റിപ്പബ്ലിക്കൻ വി.എച്ച്.എസ്.എസ് കോന്നി/അക്ഷരവൃക്ഷം/പുതിയ കാഴ്ചകളിലേക്ക്

പുതിയ കാഴ്ചകളിലേക്ക്  പഴയ കലണ്ടർ       ചുമരിൽ നിന്നും       പിഴുതങ്ങ്       മാറ്റിക്കഴിഞ്ഞു നമ്മൾ .       ദിവസത്തെ       കള്ളിയിലാക്കി വീണ്ടും       നിവരും പുതിയ കലണ്ടർ       മുന്നിൽ     മുപ്പതും മുപ്പത്തിയൊന്നുമായി     മാസം മറിഞ്ഞുമറഞ്ഞു പോകെ,     മൂപ്പു കൂടുന്നു നമുക്ക്,     കാലത്തിനോ     കാഴ്ചകൾ കുന്നു കൂടുന്നു.     പാദങ്ങളുന്നുന്നു     നീണ്ട കാലം     പോകേണ്ട പാതയിലേക്ക്     നമ്മൾ.     ഇനിയെന്ത് ?     വിസ്തൃതമായ ലോകം     വഴി തുറക്കുന്നു ,     നമ്മുക്കു മുന്നിൽ.     കാഴ്ചകൾ മങ്ങിയ     കാരണോർമാർ     കണ്ടു കഴിഞ്ഞ കനൽ     വഴികൾ     നോക്കി, പുതിയ     ചരിത്ര രേഖ     വരയുകയാകാം നമുക്കു     പിന്നെ .    ഇതുവരെ -    യാരും നടന്നിടാത്ത    ഇടവഴി തേടി നടക്കയാകാം.    ഇനിയുമെത്താത്ത    ഗ്രഹവിസ്മയം    കാണുവാനുള്ളൊരു    യാത്രയാകാം    വാനിലെത്തുന്നൊരു    വാൽ വിസ്മയ -    ക്കാഴ്ചയിലേക്കൊരു    വാതിൽ നൽകാം   ഉയരട്ടെയുള്ളിൽ   ടെലിസ്കോപ്പുകൾ   മിഴി നീട്ടി ക്ഷീരപഥത്തിലേക്ക് Dhanya V S 9 C റിപ്പബ്ലിക്കൻ വി.എച്ച്.എസ്.എസ് ,കോന്നി കോന്നി ഉപജില്ല പത്തനംതിട്ട അക്ഷരവൃക്ഷം പദ്ധതി, 2020 കവിത  സാങ്കേതിക പരിശോധന - pcsupriya തീയ്യതി: 19/ 04/ 2020 >> രചനാവിഭാഗം - കവിത