ജി.എൽ.പി.സ്കൂൾ ക്ലാരി വെസ്റ്റ്/എന്റെ ഗ്രാമം

2025-03-15T14:31:44Z

Anjalirkrishna: എന്റെ ഗ്രാമം എന്ന പേജിൽ വിവരങ്ങൾ ചേർത്തു Adding/improving reference(s)

<big>'''കഞ്ഞിക്കുഴിങ്ങര'''</big>

പെരുമണ്ണ ക്ലാരി ഗ്രാമപഞ്ചായത്തിലെ അഞ്ചാം വാർഡിൽ ആണ് കഞ്ഞിക്കുഴിങ്ങര എന്ന സ്ഥലം ഉള്ളത്.

<big>'''ചരിത്രം'''</big>

കഞ്ഞിക്കുഴിങ്ങര എന്നറിയപ്പെടുന്ന പ്രദേശത്താണ് ജി എൽ പി സ്കൂൾ ക്ലാരി വെസ്റ്റ് സ്ഥിതി ചെയ്യുന്നത്.1920 ൽ സ്ഥാപിതമായ ഈ വിദ്യാലയം ഇന്ന് നൂറു കൊല്ലം കഴിഞ്ഞിരിക്കുകയാണ്.ഏറെ കാലത്തോളം പഞ്ചായത്തിലെ വിദൂര പ്രദേശങ്ങളിൽ നിന്നുള്ളവർ പോലും ഏറെ ദൂരം യാത്ര ചെയ്തു ഈ വിദ്യാലയത്തിൽ എത്തിയിരുന്നു.പിന്നീട് പഞ്ചായത്തിൻ്റെ വിവിധ ഭാഗങ്ങളിൽ ആയി ഏഴ് പ്രൈമറി സ്കൂളുകൾ സ്ഥാപിതമായതോടെയാണ് ഈ സ്കൂളിലേക്കുള്ള കുട്ടികളുടെ ഒഴുക്ക് കുറഞ്ഞത്.

തെയ്യഞ്ചേരി ഇല്ലം വക വാടക കെട്ടിടത്തിലാണ് 2004 വരെ സ്കൂൾ പ്രവർത്തിച്ചു വന്നത്.ഇല്ലക്കാർ പൂഴിക്കൽ ഹസൻ ഹാജി എന്നയാൾക്ക് വിറ്റ സ്കൂൾ കെട്ടിടം പിന്നീട് ഗ്രാമപഞ്ചായത്തും നാട്ടുകാരും ചേർന്ന് വില കൊടുത്തു വാങ്ങുകയായിരുന്നു.അതിനുശേഷം ഭൗതിക സൗകര്യങ്ങളുടെ ഒരു പെരുമഴ തന്നെ ഈ വിദ്യാലയത്തിൽ പെയ്തിറങ്ങി.

നാലു ക്ലാസ് മുറികളോടെയുള്ള പുതിയ കെട്ടിടം പണിതു പഴയ കെട്ടിടം പുതുക്കി പണിതു.ചുറ്റുമതിൽ, ഗേറ്റ് ,കിണർ, വാട്ടർ ടാങ്ക് ,ടാപ്പ് സൗകര്യം, ടോയ്ലറ്റുകൾ, ഗ്രൗണ്ട് മണ്ണിട്ട് നിരപ്പാക്കൽ, സ്കൂൾ സൗന്ദര്യവത്കരണം, ഇലക്ടറി പ്പിക്കേഷൻ ,എല്ലാ മുറികളിലും ഫാനുകൾ, കമ്പ്യൂട്ടറുകൾ, ലാപ്ടോപ്പുകൾ, L C D പ്രൊജക്ടർ, ടിവി, വാട്ടർ പ്യൂരിഫയർ, ആധുനിക സൗകര്യങ്ങളോടുകൂടിയ കിച്ചൻ ,സ്റ്റോർ റൂം, മനോഹരമായ സ്റ്റേജ്, ഡൈനിങ് ഹാൾ എന്നിങ്ങനെ ചുരുങ്ങിയ കാലം കൊണ്ട് ലക്ഷക്കണക്കിന് രൂപയുടെ വികസന പ്രവർത്തനങ്ങൾ ആണ് ഗ്രാമപഞ്ചായത്തും S S A യും ചേർന്ന് ഈ വിദ്യാലയത്തിൽ നടപ്പാക്കിയത്.

കുട്ടികൾക്കുള്ള സ്കോളർഷിപ്പും, സൗജന്യ യൂണിഫോം വിതരണവും, സർക്കാർ സഹായത്തോടെ നടന്നുവരുന്നു. കൂടാതെ മികച്ച രീതിയിലുള്ള ഉച്ചഭക്ഷണവും ഇവിടെ നടക്കുന്നുണ്ട്. ആഴ്ചയിൽ രണ്ടുദിവസം പാലും ഒരു ദിവസം മുട്ടയും നൽകുന്നു. കുട്ടികളുടെ കായിക വികസനത്തിന് ആവശ്യമായ സ്പോർട്സ് ഉപകരണങ്ങളും സ്കൂളിൽ ലഭ്യമാണ്. കുട്ടികളുടെ പച്ചക്കറി കൃഷിയും നടത്തിവരാറുണ്ട്.

'''<big>പൊതുസ്ഥാപനങ്ങൾ</big>'''

* ജി.എൽ.പി. എസ്. ക്ലാരി വെസ്റ്റ്

Schoolwiki - താങ്കളുടെ സംഭാവനകൾ [ml]

ജി.എൽ.പി.സ്കൂൾ ക്ലാരി വെസ്റ്റ്/എന്റെ ഗ്രാമം