സെന്റ് പോൾസ് ജി.എച്ച്.എസ്, വെട്ടിമുകൾ/അക്ഷരവൃക്ഷം/കൊറോണയെന്ന മഹാമാരി

ചെറുത്തുനിൽപ്പിന്റെ കാലം സ്നേഹ ദീപത്തിൻ സാന്ദ്ര സാഗരം തുഴഞ്ഞ് ഈ വിശ്വമാം ഗേഹത്തെ ഒരുമയിൽ കാത്തിടാം ലോകത്തെ പൂർണ്ണമായ് കൈയ്യടക്കി തീവ്രമായി ജ്വലിക്കുന്നു ആ മഹാമാരി തൻ രോഷം ഇനിയെത്രനാളിങ്ങനെ .. സ്മരിക്കുവാൻ കഴിയില്ല മനുജ‍ർക്ക് താങ്ങുവാൻ കഴിയില്ലൊരിക്കലും ആരുമേ മുമ്പറിഞ്ഞിരുന്നില്ല; ലോകത്തെ തകർക്കുവാനെത്തിയ വൻ വിപത്തിനെക്കുറിച്ച് കടലിലെ മണതരികളെന്നപോൽ കണക്കില്ലാതെ അസ്തമിക്കുന്നവരെത്രപേർ പ്രതി ദിനവും സഹിക്കുവാനാകില്ലൊരിക്കിലും ഈ ലോകദുരിതങ്ങളെ മറക്കുവാനും കഴിയില്ലല്ലോ.... ഇത് ചരിത്രങ്ങൾ കുറിച്ച വൻ വിപത്ത് ചെങ്കോലും കിരീടവുമുള്ള മഹാശക്തി ഈശ്വര മുഖം നാം ദർശിക്കുന്നു ഭിഷഗ്വരരിൽ ലോകം ചലിച്ചീടുന്നവർ തൻ കഠിനാധ്വാനത്തിൽ ഇന്നീ ലോകത്തെ നിലനിർത്തീടുന്നവർ സമർപ്പിച്ചിടുന്നു നാം സർവ്വവും ആ ഈശ്വര ചൈതന്യത്തിൻ തൃപ്പാദത്തിങ്കൽ ത്യാഗങ്ങൾ സഹിച്ചീടുന്നേറെയവ‍ർ സ്വ കുടുംബവും സുഖങ്ങളും ത്യജിച്ച് സദാ പ്രയത്നിച്ചീടുന്നവർ ഭേദങ്ങളില്ലാതെ സ്വ ജീവൻ സമർപ്പിച്ചീടുന്നു മനുജ‍ർക്കായ് ലോക നന്മയ്ക്കായ് രോഗ വിമോചനത്തിനായ് നമസ്ക്കരിച്ചീടാം നമുക്കവരെ നിത്യവും സ്മരിച്ചീടാം അവർ തൻ യാതനകൾ .....   സാനിയ റജി 9 ബി സെന്റ് പോൾസ് ജി.എച്ച്.എസ്, വെട്ടിമുകൾ ഏറ്റുമാനൂർ ഉപജില്ല കോട്ടയം അക്ഷരവൃക്ഷം പദ്ധതി, 2020 കവിത  സാങ്കേതിക പരിശോധന - abhaykallar തീയ്യതി: 29/ 04/ 2020 >> രചനാവിഭാഗം - കവിത