Schoolwiki സംരംഭത്തിൽ നിന്ന്
ചരിത്രം
തൃശൂർ ജില്ലയിൽ കുന്നംകുളം താലൂക്കിൽ കാണിപ്പയ്യൂർ പ്രദേശത്താണ് അടുപ്പുട്ടി എന്ന ഗ്രാമം.കുന്നംകുളം പട്ടണത്തിൽനിന്നു ഒരു കിലോമീറ്റർ കിഴക്കായി ഒരു കുന്നിനു മുകളിലാണ് ഈ സ്കൂൾ സ്ഥിതി ചെയ്യുന്നത്. കാക്കശ്ശേരി ജോസെഫ് കോർ എപ്പിസ്കോപ്പറ്യുടെ ഉടമസ്ഥതയിൽ ഉണ്ടായിരുന്ന സ്ഥലം മലങ്കര ഓർത്തഡോക്സ് സഭയിലെ സന്യാസിനി സമൂഹമായ സെൻറ് മേരി മഗ്ദലിന കോൺവെൻറ് സിസ്റ്റേഴ്സിന് ദാനം ചെയ്തു.ഈ സ്ഥലത്ത് 1975ൽ മാർ സേവേറിയോസ്‌ മെമ്മോറിയൽ നേഴ്സറി സ്കൂൾ ആരംഭിച്ചു. തുടർന്ന് ഒരു യു.പി സ്കൂൾ സ്ഥാപിക്കുന്നതിന് നാട്ടുകാരിൽനിന്ന് സമ്മർദ്ദം ഉണ്ടായി സർക്കാരിലേക്ക് അപേക്ഷ സമർപ്പിച്ചു. ഈ സ്ഥാപനത്തിൻറെ ഉത്തമ സുഹൃത്തും അന്നത്തെ ഭക്ഷ്യ മന്ത്രിയും ആയിരുന്ന ശ്രീ.ഇ.ജോൺ ജേക്കബിൻറെ സഹായ സഹകരണത്തോടെ ഒരു യു.പി.സ്ക്കൂൾ അനുവദിച്ചുകിട്ടുകയും 1976 ജൂണ മാസത്തി മന്ത്രി. ശ്രീ.ഇ.ജോൺ ജേക്കബ് തന്നെ ഉദ്ഘാടനം നടത്തുകയും ചെയ്തു. ഓർത്തഡോൿസ്‌ സഭയിലെ മുൻ പരമാധ്യക്ഷൻ H.H മോറാൻ മാർ ബസ്സേലിയോസ് പൌലോസ് ദ്വിതിയൻ കാതോലിക്ക ബാവയും, ഇപ്പോഴത്തെ പരമാധ്യക്ഷൻ H.H മോറാൻ മാർ ബസ്സേലിയോസ് മാർത്തോമ മാത്യൂസ് തൃതീയൻ കാതോലിക്ക ബാവയും,ബഹു.കാക്കശ്ശേരി ജോസെഫ് കോർ എപ്പിസ്കോപ്പയും ഈ വിദ്യാലയത്തിൻറെ ആരംഭത്തിനു വളരെ അധികം ശ്രമിച്ചവരാണ്.
ഈ വിദ്യാലയത്തിൻറെ ആദ്യത്തെ മാനേജർ Rev. കാക്കശ്ശേരി ജോസെഫ് കോർ എപ്പിസ്കോപ്പ ആയിരുന്നു. ഇപ്പോൾ ഈ സ്ക്കൂളിൻറെ മാനേജർ Rev.മദർ സുപീരിയർ ലുദിയ ഒ.സി.സി.ആണ്.
