സെന്റ് എഫ്രേംസ് യു.പി.എസ്. ചിറക്കടവ്/ചരിത്രം
താമരക്കുന്ന് ഇടവകയുടെ കീഴിലാണ് ഈ വിദ്യാലയം ആരംഭിച്ചത് .എക്കാലത്തും പഠന പഠന-ഇതര പ്രവർത്തനങ്ങളിൽ മികവ് തെളിയിച്ചു പോരുന്നു .റവ.ഫാ.മാത്യു ചിറയിൽ സെന്റ്.അപ്രേം ഇടവകയുടെ വികാരിയായിരുന്ന 1928-ൽ ആണ് സെന്റ്.എഫ്രേംസ് യു പി സ്‌കൂൾ സ്ഥാപിതമായത്.ഇംഗ്ലീഷ് സ്‌കൂൾ എന്നറിയപ്പെട്ടിരുന്ന ഈ വിദ്യാലയത്തിന്റെ പ്രഥമ പ്രധാനഅദ്ധ്യാപകൻ ശ്രീ.കെ.റ്റി.ജോസഫ് കുന്നപ്പള്ളിൽ ആയിരുന്നു.പ്രഗത്ഭരായ നിരവധി മാനേജരന്മാരുടെയും പ്രധാന അദ്ധ്യാപകരുടേയും കീഴിൽ ജൈത്രയാത്ര തുടരുന്ന ഈ സ്ഥാപനം ശതാബ്‌ദിയിലേക്കു അടുക്കുകയാണ് .ഈ വിദ്യാലയത്തിന്റെ ഭൗതിക സാഹചര്യങ്ങൾ മെച്ചപ്പെടുത്തുന്നതിൽ ലോക്കൽ മാനേജ്‌മെന്റ്‌ എന്നും ശ്രദ്ധചെലുത്തിയിരുന്നു .ഇപ്പോഴത്തെ ലോക്കൽ മാനേജർ റവ.ഫാ.റെജി മാത്യു വയലുങ്കൽ ആണ് .