നടുവട്ടം വൊക്കേഷണൽ ഹയർസെക്കണ്ടറി സ്കൂൾ,പള്ളിപ്പാട്/സ്പോർ‌ട്സ് ക്ലബ്ബ്

2024-'25 അധ്യയന വർഷത്തെ കായിക രംഗത്തെ മികവുകൾ ഒറ്റനോട്ടത്തിൽ

പ്രവർത്തനങ്ങൾ-2024-25

2024 ജൂലൈ 27 :

ഒളിമ്പിക്സിനെ വരവേൽക്കുന്നതിനും  ഒളിമ്പിക്സിൻ്റെ പ്രാധാന്യം വിദ്യാർത്ഥികളെ അറിയിക്കുന്നതിനുമായി ജൂലൈ 27 ന് രാവിലെ 9.30 ന് സ്പെഷ്യൽ അസംബ്ലിയിൽ കായിക അധ്യാപകൻ ഗോപീകൃഷ്ണൻ സാർ  കുട്ടികളോട് സംവദിച്ചു.

ഇതെ തുടർന്ന് എച്ച് . എം ഇന്ദു ടീച്ചർ, നമ്മുടെ കായിക താരങ്ങൾ എന്നിവരോടൊത്ത്  സ്കൂൾ ഒളിമ്പിക്സ് ദീപശിഖ തെളിയിച്ചു.

  വിദ്യാഭ്യാസ മന്ത്രിയുടെ ഒളിമ്പിക്സ് സന്ദേശം അസംബ്ലിയിൽ വായിച്ചു. രാജ്യത്തിന് മാതൃകയാകുന്ന രീതിയിൽ പ്രഥമ സ്കൂൾ ഒളിമ്പിക്സ് നവംബർ മാസം 4 മുതൽ 11 വരെ എറണാകുളം ജില്ലയിൽ നടത്തുന്നു.

പിന്നീട് നമ്മുടെ കായിക താരങ്ങൾ ദീപശിഖയേന്തി അധ്യാപകരോടൊപ്പം ഒരു മാരത്തൺ നടത്തി

ടഗ് ഓഫ് വാർ:

ആലപ്പുഴ ജില്ലാ ടഗ് ഓഫ് വാർ(വടം വലി )ചാമ്പ്യൻഷിപ്പിൽ  സ്വർണ മെഡലോടെ മൂന്നു വിഭാഗങ്ങളിലും നടുവട്ടം വൊക്കേഷണൽ ഹയർസെക്കൻഡറി സ്കൂൾ ചാമ്പ്യൻമാരായി.

  • ജില്ലയിലെ മികച്ച പ്രകടനത്തിന്റെ അടിസ്ഥാനത്തിൽ സംസ്ഥാന ചാമ്പ്യൻഷിപ്പിലേക്ക് നിസ്സി, കൃഷ്ണ രാജ്, അവാന, ഗോഗുൽ, സിജിൻ എന്നിവർ  തിരഞ്ഞെടുക്കപ്പെട്ടു.
  • എറണാകുളത്ത് നടന്ന കേരള സംസ്ഥാന ടഗ് ഓഫ് വാർ ചാമ്പ്യൻഷിപ്പിൽ ആലപ്പുഴ ജില്ലയെ പ്രതിനിധീകരിച്ച് വെങ്കല മെഡൽ നേടിയ നടുവട്ടം വൊക്കേഷണൽ ഹയർ സെക്കന്ററി സ്കൂളിലെ കായിക താരങ്ങളായ കൃഷ്ണരാജ്, നിസ്സി,പ്രഭ, അവാന..
  • സംസ്ഥാന ചാമ്പ്യൻഷിപ്പിലെ മികച്ച പ്രകടനത്തിന്റെ അടിസ്ഥാനത്തിൽ  സബ്ജൂനിയർ വിഭാഗത്തിൽ  അവാന, കൃഷ്ണാ രാജ് തുടങ്ങിയ കായികതാരങ്ങൾ ഉത്തർപ്രദേശിൽ നടന്ന ദേശീയ ചാമ്പ്യൻ ഷിപ്പിലേക്ക് തിരഞ്ഞെടുക്കപെടുകയും കേരളത്തിനുവേണ്ടി ഒന്നാം സ്ഥാനവും സ്വർണ്ണ മെഡലും നേടുകയും ചെയ്തു

ആട്യ പാട്യ:

 

ആലപ്പുഴ ജില്ല ആട്യ പാട്യ ചാമ്പ്യൻഷിപ്പിൽ സെക്കൻഡ് റണ്ണറപ്പാവുകയും അഭിരാം, ജോയൽ, ശ്രീഹരി തുടങ്ങിയ കായിക താരങ്ങൾ  കോഴിക്കോട് നടന്ന സംസ്ഥാന ചാമ്പ്യ ൻഷിപ്പിലേക്ക് ആലപ്പുഴ ജില്ലയെ പ്രതിനിധീകരിക്കുകയും ചെയ്തു

നെറ്റ് ബോൾ:

2024-25 അധ്യായന വർഷത്തിൽ  കേരള സംസ്ഥാന നെറ്റ് ബോൾ ചാമ്പ്യൻഷിപ്പിൽ  അനന്യ മോഹൻ- വെള്ളിമെഡൽ,ആദർശ് -വെള്ളി മെഡൽ, കാശിനാഥ് -വെങ്കല മെഡൽ, ദിയ സജി, അർച്ചിത-വെങ്കല മെഡൽ എന്നീ കായികതാരങ്ങൾ നേട്ടം കൊയ്തു

 
അനുശ്രീ, അതുല്യ, ധീരജ്, ആദിഷ്, അയനകായികാധ്യാപകനോടൊപ്പം

സൈക്കിൾ പോളോ:

സംസ്ഥാന സൈക്കിൾ പോളോ ചാമ്പ്യൻഷിപ്പിൽ പങ്കെടുത്ത് സീനിയർ വിഭാഗത്തിൽ സ്വർണമെഡലും സബ്ജൂനിയർ വിഭാഗത്തിൽ വെള്ളിമെഡലും ജൂനിയർ വിഭാഗത്തിൽ വെങ്കലമെഡലും കരസ്ഥമാക്കിയ നടുവട്ടം വൊക്കേഷണൽ ഹയർ സെക്കൻഡറി സ്കൂളിലെ കായിക താരങ്ങളായ  അനുശ്രീ, അതുല്യ, ധീരജ്, ആദിഷ്, അയന

ഉപജില്ലാ ജില്ലാതല മത്സരങ്ങൾ :

ഉപജില്ലാ ജില്ലാതല മത്സരങ്ങളിൽ അത്‌ലറ്റിക്സ്, ഗെയിംസ് വിഭാഗത്തിൽ ജാവലിൻ ത്രോ, ഹാമർ ത്രോ, ഹൈജമ്പ്, ഡിസ്കസ് ത്രോ, 1500mtr റേസ്, 200mtr റേസ്, പവർ ലിഫ്റ്റിംഗ്, വെയിറ്റ് ലിഫ്റ്റിംഗ്, വുഷു, തായ്ക്കൊണ്ടോ, സ്വിമ്മിംഗ്, നെട്ബോൾ, ടഗ് ഓഫ് വാർ, ക്രിക്കറ്റ്‌, ഫുട്ബോൾ, കബഡി, കരാട്ടെ തുടങ്ങിയ ഇനങ്ങളിൽ കായിക താരങ്ങൾ സമ്മാനങ്ങൾ നേടി

സംസ്ഥാനതല സ്കൂൾ ഒളിമ്പിക്സ്:

 

പ്രഥമ സംസ്ഥാനതല സ്കൂൾ ഒളിമ്പിക്സിൽ ടഗ് ഓഫ് വാർ,നെറ്റ് ബോൾ, പവർ ലിഫ്റ്റിംഗ്, വെയിറ്റ് ലിഫ്റ്റിംഗ്, സ്വിമ്മിംഗ് തുടങ്ങിയ ഇനങ്ങളിൽ കായികതാരങ്ങൾ പങ്കെടുത്തു, കൂടാതെ  ഇൻക്ലൂസീവ് വിഭാഗത്തിൽ  ഏഴാം ക്ലാസിലെ ആവണി  ജില്ലയിൽ നിന്നും ഒന്നാം സ്ഥാനക്കാരിയായി സംസ്ഥാനതലത്തിൽ പങ്കെടുത്തു

സംസ്ഥാന ത്രോബോൾ ചാമ്പ്യൻഷിപ്പ് :

തിരുവനന്തപുരത്ത് നടന്ന സംസ്ഥാന ത്രോബോൾ ചാമ്പ്യൻഷിപ്പിലേക്ക്  ആലപ്പുഴ ജില്ലയിൽ നിന്നും മികച്ച പ്രകടനത്തിന്റെ അടിസ്ഥാനത്തിൽ ഭരത്, അനുശ്രീ എന്നിവർ തിരഞ്ഞെടുക്കപ്പെട്ടു

ജില്ലാ ടെന്നിക്കൊയിറ്റ് ചാമ്പ്യൻഷിപ്പ് :

 

ആലപ്പുഴ ജില്ലാ ടെന്നിക്കൊയിറ്റ് ചാമ്പ്യൻഷിപ്പിൽ ഒന്നാം സ്ഥാനം നേടി മലപ്പുറത്ത് നടന്ന സംസ്ഥാന ചാമ്പ്യൻഷിപ്പിലേക്ക് യോഗ്യത നേടിയ  ഗൗരികൃഷ്ണ.


പ്രവർത്തനങ്ങൾ-2023-24

 
ദേവിശ്രീ ടെന്നിക്കൊയിറ്റ്
 
അഞ്ജന ബിജു, ബോക്സിങ്
 
സബ്ജൂനിയർ മിനി നെറ്റ് ചാമ്പ്യൻഷിപ്പിൽ സെക്കൻഡ് റണ്ണറപ്പ്  ആയ സ്കൂൾ ടീം


കൂടാതെ ഈ വർഷത്തെ അവസാന ഇനമായ ബേസ് ബോൾ ചാമ്പ്യൻഷിപ്പിനുള്ള സ്കൂൾ ടീം പരിശീലനം നടത്തി വരുന്നു.


2023 - 24 അധ്യയന വർഷം നമ്മുടെ വിദ്യാലയം കായിക രംഗത്ത് ഒട്ടേറെ നേട്ടങ്ങൾ കരസ്ഥമാക്കി.

ടഗ് ഓഫ് വാർ -ആലപ്പുഴ ജില്ലാ സബ് ജൂനിയർ, ജൂനിയർ, സീനിയർ വിഭാഗം ടഗ് ഓഫ് വാർ ചാമ്പ്യൻഷിപ്പിൽ നടുവട്ടം വൊക്കേഷണൽ ഹയർസെക്കണ്ടറി സ്കൂൾ ഓവർഓൾ ചാമ്പ്യൻഷിപ്പ് കരസ്ഥമാക്കുകയും പതിമൂന്ന് കായികതാരങ്ങൾ സംസ്ഥാന ചാമ്പ്യൻഷിപ്പിലേക്ക് തിരഞ്ഞെടുക്കപെടുകയും ചെയ്തു. സംസ്ഥാന ചാമ്പ്യൻഷിപ്പിലെ മികച്ച പ്രകടനത്താൽ നിസ്സി അന്ന സുജിത്ത് (9C) എന്ന വിദ്യാർത്ഥിനി ദേശീയ ചാമ്പ്യൻഷിപ്പിലേക്ക് തിരഞ്ഞെടുക്കപെടുകയും കേരളത്തിന്‌ വേണ്ടി സ്വർണമെഡൽ നേടുകയും ചെയ്തു.

 
ടഗ് ഓഫ് വാർ ടീം
 
നിസ്സി അന്ന സുജിത്ത് കോച്ചിനൊപ്പം


ആട്യ-പാട്യ : ആലപ്പുഴ ജില്ലാ സബ് ജൂനിയർ ആട്യ പാട്യ ചാമ്പ്യൻഷിപ്പിൽ ഫസ്റ്റ് റണ്ണർ അപ്പ് ആവുകയും ജില്ലാ ചാമ്പ്യൻഷിപ്പിലെ പ്രകടന മികവിൽ ഏഴ് കായികതാരങ്ങൾക്ക് തൃശൂരിൽ നടന്ന സംസ്ഥാന ചാമ്പ്യൻഷിപ്പിലേക്ക് തിരഞ്ഞെടുക്കപ്പെടുകയും സംസ്ഥാന ചാമ്പ്യൻഷിപ്പിൽ ആലപ്പുഴജില്ലക്ക് വേണ്ടി മൂന്നാംസ്ഥാനം നേടാനും കഴിഞ്ഞു.

 
ആട്യ പാട്യ ടീം

നെറ്റ് ബോൾ - ആലപ്പുഴ ജില്ലാ നെറ്റ് ബോൾ ചാമ്പ്യൻഷിപ്പിൽ നാലാം സ്ഥാനം നേടി..ജില്ലാ ചാമ്പ്യൻഷിപ്പിലെ പ്രകടനമികവിൽ മൂന്നു കുട്ടികൾ കാസറഗോഡ് നടക്കുന്ന സംസ്ഥാന ചാമ്പ്യൻഷിപ്പിൽ ആലപ്പുഴ ജില്ലക്ക് വേണ്ടി പങ്കെടുക്കാൻ തിരഞ്ഞെടുക്കപ്പെട്ടു..

 
നെറ്റ് ബോൾ ടീം


ഫുട്ബോൾ - ഹരിപ്പാട് ഉപജില്ലാ ജൂനിയർ ഫുട്ബോൾ ഗയിംസിൽ മൂന്നാം സ്ഥാനം നേടുകയും രണ്ട് കായികതാരങ്ങൾക്ക് ആലപ്പുഴ റവന്യൂ ജില്ലാ ഫുട്ബാൾ മത്സരത്തിലേക്ക് സെലക്ഷൻ ലഭിക്കുകയും ചെയ്തു..

 
ഫുട്ബോൾ ടീം

ചാമ്പ്യൻഷിപ്പുകൾക്കായുള്ള അത്‌ലറ്റിക്സ്, ബോക്സിങ്, ടെന്നിക്കൊയിറ്റ്, ബേസ്‌ബോൾ,കബഡി, ക്രിക്കറ്റ്‌ തുടങ്ങിയ കായിക ഇനങ്ങളുടെ പരിശീലനവും സ്കൂൾ മൈതാനത്ത് നടന്നു വരുന്നു..