'കൊറോണ 'എന്ന രോഗാണുവിൻ മുന്നിൽ
ശാസ്ത്രത്തിൻ മുട്ടു മടങ്ങിടുമ്പോൾ
പോരാടുവാൻ നേരമായിന്നു കൂട്ടരേ
വൈവിധ്യമാർന്ന പ്രധിരോധങ്ങളിലൂടെ
ദൃഢമാക്കീടാം ബന്ധങ്ങൾ വീട്ടിലിരുന്ന്
പഴകിയ സൗഹൃദങ്ങൾ പുതുക്കിടാം
ഉണർത്തിടാം നിൻ സിദ്ധികളെ
തിരക്കെന്ന് ഭാവിച്ച് മാറ്റിവെച്ച പലതും
ചെയ്തു തീർത്തിടാൻ തക്ക സമയമായി
കണ്ണി പൊട്ടിക്കാം നമുക്കീ ദുരന്തത്തിൻ
അലയടികളിൽ നിന്നു മുക്തി നേടിടാം
ഒഴിവാക്കിടാം സ്നേഹ സന്ദർശനം
നമുക്കൊഴിവാക്കിടാം ഹസ്തദാനം
അൽപ്പകാലം നാം അകന്നിരുന്നാലും
പരിഭവിക്കേണ്ട പിണങ്ങിടെണ്ട
ആരോഗ്യ രക്ഷയ്ക്കായി തെളിച്ചീടും മാർഗ്ഗേ
ചരിച്ചീടാം നമുക്ക് അചഞ്ചലരായി..
ആശ്വാസമേകും സദ്‌വാർത്ത കേൾക്കുവാൻ
ഏകമനസ്സോടെ കാത്തിരിക്കാം ജാഗ്രതയോടെ
നേരിടാം ദിനങ്ങളെ നല്ലൊരു നാളേക്കായി
ശുചിത്വത്തിൻ വില നാം തിരിച്ചറിയും ദിനമെത്തി
ലോക നന്മയ്ക്കായി പൊരുതീടാം മുന്നേറാം
അങ്ങനെ കൊറോണതാൻ ചങ്ങല പൊട്ടിച്ചീടാം.
