പി.എം.എസ്.എ.എം.എ.യു.പി.എസ് കാരാത്തോട്/ക്ലബ്ബുകൾ/മലയാളം ക്ലബ്
പി.എം.എസ്.എ.എം.എ.യു.പി.എസ്, കാരാത്തോടിലെ മലയാളം ക്ലബിന്റെ പ്രവർത്തനങ്ങൾ മികച്ച രീതിയിൽ നടത്താറുണ്ട്.
മലയാളംക്ലബിന്റെ ഉദ്ഘാടനം എല്ലാവർഷവും പ്രമുഖ വ്യക്തികളെ കൊണ്ട് നിർവഹിപ്പിക്കാറുണ്ട്.
ദിനാചരണ പ്രവർത്തനങ്ങളിൽ മലയാളം ക്ലബിന്റെ സജീവ സാന്നിധ്യം ഉണ്ടാവാറുണ്ട്. ജൂൺ 19 വായനാവാരവും ബഷീർ ദിനവും സുഗതകുമാരിയുടെ ജന്മദിനവുമെല്ലാം വിപുലമായി ആഘോഷിച്ചു. ബഷീർ ദിനവുമായി ബന്ധപ്പെട്ടു നടത്തിയ " ശബ്ദങ്ങൾ" റേഡിയോ നാടകം മികവുറ്റ പ്രവർത്തനമായി. സാഹിത്യകാരൻമാരെ അഭിനയിച്ച വതരിപ്പിക്കൽ, കുട്ടികളിലെ സർഗ പരമായ കഴിവുകൾ പ്രോത്സാഹിപ്പിക്കുന്നതിനുള്ള രചനാമത്സങ്ങൾ എന്നിവ എടുത്തു പറയേണ്ടവയാണ്.
ഹൃദയഭാഷ -- എന്ന പേരിൽ കഥകളും കവിതകളും ഉൾപ്പെടുത്തി ഓരോ കുട്ടിയും ഒരു പതിപ്പ് തയ്യാറാക്കുക എന്ന പ്രവർത്തനം എല്ലാ കുട്ടികളെയും മലയാളം കൃത്യമായി എഴുതാനും വായിക്കാനും പ്രാപ്തരാക്കുക എന്ന ലക്ഷ്യത്തോടെ നടത്തി.
മലയാളം ക്ലബിന്റെ നേതൃത്വത്തിൽ എല്ലാവർഷവും ഒരു പഠന യാത്ര നടത്താറുണ്ട്. മലയാള ഭാഷാ പിതാവായ തുഞ്ചത്തെഴുത്തച്ഛന്റെ ജന്മദേശമായ തുഞ്ചൻ പറമ്പിലേക്കും , ബഷീറിന്റെ വീട്ടിലേക്കും നടത്തിയ പഠന യാത്ര അതിൽ ചിലത് മാത്രം.
വിജയഭേരിയ്ക്കായി തിരഞ്ഞെടുത്ത കുട്ടികൾ എഴുത്തും വായനയും കൃത്യമായി കരസ്ഥമാക്കിയാൽ അവരെ ഒരു പഠനയാത്രയ്ക്ക് കൊണ്ടുപോവാമെന്ന് വാഗ്ദാനം നൽകുകയും അങ്ങനെ പ്ലാനിറ്റോറിയത്തിലേക്ക് കൊണ്ടുപോവുകയും ഉണ്ടായി.
മലയാളം ക്ലബും വിദ്യാരംഗം കലാസാഹിത്യവേദിയും സംയുക്തമായി നടത്താറുള്ള കുട്ടീസ് റേഡിയോ പരിപാടി കുട്ടികൾക്ക് ഓൺ ലൈൻ വിദ്യാഭ്യാസ കാലത്തും സർഗാത്മക കഴിവുകൾ പ്രകടിപ്പിക്കാനും മാനസികോല്ലാസത്തിനും വഴിയൊരുക്കി.