സഹായം Reading Problems? Click here


എ.എം.എൽ.പി.എസ്.എഴുവന്തല ഈസ്റ്റ്

Schoolwiki സംരംഭത്തിൽ നിന്ന്
(20409 എന്ന താളിൽ നിന്നും തിരിച്ചുവിട്ടതു പ്രകാരം)


എ.എം.എൽ.പി.എസ്.എഴുവന്തല ഈസ്റ്റ്
സ്കൂൾ ചിത്രം
സ്ഥാപിതം 1912
സ്കൂൾ കോഡ് 20409
സ്ഥലം എഴുവന്തല
സ്കൂൾ വിലാസം എഴുവന്തല (പി.ഒ),നെല്ലായ (വഴി)
പിൻ കോഡ് 679335
സ്കൂൾ ഫോൺ 04662287777
സ്കൂൾ ഇമെയിൽ eeamlps.ezhuvanthala@gmail.com
സ്കൂൾ വെബ് സൈറ്റ്
വിദ്യാഭ്യാസ ജില്ല ഒറ്റപ്പാലം
റവന്യൂ ജില്ല പാലക്കാട്
ഉപ ജില്ല ഷൊർണ്ണൂർ
ഭരണ വിഭാഗം എയ്ഡഡ്
സ്കൂൾ വിഭാഗം പൊതുവിദ്യാലയം
പഠന വിഭാഗങ്ങൾ എൽ.പി
മാധ്യമം മലയാളം‌
ആൺ കുട്ടികളുടെ എണ്ണം 86
പെൺ കുട്ടികളുടെ എണ്ണം 98
വിദ്യാർത്ഥികളുടെ എണ്ണം 184
അദ്ധ്യാപകരുടെ എണ്ണം 5
പ്രധാന അദ്ധ്യാപകൻ ബാബുരാജ്.എം
പി.ടി.ഏ. പ്രസിഡണ്ട് പി.സൈതലവി
പ്രോജക്ടുകൾ
ഇ-വിദ്യാരംഗം‌ സഹായം
15/ 08/ 2018 ന് 20409
ഈ താളിൽ അവസാനമായി മാറ്റം വരുത്തി
അക്ഷരവൃക്ഷം സഹായം

ഉള്ളടക്കം

ചരിത്രം

ഷൊർണൂർ വിദ്യഭ്യാസ ഉപജില്ലയിലെ ഏറ്റവും പഴക്കമുള്ള വിദ്യാലയങ്ങളിൽ ഒന്നാണ് എ.എം.എൽ.പി.സ്കൂൾ എഴുവന്തല ഈസ്റ്റ്‌. നെല്ലായ ഗ്രാമപഞ്ചായത്തിലെ 14 ാം വാർഡിലാണ് സ്കൂൾ സ്ഥിതി ചെയ്യുന്നത്. 1912 ൽ പ്രവർത്തനമാരംഭിച്ച ഈ പള്ളിക്കൂടത്തിൻറെ സ്ഥാപക മാനേജർ ഇവുടുത്തെ ദിവംഗതനായ ശ്രീ മൂപ്പത്ത് നാരായണനെഴുതച്ഛനായിരുന്നു. പ്രാരംഭഘട്ടത്തിൽ 1 മുതൽ 5 വരെ ക്ലാസ്സുകളാണ് ഉണ്ടായിരുന്നത്. തുടർന്ന് വിദ്യാഭ്യാസ പരിഷ്കാരങ്ങളുടെ ഭാഗമായി ലോവർ പ്രൈമറി സ്കൂളായി പ്രവർത്തിച്ചു വരുന്നു. ഒരു ഓലകെട്ടിടത്തിൽ പ്രവർത്തനമാരംഭിച്ച ഈ പള്ളിക്കൂടം പിന്നീട് എയ്ഡഡ് വിദ്യാലയമായി മാറുകയായിരുന്നു. സ്കൂൾ കെട്ടിടവും മെച്ചപ്പെട്ട ഭൗതിക സാഹചര്യങ്ങളും ഇപ്പോൾ നിലവിലുണ്ട്. എഴുവന്തല, പട്ടിശ്ശേരി, പേങ്ങട്ടിരി, ബീവിപ്പടി തുടങ്ങിയ പ്രദേശങ്ങളിലെ കുട്ടികളുടെ അക്ഷരലോകത്തിേലക്കുളള കവാടമായി ഒരു ശതാബ്ദത്തോളമായി ഈ വിദ്യാലയം സ്തുത്യർഹമായ നിലയിൽ സേവനമനുഷ്ടിച്ചു വരുന്നു.

ഭൗതികസൗകര്യങ്ങൾ

കാലാനുസൃതമായി വിദ്യാലയത്തെ ഒരു മികവിന്റെ കേന്ദ്രമാക്കൻ മാനേജ്മെന്റും പി ടി എ യും ശ്രമിക്കാറുണ്ട്.വിദ്യാലയത്തിന് ചുറ്റുമതിൽ കെട്ടി വർണചിത്രങ്ങൾ വരച്ചു മനോഹരമാക്കിയിട്ടുണ്ട്.മുറ്റം ഇന്റർലോക് ചെയ്ത് ക്ലാസ് റൂം ടൈൽസ് വിരിച്ചു. ഓഫീസ് റൂം ,കിച്ചൺ ,കമ്പ്യൂട്ടർ ലാബ് എന്നിവ നവീകരിച്ചിരിക്കുന്നു. മതിയായ ടോയ്‍ലെറ്റുകളും വിദ്യാർത്ഥികൾക്കാവശ്യമായ എല്ലാ ഫർണീച്ചറുകളും എല്ലാ ക്ലാസ്സുകളിലും ഫാനുകളും ലൈറ്റും ഒരുക്കിയിരിക്കുന്നു.

പാഠ്യേതര പ്രവർത്തനങ്ങൾ

കലാപഠനം

എല്ലാ കുട്ടികളെയും പങ്കെടുപ്പിച്ചു ബാലസഭ,സ്‌കൂൾ വാർഷികാഘോഷം,ഡാൻസ്,നാടകം,സ്കിറ്റ്,മൈം എന്നിവ നടത്താറുണ്ട്. 2017 -18 വർഷത്തിൽ ബാലകലോത്സവത്തിൽ 7 എ ഗ്രേഡുകൾ കുട്ടികൾ കരസ്ഥമാക്കി.

പ്രവർത്തിപരിചയം

തുടർച്ചയായി 8 വർഷം ഉപജില്ലയിൽ ഞങ്ങളുടെ സ്‌കൂൾ പ്രവർത്തിപരിചയ മേളയിൽ ഒന്നാതമതെത്തി. കുട്ടികൾക്ക് തുടർച്ചയായി പരിശീലനം നൽകുന്നു. 2013 ൽ പാലക്കാട് ജില്ലാ പ്രവർത്തിപരിചയ മേളയിൽ ഒന്നാമതെത്തി.

ശാസ്ത്രമേള,ഗണിതശാസ്ത്രമേള,സാമൂഹ്യശാസ്ത്രമേള

2017-18 വർഷത്തിൽ സാമൂഹ്യശാസ്ത്രമേളയിൽ ഒന്നാം സ്ഥാനം നേടാൻ സാധിച്ചു. ശാസ്ത്രമേളയിലും,ഗണിതശാസ്ത്രമേളയിലും മൂന്നാം സ്ഥാനം നേടി.

ക്വിസ് മത്സരങ്ങൾ

അക്ഷരമുറ്റം ക്വിസ്

അക്ഷരമുറ്റം ക്വിസിൽ ഉപജില്ലയിൽ ഒന്നാം സ്ഥാനവും ജില്ലയിൽ രണ്ടാം സ്ഥാനവും സംസ്ഥാനതലത്തിൽ അഞ്ചാം സ്ഥാനവും നേടാൻ സാധിച്ചു.

സാമൂഹ്യശാസ്ത്ര ക്വിസ്

ഉപജില്ലയിൽ ഒന്നാം സ്ഥാനവും ജില്ലയിൽ മൂന്നാം സ്ഥാനവും നേടി.

അലിഫ് ക്വിസ്

അലിഫ് ക്വിസിൽ ഉപജില്ലയിൽ ഒന്നാം സ്ഥാനം നേടി.

സ്വദേശ് ക്വിസ്

ഉപജില്ലയിൽ ഒന്നാം സ്ഥാനവും ജില്ലയിൽ മൂന്നാം സ്ഥാനവും നേടി.

ഗാന്ധി ക്വിസ്

ജില്ലയിൽ നാലാം സ്ഥാനം കരസ്ഥമാക്കി.

പഠനയാത്ര

പി.ടി.എ യുടെ സഹകരണത്തോടെ എല്ലാ വർഷവും പഠനപ്രവർത്തനങ്ങളുമായി ബന്ധപ്പെട്ട് പഠനയാത്രകൾ സംഘടിപ്പിക്കാറുണ്ട്.

നാടൻ കലകളെ പരിചയപ്പെടൽ

പുള്ളുവൻ പാട്ടിനെ പരിചയപ്പെടുത്തുന്നതിനു വേണ്ടി ശിൽപശാല സംഘടിപ്പിച്ചു.

ദിനാചരണം

വായനാദിനം

വായനാദിനം വളരെ വിപുലമായിത്തന്നെ സ്‌കൂളിൽ ആഘോഷിക്കാറുണ്ട്.കുട്ടികൾക്ക് ക്ലാസ് തലത്തിൽ വായനമത്സരങ്ങൾ നടത്താറുണ്ട്.ലൈബ്രറി ബുക്കുകളെ പരിചയപ്പെടുത്തുകയും കുട്ടികളെ വായനയിലേക്ക് നയിക്കുകയും ചെയ്യാറുണ്ട്.അമ്മമാർക്ക് വേണ്ടി 'അമ്മ വായന സംഘടിപ്പിക്കാറുണ്ട്.

ബഷീർദിനം

ബഷീർദിനത്തോടനുബന്ദ്ധിച്ചു കുട്ടികൾക്ക് ബഷീർ കഥാപാത്രങ്ങളെ പരിചയപ്പെടൽ,ബഷീർ കൃതികൾ നാടകീകരണം എന്നിവ നടത്തുകയുണ്ടായി. കുട്ടികൾക്ക് ബഷീർ ക്വിസും നടത്തി.

ചന്ദ്രദിനം

ചന്ദ്രദിനക്വിസ് നടത്തി. ചാന്ദ്രദിന സിനിമ പ്രദര്ശനവും ഉണ്ടായി.

പരിസ്ഥിതിദിനം

വൃക്ഷതൈ നടൽ, എല്ലാകുട്ടികൾക്കും വൃക്ഷത്തൈ വിതരണം,പരിസ്ഥിതിദിനക്വിസ് എന്നിവ ഉണ്ടായി. കുട്ടികൾക്ക് മരങ്ങളെ കുറിച്ചറിയാൻ "മരങ്ങളെ തൊട്ടറിയാൻ" എന്ന പുതിയ പ്രൊജക്റ്റും തുടങ്ങി.

സ്വാതന്ത്യ്രദിനം

കുട്ടികൾക്ക്സ്വാതന്ത്യ്രദിനക്വിസ്,പതാകനിർമാണം എന്നിവ നടത്തി. രക്ഷിതാക്കൾക്ക് പതാകനിർമാണമത്സരം നടത്തി.

2018-2019 അധ്യയന വർഷത്തെ പ്രധാന പ്രവർത്തങ്ങൾ

ഉപജില്ലാതല പ്രവേശനോത്സവം

ഷൊർണൂർ ഉപജില്ലാതല പ്രവേശനോത്സവം സ്കൂളിൽ വെച്ച് നടന്നു. നെല്ലായ പഞ്ചായത്ത് പ്രസിഡന്റ് ഷാഫി ഉദ്ഘടനം ചെയ്തു.ഷൊർണൂർ ബി പി ഓ ,ബ്ലോക്ക് പഞ്ചായത്ത് വൈസ് പ്രസിഡന്റ് എന്നിവർ മുഖ്യാതിഥികൾ ആയി. എൽ എസ എസ് ,എ പ്ലസ് ജേതാക്കളെ ചടങ്ങിൽ അനുമോദിച്ചു.

പരിസ്ഥിതിദിനം

പരിസ്ഥിതി സംഘടനയായ സംസ്‌കൃതി അടക്കപ്പത്തൂരിന്റെ സഹകരണത്തോടെ കുട്ടിക്കൊരു മരം പദ്ധതി നടപ്പിലാക്കി.

എന്റെ വിദ്യാലയം ഹരിത വിദ്യാലയം

വിദ്യാലയത്തിൽ ഹരിത പ്രോട്ടോകോൾ നടപ്പിലാക്കുന്നതിന്റെ ഭാഗമായി മുഴുവൻ വിദ്യാർത്ഥികൾക്കും പൂര്വവിദ്യാര്ഥികളുടെ സഹകരണത്തോടെ വിത്തുപേന നൽകി.
ലയൺസ് ക്ലബ് ചെർപ്ലശ്ശേരിയുടെ സഹായത്തോടെ മുഴുവൻ കുട്ടികൾക്കും സ്റ്റീൽ ഗ്ലാസും ജൈവ-അജൈവ മാലിന്യ ബിന്നുകളും ലഭ്യമാക്കി.

വായനാദിനം

ഇംഗ്ലീഷ്,മലയാളം ലൈബ്രറി വിതരണം
പുസ്തക സമാഹരണം
അമ്മ വായന
കുട്ടി വായന
സാഹിത്യക്വിസ്
ദിനപത്രങ്ങളുടെ വിതരണോത്ഘാടനം എന്നിവ നടന്നു.

ബഷീർ ദിനം

ബഷീർ കൃതികൾ പരിചയപ്പെടൽ
ബഷീർ കൃതികൾ നാടകീകരണം
കഥാപാത്ര ആവിഷ്കാരം
പതിപ്പ് നിർമാണം
സി ഡി പ്രദർശനം

ഒരു ദിനം ഒരു പുതുമ

ഈ പരിപാടിയുടെ ഭാഗമായി ഓരോ ക്ലാസും (പ്രീ പ്രൈമറി മുതൽ നാലാം ക്ലാസ് വരെ )പുതുമയാർന്ന പ്രവർത്തങ്ങൾ കണ്ടെത്തിനടപ്പിലാക്കുക എന്നതാണ് ഇതിന്റെ ലക്ഷ്യം. ഞാവൽക്കാട് നാടകമാക്കൽ
വായന കോർണർ
ടാലന്റ് ലാബ് പ്രവർത്തനം
സ്‌കൂൾ പച്ചക്കറിക്കൃഷി
പത്തിലക്കറി
ശുചിത്വ കൊടി
ഡെയിലി ക്വിസ്

സി.പി.ടി.എ യുടെ കൈത്താങ്ങ്

ഓരോ ക്ലാസ്സിന്റെയും പി.ടി.എ വിദ്യാലയത്തെ മികവിന്റെ കേന്ദ്രമാക്കാൻ ചില പദ്ധതികൾ സ്പോൺസർ ചെയ്തു.
പ്രീ പ്രൈമറി- ഓപ്പൺ ലൈബ്രറി
ഒന്നാം ക്ലാസ്- കോൺക്രീറ്റ് കമ്പോസ്റ്റ് ബിൻ
രണ്ടാം ക്ലാസ് -സ്മാർട്ട് ക്ലാസ്
മൂന്നാം ക്ലാസ്- ജൈവ വൈവിധ്യ പാർക്ക്
നാലാം ക്ലാസ്-ഗണിതലാബ്

ചന്ദ്രദിനം

ചന്ദ്രദിനക്വിസ്
സി ഡി പ്രദർശനം
പരീക്ഷണ മൂല
സൂര്യനും കൂട്ടുകാരും നാടകം

ഹോണസ്റ്റി ഷോപ്പ്

കുട്ടികളിൽ സത്യസന്ധതയും നേതൃത്വ ഗുണവും വളർത്തുന്നതിന് ഹോണസ്റ്റീ ഷോപ്പ് പ്രവർത്തിക്കുന്നു.

സ്വാതന്ത്ര്യദിനാഘോഷം

നമ്മുടെ നാട് പ്രളയ ബാധിത മായതിനാൽ സ്വാതന്ത്ര്യദിനാഘോഷപരിപാടികൾ ഒഴിവാക്കി പ്രധാന ചടങ്ങുകളിൽ മാത്രം ഒതുക്കി.

പ്രളയബാധിതർക്കൊരു കൈത്താങ്ങ്

സ്കൂൾ പി.ടി.എ യുടെ ആഭിമുഖ്യത്തിൽ മുഖ്യമന്ത്രിയുടെ ദുരിതാശ്വാസ ഫണ്ടിലേക്ക് ധനം സമാഹരിക്കാൻ തീരുമാനിച്ചു. ഇതിനുള്ള അറിയിപ്പ് സമൂഹ മാധ്യമത്തിലൂടെ നൽകി.

മാനേജ്മെന്റ്

സമൂഹത്തിലെ പിന്നോക്ക വിഭാഗങ്ങളായിരുന്ന മുസ്ലിം സമൂഹത്തെയും ഹരിജങ്ങളെയും ഉയർത്തികൊണ്ടുവരിക എന്ന സേവന ലക്ഷ്യത്തോടെ ആരംഭിച്ച വിദ്യാലയം.1912 ൽ സ്ഥാപിതമായ ഈ വിദ്യാലയം ഗ്രാമത്തിന്റെ അക്ഷര കവാടമാണ്.വിവിധ എൻഡോവ്മെന്റുകളും പഠനോപകരണ വിതരണവും നടത്തിവരുന്നു. വിദ്യാലയവികസനത്തിനു എന്നെന്നും കൈത്താങ്ങാവുന്നു മാനേജ്മെൻറ്.

        ഈ പള്ളിക്കൂടത്തിൻറെ സ്ഥാപക മാനേജർ ദിവംഗതനായ മൂപ്പത്ത് നാരായണനെഴുതച്ഛനായിരുന്നു. പിന്നീട് അദ്ദേഹത്തിന്റെ മകനായ എം. അച്യുതൻ എഴുത്തച്ഛനും ആയിരുന്നു.അദ്ദേഹത്തിന്റെ കാലശേഷം എം. നാരായണൻകുട്ടി ഇപ്പോഴത്തെ മാനേജരരായി തുടരുന്നു.

മുൻ സാരഥികൾ

ദിവംഗതരായ മുൻ അധ്യാപകർ:
1.മൂപ്പത്ത് നാരായണനെഴുത്തച്ഛൻ
2.എം.ഇ. കൃഷ്ണൻ എഴുത്തച്ഛൻ
3.എം. നാരായണനെഴുത്തച്ഛൻ
4.എം. അച്യുതൻ എഴുത്തച്ഛൻ
5.എം. പാറുക്കുട്ടി അമ്മ
6.ടി. അബ്ദുൾഖാദർ
7.ടി. അബു
മുൻ അധ്യാപകർ
1.പി. രാമൻകുട്ടി
2.കെ. കൊച്ചുനരായണി
3.പി. ശാന്തകുമാരി അമ്മ
4.കെ. ലീല
5.പ്രസിത കെ.എസ്
6.ആബിദ

പ്രശസ്തരായ പൂർവവിദ്യാർത്ഥികൾ

106 വർഷത്തെ പ്രവർത്തന പാരമ്പര്യമുള്ള വിദ്യാലയം പൂർവ്വവിദ്യാര്ഥികളാൽ സമ്പുഷ്ടമാണ്. വിവിധ രംഗങ്ങളിൽ ഇവിടുത്തെ പൂർവവിദ്യാർത്ഥികളുടെ സാനിധ്യം ഉണ്ട്.വിദേശത്തും കേന്ദ്ര -സംസ്ഥാന സർക്കാർ വകുപ്പുകളിലും പ്രതിരോധ വകുപ്പിലും വിദ്യാലയത്തിന്റെ സാന്നിധ്യം ഉണ്ട്.
1.പി.പി. കദീജ (മലബാറിലെ സംസ്കൃത ബിരുദം നേടിയ ആദ്യ മുസ്ലിം പെൺകുട്ടി )
2.ബി. രാധ (ഹയർ സെക്കൻഡറി പ്രിൻസിപ്പാൾ )
3.എം. മോഹനൻ (കെ.എസ.ഇ.ബി സീനിയർ സൂപ്രണ്ട് )
4.ബി.സി. അയ്യപ്പൻ (ട്രൈബൽ ഓഫീസർ)
5.കെ. അയ്യപ്പൻ (ബിഎസ്എൻഎൽ മാർകറ്റിങ് മാനേജർ,റിട്ടയേർഡ്)
6.എം. സ്രാജു (റിട്ടയേർഡ് ബാങ്ക് സെക്രട്ടറി)
7.എം. അബ്ദു (തെക്കെ ഇന്ത്യയിലെ മികച്ച മുള വ്യാപാരി)
8.വീരൻ(അൽ അമീൻ എഞ്ചിനീയറിംഗ് കോളേജ് സാരഥി)

വഴികാട്ടി