സെന്റ് ജോൺസ് എച്ച് എസ് എളനാട്/ചരിത്രം
എളനാട്ടിൽ ലോവർ പ്രൈമറി സ്കൂൾ ഉണ്ടായിരുന്നു .1966 മുതൽ അപ്പർ പ്രൈമറി സ്കൂൾ പ്രവർത്തനം ആരംഭിക്കുകയും ചെയിതു.ഒരു ഹൈസ്കൂൾ ഇല്ല എന്നത് ഒരു കുറവായി നിലനിന്നു.പഞ്ചായത്ത് മെമ്പർ ആയിരുന്ന ടി മുകുന്ദന്റെ ശ്രമത്തിന്റെയും എം എൽ എ ആയിരുന്ന ശ്രീ കെ.കെ.ബാലകൃഷ്ണന്റെയും നേതൃത്വത്തിൽ അന്നത്തെ ഡി പി ഐ ശ്രീ ആർ .രാമചന്ദ്രൻ നായർ മൂന്ന് അപേക്ഷകരിൽ ഒരാളായ ശ്രീ .മുത്തമന രാമൻ കുട്ടി നായർക്ക് സ്കൂൾ തുടങ്ങുവാൻ അനുവാദം നൽകി.
1976 ജൂൺ 21 തിയതി സ്‌ഥാപക മാനേജർ ആയിരുന്ന കെ കെ ബാലകൃഷ്ണന്റെ അധ്യക്ഷതയിൽ കൂടിയ യോഗത്തിൽ ഡി പി ഐ ആയിരുന്ന ആർ.രാമചന്ദ്രൻ നായർ ഈ വിദ്യാലയം ഉദഘാടനം ചെയിതു.
പ്രഥമ പ്രധാന അധ്യാപകനായി ശ്രീ സി.പി.നാരായണൻ കുട്ടി നായരും അധ്യാപകരായി ശ്രീമതി ഇന്ദിര ദേവിയും ശ്രീ .കെ .ഇ.ജോണും നിയമിതരായി. 3 ഡിവിഷനിലായി 125 വിദ്യാർത്ഥികളും 6 അദ്ധ്യാപകരും 1 പ്യൂണും 1 പാർട്ട് ടൈം സ്വീപ്പറിനെയും ഉൾപ്പെടുത്തിയാണ് 1976 ൽ വിദ്യാലയത്തിന്റെ ആദ്യ അധ്യയന വര്ഷം ആരംഭിച്ചത്.
1976 ൽ ശ്രീ .മുത്തമന രാമൻ കുട്ടി നായരിൽ സ്‌ഥാപിതമായെങ്കിലും 1992 - ൽ ഈ വിദ്യാലയം കെ ഇ ലിസ്സിക്കുട്ടിക്കും കുറച്ച് കാലങ്ങൾക്ക് ശേഷം 1995 - ൽ ഈ സ്‌ഥാപനം മലങ്കര സുറിയായിനി കത്തോലിക്കാ സഭ തിരുവല്ല രൂപതക്കും കൈമാറി അന്നത്തെ ലോക്കൽ മാനേജർ ആയിരുന്ന റവ.ഫാ .ജോൺ തോമസിന്റെ നേതൃത്വത്തിൽ സ്കൂൾ പുരോഗതിയുടെ പാതയിൽ സഞ്ചരിച്ചു.
2003 - ൽ തിരുവല്ല രൂപത വിഭജിച്ച് മുവാറ്റുപുഴ രൂപത സ്‌ഥാപിതമായപ്പോൾ ഈ വിദ്യാലയം മുവാറ്റുപുഴ രൂപതയുടെ കീഴിലായി റവ .ഫാ . വർഗീസ് പണ്ടാരം കുടിയിൽ ആണ് ഇപ്പോൾ കോപ്പറേറ്റീവ് മാനേജർ.
പുരോഗതിയുടെ പാതയിൽ അറിവിന്റെ കെടാവിളക്കായി ഈ നാടിൻറെ വിദ്യാക്ഷേത്രമായി ഇന്ന് ഈ വിദ്യാലയം നിലനിൽക്കുന്നു
കൂടുതൽ വിവരങ്ങൾക്ക് ക്ലിക്ക് ചെയ്യുക.
| സ്കൂൾ | സൗകര്യങ്ങൾ | പ്രവർത്തനങ്ങൾ | പ്രൈമറി | ഹൈസ്കൂൾ | ചരിത്രം | അംഗീകാരം |