രാമപുരം എൽ പി എസ്/അക്ഷരവൃക്ഷം/അതിജീവിക്കും നമ്മൾ

അതിജീവിക്കും നമ്മൾ ഇന്ന് നമ്മുടെ ലോകത്തെ തന്നെ കീഴടക്കി പടരുന്ന ഒന്നാണ് കൊറോണ വൈറസ്. ചൈനയിലെ വുഹാനിൽ നിന്ന് ആരംഭിച്ച് മറ്റു രാജ്യങ്ങളിലൊക്കെ പടർന്ന നോവൽ കൊറോണ വൈറസ് ബാധിച്ച് ഒന്നര ലക്ഷത്തിൽ അധികം പേർ മരിച്ചു കഴിഞ്ഞു. < കോവിഡ് - 19 എന്ന് പേരിട്ടിരിക്കുന്ന ഈ രോഗത്തിന് നിലവിൽ മരുന്നോ വാക്സിനേഷനോ ഇല്ല. ഈ വൈറസ് ശ്വാസനാളിയെയാണ് ബാധിക്കുന്നത്. ചുമ, ശ്വാസതടസ്സം, തൊണ്ടവേദന എന്നിവയാണ് വൈറസ് ബാധയുടെ ലക്ഷണങ്ങൾ. രോഗം ഗുരുതരമായാൽ ന്യുമോണിയ ആവാനും മരണം സംഭവിക്കാനും സാധ്യതയുണ്ട്. < പ്രതിരോധമാണ് രോഗം പിടിച്ചു നിർത്താനുള്ള ഏക പോംവഴി. ശക്തമായ രോഗ പ്രതിരോധ ശേഷി ഉണ്ടെങ്കിൽ മാത്രമേ വൈറസ് ബാധയിൽ നിന്ന് രക്ഷനേടാൻ കഴിയൂ. പ്രതിരോധശേഷി വർദ്ധിപ്പിക്കാൻ സഹായിക്കുന്ന തരത്തിൽ പോഷകങ്ങളടങ്ങിയ ഭക്ഷണം കഴിക്കണം. ചിട്ടയായ ഭക്ഷണത്തിലൂടെയും വ്യായാമത്തിലൂടെയും നമുക്ക് പ്രതിരോധശേഷി വർദ്ധിപ്പിക്കാം. < ഇന്ന് നമ്മുടെ ലോകം നേരിടുന്ന വലിയ ഒരു വെല്ലുവിളിയായി മാറിയിരിക്കുകയാണ് കോവിഡ് - 19. ഈ രോഗവ്യാപനം എത്ര നാൾ തുടരുമെന്നോ എന്ന് അവസാനിക്കുമെന്നോ ആർക്കും പറയാൻ സാധിക്കുന്നില്ല. ലോക ജനതയെ മൊത്തം വീട്ടിലിരുത്തിയ ഒരു വില്ലനായി കോവിഡ്‌ - 19 മാറിയിരിക്കുന്നു. എന്നാൽ ഈ കോവിഡ് കാലവും കഴിഞ്ഞു പോകും. സർക്കാർ നിർദ്ദേശങ്ങൾ കൃത്യമായി പാലിച്ച് ആരോഗ്യ പ്രവർത്തകരുടെ സഹായത്തോടെ ഞങ്ങൾ തീർച്ചയായും കോവിഡ്- 19 നെ അതിജീവിക്കും. < സമ്പർക്കത്തിലൂടെ രോഗിയുടെ ശരീര സ്രവങ്ങൾ വഴിയാണ് രോഗം മറ്റുള്ളവരിലേക്ക് എത്തുന്നത്. രോഗമുള്ളവർ ചുമയ്ക്കുമ്പോഴും തുമ്മുമ്പോഴും വായിൽ നിന്ന് തെറിക്കുന്ന സ്രവത്തുള്ളികൾ വഴി വൈറസ് മറ്റുള്ളവരിലേക്ക് എത്തുന്നു. വൈറസ് സാനിധ്യമുള്ളയാളെ സ്പർശിക്കുമ്പോൾ രോഗം പടരാം. ആ കൈ കൊണ്ട് മൂക്കിലോ കണ്ണിലോ മറ്റും തൊട്ടാലും രോഗം പകരും. ശുചിത്വം പാലിക്കുക എന്നതാണ് ഈ മാരകരോഗം പകരാതിരിക്കാനുള്ള മുൻകരുതൽ. തുമ്മുമ്പോഴും ചുമക്കമ്പോഴും തൂവാലയോ ടിഷ്യൂ പേപ്പ റോ ഉപയോഗിക്കണം. ആശൂപത്രി സന്ദർശനം പരമാവധി ഒഴിവാക്കുക. പൊതു ഇടങ്ങളിലോ ആശുപത്രികളിലോ പോയി വന്നാൽ കൈകൾ സോപ്പോ ,ഹാൻഡ് സാനിറ്റൈസറോ ഉപയോഗിച്ച് 20 സെക്കന്റ് നന്നായി ഉരച്ച് കഴുകണം. പുറത്ത് പോകുമ്പോൾ നിർബന്ധമായും മാസ്ക് ധരിക്കുക, സുരക്ഷിത അകലം പാലിക്കുക എന്നീ നിർദ്ദേശങ്ങൾ അക്ഷരംപ്രതി അനുസരിക്കക. ഉപയോഗിച്ച മാസ്കുകൾ പൊതുസ്ഥലങ്ങളിൽ വലിച്ചെറിയാതെ ചവറ്റു കൊട്ടയിൽ നിക്ഷേപിക്കുകയോ കത്തിക്കുകയോ ചെയ്യണം. ഇത് രോഗവ്യാപനം ഒരു പരിധി വരെ തടയാൻ സഹായിക്കും. ആശാ ലക്ഷ്മി എം സി 4 രാമപുരം എൽ പി സ്കൂൾ കൂത്തുപറമ്പ് ഉപജില്ല കണ്ണൂർ അക്ഷരവൃക്ഷം പദ്ധതി, 2020 ലേഖനം  സാങ്കേതിക പരിശോധന - sajithkomath തീയ്യതി: 24/ 04/ 2020 >> രചനാവിഭാഗം - ലേഖനം