സെന്റ് ആന്റണീസ് ഗേൾസ് എച്ച്.എസ്സ്. വടകര/പ്രവർത്തനങ്ങൾ/2024-25

പ്രവേശനോത്സവം 2024

ജൂൺ 3 തിങ്കൾ പ്രവേശനോത്സവം

2024-25അധ്യയന വർഷത്തേക്കുള്ള പ്രവേശനോത്സവം സെൻറ് ആൻറണീസ് സ്കൂളിൽ വിവിധ കലാപരിപാടികളോടെ ആഘോഷിച്ചു. കുടുംബ കോടതി ജഡ്ജി വീണ കെ. ബി പ്രവേശനോത്സവം ഉദ്ഘാടനം ചെയ്തു. തുടർന്ന് പ്രവേശനോത്സവ ഗാനാലാപനവും നൃത്തശില്പവും കരാട്ടെ പ്രദർശനവും സ്കിറ്റുമടക്കം ക്ലാസുകളിലെ വിദ്യാർഥിനികൾ അവതരിപ്പിച്ചു.

3 ജൂൺ 2024- 25 വർഷത്തെ സ്കൂൾ പ്രവേശനോത്സവം ഏറെ പുതുമകൾ നിറഞ്ഞതായിരുന്നു. നവാഗതരെ ചെണ്ട മേളത്തോടെ ലിറ്റിൽ കൈറ്റ്സ് , ഗൈഡ്സ് വിദ്യാർത്ഥികൾ സ്വീകരിച്ചു. അധ്യാപിക പ്രതിനിധിയായ ടീച്ചർ സുനിലാ സ്വാഗതം അർപ്പിച്ചു. ചടങ്ങിൻ്റെ മുഖ്യതിഥിയായി യെത്തിയ ഫാമിലി കോർട്ട് ജഡ്ജും പിടിഎ അംഗവുമായ ശ്രീമതി വീണ കെ.ബി പ്രവേശനോത്സവത്തിന് തുടക്കം കുറിച്ചു. ഹെഡ് മിസ്ട്രസ് സി. ചൈതന്യ, പി.ടി.എ പ്രസിഡൻ്റ ഷിബുവിന്റെയും പി.ടി.എ വൈസ് പ്രസിഡൻ്റ ശ്രീ പ്രജീഷിൻ്റെയും , മദർ പി.ടി.എ പ്രസിഡൻ്റ് ശ്രീമതി ട്രീസ അനിലിന്റെയും വിലപ്പെട്ട വാക്കുകൾ പ്രവേശനോത്സവത്തെ ആവേശ്വോജ്വലമാക്കി. സ്കൂൾ പ്യുപ്പിൾ ലീഡറായ കുമാരി ഷിയാരയുടെ നന്ദി പ്രകടനത്തോടെ കലാപരിപാടികൾക്ക് തുടക്കം കുറിച്ചു. രസകരമായ , നാടകങ്ങളും, ഡാൻസുമെല്ലാം കുട്ടികളെ ഏറെ രസിപ്പിച്ചു . മധുര വിതരണത്തോടുകൂടി എല്ലാവരും ക്ലാസ്സിലേക്ക് പിരിഞ്ഞു.

സ്വാഗതം-സുനില ജോൺ (അധ്യാപിക
അധ്യക്ഷൻ-ഷിബു ( PTA President)
ഉദ്ഘാടനം -ഫാമിലി കോർട്ട് ജഡ്ജ്- വീണ കെ ബി
ആശംസകൾ-സി.ചൈതന്യ (HM St.Antonys girls HS )
ശ്രീ. പ്രജീഷ്(PTA vice-President)
ശ്രീമതി ട്രീസ അനിൽ (Mother PTA president)
നന്ദി-കമാരി ഷിയാര (School Leader)

ലോകപരിസ്ഥിതി ദിനം

5.6.2024 പച്ചയ്ക്കാനൊരുങ്ങി. സെന്റ് ആന്റണീസ് ഗേൾസ് എച്ച്.എസ് കുടുംബം

വടകര: ജൂൺ 5 പരിസ്ഥിതി ദിനം. സെന്റ് ആന്റണീസ് ഗേൾസ് എച്ച് എസ് വടകരയിൽ പരിസ്ഥിതി ദിനത്തോടനുബന്ധിച്ച് വൈകിട്ട് 2 മണിക്ക് കാര്യപരിപാടികൾ ആരംഭിച്ചു. കാര്യപരിപാടിയിൽ സ്വാഗതം അർപ്പിച്ച് സംസാരിച്ചത് കുമാരി ദേവകിനന്ദ, അധ്യക്ഷൻ ശ്രീ മുഹമ്മദ് അഷ്റഫ് കോയ(ICG സംസ്ഥാന വൈസ്പ്രസിഡന്റ്) കൂടാതെ ആദരം (സൗത്ത് ഏഷ്യൻ ഗെയിംസിൽ ഇന്ത്യക്കു വേണ്ടി സ്വർണ്ണമെഡൽ നേടിയ കെ.പ്രമീളയുമാണ്. ആശംസകൾ അർപ്പിച്ചു കൊണ്ട് സംസാരിച്ച സിബിച്ചൻ പുളിങ്കാല (IGC സoസ്ഥന ജനറൽ സെക്രട്ടറി) ജയചന്ദ്രൻ(IGC ജില്ലാ ജനറൽ സെക്രട്ടറി) ADV. സുരേഷ് കുമാർ (IGC) ശ്രീ ഷിബു (PTAപ്രസിഡന്റ് സെന്റ് ആന്റണീസ് ജി. എച്ച്. എസ്) ശ്രീമതി പ്രേമകുമാരി വനമാലി (വാർഡ് കൗൺസിലർ ) പരിസ്ഥിതിയുമായുള്ള പ്രസംഗം സംവാദിച്ച കുമാരി നിരുപമ .നന്ദിയോടു കൂടെ അവസാനിപ്പിച്ചു സ്കൂൾ ലീഡർ കുമാരി ഷിയാര. കാര്യപരിപാടി

പ്രാർത്ഥന :സ്കൂൾ കൊയർ
സ്വാഗതം :ദേവകിനന്ദ
അധ്യക്ഷൻ :ശ്രീ മുഹമ്മദ്‌ അഷ്‌റഫ്‌ കോയ (IGC സംസ്ഥാന വൈസ് പ്രസിഡന്റ്‌ )
ഉദ്ഘാടനം :ശ്രീ മാന്നാർ അയൂബ് (IGC നാഷണൽ വൈസ് പ്രസിഡന്റ്‌ )

സൗത്ത് ഏഷ്യൻ ഗെയിംസിൽ ഇന്ത്യക്കുവേണ്ടി സ്വർണ്ണ മെഡൽ നേടിയ lGC സംസ്ഥാന വൈസ് പ്രസിഡന്റ് കെ. പ്രമീളയെ ആദരിക്കുന്നു.

ആശംസകൾ
സിബിച്ചൻ പുളിങ്കാല (lGC സംസ്ഥാന ജനറൽ സെക്രട്ടറി)
ജൂഡിറ്റ് പെട്രീഷ്യ (lGC സംസ്ഥാന സെക്രട്ടറി)
ജയചന്ദ്രൻ :(IGC ജില്ലാ ജനറൽ സെക്രട്ടറി)
Adv. സുരേഷ് കുമാർ(IGC)
ശ്രീ ഷിബു (PTA പ്രസിഡന്റ്‌,St Antony 's Girls High School Vadakara )
ശ്രീമതി പ്രേമകുമാരി വനമാലി(വാർഡ് കൗൺസിലർ)
പരിസ്ഥിതി ഗാനം
പ്രസംഗം:നിരുപമ
നന്ദി :ഷിയാര

വായനവാരാഘോഷം

ജൂൺ 19 ആം തീയതി സെൻ്റ് ആൻ്റണീസ് ഗേൾസ് ഹൈസ്കൂൾ വടകരയിെലെ കുട്ടികളുടെ അറിവ് പരീക്ഷിച്ചുകൊണ്ട് സ്കൂളിൽ ക്വിസ് മത്സരം നടത്തുകയുണ്ടായി. സ്വന്തം വായനാനുഭവങ്ങൾ കൂട്ടുകാരുമായി പങ്കുവെച്ചുകൊണ്ട് നിരവധി വിദ്യാർഥികൾ വായിച്ച പുസ്തകത്തിൻ്റെ ആസ്വാദനം സ്വന്തമായി തയ്യാറാക്കി സ്കൂളിൽ അവതരിപ്പിച്ചു . അതോടൊപ്പം തന്നെ ഒട്ടനവധി കവിതാലാപനവും പ്രസംഗവും കുട്ടികൾ പങ്കുവെച്ചു . ഓരോ കുട്ടിയെയും വായനക്കാരാക്കുവാൻ വേണ്ടി എല്ലാ ക്ലാസുകളിലും ലൈബ്രറി സജ്ജമാക്കുകയും സ്കൂളിലെ ലൈബ്രറി കുട്ടികൾക്ക് മുന്നിൽ പരിചയപ്പെടുത്തുകയും ചെയ്തുകൊണ്ട് സ്കൂളിൽ വായനാദിനം ആഘോഷിച്ചു. വായന വാരാചരണത്തോടനുബന്ധിച്ച് ഒന്നാം ദിവസം പുസ്തക പ്രദർശനം നടത്തി. കുട്ടികൾ തയ്യാറാക്കിയ വായന മരം, വായിച്ച പുസ്തകങ്ങളുടെ പേരുകളും വിവരങ്ങളും ചേർത്ത് ഓരോ കുട്ടികളും മനോഹരമാക്കി. ക്ലാസ്സുകളിൽ ക്ലാസ് ലൈബ്രറിയിലേക്ക് പുസ്തകങ്ങൾ നൽകി.

വിവിധ ക്ലബ്ബുകളുടെ ഉദ്ഘാടനം

സയൻസ് ,മാത്സ്, ഐടി ,സോഷ്യൽ സയൻസ്, ഇംഗ്ലീഷ് ,ഹിന്ദി തുടങ്ങിയ വിവിധ ക്ലബ്ബുകളുടെ ഉദ്ഘാടനം ആഗസ്റ്റ് 8 ന്പി ടിഎ പ്രസിഡൻറ് അധ്യക്ഷതയിൽ സ്കൂൾ മെയിൻ ഗ്രൗണ്ടിൽ നടക്കുകയുണ്ടായി.ഐടി ക്ലബ്ബിന്റെ നേതൃത്വത്തിൽ തയ്യാറാക്കിയ ഡിജിറ്റൽ മാഗസിൻ പ്രകാശനം ചെയ്തു.വിവിധ ക്ല ക്ലബ്ബുകളുടെ പ്രവർത്തനങ്ങൾ വിജ്ഞാനപ്രദവും രസകരവുമായിരുന്നു.

യോഗയും സംഗീതവും ഒരുമിച്ച് ആസ്വദിച്ച് സ്കൂൾ വിദ്യാർത്ഥിനികൾ. ജൂൺ 21 ന് യോഗ ദിനവും സംഗീത ദിനവും ആചരിക്കുന്നതുമായി ബന്ധപ്പെട്ട് വടകര സെൻ്റ് ആൻ്റണീസ് ഗേൾസ് ഹൈസ്കൂളിൽ ജനറൽ അസംബ്ലി സംഘടിപ്പിച്ചിരുന്നു. സംഗീത ദിനത്തെക്കുറിച്ച് ഒരു പ്രസംഗത്തിനുശേഷം സ്കൂൾ കോയർ വിദ്യാർത്ഥികൾക്കായി ഒരുക്കിയ സംഗീതവിരുന്ന് ഏറെ ഹൃദ്യമായിരുന്നു . പല ഭാഷകളിലെ സിനിമാഗാനങ്ങൾ അടങ്ങിയ പരിപാടിക്ക് ശേഷം യോഗയുടെ പ്രാധാന്യത്തെ കുറിച്ചുള്ള ഒരു ചെറു പ്രസംഗത്തെ തുടർന്ന് പരിശീലനം ലഭിച്ച കുട്ടികൾ ചില യോഗമുറകൾ കാഴ്ചവച്ചു. ശേഷം എല്ലാ കുട്ടികളും യോഗയിൽ പങ്കാളികൾ ആകുകയും ചെയ്തു

നഗരസഭയുടെ വിജയാശംസകൾ

നഗരസഭയുടെ സമഗ്ര വിദ്യാഭ്യാസ പദ്ധതി ( space )-ന്റെ നേതൃത്വത്തിൽ എസ്എസ്എൽസി പരീക്ഷയിൽ വിജയിച്ച മുഴുവൻ കുട്ടികൾക്കും പ്ലസ് ടു പരീക്ഷയിൽ A+ പ്ലസ് നേടിയ വിദ്യാർത്ഥികൾക്കും 100% വിജയം കൈവരിച്ച സ്കൂളുകൾക്കുമുള്ള അനുമോദനം 2024 ജൂൺ 10-ന് വടകര ടൗൺഹാളിൽ വച്ച് രാവിലെ 10 മണിക്ക് നടന്നു.ബഹുമാനപ്പെട്ട ജില്ലാ കലക്ടർ ശ്രീ സ്നേഹിൽ സിംഗ് പരിപാടി ഉദ്ഘാടനം ചെയ്തു. ബഹുമാനപ്പെട്ട വടകര നഗരസഭ ചെയർപേഴ്സൺ ശ്രീമതി കെ പി ബിന്ദു പരിപാടിയുടെ അധ്യക്ഷത വഹിച്ചു. 227 കുട്ടികൾ എഴുതിയ പരീക്ഷയിൽ 85 ഫുൾ A+ കളും 21 9A+ കളോടും കൂടി മിന്നും വിജയം കാഴ്ചവച്ച് സെൻ്റ് ആന്റണീസ് ഗേൾസ് ഹൈസ്കൂൾ അനുമോദനം ഏറ്റുവാങ്ങി.

സ്കൂളിന്റെ വിജയാശംസകൾ

ജൂൺ 26 തീയതി എസ്എസ്എൽസി ഫുൾ എ പ്ലസ് കരസ്ഥമാക്കിയ 85 വിദ്യാർഥിനികളെയും യുഎസ്എസ് കരസ്ഥമാക്കിയ വിദ്യാർത്ഥികളെയും സ്കൂൾ പി ടി എ അനുമോദിക്കുകയുണ്ടായി.സ്കൂൾ പിടിഎ പ്രസിഡൻറ് ശ്രീ ഷിബു അധ്യക്ഷത വഹിച്ച ചടങ്ങിൽ വടകര വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ ശ്രീമതി സിന്ധു പ്രേമൻ ഉദ്ഘാടനം ചെയ്തു.വടകര വാർഡ് കൗൺസിലർ ശ്രീമതി പ്രേംകുമാരി വനമാലി,പിടിഎ പ്രസിഡണ്ട് ശ്രീ ഷിബു,ഹെഡ്മിസ്ട്രസ് സിസ്റ്റർ ചൈതന്യ,മദർ സുപീരിയർ സിസ്റ്റർ ജീവിത , അധ്യാപിക സിന്ധു ജോയ് എന്നിവർ ചടങ്ങിൽ ആശംസകൾ അർപ്പിച്ച് സംസാരിക്കുകയുണ്ടായി.അധ്യാപികയായ കൃപ കെയുടെ നന്ദിയോടെ ചടങ്ങുകൾ അവസാനിച്ചു.

ബഷീർ ദിനം 5.7.2024

ബഷീർ കഥാപാത്രങ്ങൾ ക്ലാസ് മുറികളിലേക്ക് ജൂലൈ 5 ബഷീർ ദിനത്തോടനുബന്ധിച്ച് സെൻറ് ആൻറണീസ് ഗേൾസ് ഹൈസ്കൂളിൽ വിവിധതരം പരിപാടികൾ അരങ്ങേറി ബഷീറിൻറെ രചനകളെയും ജീവിതരീതികളെയും കുറിച്ച് അസംബ്ലിയിൽ സംസാരിച്ചു പിന്നീട് ബഷീർ കഥാപാത്രങ്ങളുടെ ദൃശ്യാവിഷ്കരണവുമായി കൂട്ടുകാർ വന്നപ്പോൾ കുട്ടികളെല്ലാവരും ആകാംക്ഷയോടെ പരിപാടി ആസ്വദിച്ചു കൂടാതെ ബഷീർ ദിനത്തോടനുബന്ധിച്ച് നടത്തിയ ക്വിസ് മത്സരത്തിലും നോട്ടീസ് ബോർഡ് അലങ്കരിക്കുന്ന മത്സരത്തിലും വിദ്യാർത്ഥികളും പങ്കാളികളായി .

ചാന്ദ്ര ദിനം 2024

ജനറൽബോഡി 2024-25

വിവിധ മേളകളിലെ വിജയം

ഈ അധ്യയന വർഷം കലോത്സവങ്ങളിലും മേളകളിലും സ്കൂൾ പ്രശംസനീയമായ വിജയം ആവർത്തിച്ചു.കലോത്സവങ്ങളിൽ സബ്ജില്ലാറണ്ണേഴ്സ് കിരീടവും ജില്ലയിൽ നിരവധി മത്സരങ്ങളിൽ എ ഗ്രേഡ് ലഭിക്കുകയുണ്ടായി. ഐടി സയൻസ് മാക്സ് സാമൂഹ്യശാസ്ത്ര പ്രവർത്തി പരിചയമേളകളിൽ സബ്ജില്ലാ കിരീടവും ജില്ലയിൽ നിരവധി മത്സരാർത്ഥികൾക്ക് A ഗ്രേഡും ലഭിക്കുകയുണ്ടായി

ഐടി മേളയിൽ സനാ ഷെറിൻ ടൈപ്പിംഗ് രൂപകൽപ്പനയും വിഭാഗത്തിൽ സ്റ്റേറ്റിൽ B ഗ്രേഡ് നേടി.
സോഷ്യൽ സയൻസ് മേളയിൽ തനുശ്രീ,തേജശ്രീ എന്നീ വിദ്യാർത്ഥികൾ സ്റ്റിൽ മോഡൽ വിഭാഗത്തിൽ എഗ്രേഡ് കരസ്ഥമാക്കി.
സയൻസ് സ്റ്റിൽ മോഡൽ വിഭാഗത്തിൽ ദിവ പൗർണ,ഹാദിയ മറിയം എന്നീ കുട്ടികൾ സ്റ്റേറ്റിൽ എ ഗ്രേഡ് നേടി.
നാഷണൽ സെമിനാർ അവതരണത്തിൽ സ്നിയ ബി രാജ് സംസ്ഥാനതലത്തിൽ A ഗ്രേഡ് നേടി.