യകാരനും ഡയറ്റ് ലക്ചറുമായ ശ്രീ.വിനോദ്കുമാർ പെരുമ്പള നിർവ്വഹിച്ചു.

ശ്രീലത ടീച്ചർ സ്വാഗതം പറഞ്ഞു. ജി.രാജേഷ്ബാബു അധ്യക്ഷം വഹിച്ചു.
ഡോ.എം.നാരായണൻനായർ, എം.ആർ ശുഭ,എം. ഗംഗാധരൻ, കെ.പുരുഷോത്തമൻ, മാസ്റ്റർ ദേവജിത്ത്,കുമാരി വേദസ്മൃതി എന്നിവർ ആശംസ നേർന്നു.
രാംദാസ് പി നന്ദി രേഖപ്പെടുത്തി.
വായന ക്വിസ്,ലൈബ്രറിയിലേക്കുള്ള പുസ്തക സമാഹരണം, വായന പതിപ്പ് പ്രദർശനം, എന്നിവയും നടന്നു.

<gallery>

പ്രമാണം:11472-reading day assembly.jpg|വായനദിനത്തിൽ നടന്ന പ്രത്യേക അസ്സംബ്ലിയിൽ പ്രതിജ്ഞ ചൊല്ലിക്കൊടുക്കുന്ന വിദ്യാരംഗം കൺവീനർ ഓമന ജോസഫ്

പ്രമാണം:11472-reading day innauguration.jpg

പ്രമാണം:11472-reading day vinodkumar perumbala.jpg|വായനദിനം, വിദ്യാരംഗം ക്ലബ്ബ് എന്നിവയുടെ സംയുക്തഉദ്ഘാടനം ചെയ്ത് സംസാരിക്കുന്ന ഡോ വിനോദ്കുമാർ പെരുമ്പള

പ്രമാണം:11472-reading day book.jpg|വായനദിനത്തിൽ ക്ലാസ് ലൈബ്രറിയിലേക്കൊരു പുസ്തകം, രണ്ടാം ക്ലാസ് കുട്ടികൾ

പ്രമാണം:11472-reading day letter tree.jpg|വായനദിനത്തിൽ ഒന്നാം ക്ലാസിലെ കുട്ടികൾ തയ്യാറാക്കിയ അക്ഷരവൃക്ഷം

</gallery>

== '''ആടിയും പാടിയും നാടൻ പാട്ടരങ്ങ്''' ==

മൂന്നാം ക്ലാസ് മലയാളം ഒന്നാം പാഠം 'കനകച്ചിലങ്ക' യുമായി ബന്ധപ്പെട്ട് നാടൻ പാട്ടരങ്ങ് സംഘടിപ്പിച്ചു. നാടൻ പാട്ട് കലാകാരൻ ശ്രീ പി എം രാമചന്ദ്രന്റെ നേതൃത്വത്തിൽ നടന്ന പരിപാടി അക്ഷരാർത്ഥത്തിൽ ഒരു പൂരമായി മാറി.

'തെയ് താരോ തെയ് താരോ
തെയ്യംതാരാ'

തുടി കൊട്ടി വായ്ത്താരിക്കൊപ്പം ചുവടുവച്ച കുട്ടികൾക്ക് എന്നും അവിസ്മരണീയമായ ഓർമയായി പരിപാടി മാറി.നാടൻ പാട്ടുകളുടെ ഉത്ഭവം അടിസ്ഥാനവർഗ്ഗത്തിന്റെ ജീവിതത്തിലെ വലിയ വിരഹങ്ങളും വേദനകളും അതിനിടയിലെ കൊച്ചു കൊച്ചു സന്തോഷങ്ങളുമാണെന്ന് പി എം രാമചന്ദ്രൻ പറഞ്ഞു. മലയാളം അധ്യാപകൻ അഭിജിത്ത് പി പരിപാടിക്ക് നേതൃത്വം നൽകി.

<gallery>

പ്രമാണം:11472-pattarangu class.jpg|പി എം രാമചന്ദ്രൻ കുട്ടികളുമായി സംവദിക്കുന്നു

പ്രമാണം:11472-pattarangu thudi.jpg

പ്രമാണം:11472-pattarangu dance.jpg|കുട്ടികളുമായി ചേർന്നുള്ള തുടികൊട്ടിപ്പാട്ട്

</gallery>

== '''കാവിലെ കാഴ്ച്ചകൾ''' ==

സ്കൂൾ പരിസ്ഥിതി ക്ലബ്ബുമായി ചേർന്ന് നാലാം ക്ലാസിലെ കുട്ടികൾ കാവ് സന്ദർശിച്ചു. നാലാം ക്ലാസിലെ പരിസരപഠനം ഒന്നാമത്തെ പാഠമായ 'വയലും വനവും' ആയി ബന്ധപ്പെട്ട പ്രവർത്തനത്തിനായാണ് കുട്ടികൾ കാവ് സന്ദർശിച്ചത്. സ്കൂൾ പരിസ്ഥിതി ക്ലബ്ബ് കൺവീനർ ശ്രീ പ്രശാന്ത് കുമാർ കെ യുടെ നേതൃത്വത്തിൽ നടന്ന പരിപാടിയിൽ അധ്യാപകരായ ശ്രീരാജും അഭിജിത്തും സന്നിഹിതരായി. ആവാസവ്യവസ്ഥകൾ വലിയ ഭീഷണികൾ നേരിടുന്ന ഇക്കാലത്ത് അവയുടെ സംരക്ഷണത്തിനായാണ് നമ്മളടങ്ങിയ സമൂഹം നിലകൊള്ളേണ്ടതെന്ന് പ്രസ്ഥാവിച്ച പ്രശാന്ത് കുമാർ , ഇന്ന് ആവാസവ്യവസ്ഥകൾ നശിപ്പിക്കുന്ന രീതിയിലുള്ള മനുഷ്യരുടെ ഇടപെടലുകളെ ശക്തമായ ഭാഷയിൽ അപലപിച്ചു.

<gallery>

പ്രമാണം:11472-grove visit.jpg|കാവിലെത്തിയ കുട്ടികൾ

പ്രമാണം:11472-grove.jpg

പ്രമാണം:11472-field.jpg|കുട്ടികൾ വയലിൽ

</gallery>

== '''മുണ്ടക്കൈ ഉരുൾപൊട്ടൽ പതിപ്പ്''' ==

കേരളക്കര കണ്ട ഏറ്റവും വലിയ ഉരുൾപൊട്ടൽ, മുണ്ടക്കൈ ചൂരൽമല ഉരുൾപൊട്ടലിന്റെ കാര്യകാരണങ്ങൾ വിശകലനം ചെയ്യുന്ന പതിപ്പുകൾ കുട്ടികൾ തയ്യാറാക്കി, നാലാം ക്ലാസിലെ കുട്ടികളാണ് പതിപ്പ് തയ്യാറാക്കിയത്. പതിപ്പ് സ്കൂൾ ഹെഡ്‌മിസ്ട്രെസ് കെ ശ്രീലതയ്ക്ക് നൽകി പ്രകാശനം നിർവഹിക്കപ്പെട്ടു.

<gallery>
പ്രമാണം:11472-landslidemagazine1.jpg|നാല് എ ക്ലാസിലെ കുട്ടികളുടെ പതിപ്പ് ക്ലാസ്ലീ ഡർ ഹെഡ്‌മിസ്ട്രെസ്സിന് കൈമാറുന്നു
പ്രമാണം:11472-landslidemagazine2.jpg|നാല് ബി ക്ലാസിലെ കുട്ടികളുടെ പതിപ്പ് ക്ലാസ്ലീ ഡർ ഹെഡ്‌മിസ്ട്രെസ്സിന് കൈമാറുന്നു
പ്രമാണം:11472-landslidechart.jpg|അഞ്ചാം ക്ലാസിലെ വേദസ്മൃതി തയ്യാറാക്കിയ ചാർട്ട്
</gallery>

== '''സ്വാതന്ത്ര്യദിനാഘോഷം ''' ==

സമര സ്മരണകൾ അയവിറക്കിയും മെഡലുകളും എൻഡോവ്മെൻ്റുകളും ഉപഹാരങ്ങളും സമ്മാനിച്ചും കുറ്റിക്കോൽ എ.യു.പി സ്കൂളിൽ സ്വാതന്ത്ര്യ ദിനാഘോഷം പഞ്ചായത്ത് പ്രസിഡണ്ട് ശ്രീ. മുരളി പയ്യങ്ങാനം ഉദ്ഘാടനം ചെയ്തു.

ബന്തടുക്ക റൈഞ്ച് എക്സൈസ് ഇൻസ്പെക്ടർ ശ്രീ. ജയപ്രകാശ് ഡി.വി വിശിഷ്ടാതിഥിയായി സംബന്ധിക്കുകയും ജില്ലാ വിമുക്തി മിഷൻ്റെ കായിക-വിനോദോപകരണങ്ങൾ വിദ്യാലയത്തിന് കൈമാറുകയും ചെയ്തു.

പ്രഥമാധ്യാപിക ശ്രീലത ടീച്ചർ സ്വാഗതം പറഞ്ഞു
പി.ടി.എ പ്രസിഡണ്ട് ശ്രീ കെ. പുരുഷോത്തമൻ അദ്ധ്യക്ഷം വഹിച്ചു.

ഗ്രാമപഞ്ചായത്ത് മെമ്പർ ശ്രീമതി അശ്വതി അജികുമാർ സ്കൂൾ മാനേജർ ഡോ. എം. നാരായണൻ നായർ എം.പി.ടി.എ പ്രസിഡണ്ട് ശ്രീമതി ദിവ്യ പി.ടി.എ വൈസ് പ്രസിഡന്റ് ശ്രീ പ്രശാന്ത് പുതിയ പറമ്പ് എസ്.എസ് ജി കൺവീനർ ശ്രീ. എം. ഗംഗാധരൻ കളക്കര സീനിയർ അസിസ്റ്റൻ്റ് ശ്രീമതി കെ.വനജകുമാരി സ്കൂൾ ലീഡർ കുമാരി തേജ മോഹൻ എന്നിവർ സംസാരിച്ചു
സ്റ്റാഫ് സെക്രട്ടറി ശ്രീ പി രാംദാസ് മാസ്റ്റർ നന്ദി രേഖപ്പെടുത്തി

2023-24 വർഷത്തെ 11 LSS ജേതാക്കളെയും 2 USS ജേതാക്കളെയും ചടങ്ങിൽ വെച്ച് അനുമോദിച്ചു.

മുൻ വർഷം പാഠ്യ-പാഠ്യേതര മേഖലകളിൽ മികവ് പുലർത്തിയ മുഴുവൻ പ്രതിഭകളെയും ഉപഹാരങ്ങൾ നൽകി ആദരിച്ചു

<gallery>
പ്രമാണം:11472-independence day1.jpg|സ്കൂൾ എച് എം ശ്രീലത ടീച്ചർ പതാക ഉയർത്തുന്നു
പ്രമാണം:11472-inde-assembly.jpg |അസ്സംബ്ലി ആകാശക്കാഴ്ച്ച
പ്രമാണം:11472-independence day.jpg
പ്രമാണം:11472-independence inauguration.jpg| കുറ്റിക്കോൽ ഗ്രാമപഞ്ചായത്ത് പ്രസിഡന്റ്‌ ശ്രീ മുരളി എച്ച് പയ്യങ്ങാനം ഉദ്ഘാടനം ചെയ്ത് സംസാരിക്കുന്നു
പ്രമാണം:11472-excise.jpg|കുട്ടികളെ കായികരംഗത്ത് സജീവമാക്കുക എന്ന ലക്ഷ്യത്തിൽ എക്‌സൈസ് വകുപ്പ്, സ്‌കൂളിലേക്ക് കളിയുപകരണങ്ങൾ വിതരണം ചെയ്തു
പ്രമാണം:11472-special guest.jpg| മുഖ്യ അതിഥി ബന്തടുക്ക റേഞ്ച് എക്‌സൈസ് ഇൻസ്‌പെക്ടർ ശ്രീ ജയപ്രകാശ് സംസാരിക്കുന്നു
പ്രമാണം:11472-kp kelu endovement.jpg|ഏഴാം ക്ലാസിലെ മികച്ച വിദ്യാർഥിക്കുള്ള സ്കൂൾ സ്ഥാപകൻ കെ പി കേളു നായർ എൻഡോവ്മെന്റ് സ്കൂൾ മാനേജർ ഡോ എം നാരായണൻ നായരിൽ നിന്ന് ദിയാ ഭാസ്കർ ഏറ്റുവാങ്ങുന്നു
പ്രമാണം:11472-nimisha.jpg|ആറാം ക്ലാസിലെ ഏറ്റവും മികച്ച വിദ്യാർത്ഥിക്കുള്ള നിമിഷ എൻഡോവ്മെന്റ് അവാർഡ് ദേവനന്ദ ടി എക്‌സൈസ് ഇൻസ്‌പെക്ടർ ജയപ്രകാശിൽ നിന്ന് ഏറ്റുവാങ്ങുന്നു
പ്രമാണം:11472-5th endovement.jpg| അഞ്ചാം ക്ലാസിലെ മികച്ച വിദ്യാർത്ഥിക്കുള്ള പയന്തങ്ങാനം ബേത്തൂർ കുഞ്ഞമ്പു നായർ എൻഡോവ്മെന്റ് പി ടി എ പ്രസിഡന്റ്‌ കെ പുരുഷോത്തമനിൽ നിന്ന് വേദസ്‌മൃതി സ്വീകരിക്കുന്നു
</gallery>

'''
== സ്കൂൾ പാർലമെന്റ് തിരെഞ്ഞെടുപ്പ് ==
'''
വിവരവിനിമയ സാങ്കേതിക വിദ്യ ഉപയോഗിച്ച് സ്കൂൾ പാർലമെന്റ് തിരെഞ്ഞെടുപ്പ് നടത്തി

കുട്ടികൾക്ക് വ്യത്യസ്ഥ അനുഭവമായി ഈ തെരഞ്ഞെടുപ്പ്

കൈറ്റ് വികസിപ്പിച്ചെടുത്ത സ്കൂൾപോൾ ആപ്പ് ഉപയോഗിച്ചായിരുന്നു തെരഞ്ഞെടുപ്പ്

<gallery>
പ്രമാണം:Election1 11472.jpg| പ്രത്യേകം സജ്ജീകരിച്ച പോളിംഗ് യൂണിറ്റ്
പ്രമാണം:Election2 11472.jpg| അച്ചടക്കത്തോടെ ഊഹം കാത്ത് വോട്ടർമാർ
പ്രമാണം:Election3 11472.jpg| അഞ്ച് ബി ക്ലാസിലെ സ്ഥാനാർഥികൾ, ശത്രുത ഇല്ല, എന്നും സൗഹൃദം മാത്രം
പ്രമാണം:Election4 11472.jpg|പോളിംഗ് ഉദ്യോഗസ്ഥർ
പ്രമാണം:Election5 11472.jpg|പോളിംഗ് ഉദ്യോഗസ്ഥർ
പ്രമാണം:Election6 11472.jpg|സ്കൂൾപോൾ ആപ്പ്
പ്രമാണം:Election7 11472.jpg|വോട്ടെണ്ണലിനിടയിൽ ആകാംക്ഷയോടെ കുഞ്ഞുസ്ഥാനാർഥികൾ
</gallery>

SCHOOL RADIO

<gallery>
പ്രമാണം:Schoolradio-11472.jpg
</gallery>

Schoolwiki - താങ്കളുടെ സംഭാവനകൾ [ml]

എ യു പി എസ് കുറ്റിക്കോൽ/പ്രവർത്തനങ്ങൾ/2024-25

പ്രമാണം:Schoolradio-11472.jpg