സെന്റ് ഇഫ്രേംസ് എച്ച്.എസ്. ചിറക്കടവ്/മറ്റ്ക്ലബ്ബുകൾ

ശുചിത്വ ക്ലബ്

മലിനീകരിക്കപ്പെടാത്ത പരിസ്ഥിതി, പൊതു ശുചിത്വം, ശുചിത്വം, മെച്ചപ്പെട്ട ജീവിത നിലവാരം എന്നിവയുള്ള മാലിന്യമുക്ത കേരളം, മെച്ചപ്പെട്ട ആരോഗ്യവും പൊതു ക്ഷേമവും, സാമ്പത്തിക നേട്ടങ്ങളും, മികച്ച സൗന്ദര്യാത്മക ചുറ്റുപാടുകളും, മൊത്തത്തിലുള്ള പാരിസ്ഥിതിക നവീകരണവും നയിക്കുന്നു.

ഇംഗ്ലീഷ് ക്ലബ്ബ്

അന്താരാഷ്ട്ര ഭാഷയായ ഇംഗ്ലീഷ് ആത്മവിശ്വാസത്തോടുകൂടി ലളിതമായും കൈകാര്യം ചെയ്യാൻ ഇംഗ്ലീഷ് ക്ലബ്ബിൻറെ ആഭിമുഖ്യത്തിൽ കുട്ടികളെ പര്യാപ്തമാക്കുന്നു. അതോടൊപ്പം വ്യക്തിത്വവികസനം,കരിയർ ഗൈഡൻസ് ,ആംഗലേയ എഴുത്തുകാരുടെ കൃതികൾ പരിചയപ്പെടുത്തൽ സ്പോക്കൺ ഇംഗ്ലീഷ് തുടങ്ങിയ പ്രവർത്തനങ്ങൾ ഇംഗ്ലീഷിൽ ക്ലബ്ബ് നടത്തി വരുന്നു.

ഐടി ക്ലബ്ബ്

നമ്മുടെ സംസ്ഥാന വിദ്യാഭ്യാസ മേഖല ഗവൺമെൻറ് സഹായത്തോടെ പൂർണ്ണമായും ഹൈടെക് ആക്കിയിരിക്കുകയാണ്. എല്ലാ ക്ലാസ് മുറികളും ഹൈ-ടെക്ക് ക്ലാസ് മുറികളായി ഉയർന്നിരിക്കുന്നു. ഇതിൻറെ സുഗമമായ പ്രവർത്തനത്തിന് ഐ ടി ക്ലബ്ബ് അംഗങ്ങളുടെ സേവനം സ്തുത്യർഹമാണ് . പല വർഷങ്ങളിലായി ഗവൺമെൻറ് 12 ലക്ഷംരൂപയുടെ ഹൈടെക് ഉപകരണങ്ങൾനമ്മുടെ സ്കൂളിന് നൽകി. കമ്പ്യൂട്ടറുമായി ബന്ധപ്പെട്ട എല്ലാത്തരം പ്രവർത്തനങ്ങൾക്കും അതിനു വേണ്ട സാഹചര്യങ്ങളും കേരള സർക്കാർ നമുക്ക് നൽകുന്നു.

മാത്തമാറ്റിക്സ് ക്ലബ്

ഗണിതത്തോട് കുട്ടികൾക്ക് താൽപര്യം വർദ്ധിപ്പിക്കുന്നതിനുള്ള പ്രവർത്തനങ്ങളുമായി സെന്റ് ഇഫ്രേംസ് ഹൈസ്കൂളിൽ മാക്സ് ക്ലബ് പ്രവർത്തിച്ചുവരുന്നു. എല്ലാ ക്ലാസ്സിൽ നിന്നും മാത്തമാറ്റിക്സ് ക്ലബ്ബിൻറെ പ്രതിനിധികളായി കുട്ടികളെ സെലക്ട് ചെയ്യുന്നു. അവർ വഴിയായി എല്ലാ ക്ലാസിലും ക്ലബ്ബിൻറെ പ്രവർത്തനങ്ങൾ നടക്കുന്നു. കുട്ടികൾക്ക് ഗണിതത്തിൽ താൽപര്യം വർദ്ധിപ്പിക്കുന്നതിനായി ജാമിതീയ അത്തപ്പൂക്കളം സ്വാതന്ത്ര്യ ദിനത്തിൽ പതാക നിർമ്മാണം, ഒറിഗാമി ശില്പശാല, ഗണിത കവിത മത്സരങ്ങൾ, ഗണിത ഗാനം ആലപിച്ചുകൊണ്ട് തിരുവാതിര കളി തുടങ്ങിയവ വർഷങ്ങളായി നടത്തപ്പെടുന്നു. കൂടാതെ ഗണിത പാഠ്യപദ്ധതിയിലെ പല ലേണിങ് ഒബ്ജക്ടീവ്സിന്റെയും പ്രാക്ടിക്കൽ പ്രവർത്തനങ്ങളും കുട്ടികൾ നടത്തിവരുന്നു. അങ്ങനെ എല്ലാ കുട്ടികൾക്കും ഗണിതത്തോട് താല്പര്യം വർദ്ധിപ്പിക്കുന്നതിനുള്ള പ്രവർത്തനങ്ങളുമായി ഇന്നും ക്ലബ് ജൈത്രയാത്ര തുടരുന്നു.

സെൻറ് വിൻസെൻറ് ഡി പോൾ ജൂനിയർ കോൺഫറൻസ്

1998 മുതൽ സെന്റ് ഇഫ്രേംസ് വിദ്യാലയത്തിൽ സെൻറ് വിൻസെൻറ് ഡി പോൾ ജൂനിയർ കോൺഫറൻസ് പ്രവർത്തിച്ചുകൊണ്ടിരിക്കുന്നു. ഇതുവഴിയായി നമ്മുടെ സ്കൂളിൽ സാമ്പത്തികമായി ബുദ്ധിമുട്ട് അനുഭവിക്കുന്ന വിദ്യാർത്ഥികൾക്ക് ആവശ്യമായ യൂണിഫോം ,നോട്ട ബുക്സ്, പഠനോപകരണങ്ങൾ, ചികിത്സാസഹായം മുതലായവ നൽകുന്നു. ഏകദേശം ഒരു ലക്ഷം രൂപയുടെ ധനസഹായം വരെ വർഷംതോറും നൽകിവരുന്നു.

ഇക്കോ ക്ലബ്

കുഞ്ഞുമനസ്സുകളിൽ പരിസ്ഥിതി ബോധം വളർത്തുക എന്ന ലക്ഷ്യത്തോടെ എല്ലാ വർഷവും ജൂൺ 5 ലോക പരിസ്ഥിതി ദിനത്തോടനുബന്ധിച്ച് പ്രവർത്തനങ്ങൾക്ക് തുടക്കം കുറിക്കും. പരിസ്ഥിതി ദിനാചരണങ്ങൾ, കർഷകദിനാചരണം, കൃഷി, പരിസ്ഥിതി ബോധവൽക്കരണ ക്ലാസുകൾ, വൃക്ഷതൈ നടീൽ, കർഷകരെ ആദരിക്കൽ,ജലസംരക്ഷണത്തിനും ഊർജ്ജ സംരക്ഷണത്തെയും ആവശ്യകത ചൂണ്ടിക്കാണിക്കുന്ന വിവിധ പ്രവർത്തനങ്ങൾ തുടങ്ങിയ ഒട്ടനവധി പ്രവർത്തനങ്ങളിൽ ക്ലബ്ബിൻറെ നേതൃത്വത്തിൽ നടത്തപ്പെടുന്നു. പ്രകൃതിസംരക്ഷണം ഓരോരുത്തരുടേയും കടമയാണെന്നുള്ള ബോധം കുട്ടികളിൽ എത്തിക്കാൻ ഇക്കോ ക്ലബ് പ്രവർത്തനങ്ങൾ സഹായിക്കുന്നു

ജൈവവൈവിധ്യ ക്ലബ്ബ്

നമ്മുടെ മണ്ണും കാലാവസ്ഥയും സസ്യ ജീവജാലങ്ങളും എല്ലാം പ്രവചനാതീതമായ ഒരു തലത്തിലേക്ക് നീങ്ങുന്ന ഈ കാലഘട്ടത്തിൽ ഭൂമാതാവും പ്രകൃതിയും അതിലെ സർവ്വ ജീവജാലങ്ങളും ഇല്ലാതെ നാം ഇല്ലെന്ന് വ്യക്തമായ സന്ദേശം കുട്ടികളിൽ എത്തിക്കുക എന്ന ലക്ഷ്യത്തോടെ സ്കൂളിൽ ജൈവവൈവിധ്യ ക്ലബ്ബ് പ്രവർത്തനങ്ങൾ നടത്തുന്നു. ഔഷധസസ്യങ്ങളും, പൂച്ചെടി, ചെറിയ മരങ്ങളും എല്ലാ സ്കൂൾ പരിസരത്തു നട്ടുവളർത്തുന്നു. ജൈവവൈവിധ്യ ക്ലബ്ബിൻറെ നേതൃത്വത്തിൽ വളർത്തിയെടുത്ത ശലഭോദ്യാനമാണ് ഏറ്റവും ശ്രദ്ധേയമായത്.