ഗ്രാമീണ ജീവിതത്തിൻ വശ്യതയിലലിഞ്ഞും
നഗരജീവിതത്തിൻ വർണപ്പകിട്ടിൽ മയങ്ങിയും-
ഇരവിനെപ്പോലും പകലുകളാക്കി മാറ്റി
എന്തിനോ ഏതിനോ നെട്ടോട്ടമോടിയോരാ മാനവർ
നിനച്ചതില്ലേയിത്തരമൊരു മഹാമാരി തൻ താണ്ഡവം.
കുതിച്ചു പായും വാഹനങ്ങളില്ലാ നിരത്തിൽ ,
മദ്യശാലകളില്ലാ ആകർഷകമാം ഭക്ഷണമൊരുക്കുമിടങ്ങളില്ലാ ,
ഉള്ളലിഞ്ഞാ ദൈവതിരുമുമ്പിലണഞ്ഞീടാൻ
ഉള്ളതിലൊതുങ്ങീടാൻ, ക്ഷമതൻ പാഠം പഠിക്കാൻ
ലോകം തൻ കൈപ്പിടിക്കുള്ളിലെന്നഹങ്കരിച്ച
മാനുഷർക്കൊന്നുണർന്നു ചിന്തിക്കാൻ
വന്നു ചേർന്നതാണീ ഈശ്വരനിശ്ചിത സമയം
എങ്കിലും മാറീടുമോ മാഞ്ഞീടുമോ മാനുഷാ
നിന്നിലലിഞ്ഞു ചേർന്നൊരാ ഞാനെന്ന ഭാവം.