മൂത്തേടത്ത് എച്ച് എസ്സ് തളിപ്പറമ്പ്/എന്റെ ഗ്രാമം
തളിപ്പറമ്പ്
കേരളത്തിലെ കണ്ണൂർജില്ലയിലെ ഒരു താലൂക്കാണു തളിപ്പറമ്പ്. ഒരു മുനിസിപ്പാലിറ്റി ആസ്ഥാനം കൂടിയാണിത്. തളിപ്പറമ്പ് പട്ടണമാണ് താലൂക്കിന്റെ ആസ്ഥാനം.
ഭൂമിശാസ്ത്രം
തളിപ്പറമ്പ് സ്ഥിതി ചെയ്യുന്നത് 12.05°N 75.35°E ആണ്. സമുദ്രനിരപ്പിൽ നിന്ന് ശരാശരി 56 മീറ്റർ (184 അടി) ഉയരമുണ്ട്. ചുറ്റുമുള്ള പ്രദേശം (പട്ടുവം, പരിയാരം, കുറ്റിയേരി, കരിമ്പം, കൂനം ഗ്രാമങ്ങൾ ഉൾപ്പെടെ) പച്ചപ്പ് നിറഞ്ഞ വയലുകളും താഴ്ന്ന മലനിരകളും ഉൾക്കൊള്ളുന്നു. റബ്ബർ, കുരുമുളക്, കശുമാവ്, തെങ്ങിൻ തോട്ടങ്ങൾ എന്നിവയുൾപ്പെടെ ഉയർന്ന പ്രദേശങ്ങളും മധ്യപ്രദേശങ്ങളും അടങ്ങുന്നതാണ് തളിപ്പറമ്പ് താലൂക്ക്. ഈ ചെറിയ പട്ടണത്തെ ചുറ്റിത്തിരിയുന്ന മലനിരകൾ അതിനെ അസാധാരണമാംവിധം മനോഹരമാക്കുന്നു. തളിപ്പറമ്പ് നഗരത്തിന്റെ ഹൃദയ ഭാഗത്തു സ്ഥിതി ചെയ്യുന്നു.ചരിത്രപ്രസിദ്ധമായ ക്ഷേത്രമായ രാജരാജേശ്വര ക്ഷേത്രം സ്ഥിതിചെയ്യുന്നു
പ്രധാന പൊതുസ്ഥാപനങ്ങൾ
- ജില്ലാ വിദ്യാഭ്യാസ ഓഫീസ്, തളിപ്പറമ്പ്
- തഹസിൽദാർ ഓഫീസ്, തളിപ്പറമ്പ്
- മുൻസിഫ് കോടതി, തളിപ്പറമ്പ്
- ജുഡീഷ്യൽ ഫസ്റ്റ് ക്ലാസ് മജിസ്ട്രേറ്റ് കോടതി, തളിപ്പറമ്പ്
- പോസ്റ്റ് ഓഫീസ്, തളിപ്പറമ്പ്
- സബ് റീജിയണൽ ട്രാൻസ്പോർട്ട് ഓഫീസ്, തളിപ്പറമ്പ്
- പോലീസ് സ്റ്റേഷൻ, തളിപ്പറമ്പ്
- താലൂക്ക് ഓഫീസ്, തളിപ്പറമ്പ്
- സബ് രജിസ്ട്രാർ ഓഫീസ്, തളിപ്പറമ്പ്
- വാട്ടർ അതോറിറ്റി ഓഫീസ്, തളിപ്പറമ്പ്
- താലൂക്ക് ഹെഡ് ക്വാർട്ടേഴ്സ് ആശുപത്രി, തളിപ്പറമ്പ്
==ചിത്രശാല==
ആരാധനാലയങ്ങൾ
- രാജരാജേശ്വര ക്ഷേത്രം
- തൃച്ചംബരം ക്ഷേത്രം
- തളിപ്പറമ്പ് ജുമാ മസ്ജിദ്
- തളിപ്പറമ്പ് തൃച്ചംബരം വിക്രാനന്തപുരം ക്ഷേത്രo
- കാഞ്ഞിരങ്ങാട് വൈദ്യനാഥക്ഷേത്രം
- മഴൂർ അമ്പലക്കുളം
ഗവേഷണ സ്ഥാപനങ്ങൾ
- 1905-ൽ സ്ഥാപിതമായ കാർഷിക ഗവേഷണ കേന്ദ്രം തളിപ്പറമ്പിനടുത്തുള്ള പന്നിയൂരിൽ സ്ഥിതി ചെയ്യുന്നു.
വിദ്യാഭ്യാസ സ്ഥാപനങ്ങൾ
- മൂത്തേsത്ത് ഹയർ സെക്കണ്ടറി സ്കൂൾ, തളിപ്പറമ്പ്
- ചിന്മയ വിദ്യാലയ, തളിപ്പറമ്പ്
- ഗവൺമെന്റ് മാപ്പിള യു.പി സ്കൂൾ
- അൽ മഖർ ഇംഗ്ലീഷ് മീഡിയം സ്കൂൾ
- പരിയാരം മെഡിക്കൽ കോളേജ്
- അക്കിപ്പറമ്പ യു പി സ്കകൂൾ
- തളിപ്പറമ്പ യു പി സ്കൂൾ
- ടാഗോർ ഗവ.ഹയർ സെക്കന്ററി സ്കൂൾ
ശ്രദ്ധേയരായ വ്യക്തികൾ
കുന്നത്ത് പുതിയവീട്ടിൽ പത്മനാഭൻ നമ്പ്യാർ
കെപിപി നമ്പ്യാർ (15 ഏപ്രിൽ 1929 - 30 ജൂൺ 2015) എന്ന പേരിൽ കൂടുതൽ അറിയപ്പെടുന്ന ഒരു ഇന്ത്യൻ വ്യവസായിയും സാങ്കേതിക വിദഗ്ധനുമായിരുന്നു. വ്യവസായ വികസനത്തിൻ്റെയും സാങ്കേതികവിദ്യയുടെയും. 2006-ൽ സാങ്കേതിക രംഗത്തെ സംഭാവനകൾക്ക് ഇന്ത്യാ ഗവൺമെൻ്റ് അദ്ദേഹത്തിന് പത്മഭൂഷൺ നൽകി ആദരിച്ചു. നമ്പ്യാർ ദിവസവും എട്ടുകിലോമീറ്റർ നടന്നാണ് തളിപ്പറമ്പിലെ മൂത്തേടത്ത് ഹൈസ്‌കൂളിലെത്തിയത്. മദ്രാസിലെ പച്ചയ്യപ്പ കോളേജിൽ നിന്ന് ഭൗതികശാസ്ത്രത്തിൽ ബിരുദം നേടി.
ഇ.കെ. നായനാർ
ഏറമ്പാല കൃഷ്ണൻ നായനാർ അഥവാ ഇ.കെ. നായനാർ (ഡിസംബർ 9, 1918 - മേയ് 19, 2004) കേരളത്തിന്റെ മുഖ്യമന്ത്രിയും സി.പി.എമ്മിന്റെ നേതാവുമായിരുന്നു. 1980 മുതൽ 1981 വരെയും 1987 മുതൽ 1991 വരെയും 1996 മുതൽ 2001 വരെയും കേരളത്തിന്റെ മുഖ്യമന്ത്രിയായിരുന്നു. 11 വർഷം ഭരണാധികാരിയായിരുന്ന ഇദ്ദേഹമാണ് ഏറ്റവും കൂടുതൽ കാലം കേരളം ഭരിച്ച മുഖ്യമന്ത്രി ( മൂന്ന് തവണയായി 4010 ദിവസം).
കെ.പി.ആർ. ഗോപാലൻ
വടക്കേമലബാറിലെ ഒരു പ്രമുഖ സ്വാതന്ത്ര്യസമരസേനാനിയും, കമ്മ്യൂണിസ്റ്റു് നേതാവുമായിരുന്നു കെ.പി.ആർ ഗോപാലൻ. ഒന്നാം കേരള നിയമസഭയിൽ മാടായി നിയോജകമണ്ഡലത്തെ (സി.പി.ഐ.) ഇദ്ദേഹം നിയമ സഭയിൽ പ്രതിനിധീകരിച്ചു. മൂന്നാം കേരള നിയമസഭയിൽ തലശ്ശേരിയിൽ നിന്നാണ് സി.പി.എം. പ്രതിനിധിയായി ഗോപാലൻ കേരള നിയമസഭയിലേക്കെത്തിയത്.അനുഭവിച്ചിട്ടുണ്ട്. കേളപ്പനൊപ്പം ഉപ്പുസത്യാഗ്രഹത്തിലും പങ്കെടുത്ത ഗോപാലൻ കോൺഗ്രസ്സ് സോഷ്യലിസ്റ്റ് പാർട്ടിയുടെ രൂപീകരണത്തിൽ പ്രധാന പങ്ക് വഹിച്ചിരുന്നു. 1964-67 കാലഘട്ടത്തിൽ ദേശാഭിമാനിയുടെ മാനേജിംഗ് എഡിറ്ററായിരുന്നു.
സന്തോഷ് കീഴാറ്റൂർ
പി.ദാമോദരന്റേയും കെ.കാർത്യായനിയുടേയും നാലു മക്കളിൽ മൂന്നാമത്തെയാളായി ജനിച്ചു. ഇദ്ദേഹം സ്കൂൾ വിദ്യാഭ്യാസം ചെയ്തത് തളിപ്പറമ്പ് മൂത്തേടത്ത് ഹൈസ്ക്കൂളിലാണ്. കണ്ണൂർ സംഘചേതനയുടെ നാടകത്തിൽ 16-ാം വയസ്സിൽ അഭിനയിച്ചുകൊണ്ട് പ്രൊഫഷണൽ നാടക രംഗത്തെത്തിച്ചേർന്നു. കോഴിക്കോട്‌ ചിരന്തന, തിരുവനന്തപുരം അക്ഷരകല, കെപിഎസി തുടങ്ങിയ സംഘങ്ങളിൽ അഭിനയിച്ചു. കോഴിക്കോട്‌ ഗോപിനാഥ്‌, കുഞ്ഞിമംഗലം രാഘവൻ മാസ്‌റ്റർ എന്നിവരാണ്‌ നാടകത്തിൽ സന്തോഷിന്റെ ഗുരുക്കന്മാർ. സ്കൂൾ, കോളജ് കുട്ടികൾക്കായി നാടകം എഴുതിക്കൊടുത്തു. സന്തോഷ് നിരവധി നാടകങ്ങൾ കുട്ടികൾക്ക് വേണ്ടി സംവിധാനം ചെയ്യുകയും അവയിൽ അഭിനയിക്കുകയും ചെയ്തിട്ടുണ്ട്. 2007-ൽ മിന്നുകെട്ട്‌ എന്ന സീരിയലിലൂടെ ടെലിവിഷൻ രംഗത്തെത്തി. പിന്നീട് ദേവീമാഹാത്മ്യം, ആദിപരാശക്തി, മഹാഭാഗവതം തുടങ്ങിയ സീരിയലുകളിലും വേഷമിട്ടു. ദ ഫ്രയിം, സ്ട്രീറ്റ് തുടങ്ങിയ ഷോർട്ട് ഫിലിമുകളും സന്തോഷിന്റേതായിട്ടുണ്ട്.
കെ. മാധവൻ
വടക്കേ മലബാറിലെ പ്രമുഖ സ്വാതന്ത്ര്യസമരസേനാനിയും, കർഷകസംഘം നേതാവുമായിരുന്നു കെ മാധവൻ (ജനനം:1915 ഓഗസ്റ്റ് 26 - ചരമം 2016 സപ്തംബർ 25). ഉപ്പുസത്യാഗ്രഹത്തിലും ഗുരുവായൂർ സത്യാഗ്രഹത്തിലും പങ്കെടുത്തവരിൽ ജീവിച്ചിരിക്കുന്ന പ്രമുഖ വ്യക്തിയാണു് കെ.മാധവൻ