സെന്റ് മാത്യൂസ് എച്ച്.എസ്. പൊഴിയൂർ/അക്ഷരവൃക്ഷം/ശുചിത്വം

ശുചിത്വം ഹൈജീൻ എന്ന ഗ്രീക്ക് പദത്തിനും സാനിട്ടേഷൻ എന്ന ആംഗല പദത്തിനു വിവിധ സന്ദർഭങ്ങളിൽ പല കാര്യങ്ങളെ വിവക്ഷിക്കുന്നതിനായി ഉപയോഗിക്കുന്ന പദമാണ് ശുചത്വം. ഗ്രീക്ക് പുരാണത്തിലെ ആരോഗ്യദേവതയായ ഹൈജിയയുടെ പേരിൽ നിന്നാണ് ഹൈജീൻ എന്ന വാക്ക് ഉണ്ടായിട്ടുള്ളത് . അതിനാൽ ആരോഗ്യം, വൃത്തി , വെടിപ്പ് , ശുദ്ധി എന്നിവ ഉപയോഗിക്കുന്ന സന്ദർഭങ്ങളിൽ തുല്യ അർത്ഥത്തിൽ ശുചിത്വം എന്ന വാക്ക് ഉപയോഗിക്കപ്പെടുന്നു . അതായത് വ്യക്തിശുചിത്വം , സാമൂഹികശുചിത്വം മുതൽ രാഷ്ട്രീയ ശുചിത്വം വരെ . വ്യക്തികൾ സ്വയമായി പാലിക്കേണ്ട അനവധി ആരോഗ്യശീലങ്ങളുണ്ട് . അവ കൃത്യമായി പാലിച്ചാൽ പാർച്ചവ്യാധികളെയും ജീവിതശൈലി രോഗങ്ങളെയും ഒഴിവാക്കുവാൻ കഴിയും . കൂടെ കൂടെയും ഭക്ഷണത്തിനു മുൻപും പിൻപും കൈകൾ നന്നായി സോപ്പിട്ട് കഴുകുക . വയറിളക്ക രോഗങ്ങൾ , വിരകൾ , കുമിൾ രോഗങ്ങൾ തുടങ്ങി കോവിഡ് , സാർസ് വരെ ഒഴിവാക്കാം . പൊതുസ്ഥല സമ്പർക്കത്തിനു ശേഷം നിർബന്ധമായും കൈകൾ സോപ്പിട്ട് കഴുകേണ്ടതാണ് . കൈയ്യുടെ മുകളിലും വിരലുകളുടെ ഇടയിലും എല്ലാം സോപ്പും വെള്ളവും ഉപയോഗിച്ച് ഇരുപതു സെക്കന്റ് നേരത്തേക്കെങ്കിലും ഉരച്ചു കഴുകുന്നതാണ് ശരിയായ രീതി . ഇതുവഴി കൊറോണ , എച് ഐ വി ,ഹെർപ്പിസ് , ഇൻഫ്ലുൻസ് മുതലായവ പരത്തുന്ന നിരവധി വൈറസുകളെയും ചില ബാക്‌ടീരിയകളെയും ഒക്കെ എളുപ്പത്തിൽ കഴുകി കളയാം . ചുമക്കുമ്പോഴും തുമ്മുമ്പോഴും മാസ്ക് ഉപയോഗിച്ചോ തൂവാല കൊണ്ടോ മുഖം മറക്കുക . മാസ്കോ തൂവാലയോ ഇല്ലെങ്കിലും ഷർട്ടിന്റെ കൈയ്യിലേക്കാകട്ടെ ചുമ . മറ്റുള്ളവർക്ക് രോഗം പകരാതിരിക്കാനും നിശ്വാസ വായുവിലെ രോഗാണുക്കളെ തടയുവാനും തൂവാല ഉപകരിക്കും . വായ , മൂക്ക് , കണ്ണ് എന്നിവിടങ്ങളിൽ കഴിവതും തൊടാതിരിക്കുക . പകർച്ചവ്യാധികൾ ഉള്ളവർ പൊതുസ്ഥലങ്ങളിൽ സന്ദർശിക്കുന്നത് ഒഴിവാക്കുക . രോഗബാധിതരിൽ നിന്നും ഒരു മീറ്ററെങ്കിലും സാമൂഹിക അകലം പാലിക്കുക .രോഗികളുടെ ശരീരസ്രവങ്ങളുമായി സമ്പർക്കത്തിൽ വരാതിരിക്കാൻ ശ്രദ്ധിക്കുക . പൊതുസ്ഥലങ്ങളിൽ തുപ്പാതിരിക്കുക . ഉയർന്ന നിലവാരത്തിലുള്ള മാസ്ക് (N 95 ) ഉപയോഗിക്കുന്നതും, ഹസ്തദാനം ഒഴിവാക്കുന്നതും , ആൽക്കഹോൾ അടങ്ങിയ ഹാൻഡ് സാനിട്ടയ്‌സർ ഉപയോഗിച്ച് കൈകൾ വൃത്തിയാക്കുന്നത് കൊറോണ പോലെയുള്ള രോഗാണുബാധകളെ ചെറുക്കും . നഖം വെട്ടി വൃത്തിയാക്കുന്നത് രോഗാണുക്കളെ തടയും. രാവിലെ ഉണർന്നാലുടൻ പല്ല് തേക്കണം . രാത്രിയിൽ ഉറങ്ങുന്നതിനു മുൻപ് ദിവസവും സോപ്പിട്ട്‌ കുളിച്ചു് ശരീരശുദ്ധി വരുത്തണം . മറ്റുളളവർ ഉപയോഗിക്കുന്ന സാധനങ്ങൾ ഉപയോഗിക്കുന്നത് ഒഴിവാക്കുക . വൃത്തിയുള്ള വസ്‌ത്രങ്ങൾ ധരിക്കുക . കഴിവതും വസ്‌ത്രങ്ങൾ, കിടക്കകൾ എന്നിവ കഴുകി സൂര്യപ്രകാശത്തിൽ ഉണക്കുക . ഏറ്റവും ഫലപ്രദമായ അണുനാശിനിയാണ് സൂര്യപ്രകാശം . നല്ല നാളേക്കായി പ്രഖ്യാപനങ്ങളോ , മുദ്രാവക്യങ്ങളോ അല്ല നമുക്ക് വേണ്ടത് .നാളെയെങ്കിലും നമ്മുടെ വീടുകൾ , ഓഫീസുകൾ , സ്ഥാപനങ്ങൾ , ഗ്രാമങ്ങൾ ശുചത്വമുള്ളവയാകണം . എല്ലാവരും ഒത്തൊരുമിച്ചു പ്രവർത്തിച്ചാൽ ഒരു ശുചിത്വ സമൂഹമായി മാറാൻ നമുക്ക് കഴിയും . മലയാളിയുടെ സംസ്കാരത്തിന്റെ മുഖമുദ്രയായി ശുചിത്വത്തെ വീണ്ടും നമുക്ക് ഉയർത്തി കാണിക്കാൻ കഴിയും . മീനു എ എസ് 8 c സെന്റ് മാത്യൂസ്‌ ഹൈസ്‌ക്കൂൾ പൊഴിയൂർ പാറശ്ശാല ഉപജില്ല തിരുവനന്തപുരം അക്ഷരവൃക്ഷം പദ്ധതി, 2020 ലേഖനം  സാങ്കേതിക പരിശോധന - Remasreekumar തീയ്യതി: 18/ 04/ 2020 >> രചനാവിഭാഗം - ലേഖനം