വി.എം.സി.ജി.എച്ച്.എസ്.എസ്. വണ്ടൂർ/അക്ഷരവൃക്ഷം/കയ്പ്പും മധുരവും

കയ്പ്പും മധുരവും കളി കഴിഞ്ഞ് വീട്ടിലേക്ക് കയറുമ്പോൾ എന്നും അമ്മ പറയാറുണ്ട് " കൈയ്യും കാലും കഴുകീട്ട് അകത്തേക്ക് കയറിയാ മതി" കളിച്ചു കുഴങ്ങിയതിനാൽ അമ്മ പറയുന്നത് കേട്ടത് ഇഷ്ടക്കേടോടെയായിരുന്നു. മുഷിഞ്ഞ ഉടുപ്പുകൾ അലക്കാനുള്ള വസ്ത്രങ്ങളിടുന്ന ബക്കറ്റിലിടാത്തതിന് എത്ര വഴക്കു കേട്ടിരിക്കുന്നു !. പഠിക്കാനേറെയുണ്ട് . വേഗം കുളിച്ചെന്നു വരുത്തി പുറത്ത് ചാടാൻ നോക്കിയാലും അമ്മ സമ്മതിക്കില്ല . " സോപ്പ് നല്ലോണം തേക്കണം, ?രോഗാണുക്കളൊക്കെ പോകണ്ടെ" ? പരസ്യക്കാര് പറ്റിക്കാൻ പറയുന്ന വാക്കല്ലേ "കീടാണു " എന്ന് അമ്മയെ കളിയാക്കും പക്ഷേ ഇപ്പോൾ മനസ്സിലാകുന്നു, വീടാണ് എല്ലാം .... വീട്ടിൽ കയറും മുമ്പ് സ്വയം വൃത്തിയാവണം .വ്യക്തി ശുചിത്വം നിർബന്ധം . രണ്ടു നേരം സോപ്പു തേച്ച് കുളിക്കണം. ലോകത്തെ വെല്ലു വിളിക്കുന്ന കൊറോണക്കെതിരെ പോലും ജയിച്ചു വരാൻ വ്യക്തി ശുചിത്വത്തെക്കാൾ വലിയ ഒരു മരുന്നില്ല ..... നമ്മൾ മലയാളികളുടെ ശുചിത്വശീലങ്ങൾ എത്ര ആരോഗ്യകരമാണ്! " മൂത്തവർ മൊഴിയും മുതുനെല്ലിക്കയുംആദ്യം കയ്ക്കും പിന്നെ മധുരിക്കും ✳️✳️✳️✳️✳️✳️✳️✳️ സ‍ുധീപ് സ‍ുരേന്ദ്രൻ 10 C വി.എം.സി.ജി.എച്ച്.എസ്.എസ്. വണ്ടൂർ വണ്ടൂർ ഉപജില്ല മലപ്പുറം അക്ഷരവൃക്ഷം പദ്ധതി, 2020 കഥ  സാങ്കേതിക പരിശോധന - jktavanur തീയ്യതി: 22/ 04/ 2020 >> രചനാവിഭാഗം - കഥ