സെന്റ് ജോസഫ്‌സ് യു പി എസ് കല്ലോടി/അക്ഷരവൃക്ഷം/'''ഇന്നിന്റെ ശത്രു'''

ഇന്നിന്റെ ശത്രു കൊറോണയാം രാക്ഷസ കയ്യിലകപ്പെട്ട രാജ്യത്തെ ഓർത്ത് ഞാൻ കേണിടുന്നു നീ മാത്രമല്ലല്ലോ എല്ലാ രാജ്യങ്ങളും കോവിഡെന്നോർത്ത് ഭയന്നു നിൽക്കേ ഇല്ലില്ല തകരില്ല ഒരുനാളും നീ മൂലം തകരുവാനുള്ളവരല്ല ഞങ്ങൾ തൽക്കാലം നിന്റെ നീരാളികൈകളെ തല്ലിതകർക്കുവാൻ കഴിയാതെ പോയാലും ഒട്ടും താമസമില്ലാതെ നിൻ ഹുങ്കാരത്തെ തച്ചുതകർക്കും ഞങ്ങളെന്നോർക്കുക രാജ്യങ്ങൾ തമ്മിലെ വന്മതിൽ വീണുപോയ്... ജാതിയും മതവും വർഗ്ഗവുമില്ലാതായ്... ഭാഷയും വേഷവും സംസ്കാരമൊക്കെയും ഒന്നായ് തിരിയുന്നു നിന്നെത്തർക്കുവാൻ... നിപ്പയും പ്രളയവും തീവ്രവാദത്തിന്റെ കരാളഹസ്തവും കണ്ടു വളർന്നവർ തകരാത്ത മനമോടെ തളരാത്ത വീര്യത്തിൽ ഒരുമയായ് നിൽക്കുന്നു നിന്നെ തകർക്കുവാൻ. നിങ്ങളൊന്നോർക്കുക ഇതിനെ ചെറുക്കുവാൻ ഇടവിട്ട് കൈകൾ കഴുകീടേണം സോപ്പെന്നതാണ് കൊറോണ വൈറസിൻ ശത്രുവെന്നോർക്കേണം നമ്മളെല്ലാം അകലത്തിൽ നിൽക്കേണം തൽക്കാല നാളിലായ് കൊറോണയാം ശത്രുവെ തോൽപ്പിക്കുവാൻ എങ്കിലോ മനമതിൽ അകലം വരാതെ കാക്കണം പ്രിയരേ നമ്മളെല്ലാം വീട്ടിലിരിക്കുന്ന നമ്മളെ കാക്കുവാൻ വീട്ടിലിരിക്കാത്തോർ ഏറെയുണ്ട് ഒപ്പം ചരിക്കുന്ന അവരുടെ വാക്കുകൾ ഒക്കെ പാലിക്കണേ കൂട്ടുകാരെ..   സ്റ്റെലിൻ മരിയ 7 E സെന്റ്‌ ജോസെഫ്സ് യു പി സ്കൂൾ കല്ലോടി മാനന്തവാടി ഉപജില്ല വയനാട് അക്ഷരവൃക്ഷം പദ്ധതി, 2020 കവിത  സാങ്കേതിക പരിശോധന - shajumachil തീയ്യതി: 16/ 04/ 2020 >> രചനാവിഭാഗം - കവിത