"എസ്. ബി. എസ്. ഓലശ്ശേരി/പ്രവർത്തനങ്ങൾ/2019-20/അക്കാദമിക പ്രവർത്തനങ്ങൾ / ദിനാചരണങ്ങൾ" എന്ന താളിന്റെ പതിപ്പുകൾ തമ്മിലുള്ള വ്യത്യാസം

ചിറ്റൂർ ബി. ആർ. സി യുടെയും കൊടുമ്പ് ഗ്രാമ പഞ്ചായത്തിന്റെയും സംയുക്താഭിമുഖ്യത്തിൽ 2020 ജനുവരി 17, 18 19 തീയതികളിലായി വിദ്യാലയത്തിൽ ഗണിതോത്സവം നടത്തുകയുണ്ടായി. 17-1-2020 വെള്ളിയാഴ്ചയാണ് ഗണിതോത്സവം ആരംഭിച്ചത്. എസ്. ആർ. ജി കൺവീനർ ശ്രീ മോഹനൻ മാസ്റ്റർ പരിപാടിയിൽ പങ്കെടുത്ത എല്ലാവരെയും സ്വാഗതം ചെയ്തുകൊണ്ട് പരിപാടിക്ക് ആരംഭം കുറിച്ചു. അധ്യക്ഷ സ്ഥാനം വഹിച്ചത് ഹെഡ്മാസ്റ്റർ ശ്രീ വേണുഗോപാലൻ മാസ്റ്റർ ആയിരുന്നു. ഉദ്ഘാടനം നിർവ്വഹിച്ചത് വാർഡ് മെമ്പർ കോമളം ആയിരുന്നു. തിരുവാലത്തൂർ ജി.എം.വി.എച്ച്.എസ്സ.എസ്സിലെ ഹെഡ്മാസ്റ്റർ രാഘവൻ കുട്ടി മാസ്റ്റർ, ബി. ആർ. സി കോർഡിനേറ്റർ ജയശ്രീ ടീച്ചർ,  സുമംഗല ടീച്ചർ, എന്നിവർ ഗണിതോത്സവത്തിന് ആശംസ അറിയിച്ചു. ജി. എം. വി. എച്ച്. എസ്. എസ് തിരുവാലത്തൂർ,  എ. ജി. എം എ. യു പി സ്കൂൾ കൊടുമ്പ്,  എന്നിവിടങ്ങളിൽ നിന്നാണ് വിദ്യാർത്ഥികൾ ക്യാമ്പിന് ആയി എത്തിയിരുന്നത്. അതോടൊപ്പം നമ്മുടെ വിദ്യാലയത്തിലെ ഏഴാം തരത്തിലെ വിദ്യാർഥികളും പങ്കെടുത്തു. രാഘവൻ കുട്ടി മാസ്റ്റർ ശരിയായ പരിശീലനത്തിലൂടെ മാത്രമേ ഗണിത കാഴ്ചപ്പാട് മാറ്റം സൃഷ്ടിക്കാൻ കഴിയൂ എന്നും,  ഗണിതോത്സവം ത്തിലൂടെ ഗണിത വിഷമം എന്ന കാഴ്ചപ്പാടിൽ തന്നെ മാറ്റം ഉണ്ടാവട്ടെ എന്ന് അദ്ദേഹം ആശംസിച്ചു. നമ്മുടെ നിത്യജീവിതത്തിൽ ഗണിതം എത്രത്തോളം അടുത്തിരിക്കുന്നു എന്നും ഗണിതോത്സവം ത്തിലൂടെ ഗണിതം എല്ലാവർക്കും മധുരം ആക്കാൻ കഴിയട്ടെ എന്നും ജയശ്രീ ടീച്ചർ ആശംസിച്ചു. തുടർന്ന് സ്റ്റാഫ് സെക്രട്ടറി സതീഷ് മാസ്റ്റർഎല്ലാവർക്കും നന്ദി അറിയിച്ചു.<br/><br/>

18. 1. 2020 ശനിയാഴ്ച രാവിലെ 8 30 നാണ് ക്ലാസ് ആരംഭിച്ചത്. റിട്ടയേഡ് ആർമി ഓഫീസറായ .ഗിരിദാസിന്റെ ക്ലാസ് ആയിരുന്നു.'യോഗയും ഗണിതവും' എന്നതായിരുന്നു വിഷയം. യോഗയിൽ ഗണിതം ഏതെല്ലാം തരത്തിൽ സ്വാധീനിക്കുന്നു എന്നതിനെക്കുറിച്ച് വിദ്യാർത്ഥികൾക്ക് വിശദീകരിച്ചു നൽകി. നിരവധി യോഗ പോസുകൾ വിദ്യാർഥികളെ പരിശീലിപ്പിച്ചു. 11. 30 ന് അടുത്ത സെഷൻ ആരംഭിച്ചു. 'കളിയിലെ ഗണിതം,' വിസ്തൃതി കണക്കാക്കൽ' എന്നിവയായിരുന്നു. കളിയിലെ ഗണിതം എന്ന വിഷയത്തെക്കുറിച്ച് പറയുന്നതിനായി ബി. ആർ. സിയിൽ നിന്ന് ശിവൻ മാസ്റ്റർ, ശ്രീജ ടീച്ചർ എന്നിവരാണ് വന്നിരുന്നത്. കളിക്കാരുടെ എണ്ണം, മൈതാനത്തിന്റെ അളവ്, ബോളിന്റെ  വലിപ്പം, വെയ്റ്റ്, നെറ്റിന്റെ നീളവും,  വീതിയുംഎന്നിങ്ങനെ നിരവധി കാര്യങ്ങൾ വിശദീകരിച്ചു കൊടുത്തു. കുട്ടികളെ വോളിബോൾ കളിപ്പിക്കുകയും  ചെയ്തു.<br/><br/>

വിസ്തൃതി കണക്കാക്കൽ' എന്ന വിഷയം കൈകാര്യം ചെയ്തത് ഗിരി ദാസ് സാറാണ്. ഓരോ സ്ഥലത്തിന്റെയും വിസ്തൃതി എങ്ങനെയാണ് കണക്കാക്കുന്നത് എന്നതിനെ കുറിച്ച് കുട്ടികൾക്ക് വിശദമായ വിവരണം നൽകി. കുട്ടികളെക്കൊണ്ട് ക്ലാസ്സ്മുറിയുടേയും സ്കൂൾ മുറ്റത്തിന്റേയും വിസ്തൃതി കണക്കാക്കുകയും ചെയ്തു. ഒരുമണിക്ക് ഡി പി ഓ (ഡിസ്ട്രിക്റ്റ് പ്രൊജക്ടർ ഓഫീസർ ).ഉണ്ണികൃഷ്ണൻ അവർകൾ വിദ്യാലയത്തിൽ എത്തി. കുട്ടികൾക്ക് ക്യാമ്പിനെ കുറിച്ചുള്ള അഭിപ്രായങ്ങൾ ചോദിച്ചറിയുന്നതിനും ക്യാമ്പിലെ കാര്യങ്ങൾ വിലയിരുത്തി.<br/><br/>

12 മണിക്ക് സമാപന സമ്മേളനം ആരംഭിച്ചു. ക്യാമ്പ് കോർഡിനേറ്റർ ആയ സജീവ് സാർ എല്ലാവരെയും സ്വാഗതം ചെയ്തു.. സമാപന സമ്മേളനം ഉദ്ഘാടനം ചെയ്യുന്നതിനായി സ്കൂൾ മാനേജർ . രാമലിംഗം മാഷിനെ ക്ഷണിച്ചു. പുതിയ പുതിയ കാര്യങ്ങൾ മനസ്സിലാക്കി മുന്നേറാൻ കുട്ടികൾക്ക് കഴിയട്ടെ എന്ന് പറഞ്ഞുകൊണ്ട് സമാപനസമ്മേളനം അദ്ദേഹം ഉദ്ഘാടനം ചെയ്തു. പൂർവ വിദ്യാർത്ഥിയും ഓൾഡ് സ്റ്റുഡന്റ് അസോസിയേഷൻ പ്രസിഡന്റുമായ പവിത്രൻ മാസ്റ്റർ ആശംസ അറിയിച്ചു, ബി. ആർ. സി കോഡിനേറ്റർ ജയശ്രീ ടീച്ചർ ക്യാമ്പ് നല്ലരീതിയിൽ നടത്തിയതിന് കുട്ടികളുടെയും,  അധ്യാപകരുടെയും,  സഹകരണത്തിനും ആശംസ അറിയിച്ചു. തുടർന്ന് സജീവ് മാഷ് കുട്ടികൾക്ക് അവരുടെ അനുഭവം പങ്കു വയ്ക്കാനുള്ള അവസരം നൽകി. തുടർന്ന് സർട്ടിഫിക്കറ്റ് വിതരണം നടത്തി. കുട്ടികൾക്ക് ഉച്ചഭക്ഷണം നൽകി രണ്ടു മണിയോടുകൂടി ക്യാമ്പ് വിജയകരമായി സമാപിച്ചു.സ്മിത ടീച്ചർ ക്യാമ്പ് നല്ല രീതിയിൽ നടത്താൻ സഹകരിച്ച എല്ലാവർക്കും വിദ്യാലയത്തിന്റെ  നന്ദി അറിയിച്ചു.