ഉണ്ണി അമ്മയോട്
അമ്മേ,ഇത്രമേൽ ആകാശം കറുത്തതാണോ?
അതോ, ആധി തൻ കാർമേഘകൂട്ടമാണോ?
ഇത്രമേൽ വീഥി വിജനമാണോ
അതോ, ആപത്ത് കാലത്തിൻ നാന്ദിയാണോ?
നാട്ട് കൂട്ടത്തിൻ പയ്യാരമില്ല,
നാട്ട് വഴികൾ വിമൂകമായി.
അമ്മ ഉണ്ണിയോട്
ഉണ്ണി മകനെ ഓർക്കുക നാം
ഓർക്കുക കാലത്തിൻ നാൾ വഴിയേ,
മൃത്യു തൻ ഭീതിയായി വന്നീടുന്നു,
രോഗാണുവായി, രോഗസംക്രമമായി
ഭീതി വെടിഞ്ഞു നാം നേരിടുക,
പ്രതിരോധമായി സർവ്വസജ്ജമായി
രോഗാണുവിൻ രോഗസംക്രമത്തെ
ജാഗ്രതയോടെ, നേരിടൂ നാം
ജാഗ്രതയോടെ, നേരിടൂ നാം.