വേണം നമുക്കിവിടെ മരങ്ങൾ
വേരറ്റു പോകാത്ത ആ മരങ്ങൾ
ധീരതയോടെ നട്ടു വളർത്തീടാം
ആർക്കും ഒരു മരം കൂട്ടുകാരെ
ആത്തിയോ, പ്ലാവോ, മാവോ, നെല്ലിയോ..
നാളെ നമുക്ക് ഫലം ലഭിക്കും.
നാളെ നടന്നു തളർന്നു വരും നേരം
തണലായ് മാറും ഈ മരങ്ങൾ.
ഇന്നു നാം നട്ടു വളർത്തും മരങ്ങൾ
നാളത്തെ തലമുറയ്ക്കൊരു തണലാകും.
ജാതി ചോദിക്കാതെ തണലേകീടുന്ന
സാധുക്കളല്ലേ ഈ മരങ്ങൾ.
വേദനിപ്പിക്കുന്നതെന്തിനു നമ്മളീ
വേദനിപ്പിക്കാത്ത ഈ മരത്തെ.
വേണം നമുക്കിവിടെ മരങ്ങൾ
വേരറ്റു പോകാത്ത ആ മരങ്ങൾ.