സെന്റ് ജോസഫ്സ് യു പി സ്ക്കൂൾ മാനാശ്ശേരി/പ്രവർത്തനങ്ങൾ/2025-26
പ്രവേശനോത്സവം 2025-2026
അറിവിന്റെ ആദ്യാക്ഷരം നുകരുവാൻ പുത്തൻ പ്രതീക്ഷകളുടെ കുട ചൂടി വിദ്യാർത്ഥികൾ സെന്റ് :ജോസഫ്സ് എൽ പി & യു പി സ്കൂളിന്റെ പടിവാതിൽ കടന്നെത്തി. നീണ്ട രണ്ടുമാസത്തെ വേനലവധി കാലത്തിനു വിട പറഞ്ഞു ഒരു പുതിയ അധ്യായന വർഷത്തിന്റെ തുടക്കം കുറിക്കുവാൻ വർഷത്തെ പ്രേവേശനോത്സവം ആവേശഭരിതമായ കലാപരിപാടികളോട് കൂടി സ്കൂൾ മുറ്റത്തു കൊണ്ടാടി.
ലോക പരിസ്ഥിതി ദിനാഘോഷം
സെന്റ് ജോസഫ് എൽ പി & യു പി സ്കൂളിന്റെ പ്രവേശനോത്സവം 2025 ജൂൺ 2ന് രാവിലെ കൃത്യം 10 മണിക്ക് തുടക്കം കുറിച്ചു. ബാൻഡ് മേളത്തിന്റെ അകമ്പടിയോടെ 85 - ഓളം കുട്ടികളെ സ്വീകരിച്ചു. പ്രാർത്ഥനയോടുകൂടി കാര്യപരിപാടികൾക്ക് തുടക്കം കുറിച്ചു. ബഹുമാനപ്പെട്ട പ്രധാന അധ്യാപിക റവറൻ്റ്: സിസ്റ്റർ അന്ന പി എ ഏവരേയും സ്വാഗതം ചെയ്തു. റവറൻ്റ്: ഫാദർ ആൻ്റണി രഞ്ജിത്ത് ഉദ്ഘാടന കർമ്മം നിർവഹിച്ചു. വാർഡ് മെമ്പർ ശ്രീമതി ഗ്രേസി ജസ്റ്റിൻ നവാഗതരായ കുട്ടികൾക്ക് ആശംസകൾ അർപ്പിച്ചു സംസാരിച്ചു. പ്രതീകാത്മകമായ പാഠപുസ്തക വിതരണം പിടിഎ വൈസ് പ്രസിഡന്റ് ശ്രീമതി മേരി അഞ്ചു നിർവഹിക്കുകയുണ്ടായി. കലാകാരികളായ വിദ്യാർത്ഥികളുടെ നൃത്തച്ചുവടുകൾ നവാഗതരായ കുട്ടികളുടെ ആദ്യദിനത്തെ കൂടുതൽ മനോഹരവും ആവേശകരവും ആക്കി. നവാഗതരായ എല്ലാ കുട്ടികൾക്കും മിഠായിയും സമ്മാനങ്ങളും നൽകി. മാസ്റ്റർ അദ്നാൻ പോൾ നന്ദി അർപ്പിച്ചു. 11:30ന് പ്രവേശനോത്സവം പരിപാടികൾ ദേശീയ ഗാനത്തോടെ പര്യവസാനിച്ചു.
ജൂൺ 5 ലോക പരിസ്ഥിതി ദിനത്തോടനുബന്ധിച്ച് സെന്റ് ജോസഫ് എൽ പി ആൻഡ് യു പി സ്കൂളിൽ പരിസ്ഥിതി സംരക്ഷണത്തിന്റെ പ്രാധാന്യത്തെക്കുറിച്ച് കുട്ടികളെ ബോധവൽക്കരിക്കുന്നതിനായി നിരവധി പരിപാടികൾ അസംബ്ലിയിൽ അവതരിപ്പിച്ചു. ബഹുമാനപ്പെട്ട ഹെഡ്മിസ്ട്രസ് Sr.അന്ന ഒരു ലഘു പരീക്ഷണത്തിലൂടെ ദീപം കൊളുത്തി നേച്ചർ ക്ലബ്ബിന്റെയും,സയൻസ് ക്ലബ്ബിന്റെയും ഉദ്ഘാടനം നിർവഹിക്കുകയുണ്ടായി. തുടർന്ന് കുട്ടികൾ മനോഹരമായി അവതരിപ്പിച്ച പരിസ്ഥിതി സംരക്ഷണത്തിന് ആഹ്വാനം ചെയ്യുന്ന നൃത്തം, മരങ്ങൾ മുറിക്കരുത് എന്ന സന്ദേശം നൽകുന്ന ലഘു നാടകം, മണ്ണിനെ സ്നേഹിക്കാനും കൃഷിയെ സ്നേഹിക്കാനും നമുക്ക് പ്രചോദനം നൽകുന്ന കൊയ്ത്തു പാട്ട്.... എന്നിവ പരിസ്ഥിതി ദിനാചരണത്തിന്റെ മാറ്റുകൂട്ടി.
കൂടാതെ സ്ക്കൂളും പരിസരവും വൃത്തിയായി സൂക്ഷിക്കുകയും പച്ചക്കറി തോട്ടവും ജൈവവൈവിധ്യ പാർക്കും പരിപാലിക്കുകയും ചെയ്യുന്ന ഈശ്വരി ചേച്ചിയെ ബഹുമാനപ്പെട്ട ഹെഡ്മിസ്ട്രസ് ആദരിക്കുകയുണ്ടായിശേഷം കുട്ടികൾക്ക് പച്ചക്കറി തൈകൾ വിതരണം ചെയ്യുകയും സ്കൂളിലെ പച്ചക്കറി തോട്ടം മെച്ചപ്പെടുത്തുകയും ചെയ്തു.
ലഹരി വിരുദ്ധ ദിന പരിപാടി
തീയതി:26 ജൂൺ 2025
സംഘാടനം : സാമൂഹ്യശാസ്ത്ര ക്ലബ്
ലഹരി ഉപയോഗത്തിന്റെ ദോഷങ്ങളെക്കുറിച്ച് ബോധവൽക്കരിക്കാൻ ജൂൺ 26ന് ലഹരി വിരുദ്ധ ദിനം സ്കൂളിലാചരിച്ചു. പരിപാടി സ്കൂൾ അസംബ്ലിയിൽ വച്ചാണ് ആരംഭിച്ചത്. ഹെഡ്മിസ്ട്രസ് സിസ്റ്റർ അന്നാ ലിസി സ്വാഗതം പറഞ്ഞു. കണ്ടക്കടവ് ആരോഗ്യവകുപ്പിൽ നിന്നുള്ള ഹെൽത്ത് ഇൻസ്പെക്ടർമാരായ ശ്രീമതി നിഷ, ശ്രീമതി ഗ്രീഷ്മ എന്നിവർ അതിഥികൾ ആയിരുന്നു. ലഹരിയുടെ ഉപയോഗം മനുഷ്യത്വം എങ്ങനെ നശിപ്പിക്കപ്പെടുന്നു, ജീവിതം എങ്ങനെ ദുരിതത്തിൽ ആകുന്നു എന്നതിനെ കുറിച്ച് കുട്ടികൾക്ക് ലഘു ക്ലാസ് ശ്രീമതി ഗ്രീഷ്മ മാഡം നൽകുകയും ചെയ്തു. ലഹരി വിരുദ്ധ ദിന പ്രതിജ്ഞ ചൊല്ലുകയും ചെയ്തു. ദീപ്തി ടീച്ചർ ലഹരി വിരുദ്ധ സന്ദേശം നൽകി, ജാക്ക്വലിൻ ടീച്ചർ നന്ദിയും പറഞ്ഞു .
സാംസ്കാരിക പരിപാടികൾ:
⭐ പോസ്റ്റർ പ്രദർശനം : വിദ്യാർത്ഥികൾ തയ്യാറാക്കിയ ലഹരി വിരുദ്ധ പോസ്റ്ററുകൾ സ്കൂളിൽ പ്രദർശിപ്പിച്ചു.
⭐ ഫ്ലാഷ് മോബ്: അഞ്ചാം ക്ലാസിലെ കുട്ടികൾ ലഹരി വിരുദ്ധ സന്ദേശം ഉൾക്കൊള്ളുന്ന ഫ്ലാഷ് മോബ് അവതരിപ്പിച്ചു.
⭐ സുംബ : കുട്ടികൾ സുംബ കളിച്ചു ഉന്മേഷവാന്മാരായി തുടർന്ന് ഒന്നു മുതൽ നാലാം ക്ലാസ് വരെയുള്ള മുഴുവൻ വിദ്യാർത്ഥികളും, യുപി ക്ലാസിലെ സാമൂഹ്യ ശാസ്ത്ര ക്ലബ് അംഗങ്ങളും ലഹരി വിരുദ്ധ സന്ദേശങ്ങൾ ഉയർത്തിക്കൊണ്ട് സ്കൂൾ പരിസരത്ത് റാലി നടത്തി.
ലഹരി വിമുക്ത സമൂഹം സൃഷ്ടിക്കാൻ ഇത്തരം ബോധവൽക്കരണ പരിപാടികൾ അത്യന്താപേക്ഷിതമാണ്. വിദ്യാർത്ഥികളിൽ നിന്നും അധ്യാപകരിൽ നിന്നും ലഭിച്ച സജീവ പങ്കാളിത്തം ദിനാചരണത്തെ വിജയകരമാക്കി.
പിടിഎ ജനറൽ ബോഡി മീറ്റിംഗ്
സെൻറ് ജോസഫ് എൽ പി ആൻഡ് യുപി സ്കൂളിലെ അധ്യാപക രക്ഷകർതൃ സംഘടനയുടെ 2025 - 2026 അധ്യയന വർഷത്തെ പ്രഥമ യോഗം 2025 ജൂലൈ 15 നു ഉച്ചയ്ക്ക് രണ്ടുമണിക്ക് ഈശ്വര പ്രാർത്ഥനയോടെ ആരംഭിച്ചു. ഏവർക്കും സ്വാഗതം ആശംസിച്ചു. യോഗത്തിൽ റവറൻ്റ് സിസ്റ്റർ ഷീല മാത്യു, മോട്ടിവേഷണൽ സ്പീക്കറും സോഷ്യൽ വർക്കറുമായ മിസ്സിസ് ട്രീസ റോട്രിഗസ്വാർഡ് മെമ്പർ ഗ്രേസി ജസ്റ്റിൻ, പിടിഎ വൈസ് പ്രസിഡൻറ് മേരി അഞ്ചു എന്നിവർ സന്നിഹിതരായിരുന്നു
'സാമൂഹിക അവബോധവും രക്ഷാകർതൃത്വവും' എന്ന വിഷയവുമായി ബന്ധപ്പെട്ട ശ്രീമതി ട്രീസ റോഡ്രിഗ്സ് മാതാപിതാക്കൾക്ക് ബോധവൽക്കരണ ക്ലാസ് നൽകുകയുണ്ടായി. നല്ല കുട്ടികൾ ഉണ്ടായാലെ നല്ല സമൂഹം ഉണ്ടാകും എന്നും, കുട്ടികൾക്ക് നല്ലൊരു സുഹൃത്തായി മാതാപിതാക്കൾ മാറാൻ ശ്രമിക്കണമെന്നും അവരെ അറിയാൻ ശ്രമിക്കണമെന്നും വ്യക്തി ശുചിത്വം പോലുള്ള നല്ല ശീലങ്ങൾ കുട്ടികളെ പഠിപ്പിക്കണമെന്നും അവരോട് സംസാരിക്കാൻ സമയം കണ്ടെത്തണമെന്നും പഠിക്കേണ്ടതിന്റെ ആവശ്യകത മനസ്സിലാക്കി കൊടുക്കണം എന്നും പഠിക്കുക എന്നത് കുട്ടികളുടെ ഉത്തരവാദിത്വമാണെന്ന് കുട്ടികളെ മനസ്സിലാക്കണം എന്നും മാഡം ക്ലാസിൽ പറയുകയുണ്ടായി.
വിദ്യാരംഗം കല സാഹിത്യവേദി വായനാചരണവും ശില്പശാലയും
കേരളത്തിലെ ഗ്രന്ഥശാല പ്രസ്ഥാനത്തിന് തുടക്കം കുറിച്ച പണിക്കരുടെ ചരമദിനമായ ജൂൺ 19 കേരള ഗവൺമെന്റ് വായനാദിനമായി ആചരിക്കുന്നു. അന്നേ ദിനം രാവിലെ പ്രത്യേക സ്കൂൾ അസംബ്ലി നടത്തിയുണ്ടായി. യുപി ക്ലാസിലെ കുട്ടികൾ പ്രാർത്ഥനാ ഗാനം ആലപിച്ചുകൊണ്ട് പരിപാടികൾക്ക് തുടക്കം കുറിച്ചു.തുടർന്ന് വായന ദിനത്തോട് അനുബന്ധിച്ചുള്ള വിവിധ പരിപാടികളും നടത്തപ്പെട്ടു. മൂന്നാം ക്ലാസിലെ വിദ്യാർത്ഥികൾ വളരെ ഭംഗിയായി ഒരു നാടൻപാട്ട് അവതരിപ്പിച്ചു. വിദ്യാരംഗം കോഡിനേറ്റർ ഷെൽവി ടീച്ചർ ഒരു താരാട്ട് പാട്ട് കുട്ടികൾക്കായി പാടുകയുണ്ടായി. വായന ദിന പ്രതിജ്ഞ ടീച്ചർ ചൊല്ലിക്കൊടുത്തു. തുടർന്ന് ഈ ദിനത്തിന്റെ പ്രാധാന്യത്തെക്കുറിച്ചും ഓരോ ക്ലാസ് മുറിയിലും വായനശാലകൾ തുടക്കം കുറിക്കുന്നതിനും എല്ലാദിവസവും അരമണിക്കൂർ വായനക്കായി മാറ്റിവെക്കണമെന്ന് വിദ്യാരംഗം കൺവീനർ മേരി ടീച്ചർ പറയുകയുണ്ടായി. അക്ഷരം എന്ന ലഹരിയെയും വായന എന്ന ഔഷധത്തെയും കുട്ടികളിലേക്ക് എത്തിക്കാൻ ഓരോ അധ്യാപികമാരും പ്രത്യേകം പരിശ്രമിക്കേണ്ടതാണ് എന്ന് എച്ച് എം സിസ്റ്റർ അന്ന ഈ ദിനത്തിൽ അധ്യാപകരെ ഓർമ്മപ്പെടുത്തി. ക്വിസ് മത്സരം,വായനാ മത്സരം, കയ്യക്ഷര മത്സരം തുടങ്ങിയ വിവിധ മത്സരങ്ങൾ എൽപി യുപി വിഭാഗത്തിൽ നടത്തപ്പെടുകയും സമ്മാന അർഹരായ കുട്ടികൾക്ക് ആകർഷകമായ സമ്മാനങ്ങൾ ഹെഡ്മിസ്ട്രസ് സിസ്റ്റർ അന്ന കുട്ടികൾക്ക് നൽകുകയും അവരെ അഭിനന്ദിക്കുകയും ചെയ്തു.
02/07/25 ബുധനാഴ്ച വിദ്യാലയം കലാസാഹിത്യവേദിയുടെ ഉദ്ഘാടന കർമ്മവും ശില്പശാലയും നടത്തപ്പെട്ടു. ഷെൽവി ടീച്ചർ ഏവർക്കും സ്വാഗതം ആശംസിച്ചു .ഉദ്ഘാടന കർമ്മം നിർവഹിക്കുന്നതിനും ശില്പശാല നടത്തുന്നതിനും ഈ വിദ്യാലയത്തിലേക്ക് എത്തിച്ചേർന്നത് ജി എച്ച് എസ് എസ് മട്ടാഞ്ചേരി സ്കൂൾ മലയാളം അധ്യാപികയും സ്റ്റേറ്റ് റിസോഴ്സ് പേഴ്സൺ സ്മിത ടീച്ചറാണ്.വളരെ ലളിതമായി മലയാളഭാഷ കൈകാര്യം ചെയ്യാൻ കഴിയുന്ന ഒരു വ്യക്തിയായിരുന്നു സ്മിത ടീച്ചർ. അതുകൊണ്ടുതന്നെ കുട്ടികൾക്ക് മനസ്സിലാക്കുന്ന രീതിയിൽ കഥ,കവിത എന്ന വ്യവഹാര രൂപങ്ങളെ കുറിച്ചും ഒരു വിഷയത്തെക്കുറിച്ചുള്ള ഓരോ കുട്ടിയുടെയും ഭാവാത്മകമായ ചിന്തകൾ എങ്ങനെയായിരിക്കണം എന്നും ടീച്ചർ വളരെ വ്യക്തമായി കുട്ടികൾക്ക് പറഞ്ഞു കൊടുത്തു. അതോടൊപ്പം ഒരു കഥയുടെ തുടക്കം കുട്ടികൾക്ക് നൽകുകയും ആ കഥയുടെ തുടർച്ച എഴുതുവാൻ കുട്ടികളോട് ആവശ്യപ്പെടുകയും മികച്ച കഥയ്ക്ക് സമ്മാനങ്ങൾ വാഗ്ദാനം ചെയ്യുകയും ചെയ്തു, എച്ച് എം സിസ്റ്റർ അനാലിസി ഇന്നത്തെ ഈ പരിപാടിയിൽ പങ്കെടുത്ത ഏവർക്കും നന്ദി അർപ്പിക്കുകയും ദേശീയ ഗാനത്തോടെ വിദ്യാരംഗം കലാസാഹിത്യവേദിയുടെ ശില്പശാലയ്ക്ക് വിരാമം കുറിച്ചു.
സ്കൂൾ പാർലമെൻറ് ഇലക്ഷൻ
സ്കൂൾ പാർലമെൻററി ഇലക്ഷന്റെ ഭാഗമായിട്ട് എല്ലാവർഷവും നടത്താറുള്ളത് പോലെ തന്നെ ഈ വർഷം 07/07/'25 നാമനിർദ്ദേശപത്രിക സമർപ്പിക്കുകയും .ജൂൺ 23 ന് ഇലക്ഷൻ ക്യാമ്പയിൻ നടത്തുകയും തുടർന്ന് ജൂലൈ നാലിന് ഇലക്ഷൻ നടത്തുകയും ജൂലൈ 7ന് റിസൾട്ട് പ്രഖ്യാപിച്ചതിനുശേഷം ജൂലൈ 23 ന് വളരെ മനോഹരമായി ഇൻവെസ്റ്റിച്ചർ സെറിമണി സംഘടിപ്പിച്ചു.
അന്നത്തെ ദിവസം തന്നെ സോഷ്യൽ സയൻസ് ക്ലബ്ബിന്റെ ഉദ്ഘാടനം, സോഷ്യൽ സയൻസ് വർക്കിംഗ് മോഡലിന്റെ ലൈറ്റ് തെളിച്ചുകൊണ്ട് പ്രധാന അധ്യാപികയായ റവറന്റ് ' .സിസ്റ്റർ അന്നാ പി എ ഉദ്ഘാടനകർമ്മം നിർവഹിച്ചു. കുട്ടികൾ സോഷ്യൽ സയൻസുമായി ബന്ധപ്പെട്ട് ഈ വർഷം നടത്തുന്ന പ്രവർത്തനങ്ങളെ വിവരിക്കുകയും ചെയ്തു.
ചാന്ദ്രദിനാഘോഷം
മനുഷ്യൻ ആദ്യമായി ചന്ദ്രനിലേക്കു ചുവടുവെച്ച നിമിഷം ഓർമ്മപ്പെടുത്തുന്നതിനായും ബഹിരാകാശപരിശോധനയുടെ മഹത്ത്വം വിദ്യാർത്ഥികൾക്ക് പരിചയപ്പെടുത്തുന്നതിനായും 2/07/2025 തിങ്കളാഴ്ച സെന്റ്. ജോസഫ്സ് യു. പി. എസിൽ പ്രധാനധ്യാപികയുടെ നേതൃത്വത്തിൽ ചന്ദ്രദിനാഘോഷം നടത്തപ്പെട്ടു. പരിപാടിക്ക് വേദിയിൽ ഒരു ഹൃദയസ്പർശിയായ സ്വാഗതപ്രഭാഷണത്തോടെ ദയ ടീച്ചർ തുടക്കമിട്ടു. തുടർന്നു ഷന്യ ടീച്ചർ ചടങ്ങിന്റെ പരിചയപ്പെടുത്തൽ നടത്തി.വിദ്യാർത്ഥി എഞ്ചൽ ഒലിവിയ ബഹിരാകാശത്തിന്റെയും ചന്ദ്രന്റെയും അത്ഭുതങ്ങൾ പങ്കുവെച്ച് ഒരു ആവിഷ്കാരാത്മക പ്രസംഗം നടത്തി, ശ്രദ്ധാകേന്ദ്രമാകാൻ സാധിച്ചു. അപ്പർ പ്രൈമറി വിഭാഗം വിദ്യാർത്ഥികൾ ചേർന്ന് നിർവഹിച്ച, ആദ്യം ചന്ദ്രനിൽ കാലുവച്ച ബഹിരാകാശയാത്രികരെ പരിചയപ്പെടുത്തുന്ന സ്കിറ്റ് കാണികൾക്ക് ഏറെ രസകരമായി അനുഭവപ്പെട്ടു. ജിഷ ടീച്ചറുടെ നേതൃത്വത്തിൽ ക്വിസ് അവതരണവും വിജയികൾക്കുള്ള സമ്മാനദാനവും നടന്നു. പ്രധാനധ്യാപിക ചന്ദ്രദിനത്തെ അഭിസംബോധന ചെയ്ത് സംസാരിച്ചു.ദേശീയ ഗാനത്തോടെ അസംബ്ലി സമാപിച്ചു.
സ്കൂൾ സേഫ്റ്റി ഓഡിറ്റിംഗ്
29/07/2025 ന് 1 മണിക്ക് സേഫ്റ്റി ഓഡിറ്റിങ്ങിനായി മട്ടാഞ്ചേരി ഫയർ ആൻഡ് സേഫ്റ്റി ഓഫീസിൽ നിന്നും ഉദ്യോഗസ്ഥർ ഹാജരായി.അസിസ്റ്റൻറ് സ്റ്റേഷൻ ഓഫീസർ സി പി ബൈജുഫയർ ആൻഡ് റെസ്ക്യൂ ഓഫീസർ അനൂപ് വി റ്റി ,ഫയർ ആൻഡ് റെസ്ക്യൂ ഓഫീസർ ഡ്രൈവർ ജാനിഷ് എന്നിവർ സ്കൂളിൽ എത്തി പരിശോധന നടത്തുകയും വിവരങ്ങൾ ശേഖരിക്കുകയും ചെയ്തു.
