പുറത്തിയിൽ ന്യൂ മാപ്പിള യു പി സ്കൂൾ/അക്ഷരവൃക്ഷം/കൊറോണ വൈറസ്

കൊറോണ വൈറസ് ലോകമാകെ പടർന്നുകൊണ്ടിരിക്കുന്ന ഈ മഹാവിപത്തിനെതിരെ എല്ലാവരും ഒന്നിച്ച് പൊരുതിയാലേ നമ്മുടെ നാട് രക്ഷപ്പെടുകയുള്ളൂ. നമ്മുടെ ഈ കൊച്ചു കേരളത്തിൽ മാത്രമല്ല ലോകത്തിലെ വൻശക്തിയെ തന്നെ പിടിച്ചുകുലുക്കുകയാണ്. എവിടെയും കണ്ണീരിൻ്റെയും രോദനങ്ങളുടെയും നാളുകൾ.ലക്ഷകണക്കിനാളുകളെ കൊന്നു കൊണ്ടിരിക്കുന്ന ഈ മാരക രോഗത്തിനെതിരെ നമ്മുടെ ഈ ചെറിയ സംസ്ഥാനം ജീവന്മരണ പോരാട്ടത്തിലാണ്. സർക്കാരിൻ്റെ ബ്രേക്ക് ദി ചെയിൻ ക്യാമ്പയിൻ ഇന്ന് മുന്നേറിക്കൊണ്ടിരിക്കുകയാണ്. ചൈനയിലെ വുഹാൻ എന്ന നഗരത്തിലാണ് ഈ രോഗം റിപ്പോർട്ട് ചെയ്യപ്പെട്ടിട്ടുള്ളത്. അവർ അതിനെ അതിജീവിച്ച് കഴിഞ്ഞു.എന്നിരുന്നാലും പൂർണമായും മുക്തരായിട്ടില്ല. അതു കൊണ്ട് എല്ലാവരും കൈകൾ ഇടയ്ക്കിടെ കഴുകുകയും സാമൂഹിക അകലം പാലിക്കുകയും ചെയ്താൽ ഒരു പരിധി വരെ നമുക്കീ വിപത്തിൽ നിന്നും രക്ഷപ്പെടാം. കഷ്ടപ്പെടുന്ന മനുഷ്യരുടെ ഇടയിലാണ് ദൈവം ഇപ്പോഴുള്ളതെന്നാണ് ഞാൻ വിശ്വസിക്കുന്നത്. ദൈവം എന്നെ വീട്ടിലിരുത്തി പക്ഷെ ഇത് യഥാർത്ഥത്തിൽ ചില കടമകൾ നിറവേറ്റാനുള്ള സമയമാണ്. അത് കൊണ്ട് ഇനിയെങ്കിലും മനുഷ്യർ നന്മകൾ ചെയ്തും സഹജീവികളോട് കരുണ കാണിച്ചും ജീവിക്കുക. നമ്മുടെ നാടിന് വേണ്ടി നമ്മുടെ സമൂഹത്തിന് വേണ്ടി ഈ ലോകത്തിന് വേണ്ടി നാമെല്ലാവരും ഒരുമിച്ച് നിന്ന് ഈ രോഗത്തെ പ്രതിരോധിക്കാൻ നമ്മളെയെല്ലാവരെയും ദൈവം അനുഗ്രഹിക്കട്ടെ.. മുഹമ്മദ് ആദിൽ .പി.എം. 4 C പുറത്തീൽ ന്യൂ മാപ്പിള യു. പി. സ്‌കൂൾ കണ്ണൂർ നോർത്ത് ഉപജില്ല കണ്ണൂർ അക്ഷരവൃക്ഷം പദ്ധതി, 2020 ലേഖനം  സാങ്കേതിക പരിശോധന - Sai K shanmugam തീയ്യതി: 28/ 01/ 2022 >> രചനാവിഭാഗം - ലേഖനം