പൂളക്കുറ്റി എൽ.പി.എസ്/സൗകര്യങ്ങൾ

വാഹന സൗകര്യം

അക്കാദമിക രംഗങ്ങളിൽ മികച്ച പ്രകടനങ്ങൾ കാഴ്ചവെക്കുന്ന നമ്മുടെ സ്കൂളിലേക്ക് ദൂരസ്ഥലങ്ങളിൽ നിന്നും കുട്ടികൾ വിദ്യാലയത്തിലേക്ക് എത്തിത്തുടങ്ങി. കുട്ടികളുടെ യാത്ര സുഗമമാക്കാൻ വേണ്ടി സ്കൂളിൽ നിന്നും വാഹന സൗകര്യങ്ങൾ ഏർപ്പെടുത്തി.

കളിസ്ഥലം

പഠന പ്രവർത്തനങ്ങൾക്കൊപ്പം കുട്ടികളിലെ കായികക്ഷമത പരിപോഷിപ്പിക്കാൻ വേണ്ടി പ്രത്യേകം സമയം മാറ്റിവച്ചിരിക്കുന്നു. അതിനായി സ്കൂൾ മുറ്റത്ത് വിശാലമായ ഒരു കളിസ്ഥലവും ഒരുക്കിയിരിക്കുന്നു. കുട്ടികൾ ഫുട്ബോൾ, ഷട്ടിൽ തുടങ്ങി വിവിധ കളികളിൽ ഏർപ്പെടുന്നു. അവരെ നയിക്കാനായി അവർക്ക് വേണ്ട നിർദ്ദേശങ്ങൾ കൊടുക്കാനായി അവരുടെ ടീച്ചർമാരും ഒപ്പമുണ്ടാകും. കായിക മേഖലകളിൽ മികച്ച മുന്നേറ്റം ഉണ്ടാക്കുന്നതിനായി കുട്ടികൾക്ക് നേരത്തെ മുതലേ കായിക പരിശീലനങ്ങളും കൊടുത്തുവരുന്നു.

ജൈവവൈവിധ്യ ഉദ്യാനം

പുതുതലമുറയ്ക്ക് പ്രകൃതിയോട് ഇണങ്ങി ജീവിക്കാൻ അവസരം ഒരുക്കുക എന്ന ലക്ഷ്യത്തോടെ നമ്മുടെ സ്കൂളിൽ ജൈവവൈവിധ്യ ഉദ്യാനം ഒരുക്കിയിരിക്കുന്നു.ഉദ്യാനത്തിൽ വിവിധയിനം പൂച്ചെടികൾ വള്ളിച്ചെടികൾ,കുറ്റിച്ചെടികൾ എന്നിവ വളർത്തുന്നുണ്ട്.കുട്ടികൾ അവരുടെ ജന്മദിന സമ്മാനമായി ചെടിച്ചട്ടി, പൂച്ചെടികൾ എന്നിവ നൽകിവരുന്നു.പരിസര പഠന പ്രവർത്തനങ്ങളുടെ ഭാഗമായി കുട്ടികൾ ഉദ്യാനം സന്ദർശിക്കാറുണ്ട്

സ്കൂൾ ലൈബ്രറി

കുട്ടികളിലെ വായനയെ പരിപോഷിപ്പിക്കുന്നതിനും ഒഴിവുസമയങ്ങൾ ഉപകാരപ്പെടുന്നതിനുമായി കുട്ടികൾക്ക് വിശാലമായ ഒരു ലൈബ്രറി സ്കൂളിൽ ഒരുക്കിയിരിക്കുന്നു. കുട്ടികളുടെ പിറന്നാളിന് ഓരോ കുട്ടിയും ലൈബ്രറിയിലേക്ക് ഒരു ബുക്ക് വീതം സംഭാവന ചെയ്തുവരുന്നു. ഒഴിവുസമയങ്ങളിൽ കുട്ടികൾക്ക് വായിക്കാനായി ഇരിപ്പിടങ്ങളും തയ്യാറാക്കിയിരിക്കുന്നു. ലൈബ്രറി ക്വിസ് മത്സരങ്ങളിൽ നമ്മുടെ സ്കൂളിലെ വിദ്യാർഥികൾ മികച്ച പ്രകടനങ്ങളാണ് കാഴ്ചവെച്ചത്.

കമ്പ്യൂട്ടർ ലാബ്

വളർന്നുവരുന്ന സാങ്കേതികവിദ്യക്ക് കരുത്തേകാൻ കമ്പ്യൂട്ടർ ലാബ് ഒരു മുതൽക്കൂട്ടാണ് വിവരങ്ങൾ അറിയുവാനും വിനോദത്തിനും പഠനം മെച്ചപ്പെടുത്തുവാനും കമ്പ്യൂട്ടർ ലാബ് പ്രയോജനപ്പെടുത്തുന്നു. വിവരസാങ്കേതികവിദ്യ കുട്ടികൾ നേരിടുന്ന പ്രശ്നങ്ങൾ അനായാസം കൈകാര്യം ചെയ്യാൻ പ്രാപ്തരാക്കുകയാണ് എൽ പി തലത്തിൽ നടത്തിവരുന്ന ഈ പരിശീ്യം.

ഡിജിറ്റൽ ലൈബ്രറി

കുട്ടികൾക്കായി വിവിധങ്ങളായ വീഡിയോ,ഓഡിയോ പഠനവിഭവങ്ങളുടെ ശേഖരം.