സഹായം Reading Problems? Click here


ജി.എച്ച്. എസ്സ്.എസ്സ് നായർകുഴി

Schoolwiki സംരംഭത്തിൽ നിന്ന്
(47069 എന്ന താളിൽ നിന്നും തിരിച്ചുവിട്ടതു പ്രകാരം)
ജി.എച്ച്. എസ്സ്.എസ്സ് നായർകുഴി
സ്കൂൾ ചിത്രം
സ്ഥാപിതം 30-03-1927
സ്കൂൾ കോഡ് 47069
ഹയർ സെക്കന്ററി
സ്കൂൾ കോഡ്
{{{ഹയർ സെക്കന്ററി സ്കൂൾ കോഡ്}}}
സ്ഥലം കോഴിക്കോട്
സ്കൂൾ വിലാസം നായര്കുഴി പി.ഒ,
കോഴിക്കോട്
പിൻ കോഡ് 673601
സ്കൂൾ ഫോൺ {{{സ്കൂൾ ഫോൺ}}}
സ്കൂൾ ഇമെയിൽ ghssnayarkuzhi@gmail.com
സ്കൂൾ വെബ് സൈറ്റ് no
വിദ്യാഭ്യാസ ജില്ല താമരശ്ശേരി
റവന്യൂ ജില്ല കോഴിക്കോട്
ഉപ ജില്ല കുന്ദമംഗലം
ഭരണ വിഭാഗം സർക്കാർ‌
സ്കൂൾ വിഭാഗം പൊതു വിദ്യാലയം
പഠന വിഭാഗങ്ങൾ ഹൈസ്കൂൾ
ഹയർ സെക്കന്ററി സ്കൂൾ
ഇല്ല
മാധ്യമം മലയാളം‌
ആൺ കുട്ടികളുടെ എണ്ണം 221
പെൺ കുട്ടികളുടെ എണ്ണം 208
വിദ്യാർത്ഥികളുടെ എണ്ണം 429
അദ്ധ്യാപകരുടെ എണ്ണം 24
പ്രിൻസിപ്പൽ അഹമ്മദ് ഇക്ബാൽ. കെ
പ്രധാന അദ്ധ്യാപകൻ /
പ്രധാന അദ്ധ്യാപിക
ബാലകൃഷ്ണൻ.കെ
പി.ടി.ഏ. പ്രസിഡണ്ട് കളരിക്കൽ അഹമ്മദ് കുട്ടി
25/ 09/ 2017 ന് Visbot
ഈ താളിൽ അവസാനമായി മാറ്റം വരുത്തി
ഈ താളിന്റെ ഗ്രേഡ് : 7 / 10 ആയി നൽകിയിരിക്കുന്നു
7/10 stars
ക്ലബ്ബുകൾ
ലിറ്റിൽകൈറ്റ്സ് സഹായം
ഗ്രന്ഥശാല സഹായം
എൻ.സി.സി സഹായം
സ്റ്റൂഡന്റ് പോലീസ് കാഡറ്റ് സഹായം
സ്കൗട്ട് & ഗൈഡ്സ് സഹായം
ജൂനിയർ റെഡ് ക്രോസ് സഹായം
വിദ്യാരംഗം‌ സഹായം
സോഷ്യൽ സയൻസ് ക്ലബ്ബ് സഹായം
സയൻസ് ക്ലബ്ബ് സഹായം
ഗണിത ക്ലബ്ബ് സഹായം
പരിസ്ഥിതി ക്ലബ്ബ് സഹായം
ആർട്‌സ് ക്ലബ്ബ് സഹായം
സ്പോർ‌ട്സ് ക്ലബ്ബ് സഹായം
ടൂറിസം ക്ലബ്ബ് സഹായം
ആനിമൽ ക്ലബ്ബ് സഹായം
ഫിലിം ക്ലബ്ബ് സഹായം
മറ്റ്ക്ലബ്ബുകൾ സഹായം
പ്രോജക്ടുകൾ
എന്റെ നാട് സഹായം
നാടോടി വിജ്ഞാനകോശം സഹായം
സ്കൂൾ പത്രം സഹായം



ചരിത്രം

ചരിത്രം

    കോഴിക്കോട് ജില്ലയുടെ കിഴക്കു ഭാഗത്ത് ചാത്തമംഗലം പ‍ഞ്ചായത്ത് പൂളക്കോട് വില്ലേജിൽപെട്ട നായർകുഴിഗ്രാമത്തിൽ സ്ഥിതിചെയ്യുന്ന ഒരു സ്ഥാപനമാണ് നായർകുഴി സർക്കാർ വിദ്യാലയം. ഈ സ്ഥാപനത്തിന്റെ ഉൽഭവം, വളർച്ച, അഭിവൃദ്ധി എന്നിവയെക്കുറിച്ച് മിക്കവരും അജ്ഞരാണ്.അതിനാൽ ഈ സ്ഥാപനത്തിന്റെ ഗതകാല ചരിത്രത്തിലേക്ക് നമുക്കൊന്ന് കണ്ണോടിക്കാം.
  കർഷകരും കർഷക തൊഴിലാളികളും ജീവിച്ചിരുന്ന ഒരു കുഗ്രാമമായുരുന്നു നായർകുഴി. അങ്ങിങ്ങായി ഓലമേഞ്ഞ കൊച്ചു വീടുകൾ മാത്രം. എഴുത്തും വായനയും അറിയാത്തവരായിരുന്നു ജനങ്ങളിൽ അധികവും. ഗതാഗത യോഗ്യമായ റോഡുകൾ അന്ന് ഉണ്ടായിരുന്നില്ല കുട്ടികൾക്ക് വിദ്യാഭ്യാസം അന്യമായിരുന്നു. മുതിർന്നാൽ രക്ഷിതാക്കളുടെ തൊഴിലിൽ അവരും എത്തിച്ചേരുന്നു.
 സമ്പന്നരായ ആളുകൾ തങ്ങളുടെ കുട്ടികളെ വിദ്യ അഭ്യസിക്കാനായി ഗുരുവിന്റെ അടുത്തേക്കയക്കും . ഗുരുവിന്റെ വീട്ടിൽ താമസിച്ച് വിദ്യ അഭ്യസിക്കുന്ന രീതിയാണ് ഗുരുകുല വിദ്യാഭ്യാസം . എന്നാൽ ഇത് സാർവ്വത്രികവും ലളിതവുമായിരുന്നില്ല. പഠിതാക്കളുടെ എണ്ണം കൂടിയതോടെ ഒരു പൊതുവേദി രൂപം കൊണ്ടു. അതാണ് എഴുത്തുപള്ളി എന്നറിയപ്പെടുന്ന സ്ഥാപനം.
       ഈ കുഗ്രാമത്തിൽ ആദ്യമായി രൂപം കൊണ്ട എഴുത്തുപള്ളി പ്രവർത്തിച്ചിരുന്നത് നായർകുഴി പറമ്പ് എന്ന സ്ഥലത്തായിരുന്നു എന്നാണ് അറിയാൻ കഴിഞ്ഞത്. ഗുരുവിനെ എഴുത്തച്ഛനെന്ന് സംബോധന ചെയ്തിരുന്നു. ആദ്യത്തെ എഴുത്തച്ഛൻ ശ്രീമാൻ ചന്തുകുട്ടി എന്ന പാരമ്പര്യ ജ്ഞാനിയായിരുന്നു.
  മലയാള അക്ഷരങ്ങളും നൂറുവരെ അക്കങ്ങളും മാത്രമാണ് പഠിപ്പിച്ചിരുന്നത്.മണൽ നിലത്തു പരത്തി വിരലുകൊണ്ട് എഴുതുകയായിരുന്നു പതിവ്. എന്നാൽ എല്ലാ കുട്ടികളും ഇവിടേക്ക് വന്നിരുന്നില്ല. കുട്ടികൾ കുലത്തൊഴിലിലേക്ക് പോവാൻ തുടങ്ങി. രക്ഷിതാക്കളുടെ തൊഴിലേതോ അതിലേക്ക് കുട്ടികളും പോവും. അങ്ങനെ ഇവിടെ അക്ഷാഭ്യാസമില്ലാത്ത ഒരു ജനസമൂഹം രൂപം കൊണ്ടു.
1927 ജൂൺ മാസത്തിലാണ് നായർകുഴി പ്രദേശത്ത് പ്രൈമറി സ്കൂൾ സ്ഥാപിതമാകുന്നത്. എലിമെന്ററി സ്കൂൾ എന്നായിരുന്നു പേര്. സ്കൂളിനാവശ്യമായ കെട്ടിടം, ഭൂമി ഇവ നാട്ടുകാർ നൽകേണ്ടിയിരുന്നു. ഉദാര മനസ്കനായ ബ്രഹ്മശ്രീ. സുബ്രഹ്മണ്യൻ നമ്പൂതിരി( കരിപ്പാല ഇല്ലം ) തന്റെ കൈവശ ഭൂമിയിൽ സ്കൂളിനാവശ്യമായ കെട്ടിടം പണിതു സർക്കാറിനെ ഏൽപ്പിച്ചു. അഞ്ച് വർഷം കൊണ്ട്  പ്രൈമറി സ്കൂൾ പൂർണ്ണമായി. ആദ്യത്തെ പ്രധാനാധ്യാപകൻ ആദ്യ  വിദ്യാർത്ഥി എന്നിവർ ആരായിരുന്നു എന്നത് അവ്യക്തമാണ്. കെട്ടിടത്തിന്റെ ഉടമസ്ഥാവകാശം ജന്മിയിൽ നിക്ഷിപ്തമായിരുന്നു. വർഷം തോറും തുച്ഛമായ തുക സർക്കാർ അദ്ദേഹത്തിന് നൽകിപ്പോന്നു. വിദ്യാലയം ഉണ്ടായെങ്കിലും ജനങ്ങൾ കുട്ടികളെ സ്കൂളിലേക്ക് അയക്കുന്ന പതിവ് കുറവായിരുന്നു. എട്ടോ , ഒമ്പതോ വയസ്സായാൽ മാത്രമേ സ്കൂളിൽ വിടൂ. കുട്ടികളുടെ വലിപ്പം നോക്കിയാണ് വയസ്സ് തീരുമാനിച്ചിരുന്നത്. പരീക്ഷ എന്ന സമ്പ്രദായം ഉണ്ടായുരുന്നതായി തോന്നിയില്ല. ഒരു വർഷം ഒരു ക്ലാസ്സിലിരുന്നാൽ പിറ്റേ വർഷം അടുത്തക്ലാസ് ഇതായിരുന്നു രീതി. 
     1945 കാലയളവിൽ നായർകുഴി എലിമെന്ററി സ്കൂളിൽ രണ്ട് അധ്യാപകർ മാത്രമേ ഉണ്ടായിരുന്നുള്ളു. ശ്രീ.കുട്ടൻ മാസ്റ്റർ വടക്കേടത്തായിരുന്നു പ്രധാനാധ്യപകൻ. സ്വാതന്ത്ര്യ ലബ്ധിക്ക് ശേഷം സർക്കാർ പല സ്ഥലങ്ങളിലും പ്രൈമറി അപ്പർ പ്രൈമറി വിദ്യാലയങ്ങൾ സ്ഥാപിക്കാൻ തുടങ്ങി. അങ്ങനെ ഈ സ്കൂളും 1957-ൽ അപ്പർ പ്രൈമറിയായി ഉയർത്തപ്പെട്ടു. നാട്ടുകാരുടെ ആത്മാർത്ഥമായ സഹകരണം ഈ കാര്യത്തിൽ സ്കൂളിന് ലഭിച്ചു. യു.പി.സ്കൂൾ ആയതിന് ശേഷം ആദ്യത്തെ പ്രധാനാധ്യാപകനായി ആലിക്കോയമാസ്റ്റർ നിയമിതനായി. കുട്ടികളുടെ എണ്ണം വർദ്ധിച്ചു വന്നതിനാൽ കൂടുതൽ സൗകര്യങ്ങൾ ഉണ്ടാക്കേണ്ടി വന്നു. ഓല ഷെഡ്ഡുകളും സെമീ പെർമനന്റ് കെട്ടിടങ്ങളും നിർമിച്ച് നാട്ടുകാർ തന്നെ പരിഹാരം കണ്ടെത്തി.
           കെട്ടിടത്തിന്റെ ഉടമസ്ഥാവകാശം ക്രമേണ ബ്രഹ്മശ്രീ കരിപ്പാല അച്ചുതൻ നമ്പൂതിരി അവർകളുടെ കൈവശമായിത്തീർന്നു. അദ്ദേഹം തന്റെ ഉടമസ്ഥാവകാശം ശ്രീ. പെരവൻകുട്ടി ചെവിടഞ്ചേരി എന്നിവർക്ക് കൈമാറുകയും അദ്ദേഹത്തിൽ നിന്ന് ശ്രീ.വേലായുധൻ കുണ്‌ഠ്യോട്ട് കൈവശാവകാശം ഏറ്റെടുക്കുകയും ചെയ്തു. അദ്ദേഹമാണ് സ്കൂളിനെ പൂർണ്ണമായും ഗവൺമെന്റിനെ ഏൽപ്പിച്ചു കൊടുത്തത്.1980ൽ ഈ വിദ്യാലയം ഹൈസ്കൂളായി ഉയർത്തപ്പെട്ടു. ആദ്യത്തെ പ്രധാനാധ്യാപകനായി ശ്രീ.ഭാസ്ക്കരൻ മാസ്റ്റർ നിയമിതനാവുകയും ചെയ്തു.
      ത്രിതല പഞ്ചായത്ത് സംവിധാനം നിലവിൽ വന്നതോടെ സ്കൂളിന് ഓല ഷെഡ്ഡിൽ നിന്ന് മോചനമായി. ഇന്ന് കാണുന്ന കോൺക്രീറ്റ് കെട്ടിടങ്ങൾ ഓരോന്നായി നിർമിക്കപ്പെട്ടു. 2007ൽ ഈ വിദ്യാലയം ഹയർസെക്കണ്ടറിയായി ഉയർത്തപ്പെട്ടു. അന്നത്തെ പ്രധാനാധ്യാപികയായിരുന്ന ശ്രീമതി.ശ്രീദേവി.കെ ആയിരുന്നു ആദ്യ പ്രിൻസിപ്പൽ ഇൻ ചാർജ്. തുടർന്ന് അഭൂതപൂർവ്വമായ വളർച്ചയാണ് ഭൗതിക അക്കാദമിക രംഗങ്ങളിൽ സ്കൂൾ കൈവരിച്ചത്.

ഭൗതികസൗകര്യങ്ങൾ

നായ‌ർകുഴീ അങ്ങാടീക്ക് തൊട്ടടൂത്തുള്ള 1.5 ഏക്കർസ്ഥലത്താണ് സ്കൂൾ സ്ഥിതി ചെയ്യുന്നത് . ഏകദേശം 300 മീറ്റർ അകലെ മാളികതടായിൽ 1 .5 ഏക്കർ സ്ഥലവും സ്കൂളിനായുണ്ട് . ഇവിടെയാണ് ഹയര്സെക്കണ്ടറി കെട്ടിടം സ്ഥിതിചെയ്യുന്നത്.സയൻസ്,കൊമേഴ്സ്, ഹ്യുമാനിറ്റുീസ് എന്നീ 3 ബാച്ചുകളിലായി 360 വിധ്യാർത്ഥികൾ പഠിക്കുന്നു. ..ഹൈസികൂൾ വിഭാഗത്തിൽ 6 കെട്ടിടങ്ങളിലായി 1 ‌മുതൽ 10 വരെ ക്ളാസ്സുകളിലായി 15 ഡിവിഷണകൾ പ്രവര്ത്തിക്കുന്നു. കൂടാതെ എൽ കെ ജി, യു കെ ജി എന്നിവയും പ്രവർത്തിക്കുുന്നു.

പാഠ്യേതര പ്രവർത്തനങ്ങൾ

  • .എസ് പി സി
  • ജൂനിയര് റെഡ് ക്രോസ്
  • മൾട്ടി ജിം
  • ഐ ഇ ഡി റിസോഴ്സ് റൂം
  • ക്ലാസ് മാഗസിൻ.
  • വിദ്യാരംഗം കലാ സാഹിത്യ വേദി.
  • ക്ലബ്ബ് പ്രവർത്തനങ്ങൾ.

മാനേജ്മെന്റ്

മുൻ സാരഥികൾ

സ്കൂളിന്റെ മുൻ പ്രധാനാദ്ധ്യാപകർ.

1979-80 ടി. അപ്പുക്കു‌ട്ടൻ
11980-82 എം.ഭാസ്കരൻ ( ടീച്ചർ ഇൻ ചാർജ്ജ്)
1982-1984 ശ്രീമതി. മേഴ്സി സാമുവൽ
1993-94 എ.ജയരാജ്
1994-95 പി.കെ.പത്മാവതി
1995-96 എ.ലക്ഷ്മണൻ
1996-97 ടി.സുബ്രഹ്മണ്യന്
1997-98 എന്.ശശിധരന്
1998-2000 പി.കെ.ശാന്തകുമാരി
2000-2002 പി.കെ.സുമതി
2002-2004 സി.ടി.ലക്ഷ്മി
2004-2006 എം.രുക്മിണി .
2006-2008 കെ.ശ്രീദേവി
2008-2010 കെ.ടി.അബ്ദുൾ മജീദു
2010-2015 സുജാത.കെ
2015-2016 തുളസിഭായ്.വി
2016- ബാലകൃഷ്ണൻ.കെ

പ്രശസ്തരായ പൂർവവിദ്യാർത്ഥികൾ

വഴികാട്ടി

Loading map...