സെന്റ് ജോൺസ് എച്ച്.എസ്സ്.കാഞ്ഞിരത്താനം/അക്ഷരവൃക്ഷം/എന്റെ ചക്കി
എന്റെ ചക്കി
രാവിലെ എഴുന്നേറ്റ് ജനലിനടുത്ത് നിന്നപ്പോൾ ഒരു നല്ല ഇളം കാറ്റ് അടിച്ചു .വല്ലപ്പോഴും കടന്നു പോകുന്ന ആംബുലൻസുകളും പോലീസ് വാഹനങ്ങളും ഒഴികെ റോഡ് തികച്ചും ശൂന്യമാണ്. കണ്ണുകളടച്ചു ഞാൻ നിന്നു.എന്നും രാവിലെ പാല് മേടിക്കാൻ പോകുന്നത് പതിവായിരുന്നു . അങ്ങനെ നേടിയ ഒരു കളിക്കൂട്ടുകാരൻ .ഒരു തൂവെള്ള നിറത്തിലുള്ള പൂച്ച .ആരോ ഉപേക്ഷിച്ചതാണ്. ആദ്യമൊക്കെ അടുക്കില്ലായിരുന്നു . ഞാൻ വീട്ടിൽ കൊണ്ടു പോകാൻ ആഗ്രഹിച്ചു. എന്നാൽ അമ്മയ്ക്ക് പൂച്ചയെ ഇഷ്ടമല്ല . പിന്നെ പിന്നെ ഞാൻ മേടിക്കുന്ന പാല് കൊടുക്കും. അങ്ങനെ എന്നെ ഇഷ്ടമാണ് ഇപ്പോൾ.ഞാനൊരു പേരിട്ടു, ചക്കി.അങ്ങ് അകലെ നിന്നു തന്നെ എന്നെ കാണുമ്പോൾ ഓടി വരും എന്റെ കൂട്ടുകാരൻ. എന്നാൽ ഈ ലോക്ഡൗൺ കാലത്ത് എങ്ങനെ പുറത്തിറങ്ങാൻ ആണ്.എനിക്കൊന്നു പുറത്തിറങ്ങാൻ പറ്റിയിരുന്നെങ്കിൽ? അവനെ ആരെങ്കിലും എടുത്തോണ്ട് പോയി കാണുമോ? അവൻ എന്നെ കാണാതെ എന്തൊക്കെയായിരിക്കും? എന്തായാലും എന്റെ ചക്കിയെ എനിക്ക് ഒന്ന് കാണാൻ കഴിഞ്ഞിരുന്നെങ്കിൽ.അമ്മ വന്ന് വിളിച്ചപ്പോൾ ജനലരികിൽ നിന്ന ഞാൻ കണ്ണുതുറന്നു അമ്മയുടെ കൂടെ അടുക്കളയിലേക്ക് പോയി.
|