സെന്റ് സെബാസ്റ്റ്യൻസ് എച്ച്.എസ് അയർക്കുന്നം/അക്ഷരവൃക്ഷം/കാട്ടിലെ കൊറോണ
കാട്ടിലെ കൊറോണ
പതിവുപോലെ തീറ്റ തേടി കറുമ്പിക്കാക്കയും കൂട്ടരും കാടിനടുത്തുള്ള തേൻ മല ടൗണിലെത്തി. പക്ഷേ മാലിന്യങ്ങൾ നിക്ഷേപിക്കുന്നിടത്ത് കാര്യമായി ഒന്നും കണ്ടെത്തിയില്ല. ടൗണിലെ ഹോട്ടലുകളും മറ്റും അടഞ്ഞുകിടക്കുന്നു . വാഹനങ്ങൾ തീരെയില്ല. പോലീസുകാർ കർശനമായി പരിശോധിക്കുന്നുണ്ട്. ഒരു വാഹനത്തിൽ എന്തോ അനൗൺസ് ചെയ്യുന്നുണ്ട് .എന്തോ കുഴപ്പമുണ്ടെന്ന് കറുമ്പിയ്ക്കും കൂട്ടർക്കും മനസ്സിലായി. അവർ കാട്ടിലേയ്ക്ക് തിരിച്ചു പറന്ന് സിംഹ രാജാവിനെ വിവരമറിയിച്ചു. അടിയന്തരമായി സിംഹം മൃഗങ്ങളുടെ യോഗം വിളിച്ചു. യോഗത്തിൽ കറുമ്പി അവരുടെ അനുഭവങ്ങൾ വിവരിച്ചു. സമാനമായ അനുഭവങ്ങൾ മറ്റു ചില മൃഗങ്ങളും പങ്കുവച്ചു. കാര്യങ്ങൾ അന്വേഷിക്കാൻ മനുഷ്യരുടെ ഭാഷ അറിയാവുന്ന സർക്കസിൽ നിന്നും രക്ഷപ്പെട്ടെത്തിയ കേശു കുരങ്ങനെയും പഞ്ചവർണ തത്തയേയും ചുമതലപ്പെടുത്തി. മൃഗങ്ങൾ നാട്ടിൽ തൽകാലം പോകരുതെന്ന് സിംഹ രാജാവ് അറിയിച്ചു. പിറ്റേന്നു തന്നെ കേശു കുരങ്ങനും പഞ്ചവർണ തത്തയും നാട്ടിലേയ്ക്ക് പുറപ്പെട്ടു. ദേശീയപാതയിൽ പോലീസുകാർ വാഹനങ്ങൾ പരിശോധിക്കുന്നതവർ കണ്ടു. അവർ മുഖം മറച്ചിട്ടുണ്ട്. ലോക്ക് ഡൗണിൽ പുറത്തിറങ്ങുന്നോ എന്ന് ചോദിച്ച് ചിലരോട് അവർ കയർക്കുന്നു. അത്യാവശ്യ വാഹനങ്ങൾ മാത്രം കടത്തിവിടുന്നു. വെറുതെ കറങ്ങിനടന്നാൽ കൊറോണ പിടിക്കുമെന്നും താക്കീതു ചെയ്യുന്നു. അപ്പോഴാണ് ഒരു അനൗൺസ്മെൻറ് വാഹനം അവരുടെ ശ്രദ്ധയിൽപ്പെട്ടത്. കോവിഡ്- 19 എന്ന മഹാമാരിയുടെ പശ്ചാത്തലത്തിൽ ആളുകൾ വളരെ അത്യാവിശത്തിനല്ലാതെ വീടിനു പുറത്തിറങ്ങരുത്. സാമൂഹ്യ അകലം പാലിക്കുക, മാസ്ക് ധരിക്കുക, സോപ്പും വെള്ളവുമുപയോഗിച്ച് കൈകൾ കഴുകുക, വ്യക്തിശുചിത്വം പാലിക്കുക. കാര്യങ്ങളെല്ലാം മനസിലാക്കി അവർ കാട്ടിലേയ്ക്ക് തിരിച്ചു. സിംഹ രാജാവിനെ വിവരമറിയിച്ചു. രാജാവുടനെ തന്നെ വിളംബരം നടത്തി. മനുഷ്യർക്ക് കോവിഡ്- 19 എന്ന മരുന്ന് ഇല്ലാത്ത മഹാമാരി ബാധിച്ചിരിക്കുന്നു. അതിനാൽ മനുഷ്യരുമായി യാതൊരു സമ്പർക്കവും പാടില്ലെന്നും കാടിന്റെ അതിർത്തിയിലുള്ള പുഴ കടന്നു നാട്ടിലേയ്ക്ക് പോകുന്നവരെ കർശനമായി ശിക്ഷിക്കുമെന്നും അറിയിച്ചു. നിരീക്ഷണത്തിനായി കടുവ പോലീസിനെ ചുമതലപ്പെടുത്തി.
|
- അക്ഷരവൃക്ഷം പദ്ധതിയിലെ സൃഷ്ടികൾ
- കോട്ടയം ജില്ലയിലെ അക്ഷരവൃക്ഷം-2020 സൃഷ്ടികൾ
- ഏറ്റുമാനൂർ ഉപജില്ലയിലെ അക്ഷരവൃക്ഷം-2020 സൃഷ്ടികൾ
- അക്ഷരവൃക്ഷം പദ്ധതിയിലെ കഥകൾ
- കോട്ടയം ജില്ലയിലെ അക്ഷരവൃക്ഷം കഥകൾ
- കോട്ടയം ജില്ലയിലെ അക്ഷരവൃക്ഷം സൃഷ്ടികൾ
- ഏറ്റുമാനൂർ ഉപജില്ലയിലെ അക്ഷരവൃക്ഷം-2020 കഥകൾ
- കോട്ടയം ജില്ലയിൽ 23/ 04/ 2020ന് ചേർത്ത അക്ഷരവൃക്ഷം സൃഷ്ടികൾ
- അക്ഷരവൃക്ഷം 2020 പദ്ധതിയിൽ മൂന്നാം ഘട്ടത്തിൽ പരിശോധിച്ച സൃഷ്ടികൾ
- അക്ഷരവൃക്ഷം 2020 പദ്ധതിയിൽ മൂന്നാംഘട്ടത്തിൽ പരിശോധിച്ച കഥ