അതിവിരസമാം ദിനങ്ങൾതൻ
നിഴൽ മൂടിയനേരം
ഓർത്തു ഞാനെൻ
ബാല്യകാലത്തെ വെളിച്ചങ്ങളെ !
ആ ഓർമകളിൽ അന്നത്തെ
കുരുന്നുപൈതലായി
പിന്നെയും ഞാൻ മാറിടുന്നു.
അമ്മ തൻ വാത്സല്യവും
അച്ഛൻ്റെ കരുതലും
ഉള്ളിലിപ്പോഴും തിരയടിക്കുന്നു!
ഇവിടെയീ അടച്ചിട്ട വീട്ടിൽ
പിന്നെയും ഞാനാ കരുതലറിയുന്നു.!
വെളിയിലങ്ങുദൂരെയായി,
ഒരുപക്ഷെയെൻ്റെ ചാരത്തായി
കോവിഡിൻ അദൃശ്യകരങ്ങളുണ്ടാവാം..
എങ്കിലും ജാഗ്രതതൻ സൗഹൃദകരങ്ങളിൽ
ഞാനെന്നും സുരക്ഷിതയായിരിക്കും
അമ്മതൻ ഗർഭപാത്രത്തിലെന്നപോൽ!