എത്ര സുന്ദരമാണെന്റെ നാട്
കുണുങ്ങി കുണുങ്ങി ഒഴുകുന്ന പുഴ
പച്ചപ്പട്ടണിഞ്ഞ വയൽ
ഉയർന്നു നിൽക്കുന്ന കുന്ന്
കേരങ്ങൾ നിറഞ്ഞ പാതയോരം
കൃഷി ചെയ്യുന്ന മനുഷ്യർ
തഴുകിയുണർത്തുന്ന ഇളംതെന്നൽ
കാറ്റിലാടുന്ന വൃക്ഷങ്ങൾ
എന്തൊരു ഭംഗിയാണീ പരിസ്ഥിതി
അയ്യോ ! അതൊരുസ്വപ്നമായിരുന്നോ
ഇന്ന് വറ്റിവരണ്ട പുഴ
ഇടിച്ചുനിരത്തിയ കുന്ന്
കടകൾ നിറഞ്ഞ പാതയോരം
നികത്തിയ വയൽ
ഇതു മാത്രം....
പൊടിയും മണ്ണും നിറഞ്ഞ കാറ്റ്
വെട്ടി മുറിഞ്ഞ വൃക്ഷങ്ങൾ
പ്രകൃതിയെ ചൂഷണം ചെയ്യുന്ന മനുഷ്യർ
തേങ്ങിക്കരയുന്ന ഭൂമി......
