ലൂർദ് മാതാ എച്ച് എസ് എസ് പച്ച/അക്ഷരവൃക്ഷം/മാതൃഭാഷ

മാതൃഭാഷ "മറ്റുള്ള ഭാഷകൾ കേവലം ധാത്രിമാർ മർത്യനു പെറ്റമ്മ തൻ ഭാഷ തൻ" വള്ളത്തോളിൻെറ ഈ വരികൾ മാതൃഭാഷയുടെ സാന്നിധ്യം നമുക്കു പകർന്ന് തരുന്നതാണ്. എൻെറ മക്കൾക്ക് മലയാളം അറിയില്ല എന്നതിൽ അഭിമാനം കൊള്ളുന്നവരാണ് ഇന്നത്തെ മാതാപിതാക്കളിൽ പലരും. മാതൃഭാഷാപഠനം വിദ്യാഭ്യാസരംഗത്ത് നിർബന്ധിതമാക്കണമെന്ന് വിദ്യഭ്യാസ അധികൃതർ പറയുമ്പോഴും മലയാളം എന്തെന്നറിയാത്ത ഡോക്ടർമാരും എ‍ഞ്ചിനീയർമാരും ഇന്ന് സൃഷ്ടിക്കപ്പെടുന്നു. ആധുനികതയുടെ വർണ്ണ വിസ്മയങ്ങളിൽ ചേക്കേറിയപ്പോൾ മലയാളി മറന്നത് നമ്മുടെ സംസ്ക്കാരവും മലയാളവും തന്നെയാണ്. ആദ്യം കേൾക്കുന്നതും ആദ്യം പറയുന്നതും മലയാളമാണെങ്കിലും മലയാള ഭാഷയെ ഇന്നുവരെ നാം ബഹുമാനിച്ചിട്ടില്ല എന്നതാണ് വാസ്തവം. അയൽ നാട്ടുകാർ അവരുടെ ഭാഷയോട് കാണിക്കുന്ന ആദരവ് നാം കണ്ടുപഠിക്കേണ്ടതു തന്നെയാണ്. ഭാഷ ഒരു സംസ്ക്കാരമാണ്. ഭാഷയുടെ ശ്രേഷ്ഠ പദവി ജനതയുടെ മാതൃപദവിയെ പ്രതിനിധാനം ചെയ്യുന്നു. മധുരമായ ഈ മലയാളത്തെ മാറോടു ചേർക്കാൻ നമുക്ക് കഴിയണം. റീത്താമ്മ ദേവസ്യ 9A ലൂർദ് മാതാ എച്ച് എസ് പച്ച തലവടി ഉപജില്ല ആലപ്പുഴ അക്ഷരവൃക്ഷം പദ്ധതി, 2020 ലേഖനം  സാങ്കേതിക പരിശോധന - Sachingnair തീയ്യതി: 07/ 02/ 2022 >> രചനാവിഭാഗം - ലേഖനം