E - കളിയൊരു തീക്കളിയാണേ
തീയെന്നാൽ അഗ്നിയുമാണേ
അറിവും അഗ്നിയുമൊന്നാണേ
അതുകൊണ്ടാണറിവുണ്ടാകാൻ
പഴമക്കാരൊത്തു വിളിച്ചത്
"തമസോമാ ജ്യോതിർഗമയ".
അറിവിന്റെ അഗ്നിച്ചിറകിൽ
ആകാശക്കുടയുടെ മേലെ
ആവേശത്തോടെ പറക്കാം
തീയ്യല്ലറിവിന്റെ വെളിച്ചം
അറിവിന്റെ വെളിച്ചം കുളിരാ -
ണതു ചുട്ടു ദഹിപ്പിക്കില്ല
അറിവിന്റെ വെളിച്ചം തേടി
E - വഴിയേ പോകുന്നവരേ
E - ചിറകിൽ കത്തിപ്പടരും
തീയുണ്ടത് സൂക്ഷിക്കേണം
വിരലിൻ തുമ്പത്തെ വെളിച്ചം
നിധിയാണതു നേടേണം നാം
നിധി കാക്കും ഭൂതവുമുണ്ടേ
സൂക്ഷിച്ചാൽ ദുഃഖിക്കേണ്ട .