സ്കൂളൊന്നു പൂട്ടിയാൽ
ഓടിക്കളിക്കാമെന്നാശിച്ചു
ആശിച്ചു ആശിച്ചുപോയി ഞാൻ.
സ്കൂളൊന്നു പൂട്ടിയാൽ
പിക്നിക് പോകാമെന്നാശിച്ചു
ആശിച്ചു ആശിച്ചു പോയി ഞാൻ
പാഠങ്ങളൊന്നായി ആശയോടാർജ്ജിക്കെ
പുതുതായൊരു പേര് കേട്ടനേരം
കോറോണവൈറസ് ഭീതി പടർത്തിയ
വാർത്തകൾ നാടെങ്ങും പാട്ടായി തീർന്നു
സ്കൂളുകളെല്ലാം അടച്ചുപൂട്ടി
ആസ്പത്രിയെല്ലാം തുറന്നുവച്ചു
ഓടിക്കളിക്കേണ്ട ആശപോയി
വീട്ടരെല്ലാവരും വീട്ടിലായി.
