സഹായം Reading Problems? Click here


പത്മനാഭോദയം ഹയർസെക്കണ്ടറി സ്കൂൾ മെഴുവേലി

Schoolwiki സംരംഭത്തിൽ നിന്ന്
(37003 എന്ന താളിൽ നിന്നും തിരിച്ചുവിട്ടതു പ്രകാരം)
Jump to navigation Jump to search


പത്മനാഭോദയം ഹയർസെക്കണ്ടറി സ്കൂൾ മെഴുവേലി
PadmanabhodayamHSS.jpg
വിലാസം
മെഴുവേലി പി.ഒ,
പത്തനംതിട്ട

മെഴുവേലി
,
689507
സ്ഥാപിതം01 - 06 - 1928
വിവരങ്ങൾ
ഫോൺ04682257966
ഇമെയിൽpadmanabhodayamschool@gmail.com
കോഡുകൾ
സ്കൂൾ കോഡ്37003 (സമേതം)
വിദ്യാഭ്യാസ ഭരണസംവിധാനം
റവന്യൂ ജില്ലപത്തനംതിട്ട
വിദ്യാഭ്യാസ ജില്ലതിരുവല്ല
ഉപ ജില്ലആറൻമുള
സ്ക്കൂൾ ഭരണ വിഭാഗം
സ്ക്കൂൾ ഭരണ വിഭാഗംഎയിഡഡ്
സ്കൂൾ വിഭാഗംപൊതു വിദ്യാലയം
പഠന വിഭാഗങ്ങൾ
എൽ.പി വിഭാഗം

യു.പി. വിഭാഗം

ഹൈസ്ക്കൂൾ വിഭാഗം
മാദ്ധ്യമംമലയാളം‌ , ഇംഗ്ലീഷ്
സ്ഥിതിവിവരകണക്ക്
ആൺകുട്ടികളുടെ എണ്ണം490
പെൺകുട്ടികളുടെ എണ്ണം370
വിദ്യാർത്ഥികളുടെ എണ്ണം860
അദ്ധ്യാപകരുടെ എണ്ണം42
സ്ക്കൂൾ നേതൃത്വം
പ്രിൻസിപ്പൽബിജു ജെ
പ്രധാന അദ്ധ്യാപകൻസിന്ധു എം കെ
പി.ടി.ഏ. പ്രസിഡണ്ട്അജി ചന്ദ്രൻ
അവസാനം തിരുത്തിയത്
04-12-2020Padmanabhodayam H.S.S.Mezhuveli


പ്രോജക്ടുകൾ
എന്റെ നാട് സഹായം
നാടോടി വിജ്ഞാനകോശം സഹായം
സ്കൂൾ പത്രം സഹായം


പത്തനംതിട്ട ജില്ലയിലെ പ്രകൃതിമനോഹരമായ മെഴുവേലി പയ‌ഞ്ചായത്തിലാണ് പത്മനാഭോദയം ഹയർ സെക്കന്ററി സ്കൂൾ സ്ഥിതി ചെയ്യുന്നത്. സരസകവി മൂലൂർ.എസ്.പദ്മനാഭപണിക്കർ 1928 ൽ സ്ഥാപിച്ച സരസ്വതിക്ഷേത്രമാണിത്.ഒരു ഇംഗ്ളീഷ് മീഡിയം മിഡിൽ സ്കൂളായിട്ടാണ് ഈ വിദ്യാലയം ആരംഭീച്ചത്.

Mooloor.jpeg

ചരിത്രം

                        മദ്ധ്യതിരുവിതാംകൂറിലെ പുരാതനവും പ്രശസ്തവുമായ വിദ്യാലയമാണ് പത്മനാഭോദയം ഹയ‍ർ സെക്കന്ററി സ്കൂൾ . അദ്ധ്യയനത്തിന്റെയും അദ്ധ്യാപനത്തിന്റെയും 90 വർഷങ്ങൾ പിന്നിട്ട ഈ  സ്ഥാപനം തുടങ്ങാൻ നേതൃത്വം കൊടുത്തത് കവിയും സാമൂഹിക പരിഷ്ക‍‍ർത്താവുമായിരുന്ന മൂലൂർ.എസ്.പത്മനാഭപണിയ്ക്കരാണ്. അദ്ദേഹത്തിന്റെ പേരിൽ സ്ഥാപിതമായതാണ് ഈ സരസ്വതി ക്ഷേത്രം. മെഴുവേലിയിലും  പരിസരപ്രദേശങ്ങളിലും സാമൂഹിക സാംസ്കാരിക പുരോഗതിക്ക് തിരിതെളിക്കാൻ ഈ വിദ്യാലയത്തിന് സാധിച്ചു .
                       ശ്രീനാരായണ ഗുരുവിന്റെ ചൈതന്യ പ്രസരമേറ്റ് പ്രബുദ്ധരും പ്രവൃത്ത്യുന്മുഖന്മാരുമായിത്തീർന്ന സമുദായ പരിഷ്കർത്താക്കളുടെ കൂട്ടത്തിൽ സരസകവി മൂലൂർ.എസ്.പത്മനാഭപണിയ്ക്കർക്ക് അദ്വിതീയമായ സ്ഥാനമാണുള്ളത്. അവർണ്ണസമുദായങ്ങൾക്ക് ക്ഷേത്രപ്രവേശനം പോലെ തന്നെ സാഹിത്യക്ഷേത്ര പ്രവേശനവും അന്ന് നിഷിദ്ധമായിരുന്നു. വിദ്യകൊണ്ട് മാത്രമേ സാമൂഹിക നന്മയും ഉന്നമനവും സാധ്യമാകൂ എന്ന് തിരിച്ചറിഞ്ഞ അദ്ദേഹം ജാതി വ്യത്യാസമില്ലാതെ എല്ലാ വിഭാഗക്കാർക്കും  വിദ്യാഭ്യാസം ലഭ്യമാകുന്നതിനുവേണ്ടി കാലോചിതമായ ഇംഗ്ലീഷ്  വിദ്യാഭ്യാസം നാട്ടുകാർക്ക് ലഭിക്കണമെന്ന ചിന്തയോടുകൂടി 1928 നവംബർ മാസത്തിൽ ഈ വിദ്യാലയം സ്ഥാപിച്ചു . സംസ്കൃതം സ്കൂൾ തുടങ്ങണമെന്ന് മൂലൂരിന് ആഗ്രഹമുണ്ടായിരുന്നുവെങ്കിലും കാലോചിതമായ മാറ്റങ്ങൾക്കനുസൃതമായി ഇംഗ്ലീഷ് സ്കൂളാണ് സ്ഥാപിച്ചത് .
                        ഈഴവർ തുടങ്ങിയ അവർണ്ണ ജന വിഭാഗക്കാർക്ക് ആരാധിക്കാനായി മെഴുവേലിയിലെ ക്ഷേത്ര നിർമ്മാണ പ്രവർത്തനങ്ങൾ 1906-ൽ ആരംഭിക്കുകയും 1909-ൽ പണിപൂർത്തിയായി ശിവപ്രസാദ് സ്വാമികൾ ആദ്യ പ്രതിഷ്ഠ നടത്തുകയും ചെയ്തു . പിന്നീട് 1915-ൽ ഗുരുദേവൻ ആനന്ദഭൂതേശ്വരത്ത് എത്തുകയും വിഗ്രഹത്തിന് ചൈതന്യം പകരുകയും ചെയ്തു .  അന്ന് തോലേക്കാവ് എന്നറിയപ്പെട്ടിരുന്ന സ്ഥലം വെട്ടിത്തെളിച്ച്  അവിടെ ഒരു സരസ്വതി മന്ദിരം സ്ഥാപിക്കുന്നത് കൊള്ളാമെന്നു നിർദ്ദേശിച്ചത് വിദ്യകൊണ്ട് പ്രബുദ്ധരാകുവാൻ അരുളിയ യുഗപുരുഷനായ ശ്രീനാരായണ ഗുരുവാണ് . തുകലയിൽ ആശാരിമാർ എന്നറിയപ്പെടുന്ന കുടുംബക്കാരാണ് ക്ഷേത്രത്തിന്റെ തച്ചുപണികളും മറ്റും നിർവഹിച്ചിരുന്നത് . തുകലയിൽ എന്ന പേര് കാലക്രമേണ ലോപിക്കുകയും തോലയിൽ എന്ന് അറിയപ്പെടുകയും ചെയ്തു. നാട്ടുകാരുടെ ഇടയിൽ ഇപ്പോഴും ഈ വിളിപ്പേര് നിലനിൽക്കുന്നു.  ആനന്ദഭൂതേശ്വരം ക്ഷേത്രയോഗം പ്രസിഡന്റ്‌ എന്ന നിലയിൽ സരസകവിയും സെക്രട്ടറി എന്ന നിലയിൽ ഇ.കെ. കുഞ്ഞുരാമനും യഥാക്രമം മാനേജരും കറസ്പ്പോണ്ടെന്റും ആയിട്ട് സ്കൂൾ സ്ഥാപിക്കാനുള്ള അപേക്ഷ സമർപ്പിച്ചു .  അക്കാലത്തു സ്കൂൾ , ക്ഷേത്രം മുതലായവയെല്ലാം അനുവദിക്കുന്നത് മഹാരാജാക്കന്മാരുടെയോ റാണിമാരുടെയോ തിരുനാൾ ദിവസമാണ് . അങ്ങനെ 1928-ൽ മഹാറാണിയുടെ തിരുനാൾ ദിവസം മെഴുവേലിയിൽ ഇംഗ്ലീഷ് മീഡിയം സ്കൂൾ തുടങ്ങാൻ അനുവാദം ലഭിച്ചു . 1928-ൽ തന്നെ സ്കൂൾ പ്രവർത്തനം ആരംഭിച്ചു . കിളിമാനൂർ കൊട്ടാരത്തിലെ മാർത്താണ്ഡവർമ്മ തമ്പുരാനായിരുന്നു ആദ്യ പ്രഥമാധ്യാപകൻ . പിന്നീട് ഉന്നത വിദ്യാഭ്യാസ യോഗ്യത ഉള്ള ശർമ്മ സാറിനെ നാഗർകോവിലിൽ നിന്നും പ്രഥമാധ്യാപകനായി നിയമിച്ചു.
                        സ്കൂളിന്റെ പ്രാരംഭ നടപടികൾ ആരംഭിച്ചുവെങ്കിലും 1928 നവംബർ  പതിനാറാം തീയതി  പെരിങ്ങാല  ശ്രീധരസ്വാമികൾ  ആദ്യ ശിലാസ്ഥാപനം  നടത്തി  . സ്കൂൾ നിർമാണത്തിനുവേണ്ട സ്ഥലവും സാധന സാമഗ്രികളും നാട്ടുകാരാണ് സംഭാവന നൽകിയത് . ഇവരുടെ ശ്രമഫലമായിട്ടാണ് സ്കൂൾ കെട്ടിടം പണി പൂർത്തിയായത് . ഇംഗ്ലീഷ് വിദ്യാലയത്തിൽ സംസ്കൃത ലിപികളിലാണ് ശിലാസ്ഥാപന കർമ്മം നടത്തിയത്  എന്നത് ശ്രദ്ധേയമാണ് . സംസ്കൃത കവിയായിരുന്ന മൂലൂർ മുൻകൈ എടുത്ത് സ്ഥാപിച്ചതിനാലാണ് സംസ്കൃത ശിലാഫലകം സ്ഥാപിച്ചത് .

Guru.jpeg

ഭൗതികസൗകര്യങ്ങൾ

മൂന്ന് ഏക്കർ ഭൂമിയിലാണ് വിദ്യാലയം സ്ഥിതി ചെയ്യുന്നത്. ഹൈസ്കൂളിന് 5 കെട്ടിടങ്ങളിലായി 41 ക്ലാസ് മുറികളും ഹയർ സെക്കണ്ടറിക്ക് ഒരു കെട്ടിടത്തിലായി 6 ക്ലാസ് മുറികളുമുണ്ട്. അതിവിശാലമായ ഒരു കളിസ്ഥലം വിദ്യാലയത്തിനുണ്ട്.

ഹൈസ്കൂളിനും ഹയർസെക്കണ്ടറിക്കും വെവ്വേറെ കമ്പ്യൂട്ടർ ലാബുകളുണ്ട്. രണ്ട് ലാബുകളിലുമായി ഏകദേശം അമ്പതോളം കമ്പ്യൂട്ടറുകളുണ്ട്. രണ്ട് ലാബുകളിലും ബ്രോഡ്ബാന്റ് ഇന്റർനെറ്റ് സൗകര്യം ലഭ്യമാണ്.

പാഠ്യേതര പ്രവർത്തനങ്ങൾ

  • ക്ലാസ് മാഗസിൻ.
  • വിദ്യാരംഗം കലാ സാഹിത്യ വേദി.
  • ക്ലബ്ബ് പ്രവർത്തനങ്ങൾ.

മാനേജ്മെന്റ്

എസ്.എൻ.ട്രസ്റ്റ് ആണ് സ്കൂളിന്റെ ഭരണം നടത്തുന്നത്.ശ്രീ.വെള്ളാപ്പള്ളി നടേശനാണ് ഇപ്പോൾ സ്കൂൾ മാനേജർ.

മുൻ സാരഥികൾ

സ്കൂളിന്റെ മുൻ പ്രധാനാദ്ധ്യാപകർ :

  • മാർത്താണ്ഡവർമ്മത്തമ്പുരാൻ
  • ശർമ്മ സാർ
  • ചാക്കോ സാർ
  • മാധവൻ
  • എം വി ഗംഗാധരൻ
  • പി എൻ ചന്ദ്രസേനൻ
  • വി ജി പുഷ്‌പാംഗദൻ
  • കെ കെ തങ്കമണിയമ്മ
  • പി വി ശിവരാജൻ
  • ഡി പുഷ്‌പാംഗദൻ
  • കെ ആർ സുശീല
  • പി ബി ഓമന
  • എസ് സുഭഗേ
  • സുമംഗല
  • പ്രസന്ന
  • പി എസ് ശശിധരൻ
  • ഉഷ സദാനന്ദ്
  • ലാലി ദിവാകർ

പ്രശസ്തരായ പൂർവവിദ്യാർത്ഥികൾ

  • ചാണ്ടി കെ വർഗീസ് (എൻ ടി പി സി ചെയർമാൻ )
  • ശ്രീ.പി.എൻ.ചന്ദ്രസേനൻ ExMLA
  • ശ്രീ.ജോൺ മത്തായി IAS (മുൻ കേരള ഗവ.ചീഫ് സെക്രട്ടറി)
  • ശ്രീ.കെ.സി.രാജഗോപാലൻ MLA
  • ശ്രീ.എ.എൻ.രാജൻബാബു Ex MLA
  • അഭിവന്ദ്യ സിറിൾ മാർ ബസേലിയസ് തിരുമേനി
  • പ്രൊഫ.ശശികുമാർ
  • ശ്രീമതി പി സി ബീന(പി.എസ്. സി മെമ്പർ)
  • ശ്രീ.മധുസൂദനൻ IES
  • പി വി മുരളീധരൻ (റിട്ട. എ ഇ ഒ)
  • അഡ്വ .എസ് എം റോയ് (എ പി പി )
  • ഡോ . ബൈജു (സയന്റിസ്റ്റ് )
  • ജ്യോതി ബി (ഡെപ്യൂട്ടി കളക്ടർ)
  • വിനോദ് ജി (സയന്റിസ്റ്റ്)

വഴികാട്ടി

Loading map...