സെന്റ് മേരീസ് ജി എച്ച് എസ് ചൊവ്വന്നൂർ/അക്ഷരവൃക്ഷം/ പരിണാമങ്ങളും പ്രതിവിധികളും

പരിണാമങ്ങളും പ്രതിവിധികളും      ഇപ്പോൾ ലോകത്തെ ആകമാനം ജനമനസുകളെ ഭയത്തിന്റെ മുൾമുനയിൽ നിർത്തുന്നരീതിയിലുളള മഹാമാരിയായി കൊറോണവൈറസ് അഥവാ കോവിഡ് 19 മാറിയിരിക്കുകയാണ്.ചൈനയിലെ വുഹാൻ പട്ടണത്തിൽ നിന്നും ഡിസംബർ 31_ന് സ്ഥിതീകരിക്കപ്പെട്ട ഈ രോഗം ഇപ്പോൾ ലോകത്തെ ആകമാനം ഭയപ്പെടുത്തുന്ന രീതിയിൽ പടർന്നു പിടിച്ചു കഴിഞ്ഞിരിക്കുന്നു. ലോകത്തിലെ വികസിത രാജ്യമായ യു.എസ്.എ.,യു.കെ. പോലുള്ള രാജ്യങ്ങളിൽപോലും വലിയ തരത്തിലുള്ള സാമ്പത്തിക പ്രതിസന്ധി ഈ രോഗം ഉണ്ടാക്കിയിട്ടുണ്ട്. പ്രതിദിനം രോഗികളുടെയും മരിച്ചവരുടെയും എണ്ണം വർധിച്ചു വരുന്നഒരു സാഹചര്യമാണിത്. ഈ രോഗത്തെ കുറിച്ച് ലഭിച്ച വിവരങ്ങൾ അനുസരിച്ച് 3 രോഗികളിൽ 2 പേരും സമ്പർക്കം മുഖേനയാണ് രോഗം ബാധിച്ചത്. ഈ രോഗത്തെ പ്രതിരോധിക്കാൻ സ്വീകരിക്കേണ്ട നടപടികളിൽ പ്രധാനം സാമൂഹിക അകലം പാലിക്കുക എന്നതാണ്. ഈ നടപടി സ്വീകരിക്കുക വഴി കൊറോണവൈറസിനെ ഒരു പരിധി വരെ തടയാൻ സാധിക്കും. ഇത് കൂടാതെ ചില മാനദണ്ഡങ്ങൾ വഴിയും ഈ മഹാമാരിയെ നമുക്ക് അതിജീവിക്കാൻ സാധിക്കും. ഈ ലോക്ഡൗൺ സമയത്തെ ഫലപ്രദമായി ഉപയോഗിക്കാൻ സംസ്ഥാന സർക്കാരും മാധ്യമങ്ങളും നമുക്ക് സഹായകമാണ്.അതുപോലെത്തന്നെ താഴെ പറയുന്ന ചില മാനദണ്ഡങ്ങൾ വഴിയും ഈ മഹാമാരിയെ നമുക്ക് അതിജീവിക്കാം. ചുമയ്ക്കുമ്പോഴും തുമ്മുമ്പോഴും വായ് തൂവാല കൊണ്ടോ ടിഷ്യൂ കൊണ്ടോ മറയ്ക്കുക.ഉപയോഗിച്ച ടിഷ്യൂ പേപ്പർ അപ്പോൾ തന്നെ നശിപ്പിക്കുക. ഇടയ്ക്കിടെ കൈകൾ സോപ്പും വെള്ളവും ഉപയോഗിച്ച് 20 സെക്കന്റ് വരെ കഴുകുക. കൈ കഴുകാതെ കണ്ണ്,മൂക്ക്, ചുണ്ട് എന്നിവിടങ്ങളിൽ സ്പർശിക്കാതിരിയ്ക്കുക. വ്യക്തി ശുചിത്വവും പരിസരശുചിത്വവും പാലിക്കുക. ജനങ്ങളെ ഭയപ്പെടുത്തുന്ന രീതിയിലുളള വ്യാജവാർത്തകളും മറ്റും പ്രചരിപ്പിക്കാതിരിയ്ക്കുക. ഭയപ്പെടലല്ല,ജാഗ്രതയാണ് വേണ്ടതെന്ന സന്ദേശം ഏവരെയും അറിയിക്കുക. സാമൂഹിക നിയന്ത്രണങ്ങൾ കർശനമായും പാലിക്കുക. ഈ നിയന്ത്രണങ്ങൾ നാം കർശനമായി പാലിക്കുകയും,ആരോഗ്യ വകുപ്പിനോടു സഹകരിക്കുകയും ചെയ്യുന്നതിലൂടെ ഈ മഹാമാരിയായ കൊറോണയെയും നമുക്ക് ഒരുമിച്ചു നേരിടാം.നാം മലയാളികളാണ്,നാം അതിജീവിക്കും എന്ന ശുഭ പ്രതീക്ഷയോടെ ഈ മഹാമാരിയെ നമുക്ക് നേരിടാം.... നന്ദി ഗൗരി 9 D സെന്റ് മേരീസ് ജി എച്ച് എസ്‌ ചൊവ്വന്നൂർ ചാവക്കാട് ഉപജില്ല തൃശ്ശൂർ അക്ഷരവൃക്ഷം പദ്ധതി, 2020 ലേഖനം  സാങ്കേതിക പരിശോധന - Subhashthrissur തീയ്യതി: 22/ 04/ 2020 >> രചനാവിഭാഗം - ലേഖനം