തൃക്കണ്ണാപുരം വെസ്റ്റ് എൽ പി എസ്/ചരിത്രം

പാലേരി കുഞ്ഞിക്കണ്ണൻ മാസ്റ്റർ അദ്ദേഹത്തിന്റെ പകുതി അവകാശം ആ നോളിക്കുന്നത്ത് കുഞ്ഞിക്കണ്ണൻ മാസ്റ്റർക്ക് നൽകി. അമ്പൂട്ടി ഗുരിക്കളുടെ മരണശേഷം മകൻ ഇ.കെ. ചാത്തുക്കുട്ടി മാസ്റ്റർക്ക് പകുതി മാനേജ്മെന്റ് ലഭിച്ചു.ഈ അവസരത്തിൽ സ്കൂൾ കെട്ടിടം അപകടത്തിലാണെന്ന് മനസ്സിലാക്കിയതിന്റെ അടിസ്ഥാനത്തിൽ രക്ഷിതാക്കളും നാട്ടുകാരും ഒത്തൊരുമിച്ച് ഉച്ചമ്പള്ളി കൃഷ്ണൻ ഡ്രൈവറുടെ വീട്ട് വളപ്പിൽ താൽക്കാലിക ഷെസ്സ് കെട്ടി സ്കൂൾ പ്രവർത്തിച്ച് തുടങ്ങി. തുടർന്ന് നാട്ടുകാരും രക്ഷിതാക്കളും യോഗം ചേർന്നു .ഈ യോഗത്തിൽ ആ നോളിക്കുന്നത് കുഞ്ഞിക്കണ്ണൻ മാസ്റ്റർ തന്റെ അവകാശം ദാനമായി നൽകുന്നത് പ്രഖ്യാപിച്ചു.അങ്ങനെ നാട്ടുകാർ അന്നത്തെ SNDP യോഗം പ്രസിഡണ്ട് ശ്രീ പി.വി മുകുന്ദന്റെ പേരിൽ സ്കൂൾ ഏറ്റെടുത്ത് നടത്തുവാൻ അവകാശം നൽകി. സ്കൂളിന്റെ പ്രധാന കെട്ടിടം ശ്രീ പി.വി മുകുന്ദന്റെ ശ്രമഫലമായിട്ടുണ്ടായതാണ്. കോ മാനേജരായിരുന്ന ചാത്തുക്കുട്ടി മാസ്റ്റർ കറസ്പോപോണ്ടന്റ് അധികാരം തുടർന്നതിനാൽ അദ്ദേഹത്തിന്റെ പേരിൽ സ്കൂൾ തുടങ്ങുകയും ചെയ്തു. മരണ ശേഷം മകനായ വി കെ കരുണന് മാനേജ്മെന്റ് അവകാശം കിട്ടി. അദ്ദേഹത്തിന്റെ മരണശേഷം ഭാര്യ സി.കെ ജാനകിയാണ് ഇപ്പോഴത്തെ സ്കൂൾ മാനേജർ.1912ൽ സ്ഥാപിതമായ സ്കൂളിന്റെ ആദ്യത്തെ പ്രധാന അധ്യാപകൻ ഒതേനൻ ഗുരി ക്കളായിരുന്നു .പി .അമ്പുക്കുട്ടി, പി.കെ കുഞ്ഞമ്പു, കെ.ഗോവിന്ദ ൻ തുടങ്ങിയ അധ്യാപക ശ്രേഷ്ഠൻമാർ സഹ അധ്യാപകരായിരുന്നു. ഒതേനൻ ഗുരിക്കൾക്ക് ശേഷം സി.എം.കുഞ്ഞികൃഷ്ണൻ മാസ്റ്റർ , പി.കെ ചാത്തുക്കുട്ടി മാസ്റ്റർ, സി.പി.ഗോവിന്ദൻ മാസ്റ്റർ, 1974 മുതൽ 2006 വരെ ശ്രീ എ.എർ വിജയൻ മാസ്റ്റർ, 2006 മുതൽ 2009 വരെ ശ്രീ.സി .പി .വിനയൻ മാസ്റ്റർ എന്നിവർ വിദ്യാലയത്തിലെ പ്രധാന അധ്യാപകരായിരുന്നു. 2009 മുതൽ ശ്രീ.വി.നിധീഷ് പ്രധാന അധ്യാപകനായി തുടരുന്നു. ഈ കാലയളവിൽ സഹ അധ്യാപകരായി ഒട്ടനവധി പേർ സേവനമനുഷ്ഠിച്ചിരുന്നു. ഇപ്പോൾ 5 അധ്യാപകർ സേവനമനുഷ്ഠിച്ച് വരുന്നു .ഈ വിദ്യാലയത്തിൽ നിന്ന് നിരവധി വിദ്യാർത്ഥികൾ പഠിച്ച് സമൂഹത്തിന്റെ ഉന്നതങ്ങളിൽ എത്തിച്ചേർന്നിട്ടുണ്ട്.