Schoolwiki - താങ്കളുടെ സംഭാവനകൾ [ml]

എച്ച് എസ് പെങ്ങാമുക്ക്/അക്ഷരവൃക്ഷം/ചില കോവിഡ് ചിന്തകൾ

2020-05-05T08:43:10Z

24030hsp: '{{BoxTop1 | തലക്കെട്ട്= ചില കോവിഡ് ചിന്തകൾ <!-- തലക്ക...' താൾ സൃഷ്ടിച്ചിരിക്കുന്നു

{{BoxTop1
| തലക്കെട്ട്= ചില കോവിഡ് ചിന്തകൾ 
| color= 3 
}}
 ''വുഹാൻ''.... ഇപ്പോൾ ലോകത്തിൻറെ മുന്നിൽ ഏറെ ചർച്ച ചെയ്യപ്പെട്ട ഒരു നഗരം. ചൈനയിലെ ഈ നഗരം കൊറോണ വൈറസിന്റെ പ്രഭവകേന്ദ്രമായതാണ് ഈ ദുഷ്കീർത്തിക്ക് കാരണം. 76 ദിവസത്തെ ലോക്ഡൗൺ ..... അതിനു ശേഷം ഏപ്രിൽ എട്ടിന് ഈ നഗരം വീണ്ടും തുറന്നു . അരലക്ഷത്തിലേറെ രോഗികളാണ് ഇവിടെ ഉണ്ടായിരുന്നത്. ഇന്നവർ പഴയ അവസ്ഥലേക്ക് മെല്ലെ നീങ്ങി തുടങ്ങി.
 കോവിഡ് എന്ന മഹാമാരി നമ്മുടെ നാടിനേയും നമ്മുടെ സമ്പദ് വ്യവസ്ഥയേയും വല്ലാതെ ബാധിച്ചിരിക്കുന്നു. ഈ ഭീഷണി ഒഴിഞ്ഞ് , അതിജീവനത്തിനായി ശ്രമിക്കേണ്ട നാമോരോരുത്തരും പഴയ കാർഷിക സംസ്കാരത്തിലേക്ക് തിരികെ പോകേണ്ടതാണ്. നമുക്ക് നമ്മുടെ വീടുകളിൽ പയർ, മുളക്, തക്കാളി, ചീര, പടവലം, വെണ്ട തുടങ്ങി പറ്റാവുന്നത്ര കൃഷികൾ ചെയ്യാം.തമിഴ്നാടിനെയും കർണാടകത്തേയും ആശ്രയിച്ചു കൊണ്ടുള്ള നമ്മുടെ ജീവിതത്തിന് ചെറിയ ഒരു മാറ്റം അനിവാര്യമാണ്. എന്ത് സാധനവും കടയിൽ നിന്ന് വാങ്ങാം എന്ന ധാരണ മാറ്റി നമുക്ക് പറ്റാവുന്നത് നമ്മുടെ തൊടിയിൽ ഉണ്ടാക്കാം എന്ന അവസ്ഥയിലേക്ക് നാം മാറണം. 
 ഈ കോവിഡ് കാലം എനിക്ക് കുറേ അനുഭവങ്ങളുടേതായിരുന്നു. രാവിലെ മുതൽ പണിക്ക് ഇറങ്ങുന്ന അച്ഛൻ ഇങ്ങനെ വിശ്രമിക്കുന്നത് ഞാൻ ആദ്യമായി കാണുകയായിരുന്നു. ഞാനും അച്ഛനും അമ്മയും ഒരുമിച്ച് ഒരു ചെറിയ അടുക്കളത്തോട്ടം തയ്യാറാക്കി. എല്ലാവരും കൂടി ഒത്തൊരുമിച്ചുള്ള ആ കൃഷിപ്പണി എന്ത് സന്തോഷകരമായിരുന്നു. 
 നമ്മൾ ഇങ്ങനെ വീട്ടിൽ ഒത്ത് ചേർന്ന് സന്തോഷിക്കുമ്പോൾ ആരോഗ്യ വിഭാഗം ജീവനക്കാരും പോലീസുകാരും അഗ്നിരക്ഷാസേനയും കോവിഡ് പ്രതിരോധത്തിനായി രോഗികളെ പരിചരിക്കുക , പൊതുസ്ഥലങ്ങൾ അണുവിമുക്തമാക്കുക തുടങ്ങിയ പോരാട്ടത്തിലായിരുന്നു. അവരെ എത്ര പുകഴ്ത്തിയാലും മതിയാകില്ല. അവർക്കു വേണ്ടി നാം കൈയടിച്ച് അഭിനന്ദനത്തിന്റെ പൂച്ചെണ്ടുകൾ അർപ്പിച്ചു.
കോവിഡ് സൃഷ്ടിച്ച ഇരുട്ടിനെ വെളിച്ചത്തിന്റെ ശക്തി കൊണ്ട് നേരിടാൻ രാത്രി 9 മണിക്ക് 9 മിനിറ്റ് നേരം വീട്ടിലെ ലൈറ്റണച്ച് മെഴുകുതിരിയോ ടോർച്ചോ ചിരാതോ തെളിയിക്കണമെന്ന് നമ്മുടെ പ്രധാനമന്ത്രി ആഹ്വാനം ചെയ്തിരുന്നു. തമസോമ: ജ്യോതിർഗമയ എന്ന ആശയം ഉൾക്കൊണ്ട് തന്നെ ഞങ്ങൾ എല്ലാവരും അതിന് തയ്യാറായി. 
 നമ്മുടെ നാട്ടിൽ ഒത്തിരി അതിഥി തൊഴിലാളികൾ ഉണ്ട്. ജീവിതത്തിൻറെ കഷ്ടപ്പാട്ടിൽ , വീടും നാടും പ്രിയപ്പെട്ടവരെയും എല്ലാം ഉപേക്ഷിച്ച് ജോലിക്ക് വന്ന പാവങ്ങൾ . അവരെ കരുതാനും നമ്മുടെ ഗവൺമെൻറ് മറന്നില്ല. അവർക്ക് ഭക്ഷണ സാധനങ്ങൾ എത്തിച്ചു കൊടുത്തും അവരുടെ താമസ സ്ഥലങ്ങൾ അണു വിമുക്തമാക്കിയും നമ്മുടെ സാമൂഹിക പ്രവർത്തകരും ഒപ്പമുണ്ടായിരുന്നു. നാട്ടിലേക്ക് പോകാൻ ആഗ്രഹം അറിയിച്ച ഈ അതിഥി തൊഴിലാളികളെ പ്രത്യേക ട്രെയിനുകളിൽ അവരുടെ നാട്ടിൽ എത്തിക്കുവാനുള്ള സംവിധാനവും നമ്മുടെ ഗവൺമെന്റ് ചെയ്തു. 
 കേരളത്തിൽ കോവിഡ് ബാധിച്ച് ചില വിദേശികൾ ചികിത്സയിൽ ഉണ്ടായിരുന്നു . അവരെല്ലാം രോഗ വിമുക്തരായി. മധ്യപ്രദേശിലെ ഇൻഡോറിൽ സ്വകാര്യ ക്ലിനിക് നടത്തിയിരുന്ന 60 വയസ്സുള്ള ഡോക്ടർ ശത്രുഘ്‌നൻ പഞ്ച്‌വാനിയുടെ മരണം ഇന്ത്യക്കാരെ ആശങ്കയിലാഴ്ത്തി . ദിവസങ്ങൾ കടന്നു പോകും തോറും കോവിഡിനെ കീഴടക്കാൻ ശാസ്ത്രലോകം തയ്യാറായിക്കൊണ്ടിരിക്കുകയാണ്. ഇന്ന് പല വാക്സിനുകളും മനുഷ്യരിൽ പരീക്ഷിച്ചു തുടങ്ങി കഴിഞ്ഞു. കൊറോണയെ തോൽപ്പിക്കുന്ന ആ നല്ല നാൾ ഇനി അകലെയല്ല . അതിനുവേണ്ടി നമുക്ക് കാത്തിരിക്കാം.
{{BoxBottom1
| പേര്= അതുൽ കൃഷ്ണ എ യു

| ക്ലാസ്സ്= 5A 
| പദ്ധതി= അക്ഷരവൃക്ഷം
| വർഷം=2020
| സ്കൂൾ= എച്ച് എസ് പെങ്ങാമുക്ക് 
| സ്കൂൾ കോഡ്= 24030
| ഉപജില്ല= കുന്നംകുളം 
| ജില്ല= തൃശ്ശൂർ
| തരം= ലേഖനം 
| color= 1 
}}

എച്ച് എസ് പെങ്ങാമുക്ക്/അക്ഷരവൃക്ഷം

2020-05-05T08:29:33Z

24030hsp:

*[[{{PAGENAME}}/കൊറോണക്കാലം | കൊറോണക്കാലം]]
*[[{{PAGENAME}}/അതിജീവനം | അതിജീവനം]]
*[[{{PAGENAME}}/പരിസ്ഥിതി ശുചിത്വം | പരിസ്ഥിതി ശുചിത്വം]]
*[[{{PAGENAME}}/പ്രകൃതി | പ്രകൃതി ]]
*[[{{PAGENAME}}/ലോക് ഡൗണിലെ പെസഹ | ലോക് ഡൗണിലെ പെസഹ]]
*[[{{PAGENAME}}/നിർവികാരം |നിർവികാരം ]]
*[[{{PAGENAME}}/കാലമേ പറയൂ |കാലമേ പറയൂ]]
*[[{{PAGENAME}}/ കൊറോണ വില്ലനായപ്പോൾ |കൊറോണ വില്ലനായപ്പോൾ]]
*[[{{PAGENAME}}/അയ്യോ .....കൊറോണ|അയ്യോ .....കൊറോണ]]
*[[{{PAGENAME}}/ആശങ്കയല്ല വേണ്ടത് ജാഗ്രതയാണ്|ആശങ്കയല്ല വേണ്ടത് ജാഗ്രതയാണ്]]
*[[{{PAGENAME}}/ചില കോവിഡ് ചിന്തകൾ| ചില കോവിഡ് ചിന്തകൾ]]

എച്ച് എസ് പെങ്ങാമുക്ക്/അക്ഷരവൃക്ഷം/ആശങ്കയല്ല വേണ്ടത് ജാഗ്രതയാണ്

2020-05-04T12:08:13Z

24030hsp: '{{BoxTop1 | തലക്കെട്ട്= ആശങ്കയല്ല വേണ്ടത് ജാഗ്രതയാണ...' താൾ സൃഷ്ടിച്ചിരിക്കുന്നു

{{BoxTop1
| തലക്കെട്ട്= ആശങ്കയല്ല വേണ്ടത് ജാഗ്രതയാണ് 
| color= 1 
}}
 2020 ഒട്ടേറെ പ്രതീക്ഷകളോടെ കടന്നുവന്ന പുതുവർഷം .ആ സ്വപ്നങ്ങൾ എല്ലാം തകർത്തെറിഞ്ഞു കൊണ്ടാണ് കൊറോണയുടെ വരവ്. ചൈനയിലെ വുഹാനിൽ നിന്ന് വന്ന വിദ്യാർത്ഥിയിലൂടെ നമ്മുടെ നാടും കൊറോണയെ രുചിച്ചു.
പിന്നീടങ്ങോട്ട് എല്ലാ കീഴ്‌വഴക്കങ്ങളേയും മാറ്റി മറിച്ചുകൊണ്ടായി കാലത്തിൻറെ പോക്ക് .രോഗികളുടെ എണ്ണം ദിനം തോറും വർദ്ധിച്ചു വന്നു. പരീക്ഷകൾ മാറ്റി. തെരുവുകൾ നിശബ്ദമായി. വഴികളിൽ സ്ട്രീറ്റ് ലൈറ്റുകൾ ആർക്കോവേണ്ടി പ്രകാശം പരത്തി. ജില്ലാ അതിർത്തികൾ അടച്ചു . എല്ലാ വ്യാപാര സ്ഥാപനങ്ങളും അടഞ്ഞുകിടന്നു. പള്ളികളിലേയും ക്ഷേത്രങ്ങളിലേയും പ്രാർത്ഥനകൾ ഓൺലൈനായി . ആളുകൾ വീടിനുള്ളിൽ ഒതുങ്ങിക്കൂടി . യാത്രകൾ ഇല്ലാതെയായി. മാസ്കും കയ്യുറയും ജീവിതശൈലിയുടെ ഭാഗമായി.
അവധിക്കാലത്തെ കുറിച്ച് ഒത്തിരി സ്വപ്നങ്ങൾ കണ്ടവരായിരുന്നു ഞങ്ങൾ . മുറ്റത്തിറങ്ങി കളിക്കാൻ കഴിയാതെ പൂമുഖ വാതിൽക്കൽ വന്ന് എത്തി നോക്കി തിരിച്ചുപോകുന്ന ഞങ്ങൾ.ഞങ്ങളുടെ ദുഃഖം ഉള്ളിലൊതുക്കി. ടിവിയോടും കളിപ്പാട്ടങ്ങളോടും കൂടുതൽ കൂട്ടുകൂടി . വിരുന്നു വരുന്ന ബന്ധുക്കളില്ല .കളിക്കാൻ കാത്തുനിൽക്കുന്ന കൂട്ടുകാരില്ല ......നീണ്ടുപോകുന്ന ലോക്ഡൗൺ .
 ഈ ലോക് ഡൗൺ കാലത്ത് ഒരുപാട് പുതിയ കാര്യങ്ങൾ ഞങ്ങൾ മനസ്സിലാക്കി.കൊറോണക്കായി ഓരോ ജില്ലകളിലും മെഡിക്കൽ കോളേജ് ഉൾപ്പെടെ രണ്ട് ആശുപത്രികളിൽ പ്രത്യേകം ഐസൊലേഷൻ ചികിത്സ സംവിധാനം ഒരുക്കിയിട്ടുണ്ട്. ഓരോ ആശുപത്രിയിലും നോഡൽ ഓഫീസറുടേയും സൂപ്രണ്ടിന്റേയും ഫോൺ നമ്പർ പ്രസിദ്ധപ്പെടുത്തിയിട്ടുണ്ട്. ഇവരെ ഫോണിൽ ബന്ധപ്പെട്ടതിനു ശേഷം ചികിത്സക്കായി ഏർപ്പെടുത്തിയ മുറിയിലേക്ക് നേരിട്ട് പോകേണ്ടതാണ്. ഇതിനുവേണ്ടി ഓ പ്പി , ക്യാഷ്വാലിറ്റി ഭാഗത്തേക്ക് പോകേണ്ട ആവശ്യമില്ല.എത്രയും പെട്ടെന്ന് വിദഗ്ധ ചികിത്സ ലഭ്യമാക്കാനും രോഗം മറ്റുള്ളവരിലേക്ക് പകരുന്നത് തടയാനും വേണ്ടിയാണ് ഈ ക്രമീകരണം . ഇങ്ങനെ എത്ര എത്ര സൗകര്യങ്ങൾ ആണ് നമ്മുടെ ഗവൺമെൻറ് നമുക്ക് വേണ്ടി ചെയ്ത തന്നിട്ടുള്ളത്. നമ്മുടെ ഗവൺമെന്റിനും ആരോഗ്യമന്ത്രിക്കും ഈ ഒരു അവസരത്തിൽ ഒരു ബിഗ് സല്യൂട്ട്. നമ്മുടെ മുഖ്യമന്ത്രി എന്നും ഓർമ്മിപ്പിക്കുന്നത് പോലെ നമുക്ക് ആശങ്ക അല്ല വേണ്ടത് ജാഗ്രതയാണ്.ജാഗ്രതയോടെ നമുക്ക് മുന്നേറാം
{{BoxBottom1
| പേര്= രണദിവെ എ ആർ
| ക്ലാസ്സ്= 7A 
| പദ്ധതി= അക്ഷരവൃക്ഷം
| വർഷം=2020
| സ്കൂൾ= എച്ച് എസ് പെങ്ങാമുക്ക് 
| സ്കൂൾ കോഡ്= 24030
| ഉപജില്ല= കുന്നംകുളം 
| ജില്ല= തൃശ്ശൂർ
| തരം= ലേഖനം 
| color= 4 
}}

എച്ച് എസ് പെങ്ങാമുക്ക്/അക്ഷരവൃക്ഷം/അയ്യോ .....കൊറോണ

2020-05-04T11:42:20Z

24030hsp: '{{BoxTop1 | തലക്കെട്ട്= അയ്യോ .....കൊറോണ <!-- തലക്കെട്ട...' താൾ സൃഷ്ടിച്ചിരിക്കുന്നു

{{BoxTop1
| തലക്കെട്ട്= അയ്യോ .....കൊറോണ 
| color= 4 
}}
<center> <poem>
കേരളമെന്നൊരു സ്വന്തം നാട്
രണ്ടു പ്രളയം തകർത്തൊരു നാട്
ഓഖിയും നിപ്പയും വന്നൊരു നാട്
കോവിഡിനാലിപ്പം ലോക്കായ നാട്
നമ്മുടെ നാടിത് കേരള നാട്
ബംഗാളി വാഴുന്ന സുന്ദരനാട്
ചൈനയിൽ നിന്നു തുടങ്ങിയ രോഗം
ഇറ്റലി ,യു.എസ്.എ ഒക്കെ തകർത്തു
ഇന്ത്യയിലും എത്തി കോവിസ് 19
നമ്മളും ഒത്തിരി കഷ്ടം സഹിച്ചു
സർക്കാര് തന്നൊരു റേഷനും വാങ്ങി
എല്ലാവരും വീടിനുള്ളിൽ ഒതുങ്ങി
ബാറുകളും ബീവറേജസും പൂട്ടി
ലോക്ഡൗണിൽ മലയാളി ആകെഡൗൺ ആയി
കൈകൾ വിറച്ചപ്പോൾ കുടിയന്മാെരെല്ലാം
കുത്തിയിരുന്ന് കൊറോണയെ പ്രാകി
ഈസ്റ്ററും വിഷുവതും പൂരവും എല്ലാം
മദ്യത്തിൻ ലഹരിയതില്ലാതെ കണ്ടു
കൂടി നിൽക്കുന്നോരെ കണ്ടുപിടിക്കാനായ്
ഡ്രോണൊന്ന് പോലീസ് നാട്ടിൽ ഇറക്കി
ഡ്രോണൊന്ന് കാണുവാൻ കൂടിയ കൂട്ടരെ
പാടത്തേക്കോടിച്ചു നട്ടം തിരിച്ചു
കോവിഡിൻ നാളിനെപാടെ തകർക്കുവാൻ
കേരളമാകവേ കിണഞ്ഞു ശ്രമിച്ചു
സോപ്പിട്ട് കൈകൾ കഴുകി തുടങ്ങി
നല്ലോരകലത്തിൽ കഴിഞ്ഞു തുടങ്ങി
ലോകം മുഴുവനും മരണം വിതയ്ക്കുന്ന
കോവിഡിൽ നിന്നും നമുക്കു കരകയറാം .....
</poem> </center>
{{BoxBottom1
| പേര്= രഞ്‌ജിത എ ആർ
| ക്ലാസ്സ്= 6B 
| പദ്ധതി= അക്ഷരവൃക്ഷം
| വർഷം=2020
| സ്കൂൾ=എച്ച് എസ് പെങ്ങാമുക്ക് 
| സ്കൂൾ കോഡ്= 24030
| ഉപജില്ല= കുന്നംകുളം 
| ജില്ല= തൃശ്ശൂർ

| തരം= കവിത 
| color= 2 
}}

എച്ച് എസ് പെങ്ങാമുക്ക്/അക്ഷരവൃക്ഷം

2020-05-04T11:33:31Z

24030hsp:

എച്ച് എസ് പെങ്ങാമുക്ക്/അക്ഷരവൃക്ഷം/ കൊറോണ വില്ലനായപ്പോൾ

2020-05-03T06:49:02Z

24030hsp: '{{BoxTop1 | തലക്കെട്ട്= കൊറോണ വില്ലനായപ്പോൾ <!-- തലക...' താൾ സൃഷ്ടിച്ചിരിക്കുന്നു

{{BoxTop1
| തലക്കെട്ട്= കൊറോണ വില്ലനായപ്പോൾ 
| color= 4 
}}
 ഭീതിയാണ് ഈ ലോകത്തെ കുറിച്ച് ഓർക്കുമ്പോൾ .... ആശങ്കയാണ് ഒരു വിദ്യാർത്ഥി എന്ന നിലയിൽ പഠനത്തെ കുറിച്ച് ഓർക്കുമ്പോൾ .....
 പുതിയ സ്കൂളിലെ പുതിയ അധ്യയനവർഷം നല്ല രീതിയിൽ പൂർത്തിയാക്കാൻ പോലും സാധിച്ചില്ല. മൂന്ന് പരീക്ഷയിൽ ഒതുങ്ങിക്കൂടി ഈ വർഷം അവസാനിപ്പിച്ചു. 
 ആദ്യമൊക്കെ വളരെ അധികം സന്തോഷം തോന്നി . നീണ്ടു നിവർന്നു കിടക്കുന്ന അവധിക്കാലം .... അടിച്ചുപൊളിക്കണം, കൂട്ടുകാരുമൊത്ത് സൈക്കിൾ ചവിട്ടണം, ഫുട്ബോൾ കളിക്കണം എന്നൊക്കെ മനസ്സിൽ കരുതിയിരിക്കുമ്പോഴാണ് നമ്മൾ ലോക് ഡൗണിലാണ് എന്ന് പത്രത്തിൽ വായിച്ചത്. കൊറോണ എന്ന മഹാമാരി നമ്മുടെ ലോകത്തെ വിഴുങ്ങുവാൻ പോവുകയാണ് എന്ന വാർത്ത വളരെ ഭീതിയോടെ ഞാൻ മനസ്സിലാക്കി. ചൈനയിൽ നിന്നും ഉടലെടുത്ത ഈ വൈറസ് ലോകത്തെ മുഴുവൻ കൈപ്പിടിയിൽ ആക്കിയിരിക്കുന്നു. 
 കേരളത്തിൽ ആദ്യമായി കൊറോണ വൈറസ് റിപ്പോർട്ട് ചെയ്തത് തൃശ്ശൂർ ജില്ലയിലാണ്. എൻറെ ജില്ല . എന്തിനും നമ്മുടെ ജില്ല മുൻപന്തിയിൽ എത്തുമ്പോൾ സന്തോഷിക്കാറുണ്ടെങ്കിലും ഈ വാർത്ത പേടിപ്പെടുത്തുന്നതായിരുന്നു.
 വീടുകളിൽ നിന്ന് പുറത്തിറങ്ങാൻ പാടില്ല എന്ന തീരുമാനം നമ്മുടെ ഭരണകൂടം നിലവിൽ കൊണ്ടുവന്നു. കേരളം പൂർണമായും അത് സ്വീകരിക്കാൻ തയ്യാറായി. അതിനാൽ തന്നെ കേരളം 90% ഈ വൈറസിൽ നിന്ന് മുക്തി നേടി. 
 ഈ മാരകമായ വൈറസിന് ഇതുവരെ മരുന്ന് കണ്ടുപിടിച്ചിട്ടില്ല. അതുകൊണ്ട് തന്നെ ആരോഗ്യപ്രവർത്തകരും ആരോഗ്യ മന്ത്രി ശൈലജ ടീച്ചറും പറയുന്നത് നമുക്ക് അക്ഷരംപ്രതി അനുസരിക്കാം.
 ആളുകൾ കൂട്ടംകൂടി നിൽക്കുന്നത് ഒഴിവാക്കാം , പൊതുസ്ഥലങ്ങളിൽ തുപ്പാതിരിക്കാം , പുറത്തിറങ്ങുമ്പോൾ മാസ്ക് ധരിക്കാം , കൈകൾ സോപ്പ് ഉപയോഗിച്ച് ഇടയ്ക്കിടയ്ക്ക് കഴുകാം ,ചുമയ്ക്കുമ്പോഴും തുമ്മുമ്പോഴും കർച്ചീഫ് ഉപയോഗിച്ച് വായ അടച്ചു പിടിക്കാം , കൈകൾകൊണ്ട് മുഖത്തും കണ്ണിലും മൂക്കിലും സ്പർശിക്കാതിരിക്കാം .....
 മറ്റ് സംസ്ഥാനങ്ങളിലും ഗൾഫ് രാജ്യങ്ങളിലും രോഗികളും മരണനിരക്കും കൂടുമ്പോൾ നമ്മുടെ കേരളത്തിൽ രോഗികൾ കുറവും മരണം കുറവുമാണ് റിപ്പോർട്ട് ചെയ്തിട്ടുള്ളത്. ഈ മഹാമാരി നമ്മുടെ നാട്ടിലും വന്നതുകൊണ്ട് ഈസ്റ്ററും വിഷുവും പൂരങ്ങളും ഒന്നും കൊണ്ടാടുവാൻ കഴിഞ്ഞില്ല . ഈ ജില്ലയിൽ നിന്ന് മറ്റു ജില്ലകളിലേക്കുള്ള യാത്രകൾ ഒഴിവാക്കിയതിനാൽ മാമൻറെ വീട്ടിലേക്കുള്ള യാത്രയും നടന്നില്ല .
 മാസ്ക് ധരിക്കാതെ പുറത്തിറങ്ങിയാൽ വലിയ പിഴയാണ്. ബൈക്കിലും കാറിലും യാത്ര ചെയ്യുന്ന ആളുകളുടെ എണ്ണത്തിനും നിയന്ത്രണങ്ങളുണ്ട്. ഇതെല്ലാം നമുക്ക് പാലിക്കാം .... ഈ വൈറസിനെ ഇല്ലാതാക്കാൻ ഉള്ള മരുന്ന് കണ്ടു പിടിക്കാൻ നമ്മുടെ ശാസ്ത്രജ്ഞന്മാർക്ക് എത്രയും പെട്ടെന്ന് കഴിയട്ടേ എന്ന് നമുക്ക് ദൈവത്തോട് പ്രാർത്ഥിക്കാം .....
{{BoxBottom1
| പേര്= അതുൽ കൃഷ്ണ എ യു
| ക്ലാസ്സ്= 5A 
| പദ്ധതി= അക്ഷരവൃക്ഷം
| വർഷം=2020
| സ്കൂൾ= ഹൈസ്കൂൾ പെങ്ങാമുക്ക് 
| സ്കൂൾ കോഡ്= 24030
| ഉപജില്ല= കുന്നംകുളം 
| ജില്ല= തൃശ്ശൂർ
| തരം= ലേഖനം 
| color= 2 
}}

എച്ച് എസ് പെങ്ങാമുക്ക്/അക്ഷരവൃക്ഷം

2020-05-03T06:34:09Z

24030hsp:

എച്ച് എസ് പെങ്ങാമുക്ക്/അക്ഷരവൃക്ഷം

2020-05-03T06:12:09Z

24030hsp:

എച്ച് എസ് പെങ്ങാമുക്ക്/അക്ഷരവൃക്ഷം/കാലമേ പറയൂ

2020-04-24T09:40:26Z

24030hsp: '{{BoxTop1 | തലക്കെട്ട്= കാലമേ പറയൂ <!-- തലക്കെട്ട് - സ...' താൾ സൃഷ്ടിച്ചിരിക്കുന്നു

{{BoxTop1
| തലക്കെട്ട്= കാലമേ പറയൂ 
| color= 5 
}}

<center> <poem>
കാലമേ..... പറയൂ നീ
എന്തിനീ പരീക്ഷണങ്ങൾ
ലോകമേ..... ചൊല്ലൂ നീ
എന്തിനു കൊല്ലുന്നു ജീവനെ
പല വ്യാധികൾ .....
പല ക്രൂരതകൾ......
എന്തിനു വേണ്ടി കൊല്ലുന്നു മാനവരേ
കാലത്തിൻ പരീക്ഷണങ്ങളിൽ
എരിയുന്ന വിദ്യാർത്ഥികൾ
അവർതൻ വിദ്യയെ വിലക്കുന്ന വ്യാധികൾ
പണമില്ലാതെ എല്ലാരും പിണമായി മാറുന്ന കാഴ്ചകൾ
കാലത്തിൻ പരീക്ഷണ അഗ്നിയിൽ എരിയുന്ന ലോകം
കാലമേ പറയൂ ഇനി ആരുതരും
ഒരു സുന്ദരമായ വസന്തകാലം
കാലമേ പറയൂ ഇനിയാരു തരും
വ്യാധികൾ ഇല്ലാത്ത സുവർണ്ണകാലം
</poem> </center>
{{BoxBottom1
| പേര്= ഗായത്രിദേവി എം എസ്
| ക്ലാസ്സ്= 9A 
| പദ്ധതി= അക്ഷരവൃക്ഷം
| വർഷം=2020
| സ്കൂൾ= എച്ച് എസ് പെങ്ങാമുക്ക് 
| സ്കൂൾ കോഡ്= 24030
| ഉപജില്ല= കുന്നംകുളം 
| ജില്ല= തൃശ്ശൂർ
| തരം= കവിത 
| color= 3 
}}

എച്ച് എസ് പെങ്ങാമുക്ക്/അക്ഷരവൃക്ഷം

2020-04-24T09:28:38Z

24030hsp:

എച്ച് എസ് പെങ്ങാമുക്ക്/അക്ഷരവൃക്ഷം/നിർവികാരം

2020-04-16T07:08:19Z

24030hsp: '{{BoxTop1 | തലക്കെട്ട്= നിർവികാരം <!-- തലക്കെട്ട് - സ...' താൾ സൃഷ്ടിച്ചിരിക്കുന്നു

{{BoxTop1
| തലക്കെട്ട്= നിർവികാരം 
| color= 4 
}}

പുല്ലാംകുഴൽ നാദത്തെപ്പോലെ മധുരമായ നാദം തുടിക്കുന്ന ഒരു കൊച്ചു ഗ്രാമം.
ഇളംതെന്നൽ ഓടിനടക്കുന്ന ഗ്രാമം. വൻ മരങ്ങളിൽ നിന്നും ഉതിർന്നുവീഴുന്ന രസകരമായ ശബ്ദം. നിശബ്ദമായ ഗ്രാമചുറ്റുപാടിൽ നിന്ന് ഉതിരുന്ന ആ ശബ്ദങ്ങൾ ഗ്രാമത്തിന് ശാന്തി മന്ത്രം പോലെയായിരുന്നു. ക്രൂരതകൾ ഇല്ലാത്ത, പരിഭവങ്ങൾ ഇല്ലാത്ത സമാധാനത്തിന്റെ ഭൂമി. ചെറിയ ആവശ്യങ്ങൾക്ക് പോലും ഒത്തുകൂടിയിരുന്ന നിഷ്കളങ്കരായ ഭാഗ്യവാന്മാരായിരുന്നു അവിടെയുള്ള ജനങ്ങൾ. എന്നാൽ ഒരു ദിവസം അസ്തമയ സുര്യനെ സാക്ഷിയാക്കി , ഭീമാകാരമായ ഒരു പരുന്ത് വൃത്താകാര മാതൃകയിൽ പറക്കുന്നത് ഗ്രാമത്തിൽ വെളിവായി. എന്നാൽ ആർക്കും അത് ദൃശ്യമായില്ല. അവർ അറിയാതെ അവരിലേക്ക് വന്ന ക്ഷണിക്കാത്ത അതിഥിയായിരുന്നു പരുന്ത്. എന്നാൽ ആ പരുന്ത് എന്നത് പറക്കുന്ന പക്ഷിയെയല്ല, അവരിലേക്ക് വന്ന ദുരന്തത്തെയാണ് വെളിവാക്കുന്നത്.

 
ഇലകളിൽപ്രതിഫലിച്ചുവന്ന ആ ഇളംചൂടേറിയ വെളിച്ചം അവനിലെ ശരീരത്തെ നിർവികാരമാക്കിതീർത്തു. പടുകൂറ്റൻ കസേരയിൽ ഇരുന്നുകൊണ്ട് ചെറിയ മാർദ്ദവമുള്ള കൈകളാൽ അവൻ തൂവൽകൊണ്ട് ഇലയാകുന്ന പേപ്പറിൽ എഴുതുകയായിരുന്നു. നിമിഷങ്ങൾക്കകം അവൻ വഴിയരികിലെ മാവിന്തോട്ടത്തിൽ നിന്ന് ഒരു ചെറിയ മാങ്ങാ പറിച്ചെടുത്തുകൊണ്ട് വെളുമ്പി പശുവിനടുത്തെക്ക് പോയി. എഴുതിയ താൾ പോക്കറ്റിൽ വച്ചിരുന്നു. എഴുതാനെടുത്ത മഷി ആ കയ്യിൽ പുരണ്ടിരുന്നു. മാങ്ങയിൽനിന്ന് ഉതിർന്നൊഴുകിയ ആ മധുരനീർ കയ്യിലെ മഷിയുമായി കലർന്നു. വഴിയരികിലേക്ക് ഓടി കയറിയ അവൻ കയ്യിലിരുന്ന തൂവൽ ചുവന്ന കൂടാരത്തിൽ നിക്ഷേപിച്ചു . തൂവലിൽ മാങ്ങയുടെ മഷിയായ കറചാറ് പുരണ്ടിരുന്നു. അച്ഛന് സ്വന്തം കൈപ്പടയിൽ എഴുതിയ കത്തായിരുന്നു അത്. അല്പം മുൻപ് വരെയുണ്ടായിരുന്ന സന്തോഷം നഷ്ടപ്പെട്ടതുപോലെ അവന് തോന്നി. എന്നാൽ പെട്ടെന്ന് വ്യാകുലതയേന്തിയ മുഖം പുഞ്ചിരിയിലേക്ക് വീണു. ഇപ്പോൾ അവന്റെ മുഖം വികാരങ്ങൾ നിറഞ്ഞതാണ്.

 
ദൂരദേശത്തു ഉദ്യോഗമുള്ള അച്ഛനെഴുതിയ കത്ത് അവന്റെ മനസ്സിൽ ഇപ്പോഴും മായാശകലങ്ങളാൽ നില്കുന്നു. എന്നാൽ അച്ഛൻ വ്യാകുലതകളാൽ മനം ഇടറി നിൽക്കുന്ന വ്യക്തി ആയിരുന്നു. ഡെൽഹിയിൽ ജോലിക്കുപോയ അയാളുടെ ശരീരതതിൽ മഹാവ്യാധിയായ കാൻസർ ആയിരുന്നു. ഒറ്റ മകനാണെന്നും, ചെറു പ്രായമാണെന്നും അവനെ പരിചരിക്കാൻ പറ്റാത്തതിലും ഇനി അവനെ കാണാൻകഴിയുമോ എന്ന ചിന്താഭാരമായി അയാൾ ഡൽഹിയെ നോക്കി നിസ്സഹായമായി നിൽക്കുകയാണ്. എന്നാൽ മകന്റെ ജനനത്തോടെ മരണത്തിനു വിധേയപ്പെട്ട അമ്മയുടെ മുഖം മറന്ന ആ പിഞ്ചുകുഞ്ഞിന്റെ നിഷ്കളങ്കതയാണ് നാടിനെ കുറിച്ചുള്ള ഓർമ്മ. നോക്കെത്താദൂരത്തോളം നീണ്ടുനിന്ന പാടവരമ്പുകൾ നോക്കിൽനിൽകെ അവൻ അച്ഛനെ മനസ്സിൽ കാണുകയായിരുന്നു. നാട്ടിലെ ജനങ്ങൾക്കെല്ലാം സുപരിചിതമായ രാഘവന്റെ മകൻ ശ്രീറാം ആയിരുന്നില്ല അവൻ. നാടിന്റെ ശ്രീ ആയിരുന്നു. ചെറു പുഞ്ചിരി ഉതിർത്തുകൊണ്ടു നാട്ടിലെ ജനങ്ങൾക്ക് സമാധാനം നല്കിയിരുന്നവനാണ് അവൻ. അച്ഛന്റെ വ്യാകുലതകൾ നിറഞ്ഞ ഭാരം അയാളിൽ വികാരങ്ങൾക്ക് പുറമെ ഭയം ആണ് ഉണ്ടാക്കിയത്. നാട്ടിലുണ്ടാകുമ്പോൾ ഭയം = മരണം, അതിജീവനം (ജാഗ്രത) = ജീവിതം എന്ന് കൂട്ടുകാരിലേക്ക് നിറച്ചിരുന്ന അവന്റെ മനസ്സ് ഇപ്പോൾ ഡൽഹിയുടെ മതിൽകെട്ടിലെ പുകമഞ്ഞിൽ അലിഞ്ഞുപോയിരുന്നു. മനം തളർന്ന അയാൾ മകന്റെ പുഞ്ചിരി മറന്നു. ഒരു ചെറിയ കയറിൽ ജീവിതം അയാൾ ഉയർത്തി. എന്നാൽ ആ ജീവിതം പിടയുന്നതായിരുന്നു. ഭയം എന്ന ഭാരം അയാൾ കയറിൽ ഉയർത്തിയപ്പോൾ മരണം എന്ന രംഗബോധം ഇല്ലാത്ത വിഡ്ഢിയെ അയാൾ അറിഞ്ഞിരുന്നു. കാഴ്ചയില്ലാത്ത ഏഴുവർണങ്ങൾക്ക് മറ്റുള്ളവരെ കാണാൻ കഴിയില്ല. എന്നാൽ മറ്റുള്ളവർക്കു ആ ഏഴു വർണങ്ങളെ കാണാം. ഇതുപോലെയാണ് ശ്രീ റാമിന്റെ ജീവിതം. കാഴ്ചയുള്ള രാഘവൻ, ഉത്തരവാദിത്വമുള്ള രാഘവൻ മകനെ അറിയാൻ ശ്രമിച്ചില്ല. എന്നാൽ മകൻ തന്റെ ഉള്ളുകൊണ്ട് ആ വർണ്ണ ശകലങ്ങൾകൊണ്ട് അച്ഛന്റെ മായാ ചിത്രം വരച്ചിടുകയായിരുന്നു. മരണ വിവരങ്ങൾ നാട്ടിലറിഞ്ഞു, എന്നാൽ മകൻ അറിഞ്ഞില്ല. നോവിന്റെ പടവിൽ നിൽക്കുന്ന അവന്റെ ദുഃഖത്തിലേക്ക് താഴുകയായിരുന്നു. ഒരു വൃദ്ധന്റെ തണലിൽ കഴിഞ്ഞിരുന്ന അവന്റെ ജീവിതം നാടിന്റെ പൊതു പ്രശ്നമായി മാറി. നിഷ്കളങ്കരായ ഭാഗ്യവാന്മാർക് നാടിന്റെ ശ്രീയെ ഏറ്റെടുക്കേണ്ടിവന്നു. ഒടുവിൽ അവൻ അച്ഛന്റെ മരണം അറിഞ്ഞു. അവന്റെ മാനസിക നില തകർന്നടിഞ്ഞു. പടവുകൾ ഇടറി, മനം നുറുങ്ങി. ഇടറിപ്പോയ നാളുകൾ ഇടുങ്ങിയതുപോലെ തോന്നി. വിഭ്രാന്തമായ ജീവിതവഴികൾ അവനായി തുറന്നു. നാട്ടിലെ വ്യക്തികൾ കാട്ടിയ വഴി അവനിൽ നിന്ന് മറഞ്ഞു. പകരം വിഭ്രാന്തിയുടെ മനോവികാരമില്ലാത്ത വഴി തുറന്നു. ഇപ്പോൾ ആ മുഖത്തു സന്തോഷമില്ല. നിർവികാരമായ നിസ്സഹായതയിൽ ഉതിർന്ന ഭ്രാന്തത മാത്രം. നാടിന്റെ ശ്രീ നാടിന്റെ ഭീതിയായി. ഇപ്പോൾ അവൻ തന്റേതായ നിർവികാര ലോകത്ത്. രാഘവൻ കളഞ്ഞത് ഒരു ജീവിതമാണ്. പിഞ്ചുകുഞ്ഞിന്റെ വികാരമായ ജീവിതരീതിയാണ്. ദൈവത്തിന്റെ മാലയിലെ ഒരു മുത്താണ്. ഇപ്പോൾ മധുരനാദം അലയടിച്ചിരുന്ന ഗ്രാമത്തിൽ വെളുമ്പിപ്പശുവിന്റെ തേങ്ങൽ മാത്രം. എന്നാൽ ഡൽഹിയുടെ മതിൽ കെട്ടുകളിൽ മധുരനീർ പുരണ്ട വെള്ളത്തൂവൽ മാത്രം പ്രകടം. നാട്ടിലെ മാവുകൾ നിശ്ചലം. മധുരനാദം നിശ്ചലം. നോക്കെത്താദൂരത്തോളം നീണ്ട വയലിൽ ഇപ്പോൾ ഉരുണ്ട കെട്ടുകളാക്കിയ വയ്ക്കോൽ മാത്രം. ചലിക്കുന്ന ആ പഴയ ഗ്രാമത്തിൽ പ്രത്യക്ഷമായ പരുന്ത് നിശ്ചലമായ ഗ്രാമത്തിൽനിന്ന് അപ്രത്യക്ഷമായിരിക്കുന്നു. ചുവന്ന അസ്തമയ സൂര്യൻ പതിയെ നിലവും താരങ്ങളുമില്ലാത്ത രാവിലേക്കു വഴുതിവീണു. ജീവിതം പോയ്മറഞ്ഞ വികാരങ്ങളില്ലാത്ത, പ്രതീക്ഷകൾ നശിച്ച രാവിലേക്ക്.

{{BoxBottom1
| പേര്= സഞ്ജു കെ സാമുവേൽ
| ക്ലാസ്സ്= 9 
| പദ്ധതി= അക്ഷരവൃക്ഷം
| വർഷം=2020
| സ്കൂൾ= എച്ച് എസ് പെങ്ങാമുക്ക് 
| സ്കൂൾ കോഡ്= 24030
| ഉപജില്ല=കുന്നംകുളം 
| ജില്ല= തൃശൂർ
| തരം= കഥ 
| color= 
}}

എച്ച് എസ് പെങ്ങാമുക്ക്/അക്ഷരവൃക്ഷം

2020-04-15T09:00:21Z

24030hsp:

എച്ച് എസ് പെങ്ങാമുക്ക്/അക്ഷരവൃക്ഷം/പരിസ്ഥിതി ശുചിത്വം

2020-04-15T08:57:18Z

24030hsp:

{{BoxTop1
| തലക്കെട്ട്= പരിസ്ഥിതി ശുചിത്വം 
| color= 1 
}}

എന്താണ് പ്രകൃതി? നമ്മുടെ അമ്മയാണ് പ്രകൃതി . ഈ അമ്മയാണ് നമ്മെ പരിപാലിക്കുന്നത് .അങ്ങനെയുളള അമ്മയെ ദോഷകരമല്ലാത്ത രീതിയിൽ പരിപാലിക്കേണ്ടത് നമ്മുടെ കടമയാണ് . പരിസ്ഥിതിക്ക് ദോഷം വരുന്ന കാര്യങ്ങൾ മനുഷ്യൻ പ്രവർത്തിച്ചാൽ അത് ലോകത്തിൻറെ നാശത്തിനു കാരണമാവും . എല്ലാ മനുഷ്യർക്കും ജീവജാലങ്ങൾക്കും ശുദ്ധവായുവും, ശുദ്ധജലവും ലഭിക്കുന്നത് പ്രകൃതിയിൽ നിന്നാണ് . നമ്മുടെ പ്രകൃതി സുരക്ഷിതമായും സുന്ദരമായും ഒരു ഹരിത കേന്ദ്രമായും അടുത്ത തലമുറയ്ക്ക് കൈമാറേണ്ടത് നമ്മുടെ കടമയാണ്.


{{BoxBottom1
| പേര്= ദുർഗ സി
| ക്ലാസ്സ്= 7 
| പദ്ധതി= അക്ഷരവൃക്ഷം
| വർഷം=2020
| സ്കൂൾ= ഹൈസ്കൂൾ പെങ്ങാമുക്ക് 
| സ്കൂൾ കോഡ്=24030
| ഉപജില്ല= കുന്നംകുളം 
| ജില്ല= തൃശ്ശൂർ
| തരം= ലഘുകുറിപ്പ് 
| color= 4 
}}

എച്ച് എസ് പെങ്ങാമുക്ക്/അക്ഷരവൃക്ഷം/ലോക് ഡൗണിലെ പെസഹ

2020-04-15T08:47:28Z

24030hsp: '{{BoxTop1 | തലക്കെട്ട്= ലോക് ഡൗണിലെ പെസഹ <!-- തലക്കെട...' താൾ സൃഷ്ടിച്ചിരിക്കുന്നു

{{BoxTop1
| തലക്കെട്ട്= ലോക് ഡൗണിലെ പെസഹ 
| color= 3 
}}

ഇന്ന് ഏപ്രിൽ 9 . വ്യാഴാഴ്ച . കൊറോണ എന്ന മഹാമാരിയുടെ വിഷാദത്തിലും ഒരു പുതുപുലരി എനിക്കായി പിറന്നു. ഇന്ന് പെസഹാ ദിനം .യേശുക്രിസ്തു ശിഷ്യന്മാരോട് ഒന്നിച്ച് തിരുവത്താഴം കഴിച്ച ദിനം. എന്നത്തേയും പോലെ ഇന്ന് പള്ളിയിൽ പോകാൻ പറ്റില്ല എന്ന് എനിക്കറിയാം.നൂതന സാമഗ്രികൾ വികസിക്കുന്ന ഇന്നത്തെ കാലത്ത് പെസഹാ ദിന ശുശ്രൂഷകൾ ടിവി വഴി ലഭ്യമാക്കിയിരിക്കുന്നു.പുലർച്ചെ നാല് മണിക്കായിരുന്നു സംപ്രേക്ഷണം .എന്നാൽ എഴുന്നേൽക്കാൻ നേരം വൈകിയതിനാൽ കാണാനായില്ല. അതുകൊണ്ടുതന്നെ ഇന്നേ ദിവസം ഒരു നല്ല ദിവസം ആയി എനിക്ക് തോന്നിയില്ല. അത് സത്യമായിരിക്കുന്നു. കുറച്ചു ദിവസങ്ങൾക്കു മുമ്പ് ഒരു ചെറിയ റോസാചെടി മൊട്ടിട്ടിരുന്നു. കൂടുതൽ ആഹ്ലാദിച്ചത് കൊണ്ടാവാം ഇന്ന് നോക്കുമ്പോൾ മൊട്ടുള്ള ഭാഗം മാത്രം ഒടിഞ്ഞിരിക്കുന്നു. അത് താഴെ വീണു കിടക്കുന്നത് കണ്ടു. എനിക്ക് വല്ലാത്ത വിഷമം തോന്നി . പൊട്ടത്തരം ആണെങ്കിലും വിടരും എന്ന വിശ്വാസത്തോടുകൂടി , ഇലയോടു കൂടിയ, മൊട്ടുള്ള ആ തണ്ട് ഞാൻ വീണ്ടും കുഴിച്ചിട്ടു .പിന്നീട് മറ്റൊരു റോസാചെടിയുടെ അടുത്തെത്തി.... ഉപദേശങ്ങൾ തുടങ്ങി. വീടിനു പുറത്തുള്ള പരിപാടികൾക്ക് ശേഷം വീടിനകത്ത് കയറി ഒന്നു കുളിച്ചു.ഉച്ച ഭക്ഷണം കഴിച്ചു , ലുഡോ ഗെയിം കളിച്ചു ,ടിവി കണ്ടു. ശേഷം ഏകദേശം ചായ കുടിക്കാൻ നേരമായപ്പോൾ മമ്മി പെസഹാ ദിനത്തെ ഓർമിപ്പിച്ചുകൊണ്ട് പാൽ കുറുക്കി തന്നു . ഏട്ടൻ ഇന്നും കളിക്കാൻ പോയി. ഞാൻ പോയില്ല. ടിവിയിൽ നാളെ എപ്പോഴാണ് ദുഃഖവെള്ളി ശുശ്രൂഷകൾ എന്ന് മനസ്സിലാക്കി .നാളെ എന്തായാലും അത് കാണണം എന്ന് നിശ്ചയിച്ചു .ഭക്ഷണം കഴിച്ചു. ഉറക്കം എന്നെ മെല്ലെ മാടി വിളിക്കുന്നുണ്ട്. ഒരു പുതിയ റോസാപുഷ്പം കൺ മിഴിക്കന്നത് സ്വപ്നം കണ്ടു കൊണ്ട് ഞാൻ മെല്ലെ ഉറക്കത്തിലേക്ക് വഴുതി വീണു.

{{BoxBottom1
| പേര്= ആൻ മേരി സാജൻ
| ക്ലാസ്സ്= 10 
| പദ്ധതി= അക്ഷരവൃക്ഷം
| വർഷം=2020
| സ്കൂൾ= ഹൈസ്കൂൾ പെങ്ങാമുക്ക് 
| സ്കൂൾ കോഡ്= 24030
| ഉപജില്ല= കുന്നംകുളം 
| ജില്ല= തൃശ്ശൂർ
| തരം= അനുഭവക്കുറിപ്പ് 
| color= 
}}

എച്ച് എസ് പെങ്ങാമുക്ക്/അക്ഷരവൃക്ഷം

2020-04-15T08:38:41Z

24030hsp:

എച്ച് എസ് പെങ്ങാമുക്ക്/അക്ഷരവൃക്ഷം/പ്രകൃതി

2020-04-15T08:36:10Z

24030hsp: '{{BoxTop1 | തലക്കെട്ട്= പ്രകൃതി <!-- തലക്കെട്ട് - സമച...' താൾ സൃഷ്ടിച്ചിരിക്കുന്നു

{{BoxTop1
| തലക്കെട്ട്= പ്രകൃതി 
| color= 3 
}}
<center> <poem>
വരുവിൻ വരുവിൻ ബാലികമാരെ
വനങ്ങളൊന്നായ് നട്ടു വളർത്താം
പതിയേ വന്നെൻ നെറുകിൽ തഴുകും
കാറ്റിൻ ചെവിയിൽ മൊഴിയാംപതിയെ
കാർ മേഘങ്ങളിൽ ഒളിഞ്ഞിരിക്കും
മഴ തൻ ഈണം കേൾക്കാം പതിയെ
പുഞ്ചിരി തൂകും നറുമലരുകൾ തൻ
മാസ്മര ഗന്ധം നുകരാം പതിയെ
സുന്ദരമാകും ഈ ലോകത്തെ
സുന്ദരമാക്കി സംരക്ഷിക്കാം
</poem> </center>
{{BoxBottom1
| പേര്= ദുർഗ സി
| ക്ലാസ്സ്= 7 
| പദ്ധതി= അക്ഷരവൃക്ഷം
| വർഷം=2020
| സ്കൂൾ=എച്ച് എസ് പെങ്ങാമുക്ക് 
| സ്കൂൾ കോഡ്= 24030
| ഉപജില്ല= കുന്നംകുളം 
| ജില്ല= തൃശ്ശൂർ
| തരം= കവിത 
| color= 1 
}}

എച്ച് എസ് പെങ്ങാമുക്ക്/അക്ഷരവൃക്ഷം

2020-04-15T08:31:17Z

24030hsp:

എച്ച് എസ് പെങ്ങാമുക്ക്/അക്ഷരവൃക്ഷം/അതിജീവനം

2020-04-15T07:23:32Z

24030hsp: ' {{BoxTop1 | തലക്കെട്ട്= അതിജീവനം <!-- തലക്കെട്ട് - സമ...' താൾ സൃഷ്ടിച്ചിരിക്കുന്നു

{{BoxTop1
| തലക്കെട്ട്= അതിജീവനം 
| color= 3 
}}

<center> <poem>
ദുരന്തങ്ങൾ പലതരം വഴികളോ ദുഷ്കരം
കേൾക്കുന്നു ചുറ്റിലും കൂട്ടനിലവിളി
ഓടുന്നു ഞാൻ എൻറെ ജീവിത യാത്രയിൽ
കാണുന്നു മാറാ രോഗത്തിൻ വിലാപങ്ങൾ
വ്യാജ നിർമ്മാണത്തിൽ കേമന്മാരായവർ
വ്യാജമല്ലാത്തൊരു രോഗം ഉണർത്തവേ
ലോകമതാകവേ നടുങ്ങിവിറപൂണ്ടു
മരവിച്ച ദേഹങ്ങൾ കുന്നുകൂടുന്നുന്നിതാ
എവിടെയും ആരെയും കാണാത്ത കൂരിരുൾ
റോഡുകൾ ,തീരങ്ങൾ വിജനമായീടുന്നു
ലാത്തികൾ വീശുന്ന പോലീസുകാർ മുമ്പിൽ
ബോധം ഇല്ലാത്തവർ ഓടിയൊളിക്കുന്നു
ലോകം മുഴുവനും ലോക്കുകൾ ആകുമ്പോൾ
ജനജീവിതമെല്ലാം വീട്ടിൽ ഒതുങ്ങുന്നു
ഒരുനാൾ തുറന്നിടും എന്ന പ്രതീക്ഷയിൽ
സർവ്വരും ഭവനത്തിലേക്ക് ചുരുങ്ങുന്നു
മുറുകുന്ന രോഗത്തിൻ ചങ്ങലവട്ടകൾ
ഇളകുന്നു കാറ്റിതിൽ ആടിയുലയുന്നു
മുറുകുന്ന ചങ്ങല ബന്ധനമേകുമ്പോൾ
ഡ്രോണുകൾ മാനത്തുനിന്നിറങ്ങീടുന്നു
എല്ലാവരും വ്യാധി മുക്തിനേടീടുമ്പോൾ
ആരോഗ്യകേന്ദ്രങ്ങൾ ആനന്ദിച്ചീടുന്നു
ദൈവകൃപയതാൽ രോഗത്തിൽ ചങ്ങല
കണ്ണികൾ ഒരുമയാൽ മറികടക്കുന്നിതാ.....
</poem> </center>

{{BoxBottom1
| പേര്= ആൻ മേരി സാജൻ
| ക്ലാസ്സ്= 10 
| പദ്ധതി= അക്ഷരവൃക്ഷം
| വർഷം=2020
| സ്കൂൾ= എച്ച് എസ് പെങ്ങാമുക്ക് 
| സ്കൂൾ കോഡ്= 24030
| ഉപജില്ല= കുന്നംകുളം 
| ജില്ല= തൃശ്ശൂർ
| തരം= കവിത 
| color= 1 
}}

എച്ച് എസ് പെങ്ങാമുക്ക്/അക്ഷരവൃക്ഷം

2020-04-15T07:11:17Z

24030hsp:

*[[{{PAGENAME}}/കൊറോണക്കാലം | കൊറോണക്കാലം]]
*[[{{PAGENAME}}/അതിജീവനം | അതിജീവനം]]