സെന്റ്.തെരേസാസ് എസ്സ്.എച്ച്.എസ്സ്.വാഴപ്പള്ളി./പ്രവർത്തനങ്ങൾ

2024 ജൂൺ ന് ഈ അധ്യയന വർഷത്തെ പ്രവേശനോത്സവം നിറഞ്ഞ സദസ്സിൽ വളരെ ഭംഗിയുടെ നടന്നു. മുഖ്യാതിഥികളായി ചങ്ങനാശേരിയുടെ പ്രിയങ്കരനായ M L A ശ്രീ ജോബ് മൈക്കിൾ , St :തെരേസാസ് ഹയർ സെക്കന്ററി സ്കൂൾ പ്രിൻസിപ്പൽ ശ്രീമതി ഷിജിമോൾ വര്ഗീസ്, വാർഡ് കൗൺസിലോർ ശ്രീമതി പ്രിയ രാജേഷ്,പി ടി എ പ്രസിഡന്റ് ശ്രീ ജെയിംസ് പി ജെഎന്നിവർ പങ്കെടുത്ത ചടങ്ങിൽ ബഹുമാനയായ ഹെഡ്മിസ്ട്രസ് റെവ.സിസ്റ്റർ ആനി മാത്യു ആലഞ്ചേരിൽ സ്വാഗതവും സീനിയർ അസിസ്റ്റന്റ് ശ്രീമതി മറിയം മെഡീല ജോസ് നന്ദിയും പറഞ്ഞു.

ഇന്ത്യൻ ബാസ്കറ്റ്ബാൾ ടീമിനെ പ്രതിനിധീകരിച്ചു ശ്രീലങ്കയിൽ വച്ച് നടന്ന ടൂണമെന്റിൽ പങ്കെടുത്തു ചാംപ്യൻഷിപ് നേടിയ ഞങ്ങളുടെ പ്രിയങ്കരനായ കായികാധ്യാപകൻ ശ്രീ ജോസഫ് തോമസ് സാറിനെ പൊന്നാട അണിയിച്ചു ആദരിച്ചു. ഈ വർഷം സ്കൂളിലേക്ക് പുതിയതായി കടന്നു വന്ന എല്ലാ വിദ്യാർത്ഥികളെയും അവരുടെ മാതാപിതാക്കളെയും ഹൃദ്യമായി സ്വാഗതം ചെയ്തു.എല്ലാവർക്കും നല്ല ഒരു അധ്യയന വർഷം ആശംസിക്കുന്നു .

ജൂൺ 5 പരിസ്ഥിതി ദിനം

പരിസ്ഥിതി ദിനത്തിൽ യു പി ക്ലാസ് കുട്ടികൾക്കായി സ്പെഷ്യൽ അസംബ്ലി നടത്തി സമ്മാനങ്ങൾ വിതരണം ചെയ്തു. ബഹു. ചങ്ങനാശേരി A E O ശ്രീ. സോണി പീറ്റർ ,കുട്ടികളുടെ സാന്നിധ്യത്തിൽ സ്കൂൾ പരിസരത്തു വൃക്ഷതൈ നട്ട് പരിസ്ഥിതി ദിനം ഉദ്ഘടനം ചെയ്തു. ചടങ്ങിൽ സ്കൂൾ ഹെഡ്മിസ്ട്രസ് റെവ.സി. ആനി മാത്യു ആലഞ്ചേരിൽ , ബയോളജിഅദ്ധ്യാപിക ശ്രീമതി സാലിമ്മ മാത്യു എന്നിവർ ആശംസകൾ അർപ്പിച്ചു.

ജൂൺ 19 വായനദിനം

സ്കൂൾ ഓഡിറ്റോറിയത്തിൽ പൊതു അസംബ്ലി കൂടി. ശ്രീ പി എൻ പണിക്കരുടെ വലിയ കട്ട് ഔട്ട് വച്ച് 5 മുതൽ 8 വരെ ക്ലാസ്സുകളിലുള്ള കുട്ടികൾ കാർഡുകൾ കൈയിലേന്തി പുഷ്പാർച്ചന നടത്തി. മത ഗ്രന്ഥങ്ങളായ ഖുർആൻ, ഭഗവദ് ഗീത ,വി, ബൈബിൾ എന്നിവയിൽ നിന്നുള്ള വായന, കവിതാലാപനം, പ്രസംഗം എന്നിവ നടത്തി. മഹാകവി കുമാരനാശാൻ രചിച്ച ചണ്ഡാലഭിക്ഷുകി എന്ന കവിതയുടെ ദൃശ്യാവിഷ്‌കാരം നടത്തി വായനദിനം മനോഹരമാക്കി.

ജൂൺ 20

ഇംഗ്ലീഷ് എന്ന ലോകോത്തര ഭാഷയുടെ മഹിമയെ ഉയർത്തിപ്പിടിച്ചു ഇംഗ്ലീഷ് അസംബ്ലി നടത്തി.പ്രാർത്ഥന,പ്രതിജ്ഞ, വാർത്താവായന, തുടങ്ങിയവയെല്ലാം ഇംഗ്ലീഷിൽ തന്നെ നടത്തി.

ജൂൺ 21

അന്താരാഷ്ട്ര യോഗ ദിനം ,സംഗീത ദിനം . ട്രെയിനീ ടീച്ചേഴ്സിന്റെ നേതൃത്വത്തിൽ കുട്ടികളെ കൊണ്ട് യോഗ പരിശീലനം ചെയ്യിച്ചു, സംഗീതദിനത്തിന്റെ പൂർണ ആഹ്ലാദത്തോടെ ഇന്ത്യയിലെ വിവിധ സംഗീതങ്ങളെ കുറിച്ച് സംഗീത അദ്ധ്യാപിക ശ്രീമതി റെജിമോൾ സംസാരിച്ചു.

ജൂൺ 22

സെന്റ് തെരേസാസ് സ്കൂളിന്റെ അഭിമാന ദിവസങ്ങളിൽ ഒന്ന്. 2023 -24 വർഷത്തെ SSLC പരീക്ഷയിൽ ഉന്നത വിജയം നേടിയ വിദ്യാർത്ഥികളെ അനുമോദിക്കുന്ന മെറിറ്റ് ഡേ ആഘോഷായി നടത്തി. ഫുൾ A + ലഭിച്ച 38 കുട്ടികളെയും 9 A + ലഭിച്ച 11 കുട്ടികളെയും പ്രൗഢഗംഭീര സദസ്സിൽ ആദരിച്ചു. ചടങ്ങിൽ പുതുപ്പള്ളി M L A ശ്രീ. ചാണ്ടി ഉമ്മൻ മുഖ്യാതിഥി ആയിരുന്നു. സെന്റ് തെരേസാസ് വാഴപ്പള്ളി ഹയർ സെക്കന്ററി പ്പ്രിൻസിപ്പൽ ശ്രീമതി ഷിജി വര്ഗീസ് , സ്കൂൾ മാനേജർ റെവ. സിസ്റ്റർ. ബെറ്റി റോസ്,ഹെഡ്മിസ്ട്രസ് റെവ. സിസ്റ്റർ അനിജ ആലഞ്ചേരി, P T A പ്രസിഡന്റ് ശ്രീ. ജെയിംസ് കെ ജെ , അതിരമ്പുഴ സെന്റ് മേരീസ് ഹൈ സ്കൂൾ ഹെഡ്മിസ്ട്രസ് ശ്രീമതി സിനി ജോസഫ് എന്നിവർ ചടങ്ങിൽ പങ്കെടുത്തു.

ജൂൺ 24

വായനദിന വാരത്തോടനുബന്ധിച്ചു ഹിന്ദി ഭാഷയിൽ അസ്സെംബ്ലി നടത്തി. പ്രാർത്ഥന, പ്രതിജ്ഞ, വാർത്ത വായന , ചിന്താശകലം എല്ലാം ഹിന്ദിയിലായിരുന്നു. കൂടാതെ , ഹിന്ദി സാഹിത്യ ലോകത്തെ ചില പ്രശസ്ത വ്യക്തികളെ അനുസ്മിക്കുകയും ചെയ്തു .

ജൂൺ 25

ലഹരി വിരുദ്ധ ദിനവുമായി ബന്ധപ്പെട്ടു 7 ,8 ,9 ക്ലാസ്സുകളിലെ കുട്ടികൾക്കായി കുറുമ്പനാടം 'സമൃദ്ധി കൗൺസിലിങ് ' സെന്ററിലെ കുമാരി അലീഷാ മനോഹരമായ ക്ലാസുകൾ നൽകി. അന്നേ ദിവസം തന്നെ 'ദീപിക നമ്മുടെ ഭാഷ പദ്ധതി' യുടെ ഉദ്ഘടനം നടത്തി.2024 -25 അധ്യയന വർഷത്തെ സ്കൂളിലെ വിവിധ ക്ലബ്ബ്കളുടെ ഉദ്ഘടനം അമേരിക്കൻ മലയാളിയും അമേരിക്കൻ മിലിറ്ററി ഉദ്യോഗസ്ഥനും ഹോളിവുഡ് സിനിമകളിൽ ശ്രദ്ധേയനുമായ ശ്രീ സിറിയക് ആലഞ്ചേരിൽ നിർവഹിച്ചു.

ജൂലൈ 1

'പൊലിവ് ' 2024 . SSLC പരീക്ഷയിൽ 100 % റിസൾട്ട് ലഭിച്ച സ്കൂളുകൾക്കുള്ള അംഗീകാരം ഞങ്ങളുടെ സ്കൂളിന് ലഭിച്ചു.

ജൂലൈ 5

'വൈക്കം മുഹമ്മദ് ബഷീർ ഓർമ ദിനം. അസംബ്ലി കൂടി അനുസ്മരണം നടത്തി.

ജൂലൈ 9

കായികാധ്യാപകനായ ശ്രീ. ജോസഫ് തോമസ് സർ എല്ലാ U P ,H S അധ്യാപകർക്കും A I ക്ലാസ് എടുത്തു. ജില്ലാ തലത്തിൽ നടത്തപ്പെട്ട കുങ് ഫു മത്സരത്തിൽ 8 ആം ക്ലാസ്സിലെ സമുദ്ര A S എന്ന വിദ്യാർത്ഥിനി ഗോൾഡ് മെഡൽ കരസ്ഥമാക്കി.

ജൂലൈ 13

ചങ്ങനാശേരി കോർപ്പറേറ്റ് മാനേജ്‌മന്റ് മെറിറ്റ് ഡേ ആയിരുന്നു. ചങ്ങനാശേരി മാനേജ്‌മന്റ് സ്കൂളുകളിൽ മാത്രം നടത്തപ്പെടുന്ന , Civil Service, UPSC ,PSC മറ്റു സർക്കാർ പരീക്ഷകൾ എന്നിവയിൽ ഉന്നത വിജയം നേടാൻ കുട്ടികളെ പ്രാപ്തരാക്കുന്ന 'ദിശ' പരീക്ഷയിൽ ടോപ്പർ ആയി ഞങ്ങളുടെ സ്കൂളിൽ 8 ആം ക്ലാസ്സിൽ പഠിക്കുന്ന മാസ്റ്റർ സിദ്ധാർഥ് S തെരഞ്ഞെടുക്കപ്പെട്ടു.

അതെ ക്ലാസ്സിലെ മാസ്റ്റർ ആൽബി സൈബു എന്ന വിദ്യാർത്ഥിക്ക് ജൂനിയർ IAS സെക്ഷൻ ലഭിക്കുകയും ചെയ്തു. മോറൽ സയൻസ് മാനേജ്‌മന്റ് തല സ്കോളർഷിപ് പരീക്ഷയിൽ ഒന്നാം റാങ്ക് നേടിയ ഞങ്ങളുടെ സ്കൂളിലെ 9 ആം ക്ലാസ് വിദ്യാർത്ഥി മാസ്റ്റർ ശ്രീഹരി S എന്ന വിദ്യാർത്ഥി ക്യാഷ് അവാർഡിന് അർഹനായി. SSLCപരീക്ഷയിൽ 100 % വിജയവും 38 ഫുൾ A + ഉം ലഭിച്ചതിന്റെ പേരിൽ ഞങ്ങളുടെ സ്കൂൾ ട്രോഫി കരസ്ഥമാക്കി. ഈ സ്കൂളിലെ തന്നെ അധ്യാപകരുടെ മക്കളായ Kumari Anet , Master റയാൻ എന്നീ കുട്ടികൾ ,മാനേജ്‌മന്റ് സ്കൂളിലെ തന്നെ അധ്യാപകരുടെ മക്കൾ എന്ന നിലയിൽ ഉന്നത വിജയത്തിന് ട്രോഫികൾ കരസ്ഥമാക്കി.

ഫാ. ഡേവിസ് ചിറമ്മേലിന്റെ നേതൃത്വത്തിൽ കേരളമാകമാനം ഉള്ള സ്കൂളുകളിൽ നടത്തപ്പെടുന്ന മദർ തെരേസ ചാരിറ്റബിൾ സൊസൈറ്റി സംരംഭത്തിൽ സ്കൂളിലെ 5 മുതൽ 10 വരെയുള്ള ക്ലാസ്സുകളിലെ കുട്ടികൾ വളരെ താല്പര്യത്തോടെ പങ്കെടുക്കുന്നു. സമൂഹത്തിലേക്ക് ഇറങ്ങി ചെന്ന് ആവശ്യക്കാർക്ക് നന്മ ചെയ്യുക എന്ന ലക്‌ഷ്യം വച്ച് കൊണ്ട് പ്രവർത്തിക്കുന്ന ഈ സംരംഭത്തിൽ സെന്റ് തെരേസാസിലെ 4 കുട്ടികൾ സമ്മാനാർഹരായി . സെബിൻ ഷിബു, റെയ്ൻ കെ റിജോ, ആദർശ് അനീഷ്, ബ്ലെസ്സൺ തോമസ്

എന്നീ വിദ്യാർഥികൾ ആണ് സമ്മാനാർഹരായത് . എറണാകുളം സെന്റ് തെരേസാസ് കോളേജിൽ ജൂലൈ 13 ശനിയാഴ്ച നടന്ന പ്രൗഢ ഗംഭീരമായ ചടങ്ങിൽ പ്രസ്തുത കുട്ടികൾ 5000 rs വീതമുള്ള സമ്മാനങ്ങൾ ഏറ്റു വാങ്ങി.ജൂലൈ 15 തിങ്കളാഴ്ച പ്രസ്തുത കുട്ടികളെ സ്കൂൾ അസ്സെംബ്ലിയിൽ ആദരിച്ചു.

ജൂലൈ 22

കുട്ടികളിൽ പരിസ്ഥിതിസ്നേഹം, കൃഷിയോടുള്ള താല്പര്യ, ശുചിത്വം എന്നീ മനോഭാവങ്ങൾ വളർത്താൻ സഹായിക്കുന്ന 'സീഡ്‌സ്' എന്ന പരിപാടിയുടെ ഉദ്ഘടനം നടന്നു. നെൽകൃഷിയെ അടുത്തറിയുക എന്ന ലക്ഷ്യത്തോടെ 'പഴയ കതിർ, പുതിയ കൈകളിൽ' എന്ന ടൈറ്റിലിൽ ക്ലാസുകൾ നയിക്കപ്പെടുകയുണ്ടായി. 'എന്റെ നാടിൻറെ പൈതൃകം' , 'മഴയെ അറിയാം'തുടങ്ങിയ പ്രവർത്തനങ്ങളാണ് 'സീഡ്സ് 'ന്റെ ആഭിമുഖ്യത്തിൽ സ്കൂളിൽ ഈ അധ്യയനവർഷം നടത്തപ്പെടു.

ജൂലൈ 25 വ്യാഴം

'സ്മാർട്ട് ഇന്ത്യ' എന്ന വിഷയവുമായി ബന്ധപെട്ടു ടാറ്റ ബിൽഡിങ് ഇന്ത്യ സംഘടിപ്പിച്ച സ്കൂൾ തല ഉപന്യാസ മത്സരം നടത്തി.

മത്സരത്തിലെ U P തല വിജയികൾ:

I st .യദുനന്ദൻ കെ എ 6 B

II nd.ജെഫിൻ ജോമോൻ 7 B

III rd .അമൽദേവ് എം 6 B

H S തല വിജയികൾ :

I st .മാത്യു ജസ്റ്റിൻ 8 D

II nd .രോഹൻ സിജു 9 D

III rd . ആൽബി സൈബു 8 C

ചങ്ങനാശേരി ലയൺസ്‌ ക്ലബ്ബിന്റെ നേതൃത്വത്തിൽ നിർധനരും എന്നാൽ പഠനത്തിൽ നല്ല നിലവാരം പുലർത്തുന്നതുമായ 4 കുട്ടികൾക്ക് സൈക്കിൾ വിതരണം ചെയ്യുകയുണ്ടായി.

ജൂലൈ 29 തിങ്കൾ

സ്കൂൾതല പ്രവൃത്തിപരിചയമേള, കവിതാരച

ന എന്നിവ നടത്തി.

ഓഗസ്റ്റ് 7 ബുധൻ

സ്കൂൾതല കലോത്സവം നടത്തി. 3 വേദികളിലായി അതിമനോഹരമായ പരിപാടികൾ house അടിസ്ഥാനത്തിൽ കുട്ടികൾ അവതരിപ്പിച്ചു.

Sept.5 അധ്യാപക ദിനം

https://youtu.be/GAwjskkkIKA?si=E6h5MGShZJfyEEqL

അധ്യാപക ദിനത്തിൽ കുട്ടികൾ അധ്യാപകർക്ക് ഗുരുവന്ദനം അർപ്പിച്ചു . പരീക്ഷാദിനം ആയിരുന്നതിനാൽ രാവിലത്തെ പരീക്ഷക്ക് ശേഷവും ഉച്ച കഴിഞ്ഞത്തെ പരീക്ഷക്ക് ശേഷവും ആയി നടത്തിയ ചടങ്ങിൽ കുട്ടികൾ അധ്യാപകർക്ക് സമ്മാനം നൽകി അവരുടെ സ്നേഹം അറിയിച്ചു. കാനറാ ബാങ്ക് ചങ്ങനാശേരി ബ്രാഞ്ച് ഉദ്യോഗസ്ഥർ ഈ അധ്യാപക ദിനത്തിൽ സെന്റ് തെരേസാസ് സ്കൂളിലെ എല്ലാ അധ്യാപകർക്കും ഉപഹാരം നൽകി ആദരിച്ചു. ചടങ്ങിൽ സ്കൂൾ ഹെഡ്മിസ്ട്രസ് റെവ.സിസ്റ്റർ. ആനി ആലഞ്ചേരിൽ എല്ലാ അധ്യാപകരുടെയും പേരിൽ നന്ദി അർപ്പിച്ചു.

Sept .10

ഒന്നാം പാദവാർഷിക പരീക്ഷയുടെ ആറാം ദിനം.വയനാട് ദുരന്തത്തിന്റെ പശ്ചാലത്തിൽ വിപുലമായ രീതിയിൽ നടത്താനിരുന്ന ആഘോഷം വളരെ ലളിതമാക്കി, കുട്ടികൾക്ക് പായസം വിളമ്പി ആഘോഷിച്ചു.

https://youtu.be/7WsQz7VWKsI?si=qerUSi9zpogHSWdW

നെടുങ്കുന്നം B .Ed കോളേജിൽ വച്ച് നടന്ന ഇന്റർ സ്കൂൾ ക്വിസ് കോംപെറ്റീഷനിൽ ക്ലാസ് 9 ലെ റോഷൻ ജോജി മാത്യു, മുഹമ്മദ് അക്രം എന്നിവർ ഒന്നാം കരസ്ഥമാക്കി. ലളിതഗാന മത്സരത്തിൽ ക്ലാസ് 9 ലെ ഗൗതം കൃഷ്ണൻ 3 ആം സ്ഥാനവും പ്രസംഗമത്സരതിൽ 8 ആം ക്ലാസ്സിലെ ലിനോ ലൈജു രണ്ടാം സ്ഥാനവും നേടുകയുണ്ടായി.

lലഹരി വിരുദ്ധ പ്രതിജ്ഞ എടുക്കുന്നതിന്റെ ഭാഗമായി ചങ്ങനാശേരി മുനിസിപ്പാലിറ്റി നടത്തിയ മനുഷ്യ ചങ്ങല തീർത്ത ചടങ്ങിൽ സെന്റ് തെരേസാസ് സ്കൂളിലെ വിദ്യാർഥികൾ.

ചങ്ങനാശേരി സബ് ജില്ലാ വാർത്ത വായന മത്സരതിൽ ക്ലാസ് 9 ലെ ശ്രീഹരി എസ് മൂന്നാം സ്ഥാനം നേടി.

വിദ്യാരംഗം കലാസാഹിത്യവേദിയുടെ ആഭിമുഖ്യത്തിൽ നടന്ന ജില്ലാ തല സെമിനാറിൽ ശ്രീഹരി എസ് നു രണ്ടാം സ്ഥാനം ലഭിച്ചു.

ചിത്രത്തിന്റെ സ്ഥാനം മാറ്റി

സ്കൂൾ പ്രവേശനോത്സവം (2025-'26)

2025 ജൂൺ 2 തിങ്കളാഴ്ച 2025-'26 അധ്യയന വർഷത്തെ പ്രവേശനോത്സവം നിറഞ്ഞ സദസ്സിൽ വളരെ ഭംഗിയുടെ നടന്നു. മുഖ്യാതിഥികളായി ചങ്ങനാശേരിയുടെ പ്രിയങ്കരനായ M L A ശ്രീ ജോബ് മൈക്കിൾ , St :തെരേസാസ് ഹയർ സെക്കന്ററി സ്കൂൾ പ്രിൻസിപ്പൽ ശ്രീമതി ഷിജിമോൾ വര്ഗീസ്, വാർഡ് കൗൺസിലർ ശ്രീമതി പ്രിയ രാജേഷ്,എക്സൈസ് ഉദ്യോഗസ്ഥൻ ശ്രീ.രാജേഷ് ,പി ടി എ പ്രസിഡന്റ് ശ്രീ ജെയിംസ് പി ജെഎന്നിവർ പങ്കെടുത്ത ചടങ്ങിൽ സീനിയർ അസിസ്റ്റന്റ് ശ്രീമതി മറിയം മെഡീലാ ജോസ് ഏവരെയും സ്വാഗതം ചെയ്തു, സിസ്റ്റർ ആനി മാത്യു ആലഞ്ചേരിൽ ആശംസ അർപ്പിക്കുകയും സ്റ്റാഫ് സെക്രട്ടറി ശ്രീ,ജോസ് പി പ്രകാശ് നന്ദി പറയുകയും ചെയ്തു.

എക്സൈസ് ഉദ്യോഗസ്ഥൻ ശ്രീ. രാജേഷ് ഈ വര്ഷം സ്കൂളിലേക്ക് പുതിയതായി കടന്നു വന്ന എല്ലാ വിദ്യാർത്ഥികൾക്കും അവരുടെ മാതാപിതാക്കൾക്കും വലിയ സാമൂഹ്യ വിപത്തായ ലഹരിയെ കുറിച്ച് ബോധവത്ക്കരണം നൽകി. എല്ലാ വിദ്യാർത്ഥികളെയും അവരുടെ മാതാപിതാക്കളെയും ഹൃദ്യമായി സ്വാഗതം ചെയ്തു.എല്ലാവർക്കും നല്ല ഒരു അധ്യയന വർഷം ആശംസിക്കുന്നു .

ജൂൺ 5 പരിസ്ഥിതി ദിനം

പരിസ്ഥിതി ദിനവുമായി ബന്ധപ്പെട്ട് ചാൾസ് പാലാത്ര വിദ്യാർത്ഥികൾക്ക് വൃക്ഷതൈകൾ വിതരണം ചെയ്യുകയും സ്കൂൾ വളപ്പിൽ തൈകൾ നടുകയും ചെയ്തു.പരിസ്ഥിതി സംരക്ഷണവുമായി ബന്ധപ്പെട്ട് വിദ്യാർത്ഥികൾക്ക് ബയോളജി അദ്ധ്യാപിക ബോധവത്ക്കരണ ക്ലാസ് നൽകി.

_{ജൂൺ 19 വായനാദിനം}

വായനാദിനത്തോടനുബന്ധിച്ചു സ്കൂൾ അസംബ്ലി നടത്തി. അസ്സെംബ്ലിയിൽ പ്രസംഗം ,പാട്ട് ,കവിതാ പാരായണം,പുസ്തകാസ്വാദനം എന്നിവ നടത്തുകയും ബഹുമാനപ്പെട്ട ഹെഡ്മിസ്ട്രസ് സിസ്റ്റർ ആനി മാത്യു ആലഞ്ചേരിൽ വായനാദിന സന്ദേശം നൽകുകയും ചെയ്തു. ചങ്ങനാശേരി അതിരൂപത K C S L ഡയറക്ടർ Fr .ജോജോ പള്ളിച്ചിറ സ്കൂൾതല K C S L ന്റെ 2025 -26 വർഷത്തെ പ്രവർത്തനങ്ങൾ ഉദ്‌ഘാടനം ചെയ്തു.

ജൂൺ 20

വായനവാരത്തോടനുബന്ധിച്ചു വിവിധ മതഗ്രന്ഥങ്ങളിൽ നിന്ന് വിദ്യാർഥികൾ വായന നടത്തി. പഠനത്തിൽ പിന്നോക്കം നിൽക്കുന്ന കുട്ടികൾക്ക് B .Ed പ്രാക്ടിസിനെത്തിയ വിദ്യാർത്ഥികളുടെ സഹായത്തോടെ ക്ലാസ് തിരിച്ചു മലയാളം അക്ഷരമാല പഠിപ്പിച്ചു.

ജൂൺ 30

കുട്ടികളിൽ പരിസ്ഥിതിയോട് സ്നേഹവും സൗഹാർദ്ദവും ഉണർത്തുന്നതിന്റെ ഭാഗമായി 'ചങ്ങാതിക്കൊരു വൃക്ഷത്തൈ ' എന്ന പരിപാടി നടത്തി. സ്കൂൾ മുൻ അധ്യാപകൻ ശ്രീ. റിജോമോൻ ഹെഡ്മിസ്ട്രസ് സിസ്റ്റർ ആനി മാത്യു ആലഞ്ചേരിലിനു വൃക്ഷത്തൈ കൈമാറി ചടങ്ങു ഉദ്‌ഘാടനം ചെയ്തു. കുട്ടികൾ അവരുടെ വീടുകളിൽ നിന്ന് തൈകൾ കൊണ്ടുവന്നു പരസ്പരം കൈമാറി. ഈ ചടങ്ങു കുട്ടികൾക്ക് പുതിയ ഒരു അനുഭവമായി.

ജൂലൈ 5 നു ചങ്ങനാശേരി കോർപ്പറേറ്റ് മാനേജ്‌മന്റ് സംഘടിപ്പിച്ച Merit Day യിൽ S S L C പരീക്ഷയിൽ 100 % വിജയം നേടിയതിനു ചങ്ങനാശേരി അതിരൂപത ആർച്ച്ബിഷപ് മാർ തോമസ് തറയിൽ പിതാവിൽ നിന്ന് പുരസ്കാരം ഏറ്റു വാങ്ങുന്നു.

U P S C എക്സാം എഴുതി ഉയർന്ന വിജയം നേടി Indian Information Service ഇൽ സേവനം ചെയ്യുന്ന , ഈ സ്കൂളിലെ ഹയർ സെക്കന്ററി വിഭാഗം പൂർവ്വവിദ്യാർത്ഥിയും പൂർവ്വാധ്യാപികയുടെ മകളുമായ ദിവ്യ ആൻ മാത്യു സ്കൂളിലെ ഹൈ സ്കൂൾ വിഭാഗം കുട്ടികൾക്ക് തന്റെ വിജയഗാഥ കുട്ടികളുമായി പങ്കു വയ്ക്കുന്നു.

ജൂലൈ 10

'സംവാദ ' എന്ന പരിപാടിയുമായി ബന്ധപ്പെട്ട് ചങ്ങനാശേരി ജുഡീഷ്യൽ മജിസ്‌ട്രേറ്റ് കോടതിയിൽ 10 ആം ക്ലാസ്സിലെ 30 കുട്ടികൾക്ക് കോടതിയിലെ വ്യവഹാരങ്ങളെ സംബന്ധിച്ച് ബെഞ്ച് ക്ലാർക്ക് ശ്രീ സുജിത് ബോധവത്ക്കരണ ക്ലാസ് നൽകി. വ്യക്തിഗതമായി ഓരോ കുട്ടികൾക്കും ഉണ്ടാകേണ്ട ഗുണങ്ങളെക്കുറിച്ചു നല്ല ക്ലാസ് കുട്ടികൾക്ക് ലഭിച്ചു. കോടതി പ്രവർത്തനങ്ങൾ ലൈവായി കാണാനും ഈ കുട്ടികൾക്ക് അവസരം ലഭിച്ചു.

വിദ്യാർത്ഥികൾ കോടതി സമുച്ചയത്തിന് മുൻപിൽ

കോതനല്ലൂർ ഇമ്മാനുവെൽസ് ഹയർ സെക്കന്ററി സ്കൂളിൽ വച്ച് നടന്ന മഹാകവി കോതനല്ലൂർ ജോസഫ് അനുസ്മരണ അഖില കേരളം കവിതാ രചന മത്സരത്തിൽ പത്താം ക്ലാസ്സിൽ പഠിക്കുന്ന ശ്രീഹരി എസ് നു രണ്ടാം സ്ഥാനം ലഭിച്ചു.

ദേവസ്വം ബോർഡ് ആൻഡ് പോർട്സ് & കോപ്പറേഷൻ മന്ത്രി Sri V N വാസവൻ ഇത് നിന്നും ശ്രീഹരി എസ് അവാർഡ് സ്വീകരിക്കുന്നു.

ജൂലൈ 21 തിങ്കൾ :ചാന്ദ്രദിനം

ചാന്ദ്രദിനത്തോടനുബന്ധിച്ചു ക്വിസ് ,ഉപന്യാസം എന്നിവ നടത്തി.

ജൂലൈ 22 ചൊവ്വ :

Midterm Evaluation റിസൾട്ടിന്റെ വെളിച്ചത്തിൽ കുട്ടികളുടെ പഠനനിലവാരം ഉയർത്താൻ പരിഹാരബോധനം നൽകി. കുട്ടികളുടെ പഠന പ്രശ്നങ്ങളുമായി ബന്ധപ്പെട്ട് St : Thomas Hospital , Chethipuzha യിലെ ക്ലിനിക്കൽ സൈക്കോളജിസ്റ് Dr .ശ്രീജിത്ത് നായർ മാതാപിതാക്കൾക്ക് പ്രശ്നപരിഹാര ബോധനം നൽകി.

ജൂലൈ 25 വെള്ളി :

സ്കൂൾ തലത്തിൽ ഗണിത,ശാസ്ത്ര , സാമൂഹ്യശാസ്ത്ര,,പ്രവൃത്തിപരിചയ, I T മേളകൾ സംഘടിപ്പിച്ചു. അതിൽ നിന്നും സബ് ജില്ലാ തലത്തിൽ ഓരോ ഇനങ്ങളിലും മത്സരിക്കാൻ യോഗ്യരായ കുട്ടികളെ കണ്ടെത്തി.

ജൂലൈ 30 ബുധൻ :

മുണ്ടക്കൈ ചൂരൽമല ദുരന്തത്തിന്റെ വേദനാജനകമായ ഓർമ്മയ്ക്ക്‌ മൗനപ്രാർത്ഥന നടത്തി.

ജൂലൈ 31 - ഓഗസ്റ്റ് 1

സ്കൂൾ കലോത്സവം

Blue, Green, Red,Yellow എന്നീ ഗ്രൂപ്പ് അടിസ്ഥാനത്തിൽ നടത്തിയ വിവിധ ഇനം കലാപരിപാടികളിൽ കുട്ടികൾ വാശിയോടെ

മാറ്റുരച്ചു.വിജയികളായ കുട്ടികൾക്ക് സമ്മാനങ്ങൾ വിതരണം ചെയ്തു. കലാതിലകമായി Std X D യിലെ മുഹമ്മദ് അക്രം തെരഞ്ഞെടുക്കപ്പെട്ടു.