വൈക്കിലശ്ശേരി യു പി എസ്/ചരിത്രം

സ്കൂൾ

സൗകര്യങ്ങൾ

പ്രവർത്തനങ്ങൾ

ക്ലബ്ബുകൾ

ചരിത്രം

അംഗീകാരം

1924 ഈ വിദ്യാലയം സ്ഥാപിതമായി. തെക്കെ ഇല്ലത്തിന്റെ പഠിപ്പുരയിൽ ഒരു പള്ളിക്കൂടം പ്രവർത്തിച്ചതായി ഇവിടുത്തെ വൃദ്ധ ജനങ്ങൾ പറയുന്നു. ഈ പള്ളിക്കൂടത്തിന്റെ സജീവ പ്രവർത്തകരിൽ ഒരാളായിരുന്നു അന്നത്തെ അധികാരിയായിരുന്ന ശ്രീ.എം. പി കൃഷ്ണക്കുറുപ്പ്. തെക്കേ ഇല്ലത്തിന്റെ പടിപ്പുര വിദ്യാലയത്തിലന്റെ പ്രവർത്തനം സുഗമമായി നടത്താൻ പ്രയാസം ഉണ്ടായതിനാൽ ഈ പ്രദേശത്തെ കുട്ടികളെ ക്ലേശം ഇല്ലാതെ പഠിപ്പിക്കാൻ ഒരു പുതിയ സാഹചര്യമൊരുക്കി. ശ്രീ എം പി കൃഷ്ണ കുറുപ്പിനെ നേതൃത്വത്തിൽ ഒരു വനിത വിദ്യാലയം  1925 പ്രവർത്തനം തുടങ്ങി. ആദ്യം ഒരു കെട്ടിടം മാത്രമേ ഉണ്ടായിരുന്നുള്ളൂ.ആ കാലഘട്ടത്തിൽ പറമ്പിൽ പണി ചെയ്യുമ്പോൾ യാദൃശ്ചികമായി സമീപത്തുതന്നെ ഒരു കിണർ കാണപ്പെട്ടു. ഈ കിണറാണ് ഇന്നും വിദ്യാലയത്തിന്റെ കുടിവെള്ള സ്രോതസ്സ്.

ഒരു പെൺപള്ളിക്കൂടം എന്ന നിലയിൽ തുടക്കത്തിൽ പ്രധാന അധ്യാപികയുടെ സ്ഥാനം വനിതകൾക്ക് മാത്രമായിരുന്നു. ചരിത്ര അന്വേഷണത്തിനിടയിൽ ലഭിച്ച രേഖകൾ പ്രകാരം താഴെ പേര് എഴുതിയവർ അക്കാലത്തെ അധ്യാപകരാണ് എന്ന് കാണാൻ കഴിയും. ശ്രീ.എം.പി കൃഷ്ണക്കുറുപ്പ്, ശ്രീ.ശങ്കരൻ നമ്പ്യാർ, ശ്രീ.ആർ മാധവപ്പണിക്കർ, ശ്രീ.മനത്താനത്ത് നാരായണൻ നമ്പ്യാർ, ശ്രീ.ചന്തു മാസ്റ്റർ, ശ്രീമതി.തമ്പായി അമ്മ, ശ്രീമതി.നാണി ടീച്ചർ, 1945  ൽ ശ്രീമതി.കുഞ്ഞിക്കാവ അമ്മയും അധ്യാപികയായി വിദ്യാലയത്തിൽ എത്തി. പ്രധാന അധ്യാപിക എന്ന നിലയിൽ ആയിരുന്നു ശ്രീമതി. കുഞ്ഞിക്കാവ അമ്മയുടെ തുടക്കം.

1949ൽ യുപി സ്കൂളായി ഉയർത്തപ്പെട്ടു. സ്കൂൾ മാനേജ്മെന്റ് ശ്രീ എം.പി കുഞ്ഞികൃഷ്ണകുറുപ്പിൽ  നിന്ന് ശ്രീമതി.തമ്പായി അമ്മയിലേക്ക് മാറ്റപ്പെട്ടു. പിന്നീട് ശ്രീമതി.കുഞ്ഞിക്കാവ അമ്മയാണ് മാനേജർ