നന്മയാം ഭൂമിയെ ക്രൂരമായി ,
കൊല്ലുന്ന മാനുഷാ നീയറിയുന്നുവോ ,
നിന്റെ ചെയ്തിയാം ഫലമായി ക്രൂരമാം വിധിയായി,
മഹാമാരിയായ് വന്നൊരു വിപത്തിനെ,
ശാസ്ത്രമതിനോമന പേരിട്ടു,
കോവിഡ്19 നും ,കൊറോണയെന്നും ,
ഭൂമിമാതാവിന്റെ നൊമ്പരം മാറ്റുവാൻ കഴിയുമോ മാനുഷാ;
നിൻ കർമ്മങ്ങൾക്ക്.
ജീവിതം ജീവിച്ചു കൊതിതീരും മുമ്പേ;
മറയുന്നു മായുന്നു നെഞ്ചിടിപ്പോടെ ,
ദൈവകരങ്ങളായ് സ്പർശമായ് ;
സാന്നിധ്യമായ്മാറുന്ന ഡോക്ടർക്ക് പോലും കഴിയുന്നില്ല ,
ശാസ്ത്രവും തോൽക്കുന്നു,
സമ്പത്തും തോൽക്കുന്നു,
ഈശ്വരശക്തിയും ഇടറിടുന്നു ,
എങ്കിലും മാനുഷാ നീ അറിഞ്ഞീടുക
സത്യവും നീതിയും മുറുകെപിടിക്കുക,
മാപ്പ് പറയുക പ്രാർത്ഥനയോടെ നീ:-
ഇരകളായിമാറി ജീവൻ പൊലിഞ്ഞ വർക്കായ്…...