സ്ഥിരമാണിതെല്ലാമെനിക്കെന്ന തോന്നലിൽ
സ്ഥിതി ചെയ്തഹങ്കരിച്ചാർത്തു വാഴുന്നൊരു
സ്ഥിരതയില്ലാത്തൊരു മർത്യ ഗണത്തിന്റെ
സ്ഥിതിയെന്തിതോർക്കുകിലൂഴിയിലാകവെ
പകയല്ല ഭയമല്ല പഴിചാരലതുമല്ല
പഠിപ്പിച്ചീനാളുകൾ ഈ സത്യമാകവെ
പങ്കിലമായൊരെൻ മാനസമാകവെ
പണിയണം വീണ്ടുമെൻ ചിത്തത്തെയാകവെ
വിശ്വൈക ശിൽപിയാം നാഥനിൽ മാത്രമെൻ
വിശ്വാസമർപ്പിച്ചുകൊണ്ടിനിയുള്ള നാളുകൾ
വിശ്വത്തിൻ ശാന്തിക്കായി നിനച്ചിറങ്ങുന്നു ഞാൻ
വിശ്വ വിധാതാവിൻ സൗഖ്യമാം തീർത്ഥത്തിൽ