Schoolwiki - താങ്കളുടെ സംഭാവനകൾ [ml]

കെ.കെ.എം.എച്ച്.എസ്. ചീക്കോട്/അക്ഷരവൃക്ഷം/പരിസ്ഥിതി

2020-04-25T15:28:28Z

Anishjohn: '{{BoxTop1 | തലക്കെട്ട്= പരിസ്ഥിതി <!-- തലക്കെട്ട് - സ...' താൾ സൃഷ്ടിച്ചിരിക്കുന്നു

{{BoxTop1
| തലക്കെട്ട്= പരിസ്ഥിതി 
| color= 2 
}}

വീടിന്റ ഗേറ്റ് തുറന്ന് ചുറ്റും ഒന്ന് കണ്ണോടിച്ചു. പോർച്ചിലേക്ക് നോക്കിയപ്പോ മൂപ്പരതാ കയ്യിൽ പൈപ്പും പിടിച്ചു ചെടികൾക്ക് വെള്ളം ഒഴിച്ചു കൊടുക്കുന്നു.

"മന്സൂര്ക്കാ... "എന്ന് നീട്ടി വിളിച്ചു.
"അല്ല, ഇതാര്? ഷാംസോ.... കാറില്ലാത്ത മഴയാണല്ലോ ഇന്ന്... "

"ആഹാ..... മഴക്ക് കാറും ബൈക്കും ഒക്കെ ഉണ്ടോ മൻസൂർക്ക.... "

"അന്റെ തമാശ ഇപ്പോഴും നിർത്തിയിട്ടില്ലല്ലേ.... "അദ്ദേഹം ചിരിച്ചു കൊണ്ട് പറഞ്ഞു.

"ഞാൻ പറഞ്ഞത് തമാശയാണോ? "

"പിന്നല്ല, മഴക്ക് കാറും ബൈക്കും ഉണ്ടാവോ എന്ന് ചോതിച്ചില്ലേ.. "

"അത് ഇക്ക തന്നെ അല്ലെ പറഞ്ഞത്. "

"എടാ മടക്കൂസെ... ഞാൻ അതല്ല പറഞ്ഞത് മഴ പെയ്യുകയാണേൽ മഴക്കാർ ഉണ്ടാകും. നീ മഴക്കാർ എന്നൊന്നും കേട്ടിട്ടില്ലേ... "

"ഓഹ്.. അതായിരുന്നോ... . "

"ഇയ്യ് വന്ന കാലിൽ നിൽക്കാതെ അകത്തേക്ക് വാ... റസീ... ഇയ്യ് ശസൂന് ചായ എടുത്താ... "

"ചായ ഒന്നും വേണ്ട... "

അടുക്കളയിൽ നിന്നും എന്തോ തിരക്കിട്ടു പണി എടുക്കുമ്പോഴാണ് മൂപ്പരുടെ വിളി.
അടുക്കളയിൽ നിന്നും റസീന മുൻവശത്തേക്ക് വന്നു.

"അല്ല ഇതാര്? ഷംസു മോനോ... അടുപ്പത്തു തീ ആളിക്കത്തിയപ്പോയേ എനിക്ക് തോന്നിയിരുന്നു ആരേലും ഇവിടെ വരുമെന്ന്. "വരാന്തയിൽ എത്തിയ റസീന ഷംസുദീനെ അടിമുടി സ്കാൻ ചെയ്ത ശേഷം പറഞ്ഞു.

"റസീ.. ഇയ്യ് ആദ്യം ചായ എടുക്ക്. എന്നിട്ട് സംസാരിക്കാം... "

"മോനെ അകത്തേക്ക് ഇരിക്ക്.. ഞാൻ ചായ എടുത്തിട്ട് വരാം. "

"ഏയ് എനിക്ക് ചായ ഒന്നും വേണ്ട... ഞാൻ വേറൊരു ആവശ്യത്തിനാ വന്നത്. "

"എന്താ ആ ആവിശ്യം? "രണ്ടു പേരും ഷംസുവിൻറെ മുഖത്തേക്ക് നോക്കി ചോദിച്ചു.

"അപ്പൊ നിങ്ങൾ ഒന്നും അറിഞ്ഞില്ലേ... "

"എന്ത്?.. "രണ്ടു പേരും ഒന്നും അറിയാതെ മുഖ മുഗം നോക്കി... "

"നാളത്തെ പ്രത്യേകത എന്താ... "

"എന്താ?.. "

"അത് തന്നെയാ ഞാനും നിങ്ങളോട് ചോദിച്ചത്"

"നാളെ... നാളെ... ആ മനസ്സിലായി... ജൂൺ 5 ലോക പരിസ്ഥിതി ദിനം. "

"ആ അത് തന്നെ... അവിടെ കൊട് കൈ. "എന്ന് പറഞ്ഞു ഷംസു മൻസൂറിന്റെ കൈ പിടിച്ചു കുലുക്കി.

"നിന്റെ ആവശ്യം പറ "

"ഞാൻ നിങ്ങളുടെ അടുത് നിന്നും രണ്ട് തൈ കൊണ്ട് പോകാൻ വന്നതാ... ഇപ്രാവശ്യം ഞാനും സുന്ദരനും ബെറ്റ് വെച്ചിരിക്കാ.. ആരുടെ തൈ ആണോ വേഗം വലുതാവുന്നത് എന്ന്. "

"ഓഹോ... നല്ല കാര്യം.. നിനക്ക് വേണ്ടത് എടുത്തോ" എന്ന് അവരുടെ ഗാർഡനിലേക്ക് ചൂണ്ടി കാട്ടി പറഞ്ഞു.

ശംസുദ്ധീൻ അവിടുന്ന് രണ്ട് തൈകൾ എടുത്ത് കൊണ്ട് വന്നു.

"നന്ദി... ഇത് നടുമ്പോൾ ഞാൻ സെൽഫി എടുത്തു വാട്സാപ്പിലും ഫേസ് ബുക്കിലും ഇൻസ്റാഗ്രാമിലും പോസ്റ്റ്‌ ചെയ്ത് ഒരുപാട് ലൈകും കമന്റും വാരി കൂട്ടണം... "

"ഓഹോ അതിനാണോ പഹയാ... അല്ല നീ ഇതിന് നട്ടിട്ടുണ്ടോ.. "

"പിന്നല്ലാതെ, ഞാൻ ഒരുപാട് നട്ടിട്ടുണ്ട്... "

"ആണോ.. എത്ര വലിപ്പമായി... "

"അതോ... എനിക്കറിയൂല. ഞാൻ പിന്നീട് നോക്കിയിട്ടില്ല. "

"എടാ മോനെ.. നീ ഒന്ന് ചിന്തിക്കണം... നാം തൈകൾ വെച്ച് പിടിപ്പിക്കുന്നത് ഒരുപാട് ലൈകും കമന്റും കിട്ടാനല്ല. അടുത്ത തല മുറക്ക് നല്ല ഭാവി കിട്ടാനാണ്... അല്ലാതെ ബെറ്റ് വെച്ചും സെൽഫി പോസ്റ്റ്‌ ചെയ്തും തീർക്കാനുള്ളതല്ല. ഓരോ വർഷത്തെ പരിസ്ഥിതി ദിനത്തിൽ ഒരുപാട് പേർ നമ്മളെക്കാൾ മുൻപ് വെച്ച് പിടിപ്പിച്ച മരങ്ങളാ ആ കാണുന്നതൊക്കെ..

പരിസ്ഥിതി ദിനത്തിൽ മാത്രമല്ല എപ്പോ വേണേലും തൈ നടാം. നട്ടിട്ട് അവിടെ ഇട്ടേച് പോവുകയല്ല വേണ്ടത്. അതിനെ നന്നായി പരിപാലിക്കണം. വെള്ളം, വളം എല്ലാം നൽകണം. എന്നാലേ അതൊരു വലിയ മരം ആവുകയുള്ളൂ...

ആ മരം ആണ് നമുക്ക് ചൂടിൽ നിന്ന തണൽ നൽകുന്നതും, മണ്ണിനെ ഉറപ്പിച്ചു നിർത്തുന്നതും. അങ്ങനെ എന്തെല്ലാം ഉപകാരങ്ങൾ ആണ് നമുക്ക് മരങ്ങൾ നൽകുന്നത്. "ഇത്രയും പറഞ്ഞു മൻസൂർ നിർത്തി.

"ആണോ... ഒരുപാട് നന്ദി ഉണ്ട് ഇക്കാ... ഈ അറിവ് എനിക്ക് പകർന്നതിന് ഒരുപാട് നന്ദി... നാളെ മുതൽ ഞാൻ ഒരു മരം നടാൻ തുടങ്ങുകയാണ്. അത് ഒരു മരം ആകുന്നത് വരെ അതിന് കവലിരിക്കും ഞാൻ.... "

"Mm... ഞങ്ങളും നടും നാളെ ഒരു തൈ. അല്ലെ റസീ.... "

"പിന്നല്ലാതെ... "

ജീവൻ നിലനിര്ത്തൂ :പരിസ്ഥിയെ സംരക്ഷിക്കൂ....

🌴🌴🌴🌴🌴🌴🌴🌴🌴
{{BoxBottom1
| പേര്= Faiha Fathima
| ക്ലാസ്സ്= 8 C 
| പദ്ധതി= അക്ഷരവൃക്ഷം
| വർഷം=2020
| സ്കൂൾ= KKMHS CHEEKODE 
| സ്കൂൾ കോഡ്= 18079
| ഉപജില്ല= KIZHISSERI 
| ജില്ല=
| തരം= കഥ 
| color= 2 
}}

കെ.കെ.എം.എച്ച്.എസ്. ചീക്കോട്/അക്ഷരവൃക്ഷം/പ്രവാസിയുടെ നൊമ്പരം

2020-04-25T14:57:01Z

Anishjohn: '{{BoxTop1 | തലക്കെട്ട്= പ്രവാസിയുടെ നൊമ്പരം <!-- തലക...' താൾ സൃഷ്ടിച്ചിരിക്കുന്നു

{{BoxTop1
| തലക്കെട്ട്= പ്രവാസിയുടെ നൊമ്പരം 
| color=1 
}}
കുളി കഴിഞ്ഞു വന്ന മുടി ചീകുമ്പോഴാണ് ടേബിളിൽ ഇരുന്ന സൈനുവിന്റെ മൊബൈൽ റിംഗ് ചെയ്തത്. മൊബൈലിന്റെ ബെൽ അടി കേട്ട് മക്കളായ ഹാദിയും ഫാദിയും ഓടി വന്നു.
അവരുടെ ഇളയ മകനായ ഹാദി വന്ന് ഫോൺ എടുത്തു.
"ഹലോ ഉപ്പാ... അസ്സലാമു അലൈകും... "

മറുവശം ശബ്ദചിച്ചു.
"വലൈകും മുസ്സലാം.... എന്തെക്കെ ഉണ്ട് മോനെ സുഖല്ലേ... "

"ആ സുഖം തന്നെയാ ഉപ്പാ... ഉപ്പ എന്നാ വരുന്നേ.. "

"ഞാൻ വരണേൽ ഇനിയും കുറെ ദിവസം വേണം. "

"ഉപ്പച്ചി കൊറേ ദിവസായില്ലേ പോയിട്ട്. ഉപ്പച്ചിക്ക് ഞങ്ങളെ ഒന്നും കാണാൻ പൂതി ഇല്ലേ... "

"മോനെ.. കാണാൻ പൂതി ഇല്ലാഞ്ഞിട്ടല്ല.. ഇവ്ടെന്ന പോരാൻ പറ്റില്ല. ഞാൻ വരുമ്പോ എന്തെക്കെ വേണം ന്റെ ആദി കുട്ടന്? "

"നിക്ക് കാർ, ജെസിബി, ലോറി ഇതെല്ലാം വേണം... "

"ഇൻശാഅല്ലാഹ്‌.... ഞാൻ കൊണ്ട് വരണ്ട് ട്ടോ... "

"മ്മ്... എന്നാ ഞാൻ ഫാദി കാക്കന് കൊടുക്കാം ട്ടോ... "

"മ്മ്.. "

"ന്നാ ഫാദി കക്കൂ....ഉപ്പച്ചിയാ... "എന്ന് പറഞ് ഫാദിക്ക് ഫോൺ കൈമാറി.

"ഹലോ ഫാദി കുട്ടാ... അസ്സലാമു അലൈകും... എന്തൊക്കെ ഉണ്ട് മോനെ... സുഖല്ലേ.. "

"വലൈകും മുസ്സലാം... സുഖ ഉപ്പ... പിന്നെ, ഉപ്പാ... എനിക്ക് സ്കൂളിൽ നിന്നും സമ്മാനം കിട്ടി.. "

"ആണോ.. എന്തിന്..? "എന്ന് ആകാംക്ഷയോടെ ചോദിച്ചു.

"അത് സ്കൂളിൽ പരിവാടി ഉണ്ടായിരുന്നു. ഞാൻ പാട്ടും പാടി, പിന്നെ കഥയും പറഞ്ഞു.. അതിനാ.. "

"മാഷാഅല്ലാഹ്‌... നല്ല കുട്ടിയാ... അതുപോലെ പഠിത്തത്തിലും ഒന്നാമനായി വിജയിക്കണം. എന്നാലേ വലുതാകുമ്പോൾ ഗൾഫിൽ ഒക്കെ വരാൻ കഴിയൂ.... ട്ടോ. "

"ആ.. "എന്ന് മറുബടി കൊടുത്തു.

" മോനെ ഉമ്മച്ചി എവിടെ?.. ഉമ്മച്ചിക്ക് കൊടുത്താ.. "

"ആയ്കോട്ടെ... താ ഉമ്മാ.. "എന്ന് പറഞ്ഞു സൈനുവിന് ഫോൺ കൊടുത്ത് ഫാദി അവിടെ നിന്നും ഓടി..

"ഹലോ.. ഇക്കാ.. അസ്സലാമു അലൈകും... "

"വലയ്ക്കും മുസ്സലാം... എന്തൊക്കെ ഉണ്ട് സൈനൊ.. എല്ലാർക്കും സുഖല്ലേ.. "

"ആഹ്.. ഇക്കാ.. സുഖായി പോകുന്നു... ഇങ്ങക്കോ..? "
"ഇവിടെയും കുഴപ്പല്യ.. അങ്ങനെ പോകുന്നു.. ഇപ്പൊ ശബളം കുറവാ... "

"അതെന്തേ....? "

"അത് കഫീലിന്റെ ഫാമിലി യെ വിസിറ്റിംഗിന് കൊണ്ട് വന്നിട്ടുണ്ട്. കുറച്ചു കഫീൽ വാങ്ങും... "

"മ്മ്.. "

"പിന്നെ, ഉമ്മക്കും ഉപ്പക്കും ഒക്കെ സുഖല്ലേ.... ഉമ്മക്കുള്ള മരുന്നൊക്കെ കൃത്യം വാങ്ങുന്നില്ലേ... "

"ആ... അവർക്കൊക്കെ സുഖം ആണ്. പിന്നെ മരുന്ന് നാളെ വാങ്ങാൻ ഞാൻ കുഞ്ഞോനോട് പറഞ്ഞിട്ടുണ്ട്. "

"ഓ... "

"പിന്നെ, അടുത്ത മാസം പൈസ കിട്ടുന്നതിൽ കുറച്ചു കൂട്ടി അയക്കോ... "

"അതെന്തിനാ.. ഈ മാസം അല്ലെ ഞാൻ 10000രൂപ അയച്ചത്. "

"ഓ.. 10000ഒന്നും ഇവിടെ തെകയൂല... വീട് ചെലവ് തന്നെ ഇത് കൊണ്ട് തികയുന്നില്ല. പിന്നെ ഉമ്മാന്റെ മരുന്ന്, പത്രം, പാൽ... അങ്ങനെ എന്തെല്ലാം സാധനത്തിന് പൈസ കൊടുക്കണം. വീട്ടിലെ സാധനങ്ങൾ ഒക്കെ കഴിഞ്ഞിരുന്നു. അപ്പൊ കുറച്ചു സാധനം ഞാൻ മമ്മദാക്കയുടെ കടയിൽ നിന്നും കടം വാങ്ങി. "

"ഇൻശാഅല്ലാഹ്‌... നോക്കട്ടെ.. "ഒരു നിശ്വാസത്തോടെ പറഞ്ഞു.
"പിന്നെന്താ സൈനു... ഉമ്മനോടും ഉപ്പാനോടും ഞാൻ വിളിച്ച വിവരം പറഞ്ഞാണ്ടി... "

"മ്മ്.. ന്നാ ആയ്കോട്ടെ.. അസ്സലാമു അലയ്കും. "
"വലയ്ക്കും മുസ്സലാം.. "എന്ന് പറഞ്ഞു ഫോൺ കട്ടാക്കി. കട്ടിലിൽ ചാരി ഇരുന്നു എന്തൊക്കെയോ ചിന്തിച്ചു ഇരിക്കുമ്പോ ആണ് മൊയ്തീൻ ക്ക വന്നത്.

"അല്ല ഷെരീഫെ... അനക്ക് എന്താ പറ്റിയത്. അന്റെ മുഖം എന്താ വാടിയിരിക്കുന്നത്?. വീട്ടിൽ ആർക്കെങ്കിലും എന്തെങ്കിലും പറ്റിയോ? "
എന്ന് ഷെരീഫ്ന്റെ അടുത്തിരുന്നു കൊണ്ട് ചോദിച്ചു.

"ഏയ്... ഒന്നൂല്ല മൊയ്തീൻ ക്കാ... ഞാൻ വെറുതെ.. "

"ഒന്നൂല്ലണ്ട് ഇജ് ഇങ്ങനെ കുത്തി ഇരിക്കില്ല... ഇജ്ജ് കാര്യം പറ... "മൂപ്പര് വിട്ടു കൊടുക്കാതെ വീണ്ടും ചോദിച്ചു.

" അല്ല മൊയ്തീൻ ക്കാ.. ഞാൻ ഇങ്ങളോട് ഒരു കാര്യം ചോദിക്കട്ടെ... "എന്ന് നേരെ ഇരുന്നു ചോദിച്ചു.

"മ്മ്.. ഇജ്ജ് ചോയ്ക്ക്.. "എന്ന് ഷെരീഫ് ന്റെ തോളിൽ തട്ടി മൊയ്തീൻ പറഞ്ഞു.

"വേറൊന്നും അല്ല. ഇങ്ങള് മാസാ മാസം വീട്ടിലേക് പൈസ അയക്കുന്നുണ്ടല്ലോ...? "

"ആ ഉണ്ട്.. "

"എന്നിട്ട് അത് വീട്ടിൽ തികയുന്നുണ്ടോ... "

"അ അ ആ.... അപ്പൊ അതാണ് കാര്യം.. അല്ലെ... "

"മ്മ്... "

"എടാ ഷെരീഫെ... അനക്ക് അറിയതോണ്ടാ... നമ്മൾ പ്രവാസികൾക്ക് മാത്രേ പ്രവാസ ജീവിതം എന്തെന്ന് അറിയുള്ളൂ... നാട്ടിലുള്ളവർ മറ്റൊന്നാ ചിന്തിക്ക.
ആ ഓൽ ഗൾഫ് കാരല്ലേ... കുറെ പൈസ ണ്ടാവും... ഇങ്ങനെ ഒക്കെ ആയിരിക്കും.

എന്നാൽ വീട്ടിലുള്ള ഭാര്യയും മക്കളും ചിന്തിക്കുന്നതോ ഇവിടെ പൈസ മരത്തിൽ നിന്നും പറിക്കുന്നത് ആണെന്നാണ്... പക്ഷെ സ്വന്തം തന്തക്കും തള്ളക്കും അറിയാം തന്റെ മകൻ അധ്വാനിച്ചു കൊണ്ട് വരുന്നതാണ് എന്നത്. സ്വന്തം മക്കളുടെ വിയർപ്പിന്റെ ഗന്ധം അറിഞ്ഞവർ ആണ് നമ്മുടെ ബാപ്പയും ഉമ്മയും. പിന്നെ ഇജ്ജ് ചോതിചില്ലേ... വീട്ടിലേക്കു അയക്കുന്ന പൈസ തികയുന്നു ണ്ടോ ന്ന്. നിന്റ വീട്ടിലെ അവസ്ഥ തന്നെ യാ എല്ലാ പ്രവാസികളുടെയും വീട്ടിലെ അവസ്ഥ. നമ്മുടെ പ്രയാസവും പരിഭവങ്ങളും കാണാൻ ഇവിടെ ആരും ഇല്ല..... "

"അതെ മൊയ്തീൻ ക്കാ... ഞാൻ എത്ര നാളായി അറിയോ എന്റെ കുടുംബത്തെ ഒക്കെ കണ്ടിട്ട്. ഇൻശാ അല്ലാഹ് ഒരു 4മാസം കൂടി കഴിഞ്ഞിട്ട് നാട്ടിലേക്കു പോകാനുള്ള ടിക്കറ്റ് റെഡി ആക്കണം... "

"മ്മ്മ്.. എല്ലാർക്കും അതാണ് ആഗ്രഹം. പക്ഷെ പടച്ചോൻ വിധിച്ചതേ നടക്കൂ... ഇപ്പൊ നല്ല നിലയിൽ കഴിയുന്നതിന് പടച്ചോനെ സ്തുതിക്കാ...
അൽഹംദുലില്ലാഹ്... "

"അൽഹംദുലില്ലാഹ്.. "
{{BoxBottom1
| പേര്= Faiha Fathima
| ക്ലാസ്സ്= 8 C 
| പദ്ധതി= അക്ഷരവൃക്ഷം
| വർഷം=2020
| സ്കൂൾ= KKMKS CHEEKODE 
| സ്കൂൾ കോഡ്= 18079
| ഉപജില്ല= KIZHISSERI 
| ജില്ല=
| തരം= കഥ 
| color= 1 
}}

കെ.കെ.എം.എച്ച്.എസ്. ചീക്കോട്/അക്ഷരവൃക്ഷം

2020-04-25T14:38:24Z

Anishjohn: '*{{PAGENAME}}/പ്രവാസിയുടെ നൊമ്പരം | പ്രവാസിയുടെ നൊമ്...' താൾ സൃഷ്ടിച്ചിരിക്കുന്നു

*[[{{PAGENAME}}/പ്രവാസിയുടെ നൊമ്പരം | പ്രവാസിയുടെ നൊമ്പരം ]]
*[[{{PAGENAME}}/പരിസ്ഥിതി | പരിസ്ഥിതി ]]