ജി.യു.പി.എസ്.എടത്തറ

Schoolwiki സംരംഭത്തിൽ നിന്ന്
(21732 എന്ന താളിൽ നിന്നും തിരിച്ചുവിട്ടതു പ്രകാരം)
TrophyIcon.jpg 2021-22 ലെ സ്കൂൾവിക്കി പുരസ്കാരം നേടുന്നതിനായി മൽസരിച്ച വിദ്യാലയം.
സ്കൂളിനെക്കുറിച്ച്സൗകര്യങ്ങൾപ്രവർത്തനങ്ങൾക്ലബ്ബുകൾചരിത്രംഅംഗീകാരങ്ങൾ


ചരിത്രം

              പറളി ഉപജില്ലയിലെ ഏറ്റവും മികച്ച പ്രവർത്തനം കാഴ്ചവയ്ക്കുന്ന സ്കൂളുകളിൽ ഒന്നാണ് എടത്തറ ഗവൺമെന്റ് യു.പി സ്കൂൾ. നൂറു വയസ്സും കഴിഞ്ഞ് ഇപ്പോഴും ആയിരക്കണക്കിന് കുട്ടികളെ അക്ഷരത്തിന്റെ ലോകത്തേക്ക് നയിച്ചു കൊണ്ടിരിക്കുന്ന പറളി ഗ്രാമ പഞ്ചായത്തിലെ ഏറ്റവും പഴക്കം ചെന്ന സരസ്വതി ക്ഷേത്രം. 
             ഇരുപതാം നൂറ്റാണ്ടിന്റെ ആരംഭത്തിൽ സാധാരണക്കാരന്റെ മക്കൾക്ക് വിദ്യാഭ്യാസത്തിന് സൗകര്യം ഇല്ലായിരുന്നു.അക്കാലത്ത് പരേതനായ ശ്രീ സി.എസ്. കൃഷ്ണയ്യർ എടത്തറ ചന്ദ്രശേഖരപുരം ഗ്രാമത്തിലെ ഒരു കെട്ടിടത്തിൽ എഴുത്തുപള്ളിക്കൂടം ആരംഭിച്ചു. പറളി ഉപജില്ലയിലെ ഏറ്റവും മികച്ച വിദ്യാലയമായി മാറിയ എടത്തറ യു.പി യുടെ ജനനം അവിടെ നിന്നായിരുന്നു. പിന്നീട് ഗ്രാമത്തിനു പുറത്തു നിർമ്മിച്ച കെട്ടിടത്തിലേക്ക് ശ്രീ സി എസ് കൃഷ്ണയ്യർ സ്കൂൾ മാറ്റി. ഇക്കാലത്ത് താലൂക്ക് വിദ്യാഭ്യാസ ബോർഡിനാണ് സ്കൂളിന്റെ ഭരണം.
             1912 ഒക്ടോബർ 1 ന് പരേതനായ പി ശങ്കരൻ നായർ പ്രധാന അധ്യാപകനും ശ്രീ സി. എസ്. ലക്ഷ്മണയ്യർ സഹധ്യാപകനുമായി എടത്തറ ബോർഡ് എലിമെന്ററി സ്കൂൾ എന്ന പേരിൽ വിദ്യാലയം ഉയർന്നു. വിദ്യാർഥികളുടെ എണ്ണം വർഷം തോറും വർദ്ധിക്കുക കാരണം വീണ്ടും സ്ഥല ദൗർലഭ്യം നേരിട്ടു.പരേതനായ ചന്ദ്രശേഖരപുരം ആവാധോദ്ധാരണയ്യർ വിദ്യാലയത്തിനാവശ്യമായ മുഴുവൻ കെട്ടിടങ്ങളും നിർമ്മിച്ചു നൽകി.
             1921ൽ ശ്രീ ശിവദാസമേനോനും, ശ്രീ എൽ. വി ഗോപാലകൃഷ്ണയ്യരും, ശ്രീ. പി. യു നാരായണൻ നായരും പ്രധാനാധ്യാപകരാ യി സേവനമനുഷ്ഠിച്ചിട്ടുണ്ട്. 1925ൽ ഹയർ എലമെന്ററി സ്കൂളായി ഉയർന്നപ്പോൾ സ്കൂളിലെ അധ്യാപകരുടെ എണ്ണവും പത്തായി. 1927 ശ്രീ. പി. വി നാരായണ അയ്യരും 1932 മുതൽ ശ്രീ. പി.വി അയ്യരും 1933 മുതൽ ശ്രീ. നൊട്ടത്ത് വിശ്വനാഥമേനോനും പ്രധാനധ്യാപകരായിരുന്നു.
             1932 വരെ താലൂക്ക് ബോർഡിന്റെ കീഴിൽ ആയിരുന്ന വിദ്യാലയം1938 ൽ മലബാർ ഡിസ്ട്രിക്ട് ബോർഡിന്റെ കീഴിലായി.1950 ൽ ശ്രീ സി. പി.രാമകൃഷ്ണയ്യർ വീണ്ടും പ്രധാനാധ്യാപകനായി നിയമിതനായി. സഹധ്യാപകരായി വടക്കേ കൂട്ടാല കുഞ്ഞുകുട്ടൻ നായർ, വി.ശുപ്പുകുട്ടി നായർ, സി.കുമാര മേനോൻ, എൻ.വെള്ള മാസ്റ്റർ, എൻ. കുഞ്ഞുണ്ണി നായർ, ശ്രീമതി കെ പാറുക്കുട്ടിയമ്മ, പി.സി. ഗോപാലൻ നായർ എന്നിവരായിരുന്നു. ഇവരുടെ പരിശ്രമഫലമായി വിദ്യാലയത്തിന്റെ രജതജൂബിലി സമുചിതമായി ആഘോഷിച്ചു.
             1958 ആയപ്പോൾ കുട്ടികളുടെ എണ്ണം ക്രമാതീതമായി വർദ്ധിച്ചു. പരേതനായ ശ്രീ കാക്കശ്ശേരി മാധവൻനായർ ചിന്മയ ബ്ലോക്ക് എന്ന പേരിൽ ഒരു കെട്ടിടം നിർമ്മിച്ചു തന്നു. പ്രസ്തുത കെട്ടിടം ഉദ്ഘാടനം ചെയ്തത് ശ്രീ ചിന്മയാനന്ദ സ്വാമികൾ ആയിരുന്നു. 1963 ചിന്മയ ബ്ലോക്കിനോട് ചേർന്ന് 4 ക്ലാസ് മുറികളുള്ള മറ്റൊരു കെട്ടിടം കൂടി കാക്കശ്ശേരി മാധവൻനായർ നിർമ്മിച്ചു തന്നു.1964 ജൂൺ 22 സെഷണൽ സമ്പ്രദായം നിലവിൽ വന്നു. 1965ൽ ശ്രീ അനന്തരാമയ്യർ പ്രധാനാധ്യാപകനായി 1968 വരെയും ഈ വിദ്യാലയം വാടക കെട്ടിടത്തിലായിരുന്നു.
             കേരള സർക്കാരിന്റെ ഉത്തരവനുസരിച്ച് 1969 ആഗസ്റ്റ് മാസം പതിനഞ്ചാം തീയതി വിദ്യാലയത്തിൽ രക്ഷിതാക്കളുടെ ഒരു യോഗം ചേർന്നു. ശ്രീ ഇ.എം.വൈദ്യനാഥയ്യർ പ്രസിഡണ്ടായും ഹെഡ്മാസ്റ്റർ ശ്രീ കെ.കെ. ശ്രീധരൻ കൺവീനറുമായി ശക്തമായ ഒരു പിടിഎ രൂപീകരിച്ചു.1972 ഡയമണ്ട് ജൂബിലി വിപുലമായി ആഘോഷിക്കാൻ ഈ കമ്മിറ്റി കഴിഞ്ഞു ജൂബിലിയുടെ ഭാഗമായി പിടിഎ 12,000 രൂപ മുടക്കി ഡയമണ്ട് ജൂബിലി ഹാൾ നിർമ്മിച്ചു.1980 വരെ ശ്രീ നാരായണൻ മാസ്റ്റർ ഹെഡ്മാസ്റ്ററായിരുന്നു. തുടർന്ന് ഒരു പൂർവ്വ വിദ്യാർത്ഥി കൂടിയായ ശ്രീ മണിയൻ മാസ്റ്റർ പ്രധാനാധ്യാപകനായി.
            2007 2008 അധ്യയനവർഷത്തിൽ പറളി സബ്ജില്ലയിലെ ഏറ്റവും മികച്ച വിദ്യാലയമായി എടത്തറ ഗവൺമെന്റ് യുപി സ്കൂൾ അംഗീകാരം നേടി.എല്ലാ അദ്ധ്യയന വർഷങ്ങളിലും ഉപജില്ല ബാലകലോത്സവം സംസ്കൃതോത്സവം അറബിക് കലോത്സവം എന്നിവയിൽ സമ്മാനങ്ങൾ  നേടിയെടുക്കാൻ സ്കൂളിന് കഴിഞ്ഞിട്ടുണ്ട്. എ. ഇ. ഒ, ബി. ആർ. സി എന്നീ ഓഫീസുകളും വിദ്യാലയാങ്കണത്തിലാണ്. മികച്ച അക്കാദമിക നിലവാരം ഉള്ള അധ്യാപകരുടെ കൂട്ടായ്മയും, പി. ടി. എയുടെയും നാട്ടുകാരുടേയും നിർലോഭമായ സഹായസഹകരണങ്ങൾ എടത്തറ ഗവൺമെന്റ് യുപി സ്കൂളിന്റെ മുഖമുദ്രയാണ്.

ഭൗതികസൗകര്യങ്ങൾ

            1980 നു ശേഷം ശ്രീ മണിയൻ മാസ്റ്റർ പ്രധാനാധ്യാപകനാവുകയും , അദ്ദേഹത്തിന്റെ മേൽനോട്ടത്തിൽ ഫിലിപ്പ് കുട്ടി വർഗീസ്സ്, ഹരിദാസ്, പി.വാസു മാസ്റ്റർ  എന്നിവരുടെ കൂട്ടായ പ്രവർത്തനം  അക്കാദമിക്ക്‌ പ്രവർത്തനങ്ങൾളുടെ നിലവാരം മെച്ചപ്പെടുത്താനും സ്കൂളിന്റെ  ഭൗതികസാഹചര്യങ്ങൾ  മുന്നോട്ടു കൊണ്ടു പോകുവാനും കഴിഞ്ഞു. എംപി ഫണ്ട് ഉപയോഗിച്ച് കെട്ടിടം, കുടിവെള്ള പദ്ധതി എന്നിവ ഇക്കാലത്തുള്ള വികസനപ്രവർത്തനങ്ങളാണ്. അദ്ദേഹം വിദ്യാലയത്തിന്  നൽകിയ വെളിച്ചം പിന്നീട് വന്ന അധ്യാപകരും കെടാവിളക്കായി കാത്തുസൂക്ഷിക്കുന്നു.
             1988-89 വർഷത്തിൽ അതിവിപുലമായ രീതിയിൽ പ്ലാറ്റിനം ജൂബിലി ആഘോഷിച്ചു. ഒരു സ്റ്റേജ് കം ക്ലാസ്റൂം നിർമ്മിച്ചത് പ്ലാറ്റിനം ജൂബിലി ആഘോഷവേളയിലാണ്.
             ശക്തി വിലാസ് പി മാധവൻ നായർ, കുമാർ കമ്പനി മാനേജ്മെന്റ് എന്നിവരുടെ സഹായത്തോടെ പി ടി എ ആണ്  സ്റ്റേജ് നിർമ്മിച്ചത്.
             നവീകരിച്ച ശാസ്ത്ര ലാബും, സുസജ്ജമായ ലൈബ്രറിയും, ഇന്റർനെറ്റ് സൗകര്യത്തോടു കൂടിയ മൾട്ടിമീഡിയ  കമ്പ്യൂട്ടർ ലാബും, വൂഫർ  സിസ്റ്റതോടു കൂടിയ സ്മാർട്ട് ക്ലാസ് റൂമും, വെബ്സൈറ്റും ഈ വിദ്യാലയത്തിന്റെ പ്രത്യേകതയാണ്.
              2008 പാലക്കാട് എസ് എസ് എ യുടെയും പറളി ഗ്രാമ പഞ്ചായത്തിലെയും സംയുക്താഭിമുഖ്യത്തിൽ നിർമ്മിക്കപ്പെട്ട 3 അഡീഷണൽ ക്ലാസ് മുറികളുടെ ഉദ്ഘാടനം നടക്കുകയുണ്ടായി. ജൂൺ മാസം രണ്ടാം തീയതി അന്നത്തെ വിദ്യാഭ്യാസ സാംസ്കാരിക വകുപ്പ് മന്ത്രിയായിരുന്ന ശ്രീ എം.എ. ബേബിയാണ് ഉദ്ഘാടന കർമ്മം നിർവഹിച്ചത്
              ശ്രീമതി ഗിരിജ ദേവി ടീച്ചറുടെ നേതൃത്വത്തിൽ ബ്രിട്ടീഷ് കൗൺസിലറുമായി സഹകരിച്ച് കണക്റ്റിംഗ് ക്ലാസ് റൂം പദ്ധതി വിജയകരമായി നടപ്പിലാക്കുന്ന വിദ്യാലയം കൂടിയാണിത്. ഐഎസ്ഐ അവാർഡിനായി ഒരു ഡോസിയർ വിദ്യാലയത്തിൽ തയ്യാറാക്കപ്പെട്ടു കഴിഞ്ഞിരിക്കുന്നു . ബ്രിട്ടീഷ് കൗൺസിലിന്റെ കണക്റ്റിംഗ് ക്ലാസ്സ്റൂം പദ്ധതിയുടെ ഭാഗമായി എട്ടു പേരടങ്ങുന്ന യുകെയിലെ  അധ്യാപക സംഘം  വിദ്യാലയം സന്ദർശിക്കുകയും കുട്ടികളുമായി ആശയവിനിമയം നടത്തുകയും ചെയ്തു.
                പ്രീ പ്രൈമറി മുതൽ ഏഴാം ക്ലാസ് വരെയുള്ള ഇംഗ്ലീഷ് മീഡിയം ക്ലാസുകൾ,മിനി തിയേറ്റർ സിസ്റ്റം  എന്നീ നൂതന പഠന സൗകര്യങ്ങൾ ഇന്ന് എടത്തറക്കു സ്വന്തമാണ്

പാഠ്യേതര പ്രവർത്തനങ്ങൾ

മുൻ സാരഥികൾ

  1. പി. മണിയൻ
  2. എം.പി. ഗോവിന്ദൻ കുട്ടി
  3. സി. രാധ
  4. ത്രേസ്യാമ്മ കുര്യാക്കോസ്
  5. സി. ഹരിദാസ്
  6. പി.എ. കുഞ്ഞുബിപാത്തു
  7. വി.ജി. വിജയകുമാരൻ
  8. കാളിദാസൻ മാസ്റ്റർ
  9. പി.എം. ശങ്കരനാരായണൻ
  10. കൃഷ്ണകുമാർ മാസ്റ്റർ
  11. വി. കെ. മുരളി
  12. കെ.വേണുഗോപാലൻ
  13. പ്രഭാകരൻ മാസ്റ്റർ
  14. ബീന കെ.എച്ച്

നേട്ടങ്ങൾ

             ശ്രീമതി ഗിരിജ ദേവി ടീച്ചറുടെ നേതൃത്വത്തിൽ ബ്രിട്ടീഷ് കൗൺസിലറുമായി സഹകരിച്ച് കണക്റ്റിംഗ് ക്ലാസ് റൂം പദ്ധതി വിജയകരമായി നടപ്പിലാക്കുന്ന വിദ്യാലയം കൂടിയാണിത്. ഐഎസ്ഐ അവാർഡിനായി ഒരു ഡോസിയർ വിദ്യാലയത്തിൽ തയ്യാറാക്കപ്പെട്ടു കഴിഞ്ഞിരിക്കുന്നു . ബ്രിട്ടീഷ് കൗൺസിലിന്റെ കണക്റ്റിംഗ് ക്ലാസ്സ്റൂം പദ്ധതിയുടെ ഭാഗമായി എട്ടു പേരടങ്ങുന്ന യുകെയിലെ  അധ്യാപക സംഘം  വിദ്യാലയം സന്ദർശിക്കുകയും കുട്ടികളുമായി ആശയവിനിമയം നടത്തുകയും ചെയ്തു.

പ്രശസ്തരായ പൂർവവിദ്യാർത്ഥികൾ

1.ശ്രീ പാലാട്ട് മോഹൻദാസ് ഐഎഎസ്

                ശ്രീ കാക്കശ്ശേരി നാരായണൻ നായരുടെ മകനായ അദ്ദേഹം സിവിൽ സർവീസ് പരീക്ഷയിൽ ഒന്നാംറാങ്ക് നേടുകയും പിന്നീട് കേരളത്തിന്റെ ചീഫ് സെക്രട്ടറിയായും, ചീഫ് ഇൻഫർമേഷൻ കമ്മീഷണറായും പ്രവർത്തിച്ചു.

2.ശ്രീമതി മിനി എം.ബി

               എടത്തറ ഗവൺമെന്റ് യുപി സ്കൂളിൽ നിലവിൽ അധ്യാപിക കൂടിയായ മിനി ടീച്ചർ പ്രശസ്തയായ എഴുത്തുകാരിയും പ്രഭാഷകയുമാണ്.
തകഴി സാഹിത്യ പുരസ്കാരം, ഡോക്ടർ കെ എൻ ഗോപാലപിള്ള നോബൽ പുരസ്കാരം, സാഹിത്യശ്രീ പുരസ്കാരം, താളിയോല സാഹിത്യ പുരസ്കാരം, വാൽമീകി ഗുരുദക്ഷിണ പുരസ്കാരം, വിദ്യാരംഗം കലാസാഹിത്യവേദി പുരസ്കാരം,സമീക്ഷ സാഹിത്യ പുരസ്കാരം എന്നിവ ലഭിച്ചിട്ടുണ്ട്.

3.ഹരിത

                2022 ജനുവരി  26ന് ഡൽഹിയിൽ നടന്ന റിപ്പബ്ലിക് ദിന പരേഡിൽ കേരളത്തെ പ്രതിനിധാനം ചെയ്തു രാജ്പഥിൽ പങ്കെടുത്ത ഹരിത എടത്തറ സ്കൂളിലെ പൂർവ്വ വിദ്യാർത്ഥിനിയാണ്.

വഴികാട്ടി

Loading map...

വിദ്യാലയത്തിലേക്ക് എത്തുന്നതിനുള്ള മാർഗ്ഗങ്ങൾ

  • മാർഗ്ഗം -1 കോങ്ങാട് ടൗണിൽനിന്നും ചെർപ്പുളശ്ശേരി റോഡിൽ ------കിലോമീറ്റർ സഞ്ചരിച്ചാൽ സ്കൂളിലെത്താം.

|

  • മാർഗ്ഗം 2 പാലക്കാട് കോഴിക്കോട് ദേശീയപാതയിൽ മുണ്ടൂരിൽ നിന്നും ---- കിലോമീറ്റർ സഞ്ചരിച്ചാൽ സ്കൂളിലെത്താം.

|

  • മാർഗ്ഗം 3 പറളി ടൗണിൽനിന്നും ----കിലോമീറ്റർ ------വഴിയിൽ സഞ്ചരിച്ചാൽ സ്കൂളിലെത്താ

അവലംബം

"https://schoolwiki.in/index.php?title=ജി.യു.പി.എസ്.എടത്തറ&oldid=2188106" എന്ന താളിൽനിന്ന് ശേഖരിച്ചത്