ജി.യു.പി.എസ് കോലൊളൊമ്പ്

സ്കൂൾ

സൗകര്യങ്ങൾ

പ്രവർത്തനങ്ങൾ

ക്ലബ്ബുകൾ

ചരിത്രം

അംഗീകാരം

ജി.യു.പി.എസ് കോലൊളൊമ്പ്
വിലാസം
കോലൊളമ്പ ജി യു പി എസ് കോലോളംബ , കോലോളംബ പി.ഒ. , 679576
സ്ഥാപിതം	1930
വിവരങ്ങൾ
ഫോൺ	0494 2689160
ഇമെയിൽ	kololombagups@gmail.com
കോഡുകൾ
സ്കൂൾ കോഡ്	19249 (സമേതം)
യുഡൈസ് കോഡ്	32050700217
വിദ്യാഭ്യാസ ഭരണസംവിധാനം
റവന്യൂ ജില്ല	മലപ്പുറം
വിദ്യാഭ്യാസ ജില്ല	തിരൂർ
ഉപജില്ല	എടപ്പാൾ
ഭരണസംവിധാനം
ലോകസഭാമണ്ഡലം	പൊന്നാനി
നിയമസഭാമണ്ഡലം	തവനൂർ
താലൂക്ക്	പൊന്നാനി
ബ്ലോക്ക് പഞ്ചായത്ത്	പൊന്നാനി
തദ്ദേശസ്വയംഭരണസ്ഥാപനം	പഞ്ചായത്ത്,എടപ്പാൾ,
വാർഡ്	14
സ്കൂൾ ഭരണ വിഭാഗം
സ്കൂൾ ഭരണ വിഭാഗം	സർക്കാർ
സ്കൂൾ വിഭാഗം	പൊതുവിദ്യാലയം
പഠന വിഭാഗങ്ങൾ	എൽ.പി യു.പി
സ്കൂൾ തലം	1 മുതൽ 7 വരെ
മാദ്ധ്യമം	മലയാളം, ഇംഗ്ലീഷ്
സ്ഥിതിവിവരക്കണക്ക്
ആൺകുട്ടികൾ	237
പെൺകുട്ടികൾ	237
അദ്ധ്യാപകർ	17
സ്കൂൾ നേതൃത്വം
പ്രധാന അദ്ധ്യാപിക	സതിദേവി കെ
പി.ടി.എ. പ്രസിഡണ്ട്	ഷെരീഫ്‌
എം.പി.ടി.എ. പ്രസിഡണ്ട്	അസ്മ റഫീക്ക്
അവസാനം തിരുത്തിയത്
11-03-2024	Mohdsherifk

പ്രോജക്ടുകൾ
തിരികെ വിദ്യാലയത്തിലേക്ക്	(സഹായം)
എന്റെ ഗ്രാമം	(സഹായം)
നാടോടി വിജ്ഞാനകോശം	(സഹായം)
സ്കൂൾ പത്രം	(സഹായം)
അക്ഷരവൃക്ഷം	(സഹായം)
ഓർമ്മക്കുറിപ്പുകൾ	(സഹായം)
എന്റെ വിദ്യാലയം	(സഹായം)
Say No To Drugs Campaign	(സഹായം)
ഹൈടെക് വിദ്യാലയം	(സഹായം)
കുഞ്ഞെഴുത്തുകൾ	(സഹായം)

ആമുഖം

മലപ്പുറം ജില്ലയിലെ തിരൂർ വിദ്യാഭ്യാസ ജില്ലയിലെ എടപ്പാൾ സബ്ജില്ലയിലെ എടപ്പാൾ പഞ്ചായത്തിലെ 14-വാർഡിലാണ് ഈ വിദ്യാലയം സ്ഥിതി ചെയ്യുന്നത് .1930 -ൽ മലപ്പുറം ജില്ലാ ബോർഡിന്റെ  കീഴിൽ ആരംഭിച്ച ഒരു വിദ്യാലയമാണ്  ജി യു പി എസ് കോലൊളമ്പ .എടപ്പാൾ ഉപജില്ലയിലെ കോലൊളമ്പ്, പുലിക്കാട് എന്ന സ്ഥലത്ത് സ്ഥിതി ചെയ്യുന്ന   സ്കൂളാണിത്.ഈ സ്കൂളിന്റെ  മുഴുവൻ പേര് ഗവൺമെൻറ് അപ്പർ പ്രൈമറി സ്കൂൾ , കോലൊളമ്പ് എന്നാണ്.

ചരിത്രം

മലപ്പുറം ജില്ലയിലെ പൊന്നാനി താലൂക്കിലെ ഏറ്റവും വലിയ കാർഷിക ഗ്രാമമാണ് കോലളമ്പ്.മൂന്നുഭാഗവും കായലുകളാൽ ചുറ്റപ്പെട്ടുകിടക്കുന്ന  കുളമ്പ് പോലെയുള്ള ഒരു അർദ്ധ ദ്വീപാണ് ഈ ഗ്രാമം .ഇവിടെ വളരെ മുമ്പ് കോലത്തിരിമാർ കോട്ടകെട്ടി താമസിച്ചിരുന്നു എന്ന് പറയപ്പെടുന്നു.കോലത്തിരി മാർ അധിവസിച്ചിരുന്ന സ്ഥലം കോലത്ത് എന്നും , കോട്ടയ്ക്ക് അപ്പുറമുള്ള ഭാഗം കോട്ടപ്പുറവും ആണത്രേ .കോലകവും  കുളമ്പു ചേർന്നതാകയാൽ ഈ ഗ്രാമത്തിനു കോലളമ്പ് എന്ന സ്ഥലനാമം വന്നുചേർന്നു.പുലിക്കാട് , വലിയ കാട് ,കോട്ടപ്പുറം, കോലകം, പൂക്കരത്തറ, വെങ്ങിനിക്കര , അയിലക്കാട്  എന്നീ 7 ദേശങ്ങൾ ചേർന്നതാണ് കോലളമ്പ് അംശം .കൂടുതലറിയാം

 

ഭൗതികസൗകര്യങ്ങൾ

475 കുട്ടികൾ 13 ക്ലാസ് മുറികളിൽ ആയി ഇപ്പോൾ  അധ്യയനം നടന്നുവരുന്നു.കുട്ടികൾക്ക് വളരെയധികം സ്ഥലപരിമിതി അനുഭവപ്പെടുന്ന ഒരു പരിതസ്ഥിതിയാണ് ഇപ്പോൾ വിദ്യാലയത്തിൽ ഉള്ളത്.റർബൻ ഫണ്ടിന്റെ ഭാഗമായി 55 ലക്ഷം രൂപ ചിലവഴിച്ചുകൊണ്ട് 4 ക്ലാസ് മുറികളുള്ള ഒരു കെട്ടിടം ഇപ്പോൾ സ്കൂളിൽ പണിതു കൊണ്ടിരിക്കുന്നു.എങ്കിൽ കൂടിയും കുട്ടികൾക്ക്  ഇരിപ്പിട സൗകര്യം കുറവാണ്.  ഒന്നാം ക്ലാസ് മുതൽ ഇംഗ്ലീഷ് മീഡിയം തുടങ്ങുന്നതിനായി   രക്ഷിതാക്കൾ ആവശ്യപ്പെടുന്നുണ്ടെങ്കിലും ക്ലാസ് മുറികളുടെ അഭാവംമൂലം ഇതിന് സാധിക്കാത്ത സ്ഥിതിയാണുള്ളത്.വിദ്യാലയത്തിൽ പ്രീപ്രൈമറി ആരംഭിക്കുന്നതിനും ക്ലാസ് മുറികളുടെ അഭാവം തന്നെയാണ് തടസ്സമായി നിൽക്കുന്നത്.നിലവിലുള്ള 14 ക്ലാസ് മുറികളും കുട്ടികൾക്ക് ഡിജിറ്റൽ പഠനത്തിന് ഉപകരിക്കുന്ന രീതിയിലാണ് ക്രമീകരിച്ചിട്ടുള്ളത്.സയൻസ് ലാബ് ,ഗണിതലാബ് എന്നിവ സ്കൂളിൽ ഉണ്ടെങ്കിലും അവ വേണ്ട രീതിയിൽ കുട്ടികൾക്ക് ഉപയോഗപ്രദമാക്കാൻ വേണ്ട സ്ഥലസൗകര്യം ഇല്ല . ലൈബ്രറി പുസ്തകങ്ങൾ ധാരാളം ഉണ്ടെങ്കിലും   ലൈബ്രറി സൗകര്യങ്ങൾ  ഒന്നുകൂടെ മെച്ചപ്പെടുത്തേണ്ടതുണ്ട്. കുട്ടികൾക്ക് ആവശ്യത്തിന് കുടിവെള്ള സംവിധാനം ഇപ്പോൾ ലഭ്യമല്ല. കുടിവെള്ളത്തിനായി രണ്ടു കിണറുകൾ ഉണ്ടെങ്കിലും അവ മോട്ടോർ അടിച്ചു യഥാവിധി എല്ലാ ബ്ലോക്കിലേക്കും എത്താനുള്ള സൗകര്യം കുറവാണ് . കുട്ടികൾക്ക് ഭക്ഷണം കഴിക്കാൻ ആവശ്യമായ  ഡൈനിങ് ഹോളും ആധുനികരീതിയിലുളള ഒരു പാചകപ്പുരയും  അടിയന്തിരമായി സ്കൂളിലേക്ക് വേണ്ട സൗകര്യങ്ങളാണ്.

പാഠ്യേതര പ്രവർത്തനങ്ങൾ

പഠനത്തിനു പുറമേ പഠ്യേതര പ്രവർത്തനങ്ങൾക്കും പ്രാധാന്യം കൊടുക്കുന്ന ഒരു വിദ്യാലയമാണ് ഞങ്ങളുടേത്.വിദ്യാരംഗം കലാസാഹിത്യവേദിയുടെ ആഭിമുഖ്യത്തിൽ  സാഹിത്യ സമാജങ്ങൾ സംഘടിപ്പിക്കപ്പെടുന്നു.കോവിഡ് കാലത്ത് പോലും കുട്ടികളുടെ കലാപ്രവർത്തനങ്ങൾക്ക് പ്രാധാന്യം നൽകി കൊണ്ട് ഗൂഗിൾ മീറ്റ് വഴി കലോത്സവങ്ങൾ സംഘടിപ്പിച്ചു.സ്കൂളിലെ മുൻ അധ്യാപികയായ ശൈലജ ടീച്ചറുടെ നേതൃത്വത്തിൽ  അമീന എന്ന  വിദ്യാർഥിനിയുടെ രചനകൾ പുസ്തകമായി അച്ചടിക്കാനുള്ള ഭാഗ്യം ഞങ്ങൾക്ക് ലഭിച്ചിരുന്നു.രക്ഷിതാക്കൾക്കും , കുട്ടികൾക്കുമായി ശാരീരിക മാനസിക ആരോഗ്യത്തെക്കുറിച്ച് അവബോധം ഉണ്ടാക്കുന്നതിനായി ക്ലാസുകൾ  സംഘടിപ്പിച്ചു.വിവിധ ദിനാചരണങ്ങൾ വിദ്യാലയത്തിന്റെ പ്രവർത്തനങ്ങൾക്ക് മാറ്റുകൂട്ടുന്നു.കുട്ടികളെല്ലാം വളരെ സജീവമായി തന്നെ ഇതിൽ പങ്കാളികളാകാറുണ്ട്.കോവിഡ് കാലത്ത് പരിസ്ഥിതി ദിനം,വായനാദിനം ചാന്ദ്രദിനം ,ഹിരോഷിമാ ദിനം ,സ്വാതന്ത്ര്യ ദിനം തുടങ്ങിയവയുടെ ദിനാചരണ പ്രവർത്തനങ്ങൾ ,അവയിലെ കുട്ടികളുടെ പങ്കാളിത്തം എന്നിവ ശ്രദ്ധേയമായിരുന്നു .മാതൃഭൂമി സീഡുമായി ബന്ധപ്പെട്ട നിരവധി പ്രവർത്തനങ്ങൾ വിദ്യാലയത്തിൽ നടക്കുന്നു. വിദ്യാലയത്തെ മുഴുവനായും ഒരു ഹരിതവിദ്യാലയമാക്കി തീർക്കാൻ ഉള്ള ശ്രമങ്ങൾ നടന്നുകൊണ്ടിരിക്കുന്നു.കുട്ടികൾക്ക് വിത്ത് ലഭ്യമാക്കിയും കൃഷിയോടുള്ള താത്പര്യം വർദ്ധിപ്പിക്കുന്നതിനുള്ള ക്ലാസുകൾ നൽകിയും അവരെ കൃഷിയിലേക്ക് താൽപ്പര്യമുള്ളവരാക്കി തീർക്കുന്നു.വർഷംതോറും കൃഷിയുടെ ആദ്യ പാഠങ്ങൾ കുട്ടികളിലേക്ക് പകർന്നു നൽകാനായി വയലിൽ ഞാറു  നടുന്ന പ്രവർത്തനം നടത്താറുണ്ട്. ജില്ലയിലെ മികച്ച ഹരിതവിദ്യാലയങ്ങൾക്കുള്ള മാതൃഭൂമി സീഡ് പുരസ്കാര പട്ടികയിൽ വിദ്യാലയം ഇടം പിടിക്കാറുണ്ട്.ശാസ്ത്ര മേളകളിലും സ്പോർട്സ് മേളകളിലും വിദ്യാലയത്തിലെ കുട്ടികൾ സജീവമായി തന്നെ പങ്കെടുക്കാറുണ്ട്.

മുൻസാരഥികൾ

ക്രമ നമ്പർ	പ്രധാനധ്യാപകന്റെ പേര്	കാലഘട്ടം
1	അച്യുതപ്പണിക്കർ	1951
2	M J മേരി	1960-62
3	P S കേശവൻ	1962-63
4	K A ദാമോദരൻ നായർ	1963-64
5	N പ്രഭാകരൻ നായർ	1964-83
6	V റുഖിയ	1984-87
7	N N രവീന്ദ്രൻ	1987-89
8	P C തിത്ത	1990-92
9	c v സരസ്വതി	1995-98
10	A P ശ്രീധരൻ	1999-2003
11	T V മുകുന്ദൻ	2004-2005
12	V S രാമകൃഷ്ണൻ	2005-2007
13	E രാജൻ	2007-2013
14	K സതീദേവി	2013 മുതൽ

ചിത്രശാല

ചിത്രങ്ങൾ കാണാൻ ഇവിടെ  ക്ലിക്  ചെയ്യുക .

വഴികാട്ടി

എടപ്പാളിൽ നിന്നും നടുവട്ടം വഴി കോലളമ്പ് ഭാഗത്തേക്ക് പോകുന്ന ബസ്സിൽ കയറി പുലിക്കാട് സ്റ്റോപ്പിൽ ഇറങ്ങുക. ബസ് സ്റ്റോപ്പിനു തൊട്ടു പിന്നിലായാണ് സ്കൂൾ സ്ഥിതിചെയ്യുന്നത്.കുറ്റിപ്പുറമാണ് ഏറ്റവും അടുത്ത റെയിൽവേ സ്റ്റേഷൻ .തൃശ്ശൂർ ഭാഗത്തു നിന്നും വരുന്നവർക്ക്  കാളച്ചാൽ എന്ന സ്ഥലത്ത് ഇറങ്ങി ഓട്ടോയിലും സ്കൂളിലേക്ക് എത്തിച്ചേരാവുന്നതാണ്.{{#multimaps:10.754707, 76.001014|zoom=18}}