ജൂൺ 2 തിങ്കളാഴ്ച പഞ്ചായത്ത് തല പ്രവേശനോത്സവം മഞ്ഞളാംപുറം യുപി സ്കൂളിൽ വച്ച് നടന്നു. പി ടി എ പ്രസിഡണ്ട് ശ്രീ സുജയ് ടി ജേക്കബ് അധ്യക്ഷത വഹിച്ചു. വാർഡ് മെമ്പർ ശ്രീമതി സുനിതാ വാത്യാട്ട് പ്രവേശനോത്സവം ഉദ്ഘാടനം ചെയ്തു. സ്കൂൾ മാനേജർ റവറൻറ് ഫാദർ ജോർജ് ചേലമരം അനുഗ്രഹപ്രഭാഷണം നടത്തുകയും നവാഗതരെ ആദരിക്കുകയും ചെയ്തു. വാർഡ് മെമ്പർ ശ്രീ ജോണി പാമ്പാടി,മദർ പി ടി എ പ്രസിഡണ്ട് ശ്രീമതി ജിമോൾ വർഗീസ്, കെ ജി പിടിഎ പ്രസിഡണ്ട് ശ്രീ. ജോയ് ജോസഫ് എന്നിവർ ആശംസകൾ അർപ്പിച്ച് സംസാരിച്ചു. 20252026 അധ്യയന വർഷത്തെ ്യലമൃ ുഹമി പ്രകാശന കർമവും മീറ്റിംഗിൽ നടന്നു. സ്കൂളും പരിസരവും വളരെ വർണ്ണ മനോഹരമായി അലങ്കരിച്ചു. പുതുതായി കടന്നുവന്ന കുട്ടികൾക്ക് ആകർഷകമായ സമ്മാനവും നൽകി.
പരിസ്ഥിതി ദിനം ആചരിച്ചു
പഞ്ചായത്ത് തല പ്രവേശനോത്സവം
മഞ്ഞളാംപുറം യു.പി സ്കൂളിൽ ജൂൺ അഞ്ചിന് പരിസ്ഥിതി ദിനം വിപുലമായി ആചരിച്ചു. സ്കൂൾ ഹെഡ്മിസ്ട്രസ് സൂസമ്മ ടീച്ചർ പരിസ്ഥിതി ദിന സന്ദേശം നൽകി. പരിസ്ഥിതി ദിനവുമായി ബന്ധപ്പെട്ട് സ്കൂളിൽ പരിസ്ഥിതി ദിന പ്രതിജ്ഞ, പ്രസംഗം, കവിത, ക്വിസ്, പോസ്റ്റർ രചന മത്സരം എന്നിവ സംഘടിപ്പിച്ചു. സ്കൗട്ട് ആൻഡ് ഗൈഡ് കുട്ടികളുടെ നേതൃത്വത്തിൽ പൂച്ചട്ടികൾ സ്കൂളിന് സമ്മാനിച്ചു കൊണ്ട് പരിസ്ഥിതി ദിന ആഘോഷങ്ങളിൽ പങ്കുചേർന്നു. സ്കൂൾ ഹെഡ്മിട്രസ് സൂസമ്മ എൻ എസ് ,പി.ടി .എ അംഗങ്ങൾ എന്നിവരുടെ നേതൃത്വത്തിൽ മാവിൻ തൈ നട്ടു കൊണ്ട് പരിസ്ഥിതി ദിനാഘോഷത്തെ പരിപോഷിപ്പിച്ചു . പരിസ്ഥിതി ദിന ക്ലബ്ബിൻറെ ആഭിമുഖ്യത്തിലാണ് പരിപാടി സംഘടിപ്പിച്ചത്. പരിസ്ഥിതി ക്ലബ് കൺവീനർ ഷീബ എൻ ജെ,ജീമോൾ വർഗീസ്, മെറിൽ വർഗീസ്, ദിയ മരിയ ലിജോ എന്നിവർ സംസാരിച്ചു.
ബോധവൽക്കരണ പ്രവർത്തനങ്ങൾ
2025 2026 അധ്യയന വർഷാരംഭത്തിൽ കുട്ടികളിലെ ശാരീരിക മാനസിക ആരോഗ്യ ക്ഷമത ലക്ഷ്യം വെച്ചു കൊണ്ടുള്ള ഒരാഴ്ച നീണ്ടുനിന്ന വിവിധ വിഷയങ്ങളെ ആസ്പദമാക്കിയുള്ള ബോധവൽക്കരണ പ്രവർത്തനങ്ങൾ നടന്നു.
3 /6 /2025 തുടങ്ങി 12 /6/ 2025 വരെ നീണ്ടുനിന്ന ബോധവൽക്കരണ പ്രവർത്തനങ്ങൾ ക്ലാസ് അധ്യാപകർ വളരെ ഭംഗിയായി കൈകാര്യം ചെയ്തു.
സുംബാ ഡാൻസിലൂടെ തുടക്കമിട്ട ആദ്യദിനം തന്നെ കുട്ടികളിൽ മാനസിക പിരിമുറുക്കം കുറച്ച് മാനസിക ഉന്മേഷം നൽകുന്നതായിരുന്നു. ജോയ്സി ടീച്ചർ ്വൗായമ ഡാൻസിന് നേതൃത്വം നൽകി.
3/6/2025
എൽ പി : പൊതുകാര്യങ്ങൾ
യു പി : മയക്കുമരുന്ന്/ ലഹരി ഉപയോഗത്തിനെതിരെ
സ്കൂളിൽ കുട്ടികൾ പാലിച്ചു വരേണ്ട നിയമങ്ങളെക്കുറിച്ചും സമയനിഷ്ഠ,അച്ചടക്കം എന്നിവയെ കുറിച്ചുമുള്ള ധാരണകൾ കുട്ടികളിൽ വളർത്തിയെടുക്കേണ്ട ആവശ്യകതയെ കുറിച്ചുള്ള ബോധവൽക്കരണം നടത്തി.
ഇന്നത്തെ തലമുറയുടെ അധപ്പതനത്തിന് വഴിയൊരുക്കുന്ന മയക്കുമരുന്ന് ലഹരി ഉപയോഗത്തിനെതിരെയുള്ള ബോധവൽക്കരണ ക്ലാസ് യുപി ക്ലാസ്സുകളിൽ നടന്നു. ലഹരിപദാർത്ഥങ്ങളുടെ ഉപയോഗം മൂലം കുട്ടികളിൽ കണ്ടുവരുന്ന മാനസിക പിരിമുറുക്കങ്ങളെയും സമ്മർദ്ദങ്ങളെയും ഉൾക്കൊള്ളിച്ചുകൊണ്ടുള്ള വീഡിയോ കുട്ടികളെ കാണിച്ചു. അഞ്ചാം ക്ലാസിൽ ഫാദർ ജിജോയും ആറാം ക്ലാസിൽ സി. സ്മിതയും ഏഴാം ക്ലാസ്സിൽ ശ്രീമതി സൗമ്യ ആൻറണിയും ക്ലാസ്സിന് നേതൃത്വം നൽകി.
4/6/2025
എൽ പി : റോഡിലൂടെ സഞ്ചരിക്കുമ്പോൾ ശ്രദ്ധിക്കേണ്ട കാര്യങ്ങൾ.
യു പി : ട്രാഫിക് നിയമങ്ങൾ
ഇന്നത്തെ കാലഘട്ടത്തിൽ ഏറ്റവും കൂടുതൽ റോഡ് അപകടങ്ങൾ ഉണ്ടാകുന്നത് കുട്ടികളുടെ അശ്രദ്ധ കൊണ്ടാകാം.
റോഡിലൂടെ സഞ്ചരിക്കുമ്പോൾ ശ്രദ്ധിക്കേണ്ട കാര്യങ്ങളെക്കുറിച്ച് എൽ പി ക്ലാസിലും ട്രാഫിക് നിയമങ്ങളെക്കുറിച്ച് യുപി ക്ലാസിലും വളരെ വിപുലമായ രീതിയിലുള്ള ക്ലാസുകൾ നടന്നു ട്രാഫിക് സിഗ്നലുകൾ റോഡുകളിൽ കാണപ്പെടുന്ന വെളുത്ത വരകൾ സീബ്ര ലൈനുകൾ എന്നിവയെ കുറിച്ചുള്ള വ്യക്തമായ ധാരണകൾ കുട്ടികൾക്ക് നൽകി. സ്കൂൾ വാഹനത്തിൽ കയറുമ്പോഴും ഇറങ്ങുമ്പോഴും ശ്രദ്ധിക്കേണ്ട കാര്യങ്ങളെക്കുറിച്ച് കുട്ടികളെ ബോധവാന്മാരാക്കി ഇതിന് ആവശ്യമായ ചിത്രങ്ങളും വീഡിയോകളും പ്രദർശിപ്പിച്ചു. കൂടാതെ യുപി ക്ലാസ്സുകളിൽ റോഡ് നിയമങ്ങളെ കുറിച്ചും ട്രാഫിക് നിയമങ്ങളെക്കുറിച്ചുള്ള പോസ്റ്ററുകൾ, കുറിപ്പ്,എന്നിവ കുട്ടികൾ തയ്യാറാക്കി വന്നു.
5/6/2025
എൽ പി & യു പി : വ്യക്തി ശുചിത്വം, പരിസര ശുചിത്വം, ഹരിത ക്യാമ്പസ്, സ്കൂൾ സൗന്ദര്യവൽക്കരണം
വ്യക്തി ശുചിത്വത്തെക്കുറിച്ചും പരിസര ശുചിത്വത്തെക്കുറിച്ചുള്ള വ്യക്തമായ ധാരണ നൽകിക്കൊണ്ടുള്ള ക്ലാസുകൾ എൽ പി വിഭാഗത്തിലും യു പി വിഭാഗത്തിലും നടന്നു.
വ്യക്തി ശുചിത്വവും പരിസര ശുചിത്വവും കുട്ടികളിൽ നടപ്പാക്കേണ്ട ആവശ്യകതയെക്കുറിച്ചും അതിലൂടെ കുട്ടികളിൽ വരുന്ന മാറ്റത്തെക്കുറിച്ചും വ്യക്തമായ ധാരണ നൽകുവാൻ എല്ലാ അധ്യാപകർക്കും സാധിച്ചു. ഡജ ക്ലാസിൽ ശ്രീമതി ഷീബ സിസ്റ്റർ റോസ്മിൻ എന്നിവർ നേതൃത്വം നൽകി.
09/06/2025
എൽ പി & യു പി : ആരോഗ്യം, വ്യായാമം, കായിക ക്ഷമത
നല്ല ആരോഗ്യം ഉണ്ടാകാൻ നല്ല ഭക്ഷണം മാത്രം കഴിച്ചാൽ പോരാ, നമ്മുടെ ശരീരത്തിന് ആവശ്യമായ വ്യായാമം കൂടി ശീലമാക്കണം. കുട്ടികളിൽ നല്ല ആരോഗ്യ ശീലങ്ങൾ വളർത്തിയെടുക്കേണ്ടത് വളരെ അത്യന്താപേക്ഷിതമായ ഘടകമാണ്. ഭക്ഷണത്തിൽ പാലിക്കേണ്ട ചില മാനദണ്ഡങ്ങളെ കുറിച്ച് ക്ലാസിൽ വിലയിരുത്തി. കുട്ടികൾ തങ്ങൾക്ക് ഇഷ്ടപ്പെട്ട ഭക്ഷണത്തെക്കുറിച്ച് ക്ലാസ്സിൽ ചർച്ച നടത്തി.
എങ്ങനെയുള്ള ഭക്ഷണം കഴിക്കണം, എങ്ങനെയുള്ള ഭക്ഷണം കഴിക്കരുത് എന്നിങ്ങനെയുള്ള കാര്യങ്ങളെക്കുറിച്ചുള്ള അവബോധം കുട്ടികൾക്ക് നൽകി. ദിവസവും വ്യായാമം ചെയ്യേണ്ട ആവശ്യകതയെക്കുറിച്ച് കുട്ടികൾക്ക് മനസ്സിലാക്കി കൊടുത്തു. കുട്ടികൾക്ക് ചെയ്യാൻ സാധിക്കുന്ന ചില വ്യായാമങ്ങൾ വീഡിയോയിലൂടെ കാണിച്ചുകൊടുക്കുകയും, അത് അഭ്യസിക്കുവാൻ അവരെ പ്രാപ്തരാക്കുകയും ചെയ്തു. ബോധവൽക്കരണ പരിപാടിക്ക് ശ്രീ അഖിൽ ആൻറണി, ശ്രീമതി അഞ്ചു ബോബി എന്നിവർ നേതൃത്വം നൽകി.
10/6/2025
എൽ പി & യു പി : ഡിജിറ്റൽ അച്ചടക്കം
കുട്ടികളെ ഇന്ന് ഏറ്റവും കൂടുതൽ കാർന്നു തിന്നു കൊണ്ടിരിക്കുന്ന ഒരു മാരകമായി മാറിയി രിക്കുന്ന ഈ ഡിജിറ്റലുകളുടെ അനാവശ്യ ഉപയോഗത്തെക്കുറിച്ചുള്ള ബോധവൽക്കരണ ക്ലാസ് എൽ പി തലത്തിലും യുപിതലത്തിലും നടത്തി. മൊബൈൽ ഫോണിൻറെ ഉപയോഗം കൂടി വരുന്നതിലൂടെ കുട്ടികളുടെ ചിന്തകളിലും സ്വഭാവത്തിലും ഉണ്ടാകുന്ന വൈകാരിക മാറ്റങ്ങളെ കുറിച്ച് ചർച്ച ചെയ്യപ്പെട്ടു. സിസ്റ്റർ ജീന,ശ്രീമതി മഞ്ജു എന്നിവർ ക്ലാസുകൾക്ക് നേതൃത്വം നൽകി. മൊബൈൽ ഫോണിൻറെ ദുരുപയോഗം മൂലം തകർന്നു കൊണ്ടിരിക്കുന്ന കുട്ടികളുടെ ജീവിത രീതി വ്യക്തമാക്കുന്ന വീഡിയോ കാണിച്ചു.
11/6/2025
എൽ പി & യു പി : പൊതുമുതൽ സംരക്ഷണം
ചെറുപ്പം മുതൽ കുട്ടികൾ താൻ ആയിരിക്കുന്ന ചുറ്റുപാടിനോട് പൊരുത്തപ്പെട്ടും ജീവിക്കേണ്ട ആവശ്യകതയെ കുറിച്ചുള്ള അവബോധം നടത്താൻ അധ്യാപകർക്ക് സാധിച്ചു. പൊതുമുതൽ നശിപ്പിക്കാതെ സംരക്ഷിക്കേണ്ടതിൻറെ ആവശ്യകതയെ കുറിച്ചുള്ള ധാരണകൾ കുട്ടികളിൽ ഉണ്ടാക്കിയെടുത്തു.ശ്രീ ആൽബിൻ, ശ്രീ ഡിന്റോ എന്നിവർ ക്ലാസുകൾക്ക് നേതൃത്വം നൽകി.
12/6/2025
എൽ പി & യു പി: പരസ്പര സഹകരണത്തിൻറെ പ്രാധാന്യം
കുട്ടികൾ വിദ്യാലയങ്ങളിൽ നിന്നും ആർജിച്ചെടുക്കേണ്ട പരസ്പര സഹകരണ മനോഭാവം എങ്ങനെയെല്ലാം, എവിടെയെല്ലാം, എപ്പോഴെല്ലാം ജീവിതത്തിൽ പ്രാവർത്തികമാക്കാം എന്നതിനെക്കുറിച്ചുള്ള ധാരണകൾ കുട്ടികളിൽ എത്തിക്കാൻ ഈ വിഷയത്തെക്കുറിച്ചുള്ള ക്ലാസ് ഉപകാരപ്പെട്ടു. ഭവനങ്ങളിൽ പൊതുവേ കുട്ടികളുടെ എണ്ണം കുറവായതിനാൽ വീടുകളിൽ നിന്നും ലഭിക്കേണ്ട സഹകരണ മനോഭാവവും പങ്കുവെക്കൽ അനുഭവവും സ്വാഭാവികമായും കുറഞ്ഞുവരുന്ന സാഹചര്യത്തിൽ കുട്ടികൾക്ക് ഇത്തരത്തിലുള്ള ശീലങ്ങൾ വളർത്തിയെടുക്കാനും ഉപകരിക്കുന്ന സാധ്യതകൾ ഇന്ന് വിദ്യാഭ്യാസ അന്തരീക്ഷത്തിൽ നിന്നും പഠനമേഖലയിൽ നിന്നും ലഭ്യമാക്കുന്നു. സിസ്റ്റർ ജോയിസ് ശ്രീമതി ചിഞ്ചു ജോൺ എന്നിവർ ക്ലാസുകൾക്ക് നേതൃത്വം നൽകി.
ബോധവൽക്കരണ ക്ലാസ്
13 /6 /2025 നു മഞ്ഞളാംപുറം യുപി സ്കൂളിൽ ആരോഗ്യ സംരക്ഷണവുമായി ബന്ധപ്പെട്ട ബോധവൽക്കരണ ക്ലാസ് നടന്നു. കേളകം പി എച്ച് സി യിലെ ആരോഗ്യ വിദഗ്ധരും ഹെൽത്ത് ഇൻസ്പെക്ടറും ക്ലാസുകൾ നയിച്ചു 11.30 മുതൽ 12.30വരെ എൽ പി വിഭാഗത്തിലെ കുട്ടികൾക്കും 1.30 മുതൽ 2.30 വരെ യുപി വിഭാഗത്തിലെ കുട്ടികൾക്കും രണ്ട് സെഷനായി ക്ലാസ് എടുത്തു. മഴക്കാല രോഗങ്ങളെ കുറിച്ചും നാം അനുവർത്തിച്ചു പോരേണ്ട ഭക്ഷണരീതിയെക്കുറിച്ചുമുള്ള ക്ലാസ്സുകൾ കുട്ടികൾക്ക് കൂടുതൽ ഉപകാരപ്രദമായിരുന്നു. വ്യക്തി ശുചിത്വത്തെക്കുറിച്ചും പരിസര ശുചിത്വത്തെക്കുറിച്ചുള്ള വ്യക്തമായ ധാരണകൾ
ഈ ക്ലാസുകളിലൂടെ കുട്ടികൾക്ക് ലഭിച്ചു. അതിനുശേഷം യുപി വിഭാഗത്തിലെ പെൺകുട്ടികൾക്കായി പ്രത്യേകം ക്ലാസുകൾ നടന്നു.പെൺകുട്ടികൾ അനുഭവിക്കുന്ന ശാരീരിക മാനസിക ബുദ്ധിമുട്ടുകളെ എങ്ങനെയൊക്കെ നീക്കം ചെയ്യാം എന്നതിനെക്കുറിച്ചുള്ള ശരിയായ അറിവ് കുട്ടികൾക്ക് നേടാൻ സാധിച്ചു. അധ്യാപകരുടെ ആരോഗ്യ സുരക്ഷ ഉറപ്പുവരുത്തുന്നതിനായി എല്ലാ അധ്യാപകരുടെയും ഷുഗർ, ബി പി എന്നിവ പരിശോധിക്കുകയും ആവശ്യമായ ബോധവൽക്കരണ ക്ലാസുകൾ നൽകുകയും ചെയ്തു.
